ليه التعسف في التصحيح؟؟؟............لاتعليق

[روحاء هندسه]

نموذج اجابة امتحان اللغة العربية متعسف جدا لايقبل أي رأي غير واضعه (مع احترامي الشديد ليه)


المفروض اللغة العربيه فيها حاجات كتيرة اوي خاضعة للتذوق والرأي مش مجرد هي اجابة واحدة وخلاص


وكأن نموذج التصحيح مالوش أي هدف غير أنه يضرب الطلاب في مقتل وياخد منهم درجات ع الفاضي


وكأن برده واضع الامتحان وواضع اجابته تحدى الطلاب في شيء لايقبله المنطق ولا العقل


سياسة عقيمة في وضع الامتحان


وسياسة أكثر عقما في وضع الاجابة وتكليف الدرجات الكبيرة للأسئلة اللي احنا غلطانين فيها أكتر


بجد حسبي الله ونعم الوكيل


السنة اللي فاتت اتضربت في اللغة العربية بسبب تعسف مصحح برده (وياريته كان تعسف نموذج ) وماعنديش استعداد اتضرب تاني فيه


حرام اوي اوي يكون هناك اجابات متقاربة بشدة ويقبل فيها العقل رايين وتتمسك برايك بس (مش هقول فين حرية الفكر ؟؟)

لكن هقول عاوزيننا ازاي نفلح وانتو عاوزيننا نفكر بدماغ واحد في شيء المفروض له تذوق ووجهة نظر ويقبل العقل فيه مايقبل



اللغة العربية لغة أكتر من رائعة بس للأسف منهجها عندنا أكتر من عقيم (يعتمد على حشو دماغ الطلاب بما لايفيد والأكتر حظا هو الأكتر تجميعا في الدرجات )


وبعد كل دة للأسف لتعليق عندي سوى حسبي الله ونعم الوكيل


للي يضيع جهد طالب عشان هو شايف كدة...