|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
04-07-2011, 02:50 PM
|
||||
|
||||
كان حلم صغير ليا .. بقلم \ سمر سعد
بسم الله الرحمن الرحيم وحشتونى جدا بجد وبقالى اكتر من 5 شهور مش نزلت موضوع بس كنت منتظرة انزل موضوع مفيد وفكرة جديدة تفيدكمهدخل فالموضوع هو الحقيقة كان حلم صغير ليا....... من صغري وانا بحلم بالحلم ده كان نفسى فيوم الاقى نفسى وزيرة او مسئولة كبيرة . او اخد منصب سياسي او ادارى كبير مش بهزر بس كان حلم جوايا... هو بيتى اللى عايشة فيه هو اللى ادانى الفكرة مش ممكن اكون وزيرة للماليه فيه , مش ممكن اكون وزيرة لشئون البيئة والنظافه الخاصة بيه , مش ممكن اكون وزيرة التموين فيه , مش ممكن , وممكن , وممكن..... من هنا جت فكرة حلمى ده كنت بحلم دايما انى الاقى منطقتى " الحى اللى بسكن فيه" بالنظام ده , منظومة سياسية وأدارية بشكل مصغر , بتشمل كل التخصصات السياسية والادارية ويمسكها الشباب انا وهو وهى وشباب الجيران اللى حواليا.... كنت بحلم اللى ينظم مالية المنطقة , واللى يكشف دايما عن اى فساد , واللى يكثفوا جهودهم عشان يحموا المنطقة واللى بيهتم بالابداع والثقافة , واللى بيحس بظروف جيرانه المادية ومشاكله النفسية والاسرية .... من قبل الثورة كان حلم عندى جت الثورة ومع كل يوم كانت بتشجعنى , ليه بدل مافيه فساد سياسي وادارى ليه مانعلمش شبابنا من صغرهم بالوعى السياسى ده ليه كل شاب مايتحملش مسؤلية من صغره وبالتالى لما يكبر يكون قادر وفاهم وواعى بمسئوليته اتجاه وطنه ليه بدل ماكل شاب مش لاقى حاجه يعملها او شاب بينحرف من الفراغ والمشاكل اللى حواليه ليه مانحاولش نجمع كل الشباب دى فمنظومة واحده ونحملهم مسئولية اتجاه بلدهم ولو فى قطاع مصغر وهو الحى اللى بيسكنوا فيه ليه كل انسان زى وزيك بيحلم انه يقدم كتير لبلده بس مش عارف يبدء طريقه منين ويعمل ايه يمكن حلم صعب شوية حاليا بس انا كنت حابه نتناقش فالفكرة دى " كفاية كده طولت عليكم واتمنا بجد تكون فكرتى مفيده ونقدر نتناقش فيها وتعجبكم بشكركم جدا" 
__________________
 ~Love your life ~ |
|
#3
04-07-2011, 04:14 PM
|
||||
|
||||
|
والله فكرة ممتازة بدل المجالس المحلية ورئيس الحى اللى محدش عارف هما مين ولا فين اصلا
الشباب يكونوا مجلس ما بينهم وكل واحد يبقى مسئول عن شئ او كل مجموعة تختص بحااجة والله لو حصل كده كل حى هيبقى جميل جدا ومن هنشوف عشوائيات ولا ناس محتاجة بالاضافة الى اللى انتى قولتيه فى الاول من تحمل مسئولية وحاجات كتير فكرة جميلة جدا بس مين يسمع وينفذ شكررا على الموضوع الجميل
__________________
 |
|
#4
04-07-2011, 04:46 PM
|
||||
|
||||
|
اقتباس:
ميرسي لحضرتك على مرورك نورتنى
__________________
~Love your life ~ |
|
#5
04-07-2011, 04:48 PM
|
||||
|
||||
|
اقتباس:
والله كلام حضرتك برضه جميل جدا بس فعلا مين يسمع وينفذ احنا لو سبناها للمسئولين مافيش حاجه هتتحقق نهائيا بس نفسى زى ما الثورة بتاعتنا قامت من غير مسئولين احنا كمان ننفذ المشروع ده من غير مسئولين متشكرة جدا لمرور حضرتك نورتنى
__________________
~Love your life ~ |
|
#7
04-07-2011, 04:55 PM
|
||||
|
||||
|
اقتباس:
وبجد ميرسي على مرورك الكريم
__________________
~Love your life ~ |
|
#8
04-07-2011, 05:00 PM
|
||||
|
||||
|
والله يا سمر الفكرة جمييييييله جداااا
