|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
|
#1
11-07-2009, 09:08 AM
|
||||
|
||||
بشرى غير سارة
نقلا عن جريدة الجمهورية فى عددها الصادر لهذا اليوم السبت الموافق 11 يوليو 2009
الجمل يعلن أسماء أوائل الثانوية غداً.. ولم يحصل أحد علي الدرجات النهائية كتب - سيد جاد ومجدي طنطاوي: يعلن د.يسري الجمل وزير التربية والتعليم غداً أسماء أوائل الثانوية العامة الثلاثين للشعب الثلاث "علوم رياضة أدبي" بعد مراجعة اللجنة العليا لمستشاري المواد لأوراق الإجابة الخاصة بهم وإعداد الكشوف النهائية بأسماء الأوائل.. علمت "الجمهورية" أن طلاب قطاع القاهرة يتصدرون المراكز الأولي لشعبة العلوم وتساوي عدد كبير من طلاب قطاعات القاهرة والإسكندرية والمنصورة في شعبة الرياضة وتفوق أبناء قطاع أسيوط بشعبة الأدبي وأن أوائل القطاعات الأربعة لم يحصلوا علي الدرجات النهائية وتتراوح درجات الأوائل "علوم" بين 407 و409.5 والرياضة 407.5 و409 والأدبي 406.5 و408.5 درجة. كما حصل أكثر من 45 ألف طالب علي 95% فأكثر. أصدر الجمل تعليمات مشددة لرؤساء الكنترولات والمشرفين بعدم تسريب النتيجة لأي طالب حتي لا يتعرضون للمساءلة القانونية حفاظاً علي مبدأ تكافؤ الفرص بين الطلاب. من ناحية أخري سحب أمس 15 ألف طالب وطالبة بالثانوية العامة بطاقات اختبار القدرات من مكتب التنسيق الرئيسي وفروعه بالمحافظات. بصوا ياشباب مصر لى بعض الملاحظات السريعة 1- أولا عمره م حصل قبل كده وطلعت نتيجة الثانوية بعد انتهاء الامتحانات بأسبوع كانت قبل كده بعدها ب20 يوم على الأقل 2- أنا بابا مدرس فلسفة وبيصحح فى قطاع المنصورة لكم أن تتخيلوا بيخرج من البيت الساعة السادسة صباحا ولايعود الا الساعة التاسعة مساءا وبيقول أنهم مش بيخدوا فترة راحة سوى ساعة واحدة فقط لأن طبعا معلمينا خارقين وبمقدرتهم العمل أكثر من 12 ساعة متواصلة وبنفس الكفاءة 3- محدش يزعل من النتيجة اللى هتظهر يوم الاتنين دى لأن التصحيح سلق بيض واعذرونى بس مش لقى غير اللفظ ده يعنى سمك 00 لبن 00 تمر هندى بس بردوا مش لازم نحمل أخطائنا للغير كل واحد أدرى هو عمل ايه أخيرا بوجه رسالة لسيادة وزير التربية والتعليم وأقوله حضرتك مش معنى أنك عايز تعمل امتحانات الدور التانى قبل رمضان أنك تضيع مجهود طلبة تعبوا طول السنة ازاى نتيجة الأوائل تظهر بكره وهما أصلا لسه مش خلصوا تصحيح مادة زى الفلسفة وفى النهاية اللى تشوفه حضرتك صح اعمله
__________________
|
|
#3
11-07-2009, 09:24 AM
|
||||
|
||||
|
اقتباس:
والله أنا يعنى مش بقت تفرق معايا الحمد لله عملت اللى عليا وخلاص بس كنت عايز أعرف الناس أن اللى بيحصل ده حرام والله العظيم حرام وفى النهاية الحمد لله على كل حال وكل اللى يجيبه ربنا كويس وزى ماقلت قبل كده ده نصيب وقدر مكتوب للانسان حتى قبل أن يولد أويأتى لهذه الدنيا فلماذا الاعترااااااااااااااااااااااااااااض الحمد لله الذى لايحمد على مكروه سواه وربنا يخليك لينا ياسعادة الوزير
