عربى انا ................بهدلينى ويل اذا ؟؟

[Dr. Hoda Ahmed]

عربيٌ أنا ... اخشيني ) !!

مش عارف ليه كل ما أفتكر الأغنية دي و رغم إني ما اعرفش منها غير المقطع ده , و لا حتى أعرف اسم المغني ,
إلا إني بشك - من غير دبوس - إن المؤلف بتاعها مش ( عربيٌّ هو ) و لا حتى يعرف حاجة عن العرب !!

أصل (البعيد) عاوزها تخاف منه ,
قال إيه ؟؟ علشان هو (عربي) !!

من إمتى يا عم الأمور و العرب بيخوفوا حد و لا حد بيعمل لهم حساب ؟؟

بأمارة إيه ؟؟

بأمارة (سابور) - اسم الراجل كده , أعمل له إيه يعني ؟؟ - اللي طاح في العرب و (مهزأهم) لدرجة إنه (خلع) أكتاف الرجالة (*) ؟؟

و لا بأمارة حرب (داحس و الغبراء) التي قامت علشان حصانين بيتسابقوا ؟؟
و لا حرب (البسوس) التي استمرت 40 سنة علشان ناقة ؟؟


و لا بأمارة (العرب) اللي زي ما بيقولوا : " كان يقتل أحدنا أباه و أخاه على حفنة من الكلأ و المرعى " ؟؟

و لا بأمارة ما الصليبيين قعدوا محتلين بيت المقدس 93 سنة , و ... ( العرب ) نايميين !!
و عمالين يتحالفوا مع الصليبيين ضد بعض !!

أو بأمارة السيل المغولي اللي (كسح) البلاد العربية ,
و استباح بغداد 40 يوما كاملة
,و قتل ما يزيد عن مليون شخص و ..... إلخ !!
لدرجة إن الناس كانت بتستخبى في المقابر و في (مقالب الزبالة) علشان تفضل عايشة !!

و لا (العرب) اللي ضيعوا جهود (المسلمين) من العرب و البربر في الأندلس ..
و صاروا (طوائف) يقتل بعضهم بعضا , و يستعينون بالأسبان ضد إخوانهم .. لحد ما انطردوا منها بعد 8 قرون !!

و لا حديثا الانجليز و الفرنسيين لما احتلوا البلاد (العربية) ,
و احتل الانجليز مصر وحدها لمدة 73 سنة !!

و لا لما تم وعد بلفور , و قامت دولة إسرائيل على مرأى و مسمع من الدولة (العربية) كلها ,
و ما تعرفش إزاي شوية عصابات قدرت تهزم (جيوش نظامية) ؟؟!! ,
و لا الجيوش لما صدقت قرار الأمم المتحدة و راحت مبطلة قتال !!

و لا حرب الصومال , اللي المفروض إنها عربية ,
و ما حدش بيعبرها - و مش هنتكلم عن أفغانستان و لا البونة و الهرسك و لا الشيشان و لا .... علشان مش عرب !! -

و لا الوضع لحد دلوقتي اللي الدول (العربية) كلها مش عارفة تطلع الكام مليون اليهود من فلسطين !!
و لا عارفين يعملوا أي وحدة اقتصادية و لا سياسية و لا عسكرية بينهم !!


لأ , و اللي يغيظك قوي إن كل الدول العربية بتتشدق بـ(العروبة) و بـ(القومية) و شغالين (قوميتنا عربيتنا حماها الله ) !!

و لازم نرفع (لواء العروبة) و نركب (أتوبيس العروبة) و كل الاشتغالت بتاعة القومية العربية و (الخيبة القوية) دي !!

قومية إيه اللي طول عمرها شعار أجوف دي ؟؟
و حتى لو لم يكن أجوفا فإلى أين يقودنا ؟؟
إلى تاريخ (العروبة) المجيد ؟؟
اللي من أيام الجاهلية و هم (ملطشة التاريخ) !!


المشكلة إن (العرب) طول عمرهم أذلاء و همج رعاع ,
و التخلف متأصل في الـDNA بتاعهم ..

فلا يمكن هينتصروا و لا ينصروا حد .. دي طبيعتهم !!