وهتحل مشاكل كتير وهتشغل شباب كتير فعلا زي ما قولتي ده غير ان الشباب هيطلعو افكار جديده وذكيه ممكن نستغلها كويس اوي بس تعرفي بصراحه انا محبطه تماما من الحال عموما ..للاسف الناس مش بتتغير ولا بتغير دماغها... تقبلي مروري..... |
|
#9
04-07-2011, 05:00 PM
|
||||
|
||||
|
اقتباس:
اوك المسئولين مش بينفذوا شئ بس هل احنا مستعدين لشئ زى كده
مش هنلاقى حد يقول انا مالى انا ورايا شغل واللى مسافر واللى وراها مش عارف ايه فى افكار كتير بس للاسف احنا كمان مش بنفذ شئ تعرفى الموضوع ده محتاج ادارة علشان يتنفذ زى المشروع بتاع عمرو خالد صناع الحياة لكن هنقول كل شباب حى يعمل مع بعضهم مش هيحصل شئ وجهة نظر ارجو تقبلها
__________________
|
|
#10
04-07-2011, 05:06 PM
|
||||
|
||||
|
اقتباس:
ميرسي يا لينا على مرورك الكريم بس صدقينى احنا بطلنا احباط من ايام الثورة انا بعد الثورة كنت كل يوم بكلم نفسى وانا مش مصدقه بقا احنا الشباب اللى كانوا بيقولوا مش بنعمل حاجه وتافهين اسفة فاللفظ بس فعلا كانوا بيقولوا كده وكانوا بيقولوا علينا شباب الفيس بوك قدرنا نعمل كل ده فالموضوع مش صعب بعد النصر الكبير اللى حققناه وبجد انا بقا عندى امل كبير ان الحلم ده يتحقق ومش هسكت بجد غير لما يتحقق ان شاء الله ميرسي لمرورك ياقمر نورتينى بجد
__________________
~Love your life ~ |
|
#11
04-07-2011, 05:08 PM
|
||||
|
||||
|
اقتباس:
والموضوع محتاج دعاية كبير وتشجيع كبير وخصوصا لو حد من المسئولين اتوجه للمشروع ده انا بجد كان الحلم ده جوايا وكنت حابه اشوف فى ناس كتير زيي جواهم الحلم ده ولا انا بس بجد بشكر حضرتك جدا ووجهت نظر حضرتك صح مليون فالميه
__________________
~Love your life ~ |
|
#12
04-07-2011, 05:15 PM
|
||||
|
||||
|
بجد يا سمر فكره جميله أوى وموضوع أجمل من شخصيه جميله جداً
بصى ياسمر الفكره طبعاً جميله جداً ومافيش ناقش فى كده بس الفكره بقى ان احنا لو عملنا كده حيطلع ناس ويقولوا لكى " لازم تعملوا جمعيه خيريه مثلاً " او بقى يا سلام لو طلع لك وقالك ضرائب وناس كتير اوى حتفكر ان احنا بنعمل كده علشان حاجه معينه انا عايزه أقول لك ان انا كنت بعمل او بساعد فى حاجه شبيه بكده كانت مجموعه ناس بيعملوا حاجات زى اللى انتى قولتى عليها دى وكان الكل بيشارك فيها وده كان السنه اللى فاتت بس كانت عباره عن اننا نمس شارع معين يكون الناس اللى عايشين فيه محتاجين فعلاً مساعده ومش شرط تكون مساعده ماليه ممكن تكون مساعده معنويه او نعمل لهم توعيه مثلاً بس انا عايزه اقول لك ان المسؤلين او المشرفين على الموضوع ده اتبهدلوا أصلاً واتقال انهم بيعموا لك علشان بيخدوا فلوس وراح القسم وقالوا انهم بيعملوا كده علشان اتخابات مجلس الشعب وكلام من ده اينعم الوضع اتغير بس مثلاً لو نزلنا فى الحى الفلانى وكلهم عارفين ان سمر من مؤيدى البرادعى ونزلتى وعملتى حمله توعيه سياسه مثلاً حيقولوا سمر بتعمل كده علشان تخلى وتقنع الناس انهم ينتخبوا البرادعى وكلام كتير من ده وخصوصاً بقى ان الشباب او بمعنى اصح الشباب العاطل نسبته زاده اوى ومش ينفع نشغلهم بـ حاجه زى كده فا انا جت لى فكره مش عارفه حتعجبك ولا لا وانا فعلا بدأت انفذ فيها لو كل واحد او واحده مننا عمل حمله توعيه ومساعده لسكان البيت اللى ساكن فيه حتكون حاجه كويسه جداً وبكده الكل حيكون عمل حاجه مفيده وبرضه مش نعمل عطل زياده ونعلى نسبه الباطاله يعنى مثلا انتى يا سمر ساكن فى الدور 6 والدور فيه 2 شقه يعنى عندك 12 شقه