|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
|
|
#1
04-07-2011, 04:14 PM
|
||||
|
||||
والله فكرة ممتازة بدل المجالس المحلية ورئيس الحى اللى محدش عارف هما مين ولا فين اصلا
الشباب يكونوا مجلس ما بينهم وكل واحد يبقى مسئول عن شئ او كل مجموعة تختص بحااجة والله لو حصل كده كل حى هيبقى جميل جدا ومن هنشوف عشوائيات ولا ناس محتاجة بالاضافة الى اللى انتى قولتيه فى الاول من تحمل مسئولية وحاجات كتير فكرة جميلة جدا بس مين يسمع وينفذ شكررا على الموضوع الجميل
__________________
 |
|
#2
04-07-2011, 04:48 PM
|
||||
|
||||
|
اقتباس:
والله كلام حضرتك برضه جميل جدا بس فعلا مين يسمع وينفذ احنا لو سبناها للمسئولين مافيش حاجه هتتحقق نهائيا بس نفسى زى ما الثورة بتاعتنا قامت من غير مسئولين احنا كمان ننفذ المشروع ده من غير مسئولين متشكرة جدا لمرور حضرتك نورتنى
__________________
 ~Love your life ~ |
|
#3
04-07-2011, 05:00 PM
|
||||
|
||||
|
اقتباس:
اوك المسئولين مش بينفذوا شئ بس هل احنا مستعدين لشئ زى كده
مش هنلاقى حد يقول انا مالى انا ورايا شغل واللى مسافر واللى وراها مش عارف ايه فى افكار كتير بس للاسف احنا كمان مش بنفذ شئ تعرفى الموضوع ده محتاج ادارة علشان يتنفذ زى المشروع بتاع عمرو خالد صناع الحياة لكن هنقول كل شباب حى يعمل مع بعضهم مش هيحصل شئ وجهة نظر ارجو تقبلها
__________________
|
|
#4
04-07-2011, 05:08 PM
|
||||
|
||||
|
اقتباس:
والموضوع محتاج دعاية كبير وتشجيع كبير وخصوصا لو حد من المسئولين اتوجه للمشروع ده انا بجد كان الحلم ده جوايا وكنت حابه اشوف فى ناس كتير زيي جواهم الحلم ده ولا انا بس بجد بشكر حضرتك جدا ووجهت نظر حضرتك صح مليون فالميه
__________________
~Love your life ~ |
|
#5
04-07-2011, 05:15 PM
|
||||
|
||||
|
بجد يا سمر فكره جميله أوى وموضوع أجمل من شخصيه جميله جداً
بصى ياسمر الفكره طبعاً جميله جداً ومافيش ناقش فى كده بس الفكره بقى ان احنا لو عملنا كده حيطلع ناس ويقولوا لكى " لازم تعملوا جمعيه خيريه مثلاً " او بقى يا سلام لو طلع لك وقالك ضرائب وناس كتير اوى حتفكر ان احنا بنعمل كده علشان حاجه معينه انا عايزه أقول لك ان انا كنت بعمل او بساعد فى حاجه شبيه بكده كانت مجموعه ناس بيعملوا حاجات زى اللى انتى قولتى عليها دى وكان الكل بيشارك فيها وده كان السنه اللى فاتت بس كانت عباره عن اننا نمس شارع معين يكون الناس اللى عايشين فيه محتاجين فعلاً مساعده ومش شرط تكون مساعده ماليه ممكن تكون مساعده معنويه او نعمل لهم توعيه مثلاً بس انا عايزه اقول لك ان المسؤلين او المشرفين على الموضوع ده اتبهدلوا أصلاً واتقال انهم بيعموا لك علشان بيخدوا فلوس وراح القسم وقالوا انهم بيعملوا كده علشان اتخابات مجلس الشعب وكلام من ده اينعم الوضع اتغير بس مثلاً لو نزلنا فى الحى الفلانى وكلهم عارفين ان سمر من مؤيدى البرادعى ونزلتى وعملتى حمله توعيه سياسه مثلاً حيقولوا سمر بتعمل كده علشان تخلى وتقنع الناس انهم ينتخبوا البرادعى وكلام كتير من ده وخصوصاً بقى ان الشباب او بمعنى اصح الشباب العاطل نسبته زاده اوى ومش ينفع نشغلهم بـ حاجه زى كده فا انا جت لى فكره مش عارفه حتعجبك ولا لا وانا فعلا بدأت انفذ فيها لو كل واحد او واحده مننا عمل حمله توعيه ومساعده لسكان البيت اللى ساكن فيه حتكون حاجه كويسه جداً وبكده الكل حيكون عمل حاجه مفيده وبرضه مش نعمل عطل زياده ونعلى نسبه الباطاله يعنى مثلا انتى يا سمر ساكن فى الدور 6 والدور فيه 2 شقه يعنى عندك 12 شقه لو عملتى مثلا ورقه فيه كلام منطقى تقدرى تقنعى الناس بيه ووزعتيه على الناس حيكون برضه أحسن وممكن كممان تعلقى ورق على الحائط فى البيت كله وكمان ممكن نتكلم مع جيرانه اللى مش فاهمين مش شرط سياسه بس ممكن نتكلم معاهم فى طريقه التربيه للاولاد وممكن كمان نتنكلو ونقول ازاى نخلى مستوى المعيشه يكون أحسن والحاجات دى تكون حمله توعيه من جميع الجهات وده طبعا لان أحنا الشباب او بمعنى أصح من سن 15 لـ 25 سنه هما دول اللى بقوا فاهمين الدنيا كويس اوى وكمان عندهم افكار وحلول لمشاكل كتير جداً وعندهم القدره على انهم يقنعوا اللى ادامهم برأيهم أسفه يا سموره طولت عليكى