و لم يخرجوا عن طبيعتهم إلا في أوقات معينة -و قليلة في التاريخ- زي ما حصل في :
بدايات الدولة الإسلامية ,
و عصور الخلافة الرشيدة ,
ثم في عصور بعض الحكام زي :
عمر بن عبد العزيز ,
و هارون الرشيد ,
و صلاح الدين الأيوبي ,
و سيف الدين قطز
و طارق بن زياد
و غيرهم من (العرب) الذين خرجوا من ذل انتمائهم (للعروبة) لعزٍ آخر ,


هو عز انتمائهم (للإسلام) !!


و بالمناسبة ..
لا صلاح الدين و لا قطز و لا طارق ابن زياد كانوا عربا !!

صلاح الدين أصله كردي !!

قطز أصله فارسي !!

طارق بن زياد أصله من البرر !!

و إنما اعتبرنا انتصاراتهم انتصارات لنا ..
و اعتبرناهم مِنّا ..

لأننا و إياهم كنا تحت مظلة واحدة ..

هي مظلة الإسلام ..

التي جمعت العرب و البربر و الفرس و الأكراد بل و المغول أيضا , تحت لواء واحد و تحت راية واحدة !!

فإن كنا نريد التعصب لعربيتنا الذليلة - التي لم تعش عزا قط إلا حينما دخلت تحت عباءة الإسلام ,- فلنمسح من تاريخنا انتصارات غير العرب كصلاح الدين و قطز و طارق ابن زياد و .... !!

يا جماعة النصر لم يأت أبدا من طريق (العروبة) .. إنما من طريق (الإسلام)


كما قال عمر - رضي الله عنه - في مقولته المشهورة : " نحن قوم أعزنا الله بالإسلام ، فإن ابتغينا العزة في غيره أذلنا الله "

طول عمرنا بنبتغي العزة في (العروبة) و (بناخد على قفانا) و مش بنتعلم !!

و هنفضل على طول كده لحد ما نسلك السبيل الذي دعا إليه عمر و سلكه أولئك المظفرون - القلائل - من بعده ..

سبيل الانتماء لـ(الإسلام) و ليس لـ(العروبة) !!

الإسلام الذي أتى به الرسول - صلى الله عيه و سلم - نورا و هدى للناس ,
و ليس الإسلام السياسي و لا الإسلام الذي تأخذ منه كل فئة حسب أهوائها ..

الإسلام الذي نصلح به هو الذي صلحت به أول هذه الأمة ,

كما قال الإمام مالك : " لن يصلح آخر هذا الإمة إلا بما صلُح به أولها "
.
.
.

الكلام ده أنا كتبته لأني بصراحة استفزتني العبارات اللي بيتقول :
" وينكم يا عرب " , " غزة يا عرب " , .... و غيرها من العبارات ..

فحبيت بس أوضح ( تاريخ العرب المشين ) !!

و أفكركم بالعرب دول مين أصلا ؟؟
و إمتى انتصروا و كانت لهم شوكة ؟؟
و إنهم عمرهم ما انتصروا تحت ( راية العروبة ) و إنما تحت ( راية الإسلام ) !!


بالمناسبة عدد سكان الوطن العربي 338.621.469 ,-حسب ويكيبيديا- قول 400 مليون
و عدد المسلمين في العالم حوالي 2.5 مليار

يبقى الأحسن من كل الوجوه - كماً و كيفاً - إن الواحد ينادي بالإسلام و ليس بالعروبة !!


تحيتي للجميع ..


و ربنا ينصر إخواننا " المسلمين " في غزة و يأخذ بأيديهم
و يخذل عدوهم و كل خائن لهم ..

ويا ريت مستر على مش تنقله هو مش بيتكلم عن الاسلام فقط وعن العروبة ايضا

[سيف العدل البتار]

العرب اعظم ناس هما اهل القرءان
واتى منهم الرسول صلى الله عليه وسلم كمان
و العرب انا و انتى منهم

[libero]

أقنعني كلامك جدا ..... فجر الغد ...

إذن أنا أفخر لأنني مسلم عربي ....
ولا أفخر لأنني عربي مسلم ...... !

