العلاوة ماتت ......... الجنازة ستشيع من مجلس الشعب ......... والعزاء في 1/7ر/ 2009م

[توفيق رفعت عجيز]

بعد قراءتي لصحف االليوم وطبعاً الرسمية ( الاهرام ـ الجمهورية) وتأكيد صحة خبر الـ 5 % صدمت وقلت في نفسي لو لم يكن هناك علاوة كان احسن بل وجدت في صدر جريدة الجمهورية صفحة تتحدث عن العلاوة وكان المحرر بيقول احمدوا ربكم علي انكم اخذتم شيء .
لماذا الان يتغنون بالازمة المالية العالمية
وعندما تكون االامور جيدة والماليات العالمية جيدة لا نري شيء
اين الحكومة من ارتفاع الاسعار برغم تدهور الاسعار عالميا ؟
طبعا مصر المحروسة الاسعار بترتفع فيها مع الارتفاعات العالمية لكن عندنا في حاجة غريبة نرتفع مع العالمية ولا ننخفض معها؟
انا لا افتري علي الحكومة اي عضو بالمنتدي عليه يعمل مقارنة بين سعر اي سلعة العام الماضي وسعرها الان
ان لم ترتفع هذه السلعة ستجدها لم تنخفض.
عموما البقاء لله في العلاوة السنة دي .
مثلي سيرتفع مرتبة في حدود عشرة جنيهات بالعلاوة الدورية ايضاً.
ممكن حد يسلفني برواز وقطعة زجاج ابروز العشرة جنية واعلقها علي الحائط واكتب عليها البقاء لله العلاوة ماتت

[عاشقة الموج]

فكرتنى ال 10 جنيه بأغنية معانا ريال معانا ريال نروح اوام عل البقال .......... و سرحت ..... و سرحت
العشرة جنيه تجيب ايه دلوقتى أفكر الآن بشراء ( شنطة +حذاء +طقم الواحد يصيف فيه+أدفع كل الفواتير المتأخرة +أسدد جزأ من الديون التى تراكمت طول العام+ وأدفع الدروس لابنتي لأن المدرسين كثفوا الشهر ف 2+و............ + و.............. +و............. +و ........ الخ )
الله معنا ربنا يبارك فيهم معاك أستاذ العلاوة ماااااااااااااااااااااااااااااااااااااااااااااااتت

[مستر محمد سلامه]

لنا الله !!!!!!!!!!!!!!

[فتحى فارس محمد مرزوق]

الحمد لله على كل حال والارزاق بيد الله سبحانة وتعالى
والعلاوة لا تسمن ولا تغنى من جوع والفرج ات لا محالة طالما اننا نتوكل على الحى الذى لا يموت

[محمدمصطفى مصطفى]

المشاركة الأصلية كتبت بواسطة fathi_124

الحمد لله على كل حال والارزاق بيد الله سبحانة وتعالى
والعلاوة لا تسمن ولا تغنى من جوع والفرج ات لا محالة طالما اننا نتوكل على الحى الذى لا يموت

كلام جميل جدا شكرا لك

[جمال سراج]

بالتاكيد مش مهم تكون العلاوة كام - لكن مهم ثبات الاسعار
ممكن سلعة واحدة زى ما حصل تلتهم اى علاوة
مش مهم الزيادة اد ما مهم البركة
مهم جدا ان نكون قلبنا على بلدنا
مهم جدا انه يكون عندنا انتماء للبلد اللى خيرها علينا
بلاش كلام لا يودى ولا يجيب واشمعنا انا وانا اللى هاغير وانا اللى هبقى شريف والكلام الفارغ ده!!!!!!!!!
ماهو اصل لو كل واحد مبداش بنفسه الدنيا مش هيصلح حالها- ملكش دعوة بحد تانى!!!!!!!!!!
ربنا اللى هيحاسبنا فى الاخر وهيحاسب على الصغيرة قبل الكبيرة- اعلم هذا - لان فيه ناس كتير عارفة وماشية مع الزفة او بتستهبل يعنى!!!!!!!!!!!
كويس قوى ان بلدنا ماشية كدا فى ظل الازمة العالمية والمفروض نكون قلبنا عليها - لازم الامور كلها تمشى ومنبقاش انانيين عاوزين زيادة وخلاص
كلنا محتاجين مفيش كلام لازم مصلحة مصر وحب مصر فوق كل اعتبار

بلادى بلادى لكى حبى وفؤادى
تحياتى واحترامى للجميع

[فتحى فارس محمد مرزوق]

كل واحد بيتكلم حسب الدخل اللى داخل لة المدرس اللى بيدى دروس بالاف لا يهمة العلاوة 5 او 10 وعجبى

[aaahmad]

اللـــــــــــــــــــــــــــــــــــــــــه أكــــــــــــــــــــــــــــــــــبر

[سارة عبودة]

عصر الرويبضه

[السندباد المصري]

الحمد لله على كل حال والارزاق بيد الله سبحانة وتعالى
يمكن التجار يحطوا في عينيهم حصوة ملح وما يغلوش الاسعار تاني

[ياسر جلال]

الحمد لله على كل حال

[توفيق رفعت عجيز]

عموما التجار مش هيحطوا في عيونهم حصوة ملح دول هيحطوا في جيبوهم العلاوة وفوق منها كمان

[t_orabi]

تكروا العام الماضى عندما تمنينا عدم وجود علاوة ال 30%
أعتقد أنها 5% أفضل بكثير من زيادتها وزيادة الأسعار أكثر وبعدين أنتم ناسيين زيادة الكادر ولا أيه
(الحمد لله على كل حال ونعوذ بالله من حال أهل النار)

[جمال سراج]

المشاركة الأصلية كتبت بواسطة t_orabi

تكروا العام الماضى عندما تمنينا عدم وجود علاوة ال 30%
أعتقد أنها 5% أفضل بكثير من زيادتها وزيادة الأسعار أكثر وبعدين أنتم ناسيين زيادة الكادر ولا أيه
(الحمد لله على كل حال ونعوذ بالله من حال أهل النار)

دا عين العقل
والله لو مفيش زيادة خالص والاسعار تثبت يكون افضل
هتشوفوا الاسعار هيجرالها ايه!!!!
شكرا لرجاحة عقلك
بارك الله فيك وفى الجميع

[توفيق رفعت عجيز]

طيب مش ناسين الكادر طيب والناس ايلي لا اخدوا كادر ولا اخدوا حافز المحليات يفتكروا ايه؟