|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
|
|
#1
03-05-2011, 04:39 PM
|
||||
|
||||
هو الحياء يا ناس .. على ناس و ناس؟؟
 الحيـــــــــــــاء زمان كان عندي نظرية أن الحياء لا يُفتعل ! يعني البنت ما تقدرش تتكلف أو تمثل أنها حيية لأنها بتبقى حاجة كده مخلوقة بها و تصرفاتها هي اللي بتعكس الحياء اللي عندها و الحياء هو اللي بيخليها تتصرف بأدب وتغض بصرها وتخفض صوتها و و و لأن ربنا هو اللي مطلع عليها وعلى قلبها ,,,,,, لكن ابتديت أعدل شوية في النظرية دي إلى أن درجة الحياء بتزيد كلما زادت درجة الإيمان لأن الحياء شعبة من شعب الإيمان فالإيمان هو اللي بيتحكم في حياءها مش بس فطرتها ولولا كده ماكانتش البغي أو حتى اللي كانت مقطعة الدنيا معاصي وانتكست فطرتها .. لما بتتوب وتحسن التوبة ماكانتش هتستحي أنه و لو ظفر من جسمها يظهر و نلاقيها بتسد على نفسها كل مداخل الذنوب بتاعة زمان زي حال الممثلات اللي بيتوبوا (توبة بجد) وفعلا بتبقى التوبة بالنسبة لها إنقلاب من حال إلى حال  سبحان الله الفترة اللي فاتت مريت بمواقف حسيت فيها بمعنى الحياء ده بمفهومه الفطري و الديني مواقف بتثبت لي كل فترة أن الحياء لو ماكانش ظاهر على شكل و لبس وسلوك البنت أو المرأة من برة ... فده معناه انه مالوش وجود من جوة ولو كان وشها بيحمر من أقل موقف ! لأن احمرار الوجه ده مش علامة فقط للحياء لكن برضو علامة مشتركة مع الخجل وفي فرق كبير بين الحياء و الخجل.. اقتباس: فسبب الخجل هو شعور بالنقص داخل الإنسان , فهو يشعر أنه أضعف من الأخرين وأنه لا يستطيع مواجهتهم حتى ولو لم يفعل شيئاً خطأ وهذا مختلف تماماً عن الحياء فالحياء شعور نابع من الإحساس برفعة وعظمة النفس فكلما رأيت نفس رفيعة وعالية كلما إستحييت أن تضعها في الدنايا الموقف الأول كنت راكبة مواصلة مع زوجي في وقت متأخر وقاعد قدامي بنتين (مش راكبين مع بعض) وقدامهم كنبة في مواجهتهم .. ولسه العربية بتملى فكان السواق ملتحي فنزل عشان ينظم دخول الناس المهم فقال للبنتين : واحدة منكم تقعد قصاد التانية (بحيث ما يبقاش اللي قاعد في مواجهتهم رجالة ويادوبك بينهم وبين بعض سنتيمترات) البنتين ولاااااا الهوا  ولا كأنهم سمعوه فسبحان الله جه في بالي .. اللي عندها حياء هتتكسف أصلا تستنى لحد ما يحصل كده أو حتى عالأقل هتشكر للسواق ده غيرته وهتستجيب لكن طناشها ده معناه أن الحياء مش في بالها أصلا المهم أنها تقعد مرتاحة .. واللي يخبط فيها يخبط ! أما بقى لو مزاجها رايق .. و واخد خبط فيها .. هتبقى ليلته النهاردة في قسم الشرطة! ليه؟؟ هو الحياء على ناس و ناس ؟ ولا على حسب المزاج؟ مثال تاني بنت لما يجي خطيبها يزورها وشها يضرب ألوان وتتكسف حتى تبص له وفي المقابل لا تتورع أنها تتفرج على المسلسلات وتبص للممثلين الرجال عادي هو الحياء على ناس و ناس ؟؟ والحياء من ربنا أنه يراني على معصية أولى بلاشك مثال كمان وللأسف منتشر في حياتنا كتير لما نلاقي ست كبيرة بتتساهل في الخطاب مع شاب مثلا في سن ابنها لمجرد أنها طبعا مش هتتزوج واحد في سنه وممكن لو بنتها تساهلت في الكلام مع ولد تزعق لها وتنهرها رغم أن هي وبنتها بيشتركوا في لفظ "امرأة" فحدود الكلام مع الرجال مش بيحكمها العشم والعرف لكن بيحكمها الدين أن ربنا لا يرضى أن امرأة تتساهل في الكلام أو تخضع في القول مع الرجال. وفي عالم المنتديات بس الحمدلله ماشفتوش في أحلى حياة : ) نلاقي مثلا عضوتين بيهزروا وبيحبوا في بعض في موضوع بيقراه شباب وبنات كان عجبني زمان تشبيه قريته قال كاتبه ما معناه: أن البنت اللي بتدخل منتدى فيه ولاد وبنات تتخيل أنها قاعدة في ميكروباص وقاعد قدامها و وراها ولاد أكيد وهي قاعدة في الميكروباص بتبقى واخدة بالها من نبرات صوتها ومن ضحكها عشان محدش يسمعها كذلك في المنتديات تاخد بالها من كلامها أنه مايكونش خضوع بالقول أو يثير فتنة عند الولد اللي بيقرأ مثال تاني في المنتديات نلاقي عضوة أو عضو مثلا بيكلم العضوة أو العضو المحترم المتحفظ في كلامه بطريقة محترمة جدا واللي بيهزر وقالبها شات .. يدووووس معاه ! كأن الحياء بتجزأ هو الحياء على ناس و ناس ؟ شئ برضو عجيب جدا لما بلاقي بنت بتتحرز في الكلام جدا مع واحد من قرايبها متزوج واللي مش متزوج بقى تاخد عليه وتهزر وتتباسط في الكلام نقول كمان : هو الحياء على ناس و ناس؟ مثال أخير بنتين صحاب مثلا سارة و نانسي .. و سارة لها أخ صغير وتمر على صحبتهم سنين والأخ الصغير يكبر و "يبلغ" لكن لسه نانسي مش مستوعبة أن "الشاب" ده بيكبر و شهوته بتكبر معاه .. فلسه بتتساهل قدامه في الحجاب وتهزر معاه بالايد على أساس ده فلان الصغير اللي كنا بنشيله ونلعب معاه !! لاء في زماننا ده مابقاش في لفظ اسمه "صغير" و "زي أخويا" الرجل هو الرجل والأطفال بيفهموا كل حاجة وعندهم الغريزة لكن بتكبر معاهم وشهوة الرجل -على عكس الست- بتفضل موجودة حتى لو عنده 60 سنة !! الحجاب و الحياء زي ما كنا قلنا في الأول أن وجود الحياء في الشكل الظاهري دليل على وجوده في الباطن يعني سبحان الله علماء الدين عاملين في كتب الفقه تفصيلات للبس المرأة قدام المرأة .. ولبس المرأة قدام المحارم فهل يعقل أن لبس المرأة قدام الرجال الأجانب أصلا يبقى شبه لبسها قدام المحارم ؟؟ يتبقى بس نعرف معنى الحياء بحيث نربط كل حاجة في حياتنا بمفهوم الحياء الحياء معناه : خلق يبعث على ترك القبيح ويمنع من التقصير في حق ذي الحق. أو هو الامتناع عن فعل ما يُعاب. يعني خلق يخلي الواحدة تترك وتتعفف عن فهب كل ماهو قبيح ولا شك أن ربنا عز وجل أولى بالتقوى= أنها تترك كل ما يغضب الله سبحانه وتعالى من قول أو فعل وكذلك هو خلق يخليها ماتحطش نفسها في موضع شبهات أو موضع يجيب عليها كلام من الناس أو يظن فيها سوء. فعايزين هنا إن شاء الله نلقي الضوء على لمحات معينة ننبه فيها أختنا الحيية الطيبة من باب الأخذ بالأسباب عشان تحقق الخلق ده في نفسها وتكون دعوة لغيرها بالتزامها به.. لو توهتي في مكان ومضطرة تسألي حد في الشارع تحري في الأول أنك تسألي أي سيدة ماشية في الشارع تدلك على الطريق منها أنك بتعودي نفسك ماتكلميش أي راجل إلا لضرورة أو حاجة ومنها عشان توهانك ده مايطمعش الراجل اللي هتسأليه فيكي لو لاقدر الله كان راجل مش كويس كنتي واقفة في محل بتشتري حاجات الأول تحري أن اللي تتعاملي معاها بنت .. مالاقيتيش خلاص قدرك تتعاملي مع صاحب المحل ولو معاكي ابنك أو أخوكي أو حد من محارمك الافضل هو اللي يدخل ويتكلم واحد خبط على الباب (محصل الكهربا أو الغاز) وكنتي لوحدك الأفضل ماتفتحيش و شوفي أنتي قراءة العداد واكتبيهاله في ورقة و مرريها من تحت الباب لو اضطريتي تفتحي له.. فاخرجي برة الشقة لحد ما يدخل يشوف القراءة وادخلي لما يخرج دخلتي محل تشتري حاجة ولقيتي فيه شاب واقف لوحده طبعا غض البصر أول حاجة يعني ماشي بتكلميه بس عينيكي في حتة تانية كلامك يكون على الأد و واضح ما تتلجلجيش ولا تتلعثمي في كلامك لأن ده بيعطي للشاب اللي قدامك انطباع مش كويس يكون كلامك زي ما ربنا أمرنا (بالمعروف)
__________________
 |
|
#2
03-05-2011, 05:33 PM
|
||||
|
||||
بسم الله ما شاء الله كلام سليم جداً .. وياريت كل بناتنا يسمعوه لإن الصراحه الحياء في الأيام دي نادر ربنا يهدينا يارب بارك الله فيكِ .. وجزاكِ خيراً
__________________
اللهُم’ إجعَل نَفسي نَفساً طَيبة’ , مُطمَئنة’ , طَائعة’ لك’ , تُؤمن’ بِ| لقَائك’ , تَرضى’ بِ| قَضائك’ , تَقنع’ لِ| عَطائك’ , ولا حَول’ ولا قُوة’ إلا بك’ ..  |
|
#4
07-05-2011, 10:10 PM
|
||||
|
||||
__________________
ربي لا تجعل في قلبي حبا إلا لك
ولا تعلق قلبي إلا بك |
|
#6
11-05-2011, 12:58 PM
|
||||
|
||||
|
بسم الله ماشاء الله
جزاكى الله خير فعلا موضوع مهم جدا اللهم اهدى كل بنات المسلمين
__________________
تباركت يا ذا العظمة و العلم و الحكمة كيف لا نعبدك وقد سجدت لك الأرض و السموات؟ و كيف لا نخشاك وعذابك في لمح البصر يجعل الديار خرابا؟ و كيف لا ندعو إليك وأنت الذي بددت بنورك سحب الظلام والأوهام؟ فاهدنا بفضلك صراطك المستقيم
|
|
#7
31-07-2011, 02:41 PM
|
||||
|
||||
|
جزاكم الله خيرا كثيرا
ربنا يرزقنا الهدايه والثبات جميعا
__________________
|
| العلامات المرجعية |
«
الموضوع السابق
|
الموضوع التالي
»
| أدوات الموضوع | ابحث في الموضوع |
| انواع عرض الموضوع | |
العرض المتطور
|
|
جميع الأوقات بتوقيت GMT +2. الساعة الآن 08:42 PM.
