كيف تتغلب عليه؟ موضوع هام للمناقشة فيه من جميع الاعمار

[aleman]

السلام عليكم
معلش موضوعى اليوم قد يذكركم باحداث محزنة ترجو نسيانها
بس بجد الموضوع مهم
وهو عن الحزن والغرق فيه
فى رأيك كيف تتغلب عن حزنك؟
بعيدا طبعا عن الكلام العلمى وكلام الانشاء اللى تقريبا كلنا عرفينه
ومثال له موضوع لى بقسم الصحة النفسية ارجو الاطلاع عليه ثم نرجع هنا نكمل حوارنا
http://www.thanwya.com/vb/showthread.php?t=407679

رجعنا تانى
بجد ازاى الواحد يتغلب على حزنه
خاصة تجاه فقد صديق او صديقة او زوج او زوجة او حبيب او حبيبة
انا من رأيى المصالحة مع النفس والمواجهة
بمعنى:
انك تكلم الشخص اللى جرحك (رغم انك عارف انه هو اللى غلطان وهو اللى اساء لك )
تتصل به تستفهم منه ليه عمل كدا؟ ليه المواضيع وصلت لكدا بينك وبينه؟ تسأله عن كل ما يجول بخاطرك من افكار لو قولتها لحد تانى يمكن ينصحك نصيحة سوء ويدعو للجفاء اكثر
فعلا ليه بنختار اصحاب تانيين نشكى ليهم من هذا الشخص مع العلم ان الاسهل انك تعاتبه هو نفسه
صدقنى المعاتبة بتريح النفس جدا
بس خلى بالك
لاتعاتب وقت الحدث والمشكلة(وده رأى شخصى) عاتب بعد مرور اقل من اسبوع على المشكلة
يومين
ثلاثة
اربعة
لاتزود عن اسبوع لان بعد اسبوع المشكلة عند الطرف التانى بيبدأ يحاول ينساها فلو فكرتوا بيها تانى ممكن يهب فيك والجفاء ساعتها هيزيد خالص
والمعاتبة فى وقتها لاتجدى لان اللى امامك سيكون متمسك برأيه جدا(خاصة لو انتا اللى مزعله) سيبه كام يوم يشعر بقيمتك وغيابك بالنسبة له ثم عد وعاتب وافهم
ووضح انك بتعاتب لتفهم حتى لاتتفهم غلط
وحتى لو انفصلتوا صدقونى عمركم ما هتدعو على بعض ولو افتكرتوا بعض هتظل الصورة الحسنة هى اللى بينكم
بجد فكروا مع الطريقة دى صح ام لا؟
حد جربها قبل كده؟
طب جابت نتيجة؟
طب حد جرب حاجة تانية؟
يقولنا عليها
وطبعا لا انسى ان اقول ان اهم وسيلة للتغلب على الاحزان هى الصلاة وقراءة القران
وعن تجربة لها تأثير فعال
واعتذر للتطويل عليكم