كارثة كليات الهندسة في الجامعات الخاصة "المهندسين" تهدد بعدم تسجيل الخريجين

[0mohamedelsewedy]

طالبت نقابة المهندسين بالإسكندرية، بالالتزام بألا يقل مجموع من تقبله كليات الهندسة بالجامعات الخاصة عن 5% من أدني مجموع تقبله كليات الهندسة الحكومية، كما لا يقل المجموع عن 10% لمن تقبله المعاهد الهندسية الخاصة، وذلك حفاظاً علي مستوى المهنة.

وقالت النقابة في بيان لها، إن عدم الالتزام بهذه المعايير قد يؤدي إلي عدم قبول المهندسين الحاصلين علي مجموع أقل من ذلك في الثانوية العامة في نقابة المهندسين .
وأضاف البيان أن قرار النقابة جاء قبل بدء التنسيق للقبول بالكليات والمعاهد الهندسية الخاصة، لإعفاء النقابة من المسئولية عند عدم تسجيل الخريجين المخالفين لهذه التعليمات. يعني الا يقل المجموع عن 89% للخاص و 84% للمعاهد



اقرأ المقال الأصلي علي بوابة الوفد الاليكترونية الوفد - "المهندسين" تهدد بعدم تسجيل الخريجين من الكليات الخاصة

[babagamil]

هههههههههه كارثه مين صلى على النبى بيقلك 10% ههههههههه يعنى لو هندسة شبرا واخده من 95 يبقى الحد الادنى للخاص 85 ههههههههههه

[esraaegypt]

مش كارثة ولا حاجة ده طبيعى زى صيدلة وطب ما عملوا .. الكارثة هى عدم الاعتراف بالخريجين نهائيا وده مستحيل

[0mohamedelsewedy]

المشاركة الأصلية كتبت بواسطة babagamil

هههههههههه كارثه مين صلى على النبى بيقلك 10% ههههههههه يعنى لو هندسة شبرا واخده من 95 يبقى الحد الادنى للخاص 85 ههههههههههه

10% دي للمعاهد و 5 % للكليات الخاصة

[سـهيـلـة]

كده قشطة اوى علشان مش يتساوى اللى جايب 96 مع اللى جايب 60 ولا 70

[babagamil]

ياجدعان هى هى والله مش فارقه كتييير المفروض يبقى ااكتر حاجه 1% بس ده العدل لكن يقلك 5%و10% حرام يعنى ولاا ايه

[0mohamedelsewedy]

المشاركة الأصلية كتبت بواسطة سـهيـلـة

كده قشطة اوى علشان مش يتساوى اللى جايب 96 مع اللى جايب 60 ولا 70

علي فكرة انا علمي علوم و جايب 96% وملحقتش اي حاجة

[سـهيـلـة]

والله بجد حسبنا الله ونعم الوكيل ,, صدقنى انا عندى صاحبتى جايبة 97.7 وملحقتش حاجة برده ,, وانا جايبة 93.3 وشكلى مش هلحق علوم حتى ,, بس صدقنى ان الكليات الخاصة ياخدوا بمجموع معين ده افضل ليك ,, عالأقل مش هتحس انك اتساويت بواحد فاشل داخل بفلوسه ,, انا واحدة قريبتى السنة اللى فاتت كانت جايبة 67 ودخلت علوم خاص ,, طيب انا جلوقتى لو دخلت علوم وجايبة 93.3 هتساوى بيها ؟؟ ,, ده حرام وظلم ولا لا

[همس الرومانسيه]

لا ابدا ده اللي المفروض كان يحصل من زمان في الهندسة الخاصة زي ما كليات طبية كتير طبقت النظام ده علشان يخرج مهندسين بكفاءة عالية والمستويات تبقى متقاربة وعلشان محدش يبقى ناقص ليه درجة ولا نص على دخول كلية طب ويدخل طب خاص محدش يجي يقوله ماهو الطب الخاص بياخد نسب وااااقعة من 70 ولا 80 ده ونفس الكلام الهندسة ....
ده بداية الطريق الصح لان التعليم الخاص يتصلح ويبقى للخريج منه قييييمة في السوق وفي الحياة ويبقى بداية لتساوي التعليم الخاص مع الحكومي بس الفرق ان اللي عايز تعليم افضل ممكن يدفع مقابل مادي للتمتع بمزايا تعليمية اكتر زي ماهو حاصل في كل مكان في الدنيا ماعدا التخلف بتاعنا اللي احنا عشنا فيه سنين ....
بس الفرق ان الخاص هناك بياخد زيه زي الحكومة زي البرامج الخاصة في الكليات العلمية عندنا كده .... وربنا يوفق الجميع يارب

