|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
|
#1
11-09-2012, 06:10 PM
|
||||
|
||||
المعلمون :)
السلام عليكم : ازيكم ؟!
افتكر معظمنا اخد باله من موضوع المدرسين وكادر المدرسين وكده .... يعني قالوا هيلغوا كادر .. ويلغوا الدروس الخصوصيه ... ويرجعوا الطلبه للمدارس ! بصراحه بادعي لاول مره ( ربنا يوفق ااالحكومه ) يعني لو الكلام ده حصل جايز نبقي حاجه ! طبعا في مدرسين ليس عليهم غبااار تماااام وخارج الدائره دي اصلا ! لكن زي مافي الحلو في الوحش ... وفي مدرسين ربنا يهديهم .. يعني ضميرهم محتاج عمليه ايقاااظ .. قد تصل لعمليه انعااااش ! طيب .... دلوقتي مش عارفين المشكله فين اصلا ؟! يعني الطالب هيروح المدرسه مش هيلاقي شرح ؟! يروح البيت .. بابا عاوز اخد درس خصوصي ؟! الاب .. طبعا يا بني مصلحتك اولا !! ياخد الولد الدرس الخصوصوي فيكتشف انه المدرسه مش ليها لزمه عشان يروحها ! فمش بيروح المدرسه .... طبعا ما عدا السنين اللي بيقي فيها اعمال سنه ! مش هاتكلم عن المدرسيين .. لان طبعا اخدت دروس خصوصيه زي اي طالب ف مصر ... وكنت بنسي اني ف درس مش مدرسه .. عشان عاوزه احترم معلمي بجد ... يعني مهما كان لازم نقدر موقفهم معانا ,, وخوفهم علي مصلحتنا وقت كنا بناخد عندهم ........ طيب الموضوع بعتبره حلقه مفرغه ... عشان تصلح حاجه هتبوظ حاجه تانيه وهكذا ربنا يسهل ويلاقوا حل ........ بس افتكر المفروض ياخدوا راي الطلبه اولا !! اي نعم مخنا علي قدنا .... بس لان دماغنا مش مشغول اوي زيهم .. ممكن نشوف زاويه ف الموضوع تقدر تحله !!! ده غير بقي عمليه التربيه نفسها ... والمناهج ... والتعليم الفني اللي الله يرحمه بقي ........ واحده واحده ان شاء الله هتيجي محتااجين ارااااء ....او نعرف ازاي نقول ارااااء ...... جايز نخترع حل ولا حاجه ...! 
|
|
#2
11-09-2012, 06:43 PM
|
||||
|
||||
|
انا كمان سمعت عن الموضوع دا
بس حاسه انه هيبقى زى قلته لان مفيش حد هيقدر يستغنى عن الدروس وومكن كمان مصاريف الدروس تبقى بالدولار لان الدرس هيبقى فى السر لو النظام دا حصل ربنا يسترها آخر تعديل بواسطة shahd. ، 11-09-2012 الساعة 06:45 PM
|
|
#3
11-09-2012, 06:51 PM
|
||||
|
||||
|
اقتباس:
بس يعني بخصوص المصاريف كده يعني بدل ما الطالب يدفع حوالي 200 حنيه دروس كل شهر ... يدفه نفي ال200 جنيه مصاريف مدرسه .. بدل يعني ما بندفع مبالغ قليله ... ولو ضربنا المبلغ ف عدد طلاب المراحل التعليميه هيبقي مبلغ جاااامد يعني نقدر نوفر للمدرسين مرتبات محتررررمه ! والله اعلم برده شكرا ع المشاركه شهد ^^
|
|
#4
11-09-2012, 08:50 PM
|
|||
|
|||
|
الحل إنّهم يعاقبوا الدرس اللي مش بيشرح ف الفصل
والحل إنّهم يزودا مرتبات االمدرسين والحل إنّهم يحسّنوا مرافق المدرسة ويوفروا حافلات للمدارس " أنا أول م چيت هنا أستغربت إنو مفيش حافلات لنقل الطلبة المفروض دي حآچة أساسية " دي حلول صعبة ف ظل الأوضاع اللي بنعيشها بس عايزين الوزارة تعمل ع ده *
__________________
اللهمَّ إنْ لم أكنْ أهلا لأنْ أبلغَ رحمتَكَ؛ فإنَّ رحمتَكَ أهلٌ أنْ تبلغَني. رحمتُكَ وَسِعَتْ كلَّ شيءٍ، وأنا شَيْءٌ، فلتسَعْنِي رحمتُكَ، يا أرحمَ الرَّاحمينَ! وَالهَجْرُ أقْتَلُ لي مِمّا أُراقِبُهُ .. أنَا الغَريقُ فَما خَوْفي منَ البَلَلِ !
|
|
#5
11-09-2012, 08:56 PM
|
||||
|
||||
|
اقتباس:
فعلا من حقهم مرتباتهم تزيد ماهم مواطنين برده ... بالنسبه بقي للمرافق لاااااااااااا فيش اصلا للمدارس الحكوميه الخاصه بس هي اللي عندها باص !!!!
|
|
#6
11-09-2012, 11:57 PM
|
||||
|
||||
|
انتى قصدك ع المظاهرات اللى كانت من كام يوم دى ولا اى
انا شوفت صور لبعض المدرسين ف المظاهرات دى بجد كان شكلهم مش مدرسين أصلا ممكن تقولى كدا بيشتغلوا ف مصنع ولا على تكتك وتقريبا هو دا اللى حاصل يعنى مفيش مدرس بيعتمد اعتماد كلى على مرتبه فبيشوفله تكتك ولا بتاع يشتغل عليه فانا اصلا شايفة ان المشكلة مش ف الدروس خاااالص المشكلة من الجذر ف الاول خالص يعنى مهما لغينا دروس وظبطنا مرتبات المدرسين معتقدش هيبقى فى تغيير كبير لكن أصلا المنظومة عايزة إعادة هيكلة بمعنى انهم ع الاقل يخلوا التعليم له ولو علاقة بسيطة بالعلم يخلوا الطلبة يحبوا العلم والتعليم يلغوا مفهوم المدرسة والمدرسين عند الطلاب حاليا اللى تقريبا بيستهتروا بيهم ....... بس كدا ..
__________________
If you have a dream ..
You should work for it .. try to achieve it by all possible means .. even die for it !!.
|
|
#7
12-09-2012, 12:10 AM
|
||||
|
||||
|
اقتباس:
^^ اولا شكرا ع المشاركه ثانيا حضرتك . دوول مدرسين ربنا يهديهم .. اما بقي فالبالنسبه للمنظومه كلها . فانا معاكي انها بايظه تمااااما ولكن ما لايدرك كله لا يترك كله .. بمعني نصلح اللي نقدر عليه ... بس يا تري بقي حضرتك شايفه العيب عند مين بالظبط ؟! المدرس اللي مش شرح غير ف الدرس الخصوصي الطالب اللي اخد درس خصوصي وواقف علي الحكايه دي ولا الاداره غير الحازمه بالمره ,, وبتشارك ف الجريمه دي ده غير بقي الحكومه السابقه ^^
|
|
#8
12-09-2012, 01:34 AM
|
||||
|
||||
|
المدرس مش واخد حقه تماما فى مصر اناماما مدرسة اهتمت بيا جدا فى التعليم واهتمت انها تخلينى اