كارثة كليات الهندسة في الجامعات الخاصة "المهندسين" تهدد بعدم تسجيل الخريجين

[سـهيـلـة]

كده قشطة اوى علشان مش يتساوى اللى جايب 96 مع اللى جايب 60 ولا 70

[0mohamedelsewedy]

المشاركة الأصلية كتبت بواسطة سـهيـلـة

كده قشطة اوى علشان مش يتساوى اللى جايب 96 مع اللى جايب 60 ولا 70

علي فكرة انا علمي علوم و جايب 96% وملحقتش اي حاجة

[همس الرومانسيه]

لا ابدا ده اللي المفروض كان يحصل من زمان في الهندسة الخاصة زي ما كليات طبية كتير طبقت النظام ده علشان يخرج مهندسين بكفاءة عالية والمستويات تبقى متقاربة وعلشان محدش يبقى ناقص ليه درجة ولا نص على دخول كلية طب ويدخل طب خاص محدش يجي يقوله ماهو الطب الخاص بياخد نسب وااااقعة من 70 ولا 80 ده ونفس الكلام الهندسة ....
ده بداية الطريق الصح لان التعليم الخاص يتصلح ويبقى للخريج منه قييييمة في السوق وفي الحياة ويبقى بداية لتساوي التعليم الخاص مع الحكومي بس الفرق ان اللي عايز تعليم افضل ممكن يدفع مقابل مادي للتمتع بمزايا تعليمية اكتر زي ماهو حاصل في كل مكان في الدنيا ماعدا التخلف بتاعنا اللي احنا عشنا فيه سنين ....
بس الفرق ان الخاص هناك بياخد زيه زي الحكومة زي البرامج الخاصة في الكليات العلمية عندنا كده .... وربنا يوفق الجميع يارب

[babagamil]

المشاركة الأصلية كتبت بواسطة همس الرومانسيه

لا ابدا ده اللي المفروض كان يحصل من زمان في الهندسة الخاصة زي ما كليات طبية كتير طبقت النظام ده علشان يخرج مهندسين بكفاءة عالية والمستويات تبقى متقاربة وعلشان محدش يبقى ناقص ليه درجة ولا نص على دخول كلية طب ويدخل طب خاص محدش يجي يقوله ماهو الطب الخاص بياخد نسب وااااقعة من 70 ولا 80 ده ونفس الكلام الهندسة ....

ده بداية الطريق الصح لان التعليم الخاص يتصلح ويبقى للخريج منه قييييمة في السوق وفي الحياة ويبقى بداية لتساوي التعليم الخاص مع الحكومي بس الفرق ان اللي عايز تعليم افضل ممكن يدفع مقابل مادي للتمتع بمزايا تعليمية اكتر زي ماهو حاصل في كل مكان في الدنيا ماعدا التخلف بتاعنا اللي احنا عشنا فيه سنين ....

بس الفرق ان الخاص هناك بياخد زيه زي الحكومة زي البرامج الخاصة في الكليات العلمية عندنا كده .... وربنا يوفق الجميع يارب

حضرتك متفهمنيش ان اللى جايب 90 وداخل طب خاص يتساوى باللى جايب 99 ازاى يعنى احنا اساسا المفروض نلغى الكليات الخاصه دى بلاقرف او اللى يدخلها اللى فارقه معاه على درجه او درجتين بالكتير لكن دللوقتى كل من هب ودب بقى يدخلها ........وده بنشوفه دلوقتى لما دكتور ينسى مقص فى بطن مريض او يموت واحد فى عمليه سهله..او مهندس صمم برج ووقع على دماغ السكان ....مصر عمرها ماهتتغير

[همس الرومانسيه]

المشاركة الأصلية كتبت بواسطة babagamil

حضرتك متفهمنيش ان اللى جايب 90 وداخل طب خاص يتساوى باللى جايب 99 ازاى يعنى احنا اساسا المفروض نلغى الكليات الخاصه دى بلاقرف او اللى يدخلها اللى فارقه معاه على درجه او درجتين بالكتير لكن دللوقتى كل من هب ودب بقى يدخلها ........وده بنشوفه دلوقتى لما دكتور ينسى مقص فى بطن مريض او يموت واحد فى عمليه سهله..او مهندس صمم برج ووقع على دماغ السكان ....مصر عمرها ماهتتغير

على فكرة واضح انك تعجلت في قراءة وفهم كلامي .... انا كلامي الهدف منه نفس اللي بتطلبه يعني الكلام ده المفترض يتقال لللي بيطالب ان الكليات الطبية او الهندسية الخاصة تاخد من اقل من الحدود اللي الوزارة بتقول عليها دلوقتي ويمكن حتى الحدود دي زي ماقولت واسعة يعني المفترض يكون الفرق زي ماقولت اقل ...
يمكن سبب الخلط اني قولت ان لازم ده يحصل علشااااااااااااان لما حد ينقص درجات بسيطة على دخول الحكومة ويدخل الخاص يبقى بوجود القانون ده الكل هيدخل من مجموع عالي فيبقى مفيش فروق في المستويات والقدرات للطلبة .... ويبقى خريج الخاص يفتخر بنفسه زي الحكومة ان لم يكن اكتر لانه هيلاقي مناخ علمي اكثر تميزا وطالما هو متميز كمان وزيه زي الطالب اللي داخل الحكومة اكيد هيقدر يكون مهندس او طبيب جيد ....
اما بالنسبة لحكاية ينسى مقص او يموت واحد او يصمم غلط ده نتااااااااااج حاجات كتير اوي اوي غلط في البلد في الفترة اللي فاتت وخريجييييين حكوووومة وكل حاجة .... لكن للاسف دي منظومة كانت فاشلة ده غير غياب الضمير والاخلاق والدين عند ناس كتير اطباء ومهندسين وناس كبيييييرة اووووووووي خرجين حكومة ايام لاكان فيه خاص ولا عااااام ...
وكتير من الطلبة لولا تميزهم وحرصهم على التدريب بره الكلية والتعلم من كل المصادر المتاحه ماكانوش قدروا يشتغلوا ... لان كليات الطب الحكومية بتاعتنا دي اما المفروض يكون 7 او 8 طلبة بيتعلموا على حالة مش 100 واحد واقفين فوق راس بعض مش عارفين يشوفوا حاجة ولا الهندسة الحكومة بردوا اللي الطلبة فيها مبيشوفوش مباني حقيقية بتتنفذ الا في التدريب بره الكلية لو شافوا من الاساس او اتدربوا في مكان محترم ... ولا صيدلة ولا اسنان ولا ولا ولا ولا .... انا شايف كتير وعارف كويس الحكومة فيها ايه والخاص كمان ... عموما نتمنى من ربنا ان حال التعليم ينصلح يارب .