|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
28-08-2009, 05:03 AM
|
||||
|
||||
" سحقاً للسخرية إن كانت سخرية " بقلم / احمد رضا
السلام عليكم ورحمة الله " سحقاً للسخرية إن كانت سخرية " الفهمُ الخاطئ كافى لجعلَ أحدَهم أكثرَ حماقةٍ من أن يـتخيلَ صرصوراً يلعبُ في أنفه ! ، هذا ليس مقالاً عن الصراصير او عن رياضة اللعب بالأنف ، فليس للصرصور إصبع ليلعب به في أنفه ( ولا انا فاضي احكي أصلاً في القرف ده ) ولو كان كذلك لما وجدتموه في الركن العام بل ستجدوه في ملفات مصرية علي الأرجح ، أما بعد بتلك المقدمة المقززة فقد أتسببُ بإعياءٍ لإحداهن أو لأحدِهم .. وبــــالطبعِ ومما لا شك فيه هذا لــــــــن يمنعني من الشروع ِ في الحـديثِ عن [ مضمون ٍ] استلزمَ إتخاذِ قرار ٍ بإخراجه وكتابته ، وبالنـــسبة لشخص ٍكســـول ٍ [ مثلي ] فهذا يُعني إنجازاً يفوق إتــخاذ إجراء بصُنع ِقنبلة نيتروجينية ! لا شك أن [ الأدب ] الساخر موجودٌ بالفعل وقد بلغَ من الشهرة عتياً ، أكثر مما تخيلَ مُبتدعيه .. فلا شئ أصعب من سربلة الحقيقة بقميص ِالضحكَ وإلباسها ثوبَ الفُكاهة .. ولا أصعب من أن تُضحكَكَ شر البلية .. ولكن السؤال ما هي الكتابة الساخرة وما هو الأدب الساخر الهادف ؟ بالنسبة لتحليلَ الكلمة : فالأدب : هو ما يَأْدِبُ الناسَ إلي المحامد وينهاهم عن المقابح وورد أيضاً أنه هو الظُرف وحُسن التناول ، كما ورد في الكثير من المعاجم العربية الأصيلة ولهذا صار الأدب درباً عقلياً راقياً مميزاً منعوتاً بأسمي الصفات والتي تجعلَ من مُنتهجيه أكثر الناس حكمة وإدراكاً ، اما بشأن السخرية : فهي الاستهزاء بالشئ او منه والهزء بالشئ ولذلك فقد كان ( الكـــــــوكتيل ) مزيجَ الأدبِ والسخريةِ قد جعلَ مِنْهُمَا مُعادلة ً هدفـُها الأولُ والأخيرُ تحسينَ وضع ٍ ولفتِ إنتباهٍ .. قد تكون سخرية من وضع او من حال جامع وليس إهانة شخص بعينه مما يُضفي علي الأمر ِ غروراً . وهذا ما كان يفعله تماماً ( برنارد شو ) و ( عزيز نيسين ) - ولمن لا يعرفُ فقد صنعتُ لكم إرتباطاً تشعبياً يؤدي بكم لمعرفتهم بشكل كافٍ يُمكنكم من فهمى – من أعظم من كتب أدب السخرية في نظرى - الضعيف - بعيداً عن الإهناف والهزلَ والنكتة الرخيصة التي أصابت أغلب الكتابات الآن .. باحثين عن الحق والفضيلة في ثوبٍ عقلاني مُنفرد، أما الآن فتجد أحدهم مثلاً يكتب مقالاً طويلاً عريضاً ( وعيونه زرقا وابن حلال وعنده اوضتين بعفشة ميه بقاعده عربي ) وفي النهاية يكتب سطرين قبلهم كلمة ( يجب ) وبهذا قد صارَ كاتباً ساخراً يستحقُ الإنضمام ِ لمُنتهجي الأدب ِ الساخرْ .. وعندما تواجههُ بذلك فاسمع ما لا يسرْ إذن : " أنا كاتب ساخر، انت بتفهم في السخرية ؟ إنت تعرف شئ عن كُتّاب السُخرية ؟ بزمة أهلك تعرف حاجة عن ( برنارد شو ) ؟ تعرف حاجة عن ( محمود حلبسه ) ؟ تعرف حاجة عن ( ذكي مشينكاح ) ؟ إنت طوفولة الحشرة انت حمااااار " .. وبما أن سيلُ شتائم ٍ من شخص ٍٍأحمق ٍ لا يستحقُ مَجْهودَ " استدعاءِ الدماغ الصورة الصوتية للحروف فإصدار أمر لـلجهاز العصبي المركزى بنطق الصوت ومن ثّمَ نقلُ الأمر من العصبي المركزي لـلعصبي الطرفي وبدوره يقوم بنقل الأمر لعضلات الشفاه لتنقبض وتنبسط ووفي نفس الوقت يقوم ...... بص الموضوع أكبر مني ومنك ومن كوكو الأرض ده كله " بالنسبةِ لي هذا شخصياً أمر صعب للغاية أصعب من ( انك تحدد ***وكتك وانت بتاكل لبان ) وبالتالي فلا داعي أصلاً للــرد علي أمثاله ممن لا يعرفون شيئاً سوي بعض العبـــارات والـ (هنــتات - التذكيرات) التي يذكرها بعض [ الظرفاء ] من مُبتاعى النكتة الرخيصة الرديئة .. فيقول مثلاً احدهم " الله يرحمك يابرنارد شو لما كنت بتقول كذا كذا " وبذلك أصبح صاحبنا عليماً ( ببرنارد شو ) وربما يكشف لنا عن صلة قرابة وطيدة تُعرّفنا أن ( بنت خالة امه اللي هيا زوجة جده كانت مريضة نفسياً وكان فيه واحد اسمه عم عبده البقال كان سلم علي أخو جدى قبل ما يموت وقاله انت زي اخويا والله وكان عم عبده البقال عنده كتاب لبرنارد شو وكان مكتوب عليه إهداء لحامله ! .. عرفت بقي إني اعرفه كويس جداً ؟ ويصر علي تلك العلاقة مع إن جده طلق بنت خالة أمة أصلاً عشان قسط الخلاط اتأخرت في دفع الحصة التانيه والراجل سأله عنه واحرجه جداً ، غريبة بجد ! ) السخرية بوجها الحقيقي تَكمُن في كونها درباً أخلاقياً وفناً بارزاً .. لا يجعل من الناس أضحوكة لغيرهم او لنفس ِ الكاتبْ .. بل يجعلهم في درجة من الوعى والإنتباه لا يتوافران في الحالةِ العادية .. الكتابة الهزيلة لا تصنع كاتب .. والسخرية من أشخاص بعينهم تصنع احمق كبير .. وفي النهاية ( وفي الانجاز ) .. " أردنا أن نصلح لا أن نسوء ، أردنا أن ننفع لا أن نجرح ، وأن نهذب أخلاق الناس لا أن نثلبهم ونفترى عليهم " – ( إراسم ) واسمح لي يا ( إراسم ) أن أُزيد " أردنا أن نجعل أنفسنا نلتزم أكثر .. لإن الإنسان غالباً ما يلتزم بما يقول .. فعيب علي المرء نهيه علي خلق ٍ هو فاعله " .. بقلم / أحمد رضا 28/8/2009
__________________
استعيدي نفسي مني إنني قدْ تُُــهتُ فـــىّ .. إنْ جَرحَتُكْ .... إعْفِ عنى واهْرَبي مني ... إلىّ !  آخر تعديل بواسطة احمد رضا ، 28-08-2009 الساعة 09:32 AM |
|
#2
28-08-2009, 05:34 AM
|
||||
|
||||
|
ههههههههههههههه
مقال ساخر جميل يعني ضحكني بعض الكلام الى حد ما بص لو هتكلم عن الادب الساخر اللي انت اتكلمت عليه طبعا الادب الساخر بالنسبالي من احسن انواع الادب لانه بيقدر يوصل لكل المستويات اللي بتقرا بس زي مانت قولت ف المواقف اللي بستحق السخرية مش اي سخرية ف اي وقت وخلاص هههههههههههههه بس معلش سؤال اقتباس:
انت جربت تنقد ادب حد وكان رده حاجة زي كده  سؤال برئ والله ياريت اجابه بريئه زيه او بلاش اجابة اصلا بس عايزة تكلم عن السخرية نفسها هو ف الاول مضمون الموضوع جامد لان دلوقت كل واحد مفكرلي نفسه مرح خفيف الظل وصاحب روح دعابة جامده يشوف اي حاجة ف اي حاجة ويتريق عليها مش لسبب غير انه فرحان ان محدش بيتريق عليه وانه تافهه وعايز يخلي الناس تضحك وتقول الله شوف البتاع ده دمه خفيف ازاي حاجة مستفزة اصلا بس بردو في مواقف بتحتاج سخرية سواء من الموقف او من الشخص نفسه اقتباس:
في ناس اصلا بتبقى مش محترمه نفسها ولا الناس اللي ادامها يعني بتبقى من الاخر عايزة تتلم وطبعا ممكن تتلم بطرق كتير بس ابسطها السخرية يعني السخرية ليها لازمة ف مواقف كتير ومع اشخاص كتير بيكونو هما اصلا مش محترمين نفسهم ده رأيي بااختصار ف السخرية انها حاجة كويسة لما يكون ليها لازمة مش جزاك الله خيراً ع الموضوع
__________________
لو صرخت الدنيا ف وشي اكيد هعلي حسي ... لو كان ده وقت الانهيار انا حاطه روحي ع كفي ... لو كان ده وقت الانفجار .. اكيد ملغمه نفسي ...!! * ** فى حياة كل منا ذكرى تمنى الا يمر بها ولكن لولا ألمها لارتكب المزيد من الاخطاء فى حق نفسه وفى حق الاخرين* ** الحمدلله  |
|
#3
28-08-2009, 05:36 AM
|
||||
|
||||
|
. فعيب علي المرء نهيه علي خلق ٍ هو فاعله " ..
جميلة اوى دى وموضوع رائع بس فيه حاجة دى من ضمن سلبيات كتير وكله بينعكس على بعضه المشكلة فى ان السلبيات دى بتمتد من جيل لاخر والى الاسوأ وبمفهوم جديد ولكن للاسف هناك من يروجون لمثل هذا الكلام وهناك من يؤيدون ويفتنون بهذا الكلام
__________________
NO SAFTEY FOR HUMANS
SHREEF SHOMAN د خ و ل م ت ق ط ع |
|
#4
28-08-2009, 05:39 AM
|
||||
|
||||
|
اقتباس:
انا معاك فى الكلام اللى انت قلته بس هناك ادب ساخر ساخر ساخر يعنى مش هزار زى الشعر الحلمنتيشى كده بس كل حاجة ليها مساوءها فى الاول وفى الاخر
__________________
NO SAFTEY FOR HUMANS
SHREEF SHOMAN د خ و ل م ت ق ط ع |
|
#5
28-08-2009, 11:23 AM
|
||||
|
||||
السلام عليك ورحمة الله وبركاته / الاخ الكبير والكاتب القدير : لقد لخصت ما تقول فى خمس كلمات وهى " سحقاً للسخرية إن كانت سخرية " نعم سحقا وبعدا , وكما تفضلت وقلت الان ظهر من يكتب وهو لا يعى ما ماهية وطبيعة الكتابه الساخره , فبين الادب الساخر والسخريه الرخيصه خيطٍ رفيع بل يوجد اكثر من خيط ولكن قل من يراه الان ,, الادب الساخر من اروع فنون الكتابه وما أصعب أن تضحك انسان على ماهو حقيقةً مدعاه للبكاء والحسره " شر البليه ما يضحك " ,, الأدب الساخر ... تراجيديا عدم اليأس " الأمل "... ف الأدب الساخر لايعني الابتسامه من أجل الضحك فهذا يسمى تهريجا بينما هو كوميديا مبهمه تعكس اوجاع الناس المختلفه ويعرضها فى طبق ساخر يرسم البسمة على الوجه ويغرس خنجرا في القلب والكاتب الساخر هو من يحول الألم إلى بسمة والحزن إلى ابداع والاهم سحقاً للسخرية إن كانت سخرية ,, ولكن هناك من يستسهل الكتابة ويقوم بالتلاعب بالألفاظ، حفنة من البذاءات، بضعة شتائم، إضمامة من الألفاظ السوقية