[babagamil]

المشاركة الأصلية كتبت بواسطة همس الرومانسيه

لا ابدا ده اللي المفروض كان يحصل من زمان في الهندسة الخاصة زي ما كليات طبية كتير طبقت النظام ده علشان يخرج مهندسين بكفاءة عالية والمستويات تبقى متقاربة وعلشان محدش يبقى ناقص ليه درجة ولا نص على دخول كلية طب ويدخل طب خاص محدش يجي يقوله ماهو الطب الخاص بياخد نسب وااااقعة من 70 ولا 80 ده ونفس الكلام الهندسة ....

ده بداية الطريق الصح لان التعليم الخاص يتصلح ويبقى للخريج منه قييييمة في السوق وفي الحياة ويبقى بداية لتساوي التعليم الخاص مع الحكومي بس الفرق ان اللي عايز تعليم افضل ممكن يدفع مقابل مادي للتمتع بمزايا تعليمية اكتر زي ماهو حاصل في كل مكان في الدنيا ماعدا التخلف بتاعنا اللي احنا عشنا فيه سنين ....

بس الفرق ان الخاص هناك بياخد زيه زي الحكومة زي البرامج الخاصة في الكليات العلمية عندنا كده .... وربنا يوفق الجميع يارب

حضرتك متفهمنيش ان اللى جايب 90 وداخل طب خاص يتساوى باللى جايب 99 ازاى يعنى احنا اساسا المفروض نلغى الكليات الخاصه دى بلاقرف او اللى يدخلها اللى فارقه معاه على درجه او درجتين بالكتير لكن دللوقتى كل من هب ودب بقى يدخلها ........وده بنشوفه دلوقتى لما دكتور ينسى مقص فى بطن مريض او يموت واحد فى عمليه سهله..او مهندس صمم برج ووقع على دماغ السكان ....مصر عمرها ماهتتغير

[0mohamedelsewedy]

المشاركة الأصلية كتبت بواسطة سـهيـلـة

والله بجد حسبنا الله ونعم الوكيل ,, صدقنى انا عندى صاحبتى جايبة 97.7 وملحقتش حاجة برده ,, وانا جايبة 93.3 وشكلى مش هلحق علوم حتى ,, بس صدقنى ان الكليات الخاصة ياخدوا بمجموع معين ده افضل ليك ,, عالأقل مش هتحس انك اتساويت بواحد فاشل داخل بفلوسه ,, انا واحدة قريبتى السنة اللى فاتت كانت جايبة 67 ودخلت علوم خاص ,, طيب انا جلوقتى لو دخلت علوم وجايبة 93.3 هتساوى بيها ؟؟ ,, ده حرام وظلم ولا لا

انا دلوقتي مش صعبان عليا غير الاهالي الي هتدفع فلوس قد كدة و بعدين يطلع ده كلة علي الفاضي بس انا مع اني الجامعات الخاصة متقبلشي حد اقل من 90% من علمي علوم لان يعني ازاي واحد جايب 99% و ميلحقشي طب و واحد تاني ياخدها ب 88% حراااااااااااااااااااااااااااااااااااااااااااااااا اااااااااااام

[سـهيـلـة]

حسبنا الله ونعم الوكييييييييييييييييييييييييييييييل

[0mohamedelsewedy]

انا مش قصدي من كلمة كارثة اني معترض علي القرار لكن خايف اني الجامعات الخاصة تاخد الفلوس من الناس و تضحك عليهم علشان كدة لازمن ننشر القرار دة علشان كل واحد يبقي عارف نفسة نهايته هتبقي اية

[sameh mostafa]

ليه يعنى هى النقابة هتنقى متزودوا عدد الكليات الحكومية ورايحوا الدنيا كلها

[zemo22222]

القرار ده طالع من فتره على مستوى نقابه المهندسين المصريه قبل بدء التنسيق للجامعات والمعاهد الخاصه ويطبق من السنادى
وانا شايف انه عادل بل بالعكس 5% و10% نسبه لاتزال كبيره