__________________
|
|
#4
11-07-2009, 09:49 AM
|
||||
|
||||
|
بص يا احمد
لو مدرس عنده ضمير فى التصحيح هيصحح فى يومين زى ما هيصحح فى 10 ايام وبالمثل لو واحد مش عنده ضميير نفس السيناريو هيتكرر مش هيتغير واظنها مش فارقه اوى 13/7 من 15/7 زى كل سنه يعنى المدرسين تقدر تنضغط فى اليومين دول واخيرا .. اسأل والدك العزيز هيقولك ان التصحيح كويس والدرجات معظمها حلو
|
|
#5
11-07-2009, 09:57 AM
|
|||
|
|||
|
اقتباس:
ويجب ان ننظر للجانب المضئ و النص المليان من الكوب لان السنة دى مفيش غير المرحلة التانية تقريبا يعنى مفيش وراهم غيرنا و الله المستعان و نكون فى مقدمة ال 45 الف
|
|
#6
11-07-2009, 09:58 AM
|
||||
|
||||
|
اقتباس:
بس بص أكيد الضغط اللى بيتعرض له الانسان أى انسان بيقلل من كفاءته ومقدرته ولازم الراحة لأى انسان هقولك بابا كان قبل كده بيصحح لمدة 10 أيام دلوقتى هو بيقول أنه هيخلص النهارده يعنى كده 6 أيام بتقول ياأحمد أنها بتظهر كل سنة 15-7 عارف ده كويس بس الامتحانات كانت بتكون خلصت قبل التاريخ ده بكتير امتحانتنا احنا كانت متأخرة يعنى السنة اللى فاتت انتهت الامتحانات يوم 1-7 السنة دى انتهت يوم 6-7 يعنى فرق 5 أيام وتظهر بردوا النتيجة بدرى عن السنة اللى فاتت وعن كل سنة طيب ازاى شكرا جزيلا لردك
__________________
|
|
#7
11-07-2009, 10:04 AM
|
||||
|
||||
|
اكيــــــد معاك فى النقطه دى
بس صدقنى معظم اللى بيصححوا بيكون ابهات وخايفين على مستقبل الطلبه ونروح بعيد ليه . . . اسأل والدك العزيز ازاى هو بيصحح وافترض ان كل المدرسين زى والدك واكيد ربنا مش هيضيع مجهود حد تعب وان شاء الله كلنا نجيب درجات كويسه واعلى مما نتوقعه
|
|
#8
11-07-2009, 10:11 AM
|
||||
|
||||
|
اقتباس:
بس على فكرة كان فيه حاجة هو مقياس أن ربنا مش ضيع تعبى أنى أجيب المجموع اللى انا عايزه وادخل الكلية اللى أنا عايزه كنت عايز أعرف رأيك فى النقطة دى لأنها هامة جدا ان شاء الله فى النهاية خير ان الله لايضيع أجر من أحسن عملا ربنا يوفقك ياأحمد ويوفقنا كلنا
__________________
|
|
#9
11-07-2009, 10:32 AM
|
||||
|
||||
|
لا طبعا مش هو ده المقياس
و صدقنى .. انا لما اجى ادعى ربنا مش بقول " يارب اجيب كذا% " أو " يارب ادخل كلية كذا " ولا عمرى طلبت من حد انه يدعيلى بدعوات زى دول انا كل اللى بدعيه ان ربنا يكتبلى الخير فى الحاجه اللى يختارهالى لدرجة انى لسه مش مقرر ادخل كلية ايه يا ريت تدعيلى انت كمان بكده ربنا يوفقك
|
|
#10
11-07-2009, 10:36 AM
|
||||
|
||||
|
يارب يكتب ليك ولينا الخير فى الحاجة اللى يخترها لينا
__________________
|
|
#15
11-07-2009, 12:07 PM
|
||||
|
||||
بصوا يا جماعة ربنا عمرة مهيضيع تعبى ولا تعب اى حد ذاكر وربنا هيستر ان شاء الله وادعولى ادخل صيدلة
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 12:15 AM.
