|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
02-04-2011, 02:55 AM
|
||||
|
||||
حلة المحشي و صنية المفتأة
 فين أيام الكادر واللي كنا بنعمله فيها والله كلما تذكرتها أظل أضحك حتي أنبطح كرسيا  وكان بعض الزملاء والزميلات يجوبون أنحاء الكرة الأرضية بحثا عن شيء يمكن تقديمه للزملاء وفي خضم حدة توتر الأعصاب كنت أحاول التخفيف عن تلك الهموم ببعض كتاباتي مثل موضوع تخفيفا عن هموم الكادر الذي قد يكون موجودا بالموقع ولم يحذف  واليوم أقدم موضوعا للتخفيف عن مطحنة المقالات آملا أن أقدم شيئا بسيطا ربما يبسط ظل ابتسامة قد تجدد النشاط وإليكم موضوع ****** حلة المحشي وصنية المفتأة ***** ياجماعة الست الحاجة حاتعمل لكم حلة محشي إنما إيه ؟!! محشي بحق ربنا ! لأ . وإيه ؟! محشي من إللي قلبك يحبه !! حا تعمل لكم صوبع المحشي الواحد بسم الله ما شاء الله حاجة معتبرة خالص ! وتليق بالمقام ! وتتوصي بيه عا لآخر وتخليهولك قد السندويتش الفينو عشان يلكم الواحد ويسد العين الفارغة وتشبع من أول صوبع ! وعشان الناس بتحب تحلي بعد الأكل فإن ست الحاجة فكرت انها تعمل صنية مفتأة إنما إيه !!! صنية مفتأة ما حصلتش ومتكلفة جامد وحتكفي العيال وتشبعهم وحا تخليهم بعد كده ياكلوا صوابعهم وراها زي ما كانت دايما بتأكد علي كده  طيب والحمد لله أكلنا وشبعنا والحلة أتمسحت و الصنية اتزلطت وأكلنا صوابعنا وراها ياتري حانعمل إيه بعد كده ست الحاجة عملت إللي عليها! واحنا أكلنا صوابعنا وما بقاش فينا صوابع وعايزين حلة تانية طيب نعمل إيه ؟؟!! وعشان ست الحاجة بتتعب لما تفكر تعمل أكلة وما تعرفش إلا المتسبك ولا قريتش لأبلة نظيرة أو مني عامر أو حتي طباخ الريس أو دخلت مطعم مغمور ولا يعجبها الطبخ الموضة ولا أكلت وجبة كنتاكي ولا تعرف إيه وجبة ماندي ولا حتي أكياس الشيبسي وتقول قُطـْعِتْ حتي البيتسا مهما ان كانت من أكبر مطعم مشهور وعشان مابتعرفشي إن الموضة بتاعة أكل الايام ديه بقت مسلوق والمتسبك موضة قديمة قعدت مدة طويلة تفكر لكن جات لها فكرة خطيرة أخيرا بعدما بذلت جهد كبير بعد ما تعبت ست الحاجة من التفكير قالت حا اعمل ليكوا صنية فتة علشان نشعر بالتغيير طبعا صنية الفتة يادوب حاتتمسح ومش حاتكفي لأن الفتة عايزة لحمة وبالتالي حناكل الباقي من صوابعنا وراها ولما نصحي الصبح مش حنلاقي صوابعنا بعد كده يبقي حانعمل إيه ؟ لازم بقي نفكر أحنا كمان معاها ونفكر كويس لأننا أكلنا صوابعنا ومبقاش عندنا صوابع فنعمل إيه؟! إوعوا حد يقول لي نجيب حلة محشي جاهزة أو نجيب واحد صيني ونخليه يعملها بالله عليكم ماحدش بقي يفكرني بالصين وبالجماعة الصينيين تاني !! دول بيطلعوا لحد باب الشقة ويقولولك مش عايز عروسة حقيقي وعلي قد فلوسك ولومن غير فلوس مافيش مانع ولو عايزها حامل جاهزة مافيش مانع برضُه إحنا جينا هنا عشان نحقق لك كل أحلامك انتم فكرتوني ليه بس بالصين وعشان أكلنا صوابعنا لازم نجيب حد له صوابع طبعا الحد إللي له صوابع ده مش أي حد فلازم يكون مناسب لهذه المهمة والشخص المناسب ده لازم يكون زمَّار و زمَّار إيه !! مش أي زمَّار والسلامة !! لأ !! ده زمَّار محترف وفاهم ! وانتم عارفين ان الزمَّار يموت وصوابعه بتلعب فلازم صوابعه حاتلعب لنا في أي حاجة فيبدأ يلعب لنا في مخنا مش عشان مخنا لا سمح الله فاضي ! .. لأ ده متعمر بكل أطاييب المشاكل اليومية والحياتية والتعقيدات الإقليمية والعالمية والدلار واليورو العملة المحلية ونشاط الجزيرة والبي بي سي و العربية والهدوء المميت والمريب للقنوات العربية وداري علي شمعتك كما في القنوات المصرية والنفخ في النار وكسر ماسورة الحنفية واختلاق الاعتصامات و المظاهرات الاحتجاجية والمطالبات الفئوية المشروعة أو التي ليست لها مشروعية والجيش والشعب إيد واحدة وأنا وانت ورقصني ياجدع وبعد مايلعب لنا في مخنا شوية أكيد أكيد إيده حاتنزل تحت شوية عشان يزغزغنا فنضحك وطبعا مش حانقدر نقول له إوعي إيدك أو أختشي عيب وكده ما يصحش فيروح مزغزغنا مرة تانية فنقوم نهز وسطنا والزمارة تشتغل والصوابع تلعب وحزمني ياجدع والرقص يبدأ واحدة واحدة ثم واحدة ونص ثم يبتدي يشتد ويشتد ويتهد حيلنا في الرقص ولكن نرقص كالطير مذبوحا من الألمِ وبعد هذه الوصلة ومن باب الترفيه و التسلية يهرش لنا في رجلينا شوية ولما يلاقي ريحتها لاموآخذة مش تمام يروح طالع تاني لفوق و برضه من باب التغيير حايلعب لنا بصوابعه في مخنا وبعد ما زمر لنا يدي البعض طبلة شيك رنتها حنينه وحالمة خالص ورقيقة جدا وآخر موضة واحنا طبعا بنحب الفن واحنا اللي بدعنا الفنون وانت عارف الهبلة لما يدوها طبلة حاتعمل إيه بقي و طبعا احنا ما نتوصاش ! ولأن ست الحاجة أفقدتنا أصابعنا من أول أكلة وكملت لنا عليها في الأكلة الثانية حانتحزم ونرقص حتي نتساقط و طبعا بعد كده عايزين ناكل فتيجي ست الحاجة بحلة المحشي وصنية المفتأة فمنلاقيش صوابعنا طبعا صوابع الزمار هي إللي حاتقوم بكل شيء وإحنا اللي حا نقعد نتفرج لأننا عايزين حد يحط لنا الأكل في بقنا وبدل ما نطبق المثل اللي بيقول ما حك جلدك غير ظفرك فتولَ انت جميعَ أمرِك نقوله منين يا حسرة واحنا مالناش ظوافر عشان نحك جلدنا اللي اتقشف ومالناش صوابع لأنها اتاكلت من أول حلة محشى ومن أول صنية مفتأة وعوضنا علي الله واللي كان كان !! بسبب أكلة المفتأة والفتة بتاعة ست الحاجة وعشان ست الحاجة علي قدها ولم تتطلع علي كتاب أبلة نظيرة عشان كده ما علمتناش إزاي نطبخ !! وماعلمتناش إزاي نعتمد علي أنفسنا وخلتنا نعتمد علي الغير ونجيب حد يطبخ لنا ويحطلنا الأكل في بقنا لأننا تعودنا أن ناكل صوابعنا لكن ما اتعلمناش ولا عرفناش إزاي نشغلها إوعوا حد يقول لنا إن مخنا علي قدنا لأنه مهما كان لازم الأول نشغله ! عشان نشغل صوابعنا بحرفنه ومانكلهاش !!!! وإن الإيد البطالة نجسة ! كله من حلة المحشي وصنية المفتأة منك لله يا ست الحاجة !!
__________________
 |
|
#2
02-04-2011, 05:45 AM
|
|||
|
|||
|
جزاك الله خيرا
بس بص حواليك هتلاقى كله طلعت له أصابع وأظافر كله صار يريد وهذا من حقه والست الحاجة الوحيدة التى ليس من حقها أن تريد بارك الله فيكم
__________________
الحمد لله |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 04:25 PM.