الرائجة في المحيط، و من التهم والإشاعات تُخلَط في منقوع من التغابي والتبالُهِ والتحشيش، وأخيراً شيء من سلاطة اللسان وتكتمل الطبخة لكي يتلقفها موقع أو صحيفة ويبتلعها السيد المواطن الغافل الجائع هنيئاً مريئاً! ,, خلاصة الحديث إن الأدب الساخر ليس بالنوع الأدبي البسيط القليل الأهمية والخطورة لكنه ينتمي الى طرازٍ من الأدب الرفيع الراقي، الأدب الملتزم بقضايا وهموم وتطلعات الفقراء والكادحين والمثقفين والمهمشين والمظلومين ممن تصح عليهم تسمية طه حسين بالمعذبين في الأرض! "سحقاً للسخرية إن كانت سخرية" ,, اقتباس:
كيف تقول ذالك ايها الكاتب والمبدع الكبير فياليتنى اكون نقطه فى فكرك العالى حقا انت استااذ ومعلم كبير فى فن الكتابه , لايوجد لك حدود فى الابداع , تتنقل من فن الى فن والتنقل بتمكن وسلاسه تمتعنا دوما وتسعدنا بافكارك تعلمنا ان فيه أقلام تشترى ولايمكن تباع عندما يسيل قلمك على الصفحات يجبرنا على الانصات والقراءه بوعى وادارك وتقتحم الدهشه والاعجاب وتسيطرعلينا بروعه قلمك وصدق فكرتك وعذوبه معانيك كانت حروفك ترتل اجمل المعانى والمفردات فلك كل التحايا تقبل مروري وتقديري لشخصك الكريم أخوك : محمودعمر
__________________
 السعادة مفتاحها , ذكر الله , قل لا إله إلا الله .  |
|
#6
28-08-2009, 11:24 AM
|
||||
|
||||
|
واحلى تقيم للموضوع الهايل
**********
__________________
السعادة مفتاحها , ذكر الله , قل لا إله إلا الله . |
|
#7
28-08-2009, 11:24 AM
|
||||
|
||||
|
سحقاً للسخرية ان كانت للسخرية !!
::::::: جميل نبدأ نتكلم أولاً معروف ان صعوبة الكتابة الساخره انها من اسهل أنواع الكتابات او من أسهل الاساليب بتعتبر من أنواع الكتابه المغريه أو انه اسلوب مغرى للتحدث بيه :: بس من الصعب فعلاً انك توصل للكاتب الساخر بالمعنى الصحيح لكلمة كاتب وكلمة ساخر ::: لو هنتكلم عن الشكل او الوصف الحقيقى للكاتب الساخر فهو شخصية مهمومه قابلت واقع بطريقه من الكوميديا السوداء :: الشخص لما يكون مهموم أو شايف وضع غلط ومش قادر يغيره بيبدأ بالسخرية من الوضع كله كنوع من التعويض النفسي ورد الاعتبار بشكل ما ::: انت ذكرت شو -الصراحه ده اللى اعرفه.. نيسين عرفته منك- وقلت انه مثال للكاتب الساخر ومفيش حد يقدر ينكر حتى لو كان ع جهل بشو انه من الناس اللى اشتهرت بالاسلوب ده الا انك كان مفروض تسلط الضوء ع بداية شو نفسه وايه العوامل النفسية اللى شكلت الشخصيه دى ::: كان الجميل برنارد واحد من اللى بيشتغلوا فى مصلحة الأراضى وكان فاشل فى الدراسة كره المدرسه والكتب والمدرسين وكان ناتج عن عجز منه انه بدأ يسخر من الكل !! ::: يبقى زى مقلنا وزى ماهنتفق ان الهموم نفسها بتصنع الاهتمامات والاهتمامات بتخلق عندك مزيج من الوعى والادراك ::: اقتباس من Just Dream: اقتباس:
ميتعاملش كملقى نكت !! لان فى ساعتها الاسلوب بيبقى مُسف وملوش اى لازمه ! بل بالعكس مفروض يكون ع اقتناع تام بان دمه تقيل يلطش ساعتها بيطلع مقال نضيف او كتاب كويس بيحمل الهم او الفكره اللى بيتكمل عنها باسلوب ساخر مش باسلوب ملقى نكت !! والفرق شاسع بين الاتنين :::: ومن رايي ان النوع ده من الكتاب بيكون عندهم جينات زايده !! بمعنى ان مش اى كاتب بيدعى السخرية فهو كاتب ساخر وممكن العالم دى تتقسم لنوعين الأول: واحد عاوز يكتب ومش عاوز كلامه يتاخد ع محمل الجد فبيهزر .. التانى:واحد استخدم السخرية فى محلها سخر من حاكم او مسؤول (سخريه من أشخاص) أو من وضع سياسي أو اجتماعى هنا التعامل مع السخرية بيكون بشكل جاد بعيداً عن التنكيت والاستظراف فأنا شايفه ان السخرية من شخص شىء مقبول .. جداً كمان :::: السخرية هى وسيلة وسلاح ..للتهكم ع وضع مقدرناش نغيره ووسليه وسلاح للرد ع موقف أو سياسة غلط زى مسيدنا ابراهيم عمل وحط الفاس ع كتف كبير الأصنام -مع الأخذ فى الاعتبار ان السخريه هنا كانت مصاحبه لفعل - احنا بنرد بالطريقة دى لان هى دى الوسيلة المتاحه قدامنا دلوقتى ::::: بمعنى اخر وتلخيصاً للك اللى فوق ان السخرية جين بداخل الكاتب مهما استظرف الكتاب فالكاتب الساخر بيكون معروف لانه مش كاتب بيحاول يقول رأيه فبيهزر والناس تفكره بقول نكت وتعدى لا ع العكس من صفات الكاتب الساخر نفسه انه شجاع لكن مش معنى اتفاقى مع الاسلوب وانى شايفه انه معبر انى بعترف بيه بشكل كامل او انى شايفه ان المفروض تكون حياتنا سلسلة من العمل مش سلسة من مقالات ساخره!! :::: بمعنى أوضح انى اوقات كتير بشوف ان السخرية تعبير واضح عن عجز كامل وكأن الشلل قد أصاب اطرافنا كلها ومعدش الا الايد هى اللى تعبر بواسطة قلم سعره زاد اكيد مع زيادة الاسعار!! ::: الظروف اللى بتفرض عليك هل هتسخر ولا هتشتغل زى موضحت فى بداية شو عجزه كان سبب فى نجاحه !! مفارقه ظريفه ::::: وفى طريقة ظريفه تعرفك الكاتب ده ساخر ولا لع قدرته ع السخريه من نفسه !! الكاتب اللى معندوش القدره ع السخريه من نفسه كاتب سمج زى مبيقولوا والسماجه مش من صفات الكاتب الساخر :: زى مبيقلك كده لكى تكون كاتباً ساخراً يجب أن تملك القدرة ع السخرية من نفسك أولاً..! كل من لا يملكون هذه القدرة سخريتهم سمجة لزجة كريهه ..!! أنا بقول كده بردو ::::: موضوع لذيذ أوى يا حاج أحمد ..طبعاً الرد مش ع مستوى الموضوع ::: بس بجد لو هنتكلم ع الوضع فى مصر مثلاً فأعتقد ان السخرية هتبقى شىء طبيعى فى الكام سنه اللى جايه دول لأن الوضع لا هيتغير ولا احنا عندنا المقدرة فخلينا نضحك ونعيط مع الكتاب دول ولو فيه حل تانى قلنا |
|
#8
28-08-2009, 02:01 PM
|
||||
|
||||
|
موضوع كميل اوي يا احمد كالعاده يعني مش محتاج اقول
