ارحمونا من ظلم الموجه الاول بحلوان

[ياسرعمر970]

ارحمونا من ظلم الموجه الاول بحلوان
ارحمنا يا سيادة الوزير من ظلم الموجه الاول للغة العربية بادارة حلوان التعليمية فهو ينقل وينتدب الى الثانوى الفنى من لا يدفع له الاتاوة ومن يدفع يبقى فى مدرسته الاعدادى حتى ولو كان هو اقدم واحد فى الادارة يوجد اعداد كبيرة من المدرسين قدامى التخرج والتعين لم يتم تحريكهم من مدارسهم منذ فترة طويلة لانهم يدفعون الاتاوة او الهدايا كما يسميها الموجه اما من لا يستطيع الدفع لضيق ذات اليد برغم انه احدث من كل الناس يتم اخراجه من مدرسته بحجة حاجة العمل اشمعنى اللى مبيدفعش بس هو اللى يترك مدرسته مع ان الدور مش عليه فى الانتداب والذى عليه الدور اصلا ما يخرجش ابعت لجنة يا سيادة الوزير للموجه تحصر كل الاسماء واقدميتهم والمنتدبين منهم والغير منتدبين هتلاقى كلامى صح وخذ لى حقى انا وكتير مثلى علشان نشعر بالعدل فى عهدك وفقك الله لما فيه الخير

[صفوت داود]

ارسل فاكس لمكتب الوزير ومدير المديرية الجديد

[ياسرعمر970]

مش عارف الاميل او الفاكس بتاعهم يا ريت اعرفهم

[D.Ayman Hassan]

قلبك ابيض

احتسب عند الله

[نوران 2020]

الحل بسيط جدا تتوكل على الله وتقوم تصلى الفجر جماعة
وتدعى على الموجه ده لو كان ظالمك وشوف نتيجة دعوتك ايه والنبى تبقى تقولى النتيجة
انا عن نفسى اللى بيظلمنى بعمل كده ودى كررتها عدة مرات ونفعت والله 100فى 100

[محمدعلى2]

انا زميلى قال لى إنه دفع للموجه الاول ده 500 جنيه علشان يسيبه فى مدرسته يعنى لو فى الادارة 1000 مدرس يدفعوا 500 جنيه
يبقى الموجه معاه نصف مليون جنيه فى السنة _ حلال ده ولا حرام ؟ بيمصوا دم المدرسين الغلابه فين الوزير من ده كله ؟

[فاطمةالزهراء22]

حسبنا الله ونعم الوكيل فى الموجه الاول للغة العربية لكل ظالم نهاية ابشر بقرب نهايته إن شاء الله

[tena]

وعندنا موجه عام برده كده بتاع رياضيات فى محافظة الغربية

[tena]

موجه عام الرياضيات بالغربية بيبدهل المدرسات ويشحططهم وهذه سعادة بالنسباله وربنا على المفترى

[البدري الفارس]

المشاركة الأصلية كتبت بواسطة محمدعلى2

انا زميلى قال لى إنه دفع للموجه الاول ده 500 جنيه علشان يسيبه فى مدرسته يعنى لو فى الادارة 1000 مدرس يدفعوا 500 جنيه

المشاركة الأصلية كتبت بواسطة محمدعلى2

يبقى الموجه معاه نصف مليون جنيه فى السنة _ حلال ده ولا حرام ؟ بيمصوا دم المدرسين الغلابه فين الوزير من ده كله ؟

هذا كلام كذب ولا صحة له على الاطلاق واتحدى اي شخص يثبت أن هذا الموجه أخذ مليم من مدرس لنقله انا مدرس وأعرف هذا الرجل ولكن ليس معرفة شخصية أو لمصلحة فليس لدي مصلحة عنده ولكن كل الكلام المذكور عنه ظلم
وطالما أن الأخ العضو ذكر جملة موجه أول اللغة العربية بحلوان فكل من يدخل على الموقع وخاصة من حلوان سيعرف من يقصد وفي ذلك إساءة بدون دليل

[مؤمن قوى]

اللى ما عاشرتوش تبقى ما تعرفوش وانت بتقول انك ماتعرفوش شخصيا فكيف تكون متاكدا من نزاهته ؟ خاصة وان الكثيرين يقولوا عكس ذلك وان عمله تشوبه الشبهات و انه لا ينتدب المدرسين بحسب الاقدمية المطلقة ولكنه يمييز ويفاضل وينحاز لناس على حساب ناس ( اكيد مش لوجه الله ) وإن كان بينتدب عشوائى من غير نظام فده ظلم شديد وفساد للتعليم ويجب عليه ترك مكانه لمن يحسن تنظيم العمل بدون ظلم لاحد وقديما قالوا (مفيش دخان من غير نار )اكيد هو مخطئ يجب الاعتراف بذلك

[علىعليوة1]

الموجه الاول بحلوان انا اعرفه من زمان ايام ما كان بيوجه على فى المدرسه وكان ظالم وضحك على وقالى هتروح سنه واحده فى الثانوى وبعدين ترجع الاعدادى تانى ثم تركنى كذا سنه وكنت خايف اديله فلوس ليعمل فيها شريف ويكسفنى يا ريتنى اديته من زمان ووفرت على نفسى السنين اللى ضاعت من عمرى الله يسامح الموجه الاول وينتقم منه ويولى من يصلح بعده

[محمدعلى2]

انا سألت زميلى وحلفته وأكد لى أنه دفع فلوس للموجه الاول علشان يسيبه فى مدرسته وطلبت منه ان ازكر اسمه لكنه خاف من بطش الموجه وظلمه وقالى إنه هيوديه وراء الشمس لو قال حاجه وحلفنى الا اقول شئ علشان كده انا هاسكت والله حليم ستار ( بس نفسى الموجه يقسم معايا الفلوس اللى بياخدها من الناس )

[محمد حسين الشربينى]

يا اخويا كلهم كدا
ربنا عليهم دا الموجه شغلته مش التوجيه على المدرسين
لا شغلتهم اكتشاف العيوب و فضحها وعمره ما بيقف مع المدرس بتاعه
وحسبنا الله ونعم الوكيل
أصلهم كلهم يا اخويا اصلا بدون مؤهلات
ولو فيهم حد بمؤهل بيكون دبلون متوسط
ومرة اخرى
حسبنا الله ونعم الوكيل

[الاسد الحازم]

لا داعي للزعل واحتبه عند الله