تبرعت للصومال بفضل الله تعالى

[Observer]

ذهبت اليوم إلى بنك مصر للتبرع للصومال ولا أعرف أى شئ أو رقم الحساب اللى المفروض اتبرع عليه ومش فاتح حساب فى البنك. سألت واحد فى البنك عايز اتبرع للصومال فشاورلى على شباك ولما رحت طلبت منى الموظفة المبلغ اللى هتبرع بيه وكتبت إيصال ودفعت فى الخزينة فى أقل من دقيقتين مع إن البنك كان مليان ناس وعدد كبير منتظر دوره لكن سبحان الله تيسير كبير وأخذت نسخة مختومة من الإيصال.
التبرع كان لحساب لجنة الإغاثة الإنسانية (الصومال)
ورقم الحساب 141/240/16564

عايز أقول يا جماعة إن التبرع ده واجب علينا وإجراءاته سهلة جداً عكس ما كنت متوقع (أى فرع لبنك مصر) أو غيره من البنوك، تبرعنا بأى مبلغ حتى لو شايفينه تافه هينقذ روح إنسان (ومن أحياها فكأنما أحيا الناس جميعاً) وهتحس بإحساس داخلى جميل وربنا يتقبل
ربنا يفك أزمتهم ويشفى مرضاهم ويذهب عنهم الحزن والبلاء آمين.

[Observer]

[راجى طاعة الرحمن]

جزاك الله خيراً وجعله فى ميزان حسناتك

[Observer]

المشاركة الأصلية كتبت بواسطة mr.reader

جزاك الله خيراً وجعله فى ميزان حسناتك

اللهم آمين يارب العالمين

[amalsayed]

انا اتبرعت ب5 رسائل من على الموبيل هو دة اللى قدرت اعمله علشان معرفتش اروح البنك وبضم صوتى للاستاذ محمد وبدعو الناس كلها تتبرع للصومال لان فعلا واجب علينا كلنا

[Observer]

المشاركة الأصلية كتبت بواسطة amalsayed

انا اتبرعت ب5 رسائل من على الموبيل هو دة اللى قدرت اعمله علشان معرفتش اروح البنك وبضم صوتى للاستاذ محمد وبدعو الناس كلها تتبرع للصومال لان فعلا واجب علينا كلنا

جزاكى الله كل خير وان شاء الله فى ميزان حسناتك
الفكرة ان الناس دى محتاجة أى شئ أى شئ عشان تعيش
وربنا يوفق الجميع لفعل الخير

[طالبة المعالى]

جزاك الله خيرا وجعله الله فى موازين حسناتك

[Observer]

المشاركة الأصلية كتبت بواسطة طالبة المعالى

جزاك الله خيرا وجعله الله فى موازين حسناتك

اللهم آمين .. وشكراً مرورك الجميل طالبة المعالى.

[نووونا]

جزاك الله كل خير
بصراحه انا كنت عايزه اعرف اتبرع ازاي
فشكرا لحضرتك علي فكرة البنك
بس انا مكسوفة لان المبلغ اللي هقدر اتبرع بيه صغير جدا
ممكن نتولي اقل حاجه ممكن اتبرع بيها كام
علشان بصراحه بتحرج اوي؟

ياريت حضرتك ترد عليا

[Observer]

المشاركة الأصلية كتبت بواسطة نووونا

جزاك الله كل خير
بصراحه انا كنت عايزه اعرف اتبرع ازاي
فشكرا لحضرتك علي فكرة البنك
بس انا مكسوفة لان المبلغ اللي هقدر اتبرع بيه صغير جدا
ممكن نتولي اقل حاجه ممكن اتبرع بيها كام
علشان بصراحه بتحرج اوي؟

ياريت حضرتك ترد عليا

بارك الله فيكى يا نونة وعلى احساسك العالى
مفيش حاجة اسمها مبلغ صغير او قليل للتبرع ولو انتى شايفاه كدة فهو غير كدة خالص لان الناس هناك محتاجين اللقمة الناشفة اللى احنا بنرميها فى الزبالة، واكيد تبرعنا مش هيكون اقل من شق التمرة اللى اوصانا بها الحبيب صلى الله عليه وسلم، والبنك مش محدد مبلغ معين نبدأ بيه التبرع لأ ممكن تتبرعى من أول 5 جنيه الى ما شاء الله ومفيش كسوف خالص وربنا يتقبل منك ان شاء الله.