طريقه عمل الفول والفلافل المصريه

[توته_ غنا]

السلام عليكم ورحمة الله وبركاته

الطريقة هي للأخت نور الهدى

مقادير الطعميه(الفلافل)
2 كوب فول مدشوش اللى هو ***** القشره ومقطوع نصفين نكون نقعينه فى ماء من بالليل
نص حزمه كزبره خضراء
نص حزمه بقدونس اخضر
بصله
حوالى اربع فصوص توم
كزبره ناشفه كمون ملح
ملعقه بيكربونات الصوديوم او ممكن بيكنج باودر
سمسم

فى طبق نقطع البصل و نخلط البقدونس والكزبره والتوم بعد تقطيعهم

نضع الخليط فى الكبه ونفرمه

وهذا بعد فرمه اول مره بيكون خشن نوعا ما

نعيده للكبه مره اخرى وهنا نضيف ملعقه الكمون وملعقه الكزبره الناشفه وملح وحوالى ملعقتين او تلاته ماء ليس اكتر ونفرم حتى يصبح شكل الخليط هكذا

بعد ذلك نضعه فى الفريزر فى اكياس وعند القلى نجهز الكميه اللى احنا عوزنها ونضيف عليها ربع ملعقه صغيره بيكنج باودر او بيكربونات الصوديوم ونقلب ونشكل العجينه ونضع على الوجه سمسم للتزيين ونقليها فى الزيت وهذا شكلها بعد القليه وقليت باذنجان وبطاطس وبيض مسلوق

وصوره اخرى

وطبعا مننساش طبق المخلل

وبالنسبه للفول المدمس مقاديره
4 اكواب فول متنقى ومغسول ومنقوع ليله كامله
تلات ملاعق عدس اصفر
تلات ملاعق رز مصرى
اربع فصوص توم
3 حبات طماطم مقطعه اربع
ماء
انا نقعت الفول قبلها بيوم وبعدين وضعت كل المقادير مع بعض فى حله الضغط لان مكنش عندى دماسه الفول وغطيته بماء وتركتها عالنار ساعتين بالظبط وفتحت عليها وانتظرت لما الفول برد عبيته فى اكياس بلاستيك ووضعته فى الفريزر وجهزت طبق وضعت عليه ملح كمون ليمون وزيت زيتون وهذا شكله