اللهم إنك قد وهبتنا العزة بالإسلام ......
فاللهم أعز الإسلام بنا ......

جزاكي الله خيرا "فجر الغد" ......

[Dr. Hoda Ahmed]

المشاركة الأصلية كتبت بواسطة احمد ابوالفتوح 2020

العرب اعظم ناس هما اهل القرءان

والمسلمون اعظم فالعرب فخرهم لانهم مسلمون وليس فخر المسلم بكونه عربى فقط

واتى منهم الرسول صلى الله عليه وسلم كمان
و العرب انا و انتى منهم

نعم فرسولى مسلم اولا وبعدها عربى

يا ريت حضرتك كنت تكمل الموضوع للاخر
لا اقلل من شان العرب ولكن العرب رفعتهم وعزتهم هى اسلامهم فلا قيمة للعرب بغير الاسلام


شكرا على المرور استاذ احمد

[Dr. Hoda Ahmed]

المشاركة الأصلية كتبت بواسطة mido sohagy;3308247[font=tahoma

]أقنعني كلامك جدا ..... فجر الغد ...

إذن أنا أفخر لأنني مسلم عربي ....[/font]
ولا أفخر لأنني عربي مسلم ...... !

اللهم إنك قد وهبتنا العزة بالإسلام ......
فاللهم أعز الإسلام بنا ......

اللهم امين

جزاكي الله خيرا "فجر الغد" ......

وجزاكم مثله اسعدنى مروركم الكريم

[عاشق البلانكو الابيض]

مووضوع مهم وجميل
بارك الله فيك وجزاك خيرررا

[zozza love]

فعلا نحن اعظم اناس فى الارض
فانحن مسلمون
شكراعلى الموضوع الرائع هذا

[سيف العدل البتار]

المشاركة الأصلية كتبت بواسطة فجر الغد

يا ريت حضرتك كنت تكمل الموضوع للاخر

لا اقلل من شان العرب ولكن العرب رفعتهم وعزتهم هى اسلامهم فلا قيمة للعرب بغير الاسلام

شكرا على المرور استاذ احمد

شكرا ليك استاذ(فجر الغد)
لقد قرءاة الموضوع مرتين
لايوجد تعليق

[Dr. Hoda Ahmed]

المشاركة الأصلية كتبت بواسطة عاشق البلانكو الابيض

مووضوع مهم وجميل
بارك الله فيك وجزاك خيرررا

شكرا لمرورك عاشق البلانكو الابيض

اسعدنى مروركم

[Dr. Hoda Ahmed]

المشاركة الأصلية كتبت بواسطة zozza love

فعلا نحن اعظم اناس فى الارض
فانحن مسلمون
شكراعلى الموضوع الرائع هذا

الشكر لمروركم الكريم

سيظل المسلمون اعزة باسلامهم وليس فقط بعروبتهم

[Dr. Hoda Ahmed]

المشاركة الأصلية كتبت بواسطة احمد ابوالفتوح 2020

شكرا ليك استاذ(فجر الغد)
لقد قرءاة الموضوع مرتين
لايوجد تعليق

لك رايك استاذ احمد وعلينا احترامه وشكرا لقراءتك وتعليقك مرة اخرى


ملحوظة صغيرة لست استاذ

شكرا على المرورك استاذى

[سيف العدل البتار]

المشاركة الأصلية كتبت بواسطة فجر الغد

لك رايك استاذ احمد وعلينا احترامه وشكرا لقراءتك وتعليقك مرة اخرى

ملحوظة صغيرة لست استاذ

شكرا على المرورك استاذى

شكرا ليكى انتى

[BaNZeR]

العروبة والاسلام ليسا مصطلحين متضادين حتى نفخر بأحدهما ونتبرأ من الآخر

ولكن الفخر للعروبة أنها أول من حملت راية الإسلام
أنها اول من جمعت العالم وألغت النظام القبلي
وجعلت العالم كله كتلة واحدة وتقدم في جميع المجالات

ربما لن يهمتي كوني عربياً قدر ما يهمني كوني مسلماً
ولكنني على أي حال أفخر بكليهما