لو عملتى مثلا ورقه فيه كلام منطقى تقدرى تقنعى الناس بيه ووزعتيه على الناس حيكون برضه أحسن وممكن كممان تعلقى ورق على الحائط فى البيت كله وكمان ممكن نتكلم مع جيرانه اللى مش فاهمين مش شرط سياسه بس ممكن نتكلم معاهم فى طريقه التربيه للاولاد وممكن كمان نتنكلو ونقول ازاى نخلى مستوى المعيشه يكون أحسن والحاجات دى تكون حمله توعيه من جميع الجهات وده طبعا لان أحنا الشباب او بمعنى أصح من سن 15 لـ 25 سنه هما دول اللى بقوا فاهمين الدنيا كويس اوى وكمان عندهم افكار وحلول لمشاكل كتير جداً وعندهم القدره على انهم يقنعوا اللى ادامهم برأيهم أسفه يا سموره طولت عليكى
__________________
 |
|
#13
04-07-2011, 05:16 PM
|
||||
|
||||
|
اقتباس:
اوك يا سمر
انا مش قصدي ع الشباب ولا انا وانتي واي حد عنده راي لا انا اقصد العامه او الاغلبيه البسيطه اللي عاوزه اوصفها -وسامحوني كلكم- بالمتخلفه ايوة متخلفه ومش عايزة تفكر ولا تغير تفكيرها لسه زي ما هو انا كنت متحمسه اوووووووووي فوق ما تتصوري بس احبطت بسبب اللي شوفته واللي بشوفه كل يوم مبقاش عندي امل الصراحه لازم دول يتغيرو الاول ساعتها الدنيا كلها هتتغير وحلمك الجميل ده يبقي واقع بس.... |
|
#14
04-07-2011, 05:21 PM
|
||||
|
||||
|
والله هي فكرة
كنت بشوف في الافلام الاجنبي يوم بيخلوا فيه طلاب المدارس و هما صغيرين يروحوا مع وظيفة معينة (كل واحد وظيفة) و يشوفوا اهلها بيشتغلوا ازاي فمنهم اللي كان بيروح مع الشرطة و المطافي و غيره عشان كده في تفاني في العمل طيب انا بفكر اننا ممكن نطبق فكرة زي دي علي صفحات المنتدي هنا نعمل زي فكرة اسبوعية نعين فيها مجموعة من الاعضاء في مهام الوزراء الحالية و نشوف ازاي ممكن يفكروا و الاعضاء تناقشهم في صحة قراراتهم او بطلانها و نشوف برضه تعليقاتهم علي الاحداث الجارية و القرارات اللي ممكن يتخذوها لعل و عسي....يطلع من بينهم وزير  فكرة رائعة يا سمر تقبلي مروري المتواضع علي الموضوع
__________________
[CENTER] رُوِيَ عن معاذ بن جبل رضي الله عنه أنه قال : تعلموا العلم فان تعـلُمه لله خشية ، وطلبه عبادة ، ومُدارسته تسبيح ، والبحث عنه جهاد ، وتعليمه من لا يعلم صدقة وبذله لاهله قُـربى ، وهو الانيس فى الوحدة ، والصاحب فى الخلوة ، والدليل على الدين ، والمُصبر على السراء والضراء ، والوزير عند الاخلاء ، والقريب عند الغرباء ، ومنار سبيل الجنة |
|
#15
04-07-2011, 05:28 PM
|
||||
|
||||
|
اقتباس:
بجد كلامك جميل جدا وبيدل على عقليه ناضجه وواعيه انتى عندك حق فكلامك طبعا وبجد فكرتك حلوة جدا انا ماكنش قصدى ان شخصيه سياسية تدعم المشروع بشكل رئيسى لانهم هيظنوا كده فعلا زى مابتقولى انا كان قصدى لو دعم بشكل بسيط وبدون تدخل كبير وبشكل سري عندنا ناس كتير عاملين كده ومن زمان وفعلا الشكوك والجدل كتير حواليهم وموضوع مجلس الشعب وكده دايما بيثير حوليهم الشكوك بس انا برضه كنت حابه يكون الشباب بس وفكره البيوت دى عجبتنى جدا جدا جدا جدا بجد وعندى فكرة كمان واعتقد اكتر مكان كان ممكن يفيد المشروع ده هو المدارس ففصل الصيف ليه بدل ما المدارس بتبقا فاضية فالاجازة ومش بنستفيد بيها ليه مش نبدء بيها الحمله دى والله انا حاسة انها فكرة كويسة وعايزة رأيكم برضه ميرسي يا زوز بجد عقليتك جميلة جدا واسعدنى مرورك بجد ياقمر
__________________
~Love your life ~ |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 03:22 AM.