__________________
 |
|
#6
04-07-2011, 05:28 PM
|
||||
|
||||
|
اقتباس:
بجد كلامك جميل جدا وبيدل على عقليه ناضجه وواعيه انتى عندك حق فكلامك طبعا وبجد فكرتك حلوة جدا انا ماكنش قصدى ان شخصيه سياسية تدعم المشروع بشكل رئيسى لانهم هيظنوا كده فعلا زى مابتقولى انا كان قصدى لو دعم بشكل بسيط وبدون تدخل كبير وبشكل سري عندنا ناس كتير عاملين كده ومن زمان وفعلا الشكوك والجدل كتير حواليهم وموضوع مجلس الشعب وكده دايما بيثير حوليهم الشكوك بس انا برضه كنت حابه يكون الشباب بس وفكره البيوت دى عجبتنى جدا جدا جدا جدا بجد وعندى فكرة كمان واعتقد اكتر مكان كان ممكن يفيد المشروع ده هو المدارس ففصل الصيف ليه بدل ما المدارس بتبقا فاضية فالاجازة ومش بنستفيد بيها ليه مش نبدء بيها الحمله دى والله انا حاسة انها فكرة كويسة وعايزة رأيكم برضه ميرسي يا زوز بجد عقليتك جميلة جدا واسعدنى مرورك بجد ياقمر
__________________
~Love your life ~ |
|
#7
04-07-2011, 05:42 PM
|
||||
|
||||
|
اقتباس:
أشكرك يا سموره على كلامك الجميله
بس عندى اعتراض بسيط شويه فكره المدرسه دى مش حتكون لذيذه خالص عارفه ليه؟ لان غالياً معظم الطلبه مابيصدقوا يخلصوا امتحانات ومش عايزين يروحوا هناك تانى ابداً وكمان فى معظم المدارس بيكون فى نشاط صيفى او حاليا بقى كل المدارس كده قولى لى بجد فكره البيت دى عجبتك بجد ؟ انا كنت بدأت انفذ فيها بس وقفت التنفيذ شويه علشان كنت حاسه انها فكره فاشله شويتين بس انتى كده شجعتينى أكتر من الآول وفى فكره تانيه كمان انتى وانا وكلنا ممكن يكون عندنا اصحابنا معندهمش فكره اطلاقاً بامور حياتنا اليوميه اقسملك بالله يا سموره فى ناس اصحابى ماكنوش يعرفوا مين رئيس مصر تصدقى دى ؟ ممكن احنا نكلمهم ونوعيهم شويه علشان دول حينتخبوا قريب اوى ولازم يكونوا فاهمين علشان صوتهم بياثر فى كل حاجه ومش سياسه بس وكل حاجه ، نتكلم معاهم بطريقه مش تحسسهم انهم جاهله بس تناقش وهما حيكتسبوا مننا بعض الاشياء ايه رأيك فى الفكره دى ؟
__________________
|
|
#8
04-07-2011, 05:52 PM
|
||||
|
||||
|
اقتباس:
بس عارفة احنا خلصنا اهو وكل واحد قاعد زهقان ومش لاقى حاجه يعملها هتقولى مابيصدقوا يخلصوا ومش يعتبوا المدرسة تانى بس كل واحد ليه حاجه تشده وتجذبه انه يكون معانا ماهو احنا مش هنتكلم فالسياسة وبس لا فكل حاجه ومش بطريقة رسميه لا بطريقة عامية بس بتحمل معانى ناضجه وواعيه فهمانى يعنى مثلا انا وانتى وغيرنا يقدر يعبر عن نفسه مثلا من خلال المنتدى هنا ومن خلال الفيس مثلا اللى بقا محور حياتنا حاليا لكن فى ناس كتير مش بتحب مثلا النت او ناس كتير مش بتعرف تستخدمه اصلا او ناس كتير عايشة فمناطق عشوائية وريفية مش بقلل والله من شان حد بس ليه ما نخليش كل واحد يعبر عن اللى جواه يمكن الناس اللى مستخبيه دى ومش عارفين يوصلوا صوتهم تكون جواهم ابداعات وطاقات وحاجات كتيرة جدا تفيدنا وتفيد البلد وانا بجد عايزاكى تبدئي مشروعك ده لانه بجد جميل جدا جدا ومش مجاملة والله دى حقيقة
__________________
~Love your life ~ |
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 06:11 AM.