اولا عباره السخريه للسخريه فقط زيها زي المعارضه من اجل المعارضه فقط حلوه الحكايه دي بس ع ما اظن مفيش جمله او عباره بالمعني دا بصفه عامه مفيش اي فعل او شعور بدون مسبب فيه عباره جميله اوي لبرنارد شو بيقول عندما يكون الشئ محضكا ابحث عن الحقيقه الكامنة وراءه صعب بجد نبص للاسلوب الساخر ع اساسا انه نكته او مزحه سخيفه اكيد بتبقي اعلي بكتير من كدا اكيد لو بصيت لاي عباره ساخره بتناقش فكره ما بطريقه اعمق شوية حتعرف المعني المستتر او المقصود منها احيانا بيكون المعني مش واضح واحيانا بيكون الكاتب نفسه ميقصدوش بس دايما بيكون فيه هدف او معني يعني طالما الوضع او العصر نفسه بيدفع للسخرية يبقي اكيد فيه معني يعني كان فيه راجل طيب اسمه ديرنمات كان دايما بيقول الكوميديا هي الصوره الوحيده التي تناسب العصر الذي نعيش فيه لان الكوميديا تنبع من اليأس من وضع قائم ولذلك لابد ان تكشف تناقضات الوضع القائم او تعرض صوره جديده لاوضاع أحسن او من الممكن ان تكون احسن او افضل نيجي لنقطه تانية السخريه كاسلوب نقاشي لرأي او لفكره والسخرية كتهكم من شخص اكيد طبعا فيه فرق كبير بين السخريه من راي بغرض المناقشه او الوصول للحقيقه وبين التهكم من شخص بغرض مهانته او التقليل من قيمته اكيد النوع التاني مبيعتبرش نوع من الادب الساخر او بعيد كل البعد عنه نيجي للنقطه التالته الادب الساخر نفسه كأدب مكانته رفيعه او عاليه دايما الناس بتفتكر انه اسلوب سهل او الشخص اللي بيكتب بيه غالبا شخص تافه سيبك من جزئية ان ادباء كبار زي شو او مارك توين او فلاسفه زي فولتير كانت اسلوبهم بيتميز بالسخريه احنا حنتكلم عن الاسلوب الساخر كاسلوب مش اكتر الاسلوب الساخر اسلوب بيعتمد غالبا ع اللهجه العامية والامثال والكلمات الشعبيه وببساطه برضه بيعبر عن فكره جاده او كلا جاد ف ثوب الفكاهة او الكوميديا ببساطه بيخلي الواقع نكتة مبكية ومضحه ف نفس ذات الوقت ببساطه صعب نبصله زي ما بتقول سخريه من اجل السخريه فقط الاسلوب ف جوهره بيعبر عن الام الناس او يأسهم بطريقه تهون من الامر او تخفف الالم اللي بيتعرضله الناس ف حياتهم برضه فيه عباره كميلة اوي لفولتير بيقول لو لم تبق لنا ضحكاتنا لشنق الناس انفسهم فويل للفلاسفة الذين لا يبسطون بالضحك تجاعيدهم لان العبوس ف نظري داء عضال ببساطه برضه السخرية بتمنح شعور بالتفوق لانها بتعبر عن الشعور بالانتصار او صوره من صوره حتي لو الوضع يائس السخريه بتخفف من حدته او بتمنح شعور للانسان بالراحه ف التعبير عن رايه حتي ف المجتمعات الدكتاتورية بيتبقي السخريه افضل اسلوب السخريه برضه بتبقي افضل ف المجتمعات اللي تغييرها بيبقي صعب زي مجتمعنا كمثال برضه بس دي معلومه منقوله مش مؤكده اقتباس:
مسرحيات شو كانت بتعرض قضايا اجتماعية ف صوره ساخره اكيد المسرحيات كان ليها تأثير بالغ ف المجتمع البريطاني دا لان كان المجتمع فيه رغبه ف التغيير مش زي ناس وبرضه لو قلنا ان الوصول للسعاده الكامله غرض او مسبب قوي جدا لحياه الانسان حيكون الاسلوب الساخر من الطرق للوصول ليه بس اللي عايز اوصله ان طريقه حكمنا ع الاسلوب الساخر لازم تبقي اعمق من كدا ياريت النظره متبقاش سطحيه بالطريقه دي اسف الرد مش مرتب بكره التنظيم انا ياللا مش مشكله شكرا ع الموضوع الجميل
__________________
 Not everything that can be counted counts, and not everything that counts can be counted |
|
#10
28-08-2009, 09:06 PM
|
||||
|
||||
|
اقتباس:
طبعا بسام فوق وياسمين تقريبا قاله كل حاجة لكن الواحد هيحاول يجتهد وهيعبر عن رأيه فى الكلام ده فى المجمل كلامك سليم 100% ومفيش عليه اى حرج لكن لو جينا بصينا من ناحية تانية هنلقى ان دى وجهة نظرك وبتعبر عن اللى جواك بشكل اى كان الشكل اللى بتعبر بيه لو تفتكر كنا بنقول ياجماعة بلاش نقل مواضيع لو كتبت موضوع باسلوبك مهما كان سيىء مع الوقت هيتحسن واسلوبك نفسه هيتطور الفكرة هنا ان الاسلوب مهما كان سيى لزم مع الوقت هيتطور للاحسن الا لو كان الشخص ده حالة خاصة وبيزداد سواء فى شخص ممكن يدخل يفضل يقول فى نكت ومواضيع وكتابات ليس لها محل من الاعراب وممكن شخص تانى بيكتب مواضيع بتكلم عن الواقع باسلوب خفيف شوية استحالة ترضى جميع الاذواق واللى مش هيعجبك ممكن يعجب غير وفى بعض الناس من كتر الثقة فى نفسهم يقطعه الشعرة اللى بتربط الثقة بالغرور وحصلت كتير وبتحصل كتير مع اشخاص عرفتهم الشعرة دى لما بتنقطع بتخلى الشخص يشعر انه الرجل الاول وان عبقرى من عباقرة الزمن انت مثلا ممكن تكتب قصيدة اكيد هتلاقى اللى بيقولك انت فنان ومفيش بعد كده وطبيعى ان هتلاقى اللى بيقولك متكتبش تانى ده الطبيعى استحالة تكون جميع الاذواق وحده بس احنا هنا ليه مش بنبص بين السطور يعنى ديما بنبص للقشور فى اى شىء او معظمنا بيبص لكده مش معنى كده ان الشخص يكون كاتب موضوع عنوانه مشكلة البلهارسيا فى مصر وتدخل جوه الموضوع تلقيه بيتكلم عن الهجرة غير الشرعية مثلا اللى عايز اقوله ان الادب الساخر ممكن يكون صاحبه كاتب فى موضوع اشياء ليست فى شخص من مدح مثلا وتيجى فى اخر سطر تلقيه بيذمه هنا ممكن تفهم ان اللى فوق ده كان عبارة عن تهكم من البداية انا عن نفسى بحاول اكتب باسلوب الادب الساخر يمكن ميعجبكش وممكن يعجب غيرك وممكن ميعجبش غيرك لكنه يعجبك انا يمكن ضعيف فيه ايوه وده حقيقى ويمكن اقولك انى فعلا معرفش فى اساتذة الادب السخر غير برنارد بس انا قريت كتير من المقالات الساخرة اللى خلتنى احب الادب السخر واتجه ليه ومع الوقت ان شاء الله يمكن يكون ليا شأن فيه بس هرجع واقول ان مجمل الموضوع فى حد ذاته جميل جدا وفكرته جميلة احييك عليها
__________________
وداعا
|
|
#11
28-08-2009, 11:14 PM
|
|||
|
|||
|
موضوعك جميل جدا يا استاذ أحمد بالذات لواحد زيي وزنه بقى من َفعَلَ إلى َسِخَر هذا هو ميزاني
ومن هنا كان لابد ان نسخر بحق..... نتعلم كيفية السخرية السليمة فمن وجهة نظري ايضا ان السخرية تحتوي النقض والاشادة شكرا على موضوعك الجميل دا مرة كمان ورينا يوفقك وابق افتح الايميل
|
|
#12
29-08-2009, 03:29 AM
|
||||
|
||||
|
اقتباس:
إنما دي شخصية وهمية والإسهاب في الرد ده مش قصدي الرد بعينه هو مذكور لحاجتين التالته منهم إن ده مقال ساخر بيصور بعض ( حالة ) تافهه مش ( شخصية ) تافهه وإلا يبقي انا كدا عملت ايه .. عملت جمعية ؟ -- ثانياً ياريت الناس تقري كلمتك إن مش السخرية من أي حاجة كدا وخلاص لإن ده نوع من الضعف العقلي لمُناقشة الأمر منطقياً وده بيستلزم من الإنسان اتجاه للثقافة او المنطق بشكله الصحيح -- ايمان ردك اسعدني جداً وياريت تشاركينا دايماً بآرائك
__________________
استعيدي نفسي مني إنني قدْ تُُــهتُ فـــىّ .. إنْ جَرحَتُكْ .... إعْفِ عنى واهْرَبي مني ... إلىّ ! |
|
#13
29-08-2009, 03:31 AM
|
||||
|
||||
|
اقتباس:
مش بقتنع بيه ممكن اقعد أقراه لما أحب أضحك لكن أكيد مش لما أحب أفكر واكتسب عشان انتج شكراً لمرورك الهادى
__________________
استعيدي نفسي مني إنني قدْ تُُــهتُ فـــىّ .. إنْ جَرحَتُكْ .... إعْفِ عنى واهْرَبي مني ... إلىّ ! |
|
#14
29-08-2009, 03:37 AM
|
||||
|
||||
|
اقتباس:
وده فعلاً اللي بتكلم فيه يااستاذ محمود خلاص لمجرد إنهم بقوا مبتذلين اعتبروا إن الإبتذال درب من دروب السخرية بالرغم من إن السخرية من المواقف غير مكروهه في نظري إن تم التعامل مع الأمر بنوع من الطرافة إلا إنه يشترط تبقي نقية كل النقاء بعيدة عن التكلف في أضحاك الناس او إلقاء الكلمات البذيئة ربنا يبارك فيك يارب كدا مبالغة جداً في حقي يارتني استحق ربعها تسلم علي مرورك الجميل شاركنا دايماً بآرائك
__________________
استعيدي نفسي مني إنني قدْ تُُــهتُ فـــىّ .. إنْ جَرحَتُكْ .... إعْفِ عنى واهْرَبي مني ... إلىّ ! |
|
#15
29-08-2009, 03:44 AM
|
||||
|
||||
|
اقتباس:
هو زي ما قال بسّام يا ياسمين يُخيل للمرء إنه ساهل فيه شعرة بين السخرية والهزل وكساد الإسلوب اللي يقطعهم ميعرفش هوا جه منين وراح فين وهيفتكر في الآخر إنه راجل ساخر ولا يخفي عليكي إن ليس كل ساخر برنارد شو وليست كل سخرية سخرية ومش معني إن برنارد شو كان فاشل يبقي كل كاتب ساخر لازم يبقي فاشل دي مُعادلة لا جدوى للربط بين عناصرها أصلاً يعني مش كل فاشل هيبقي برنارد شو كمان الكاتب الساخر ياياسمين عمره ما بيبقي مع القطيع مش عشان القطيع بيقول هههههههه يبقي هو يقول ههههههههههه مش كلب ينبح وألف كلب ينبح لنباحه لاء ده صاحب فلسفة مش بيسخر من البني آدمين لإن السخرية من البني آدمين حتي لو انتهجها بعض المشاهير فهي تتعدي حدود الله " لا يسخر قوم ٍ من قوم " لازم يبقي قاعدة معارفنا مرتبطة بكل حاجة ف حياتنا عشان منبقاش ضيقي افق اما بالنسبة للسخرية من المواقف فلم يرد - في علمي الضئيل - ما يحرمها شكراً ياحاجة ياسمين شاركينا دايماً بآرائك
__________________
استعيدي نفسي مني إنني قدْ تُُــهتُ فـــىّ .. إنْ جَرحَتُكْ .... إعْفِ عنى واهْرَبي مني ... إلىّ ! |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 01:43 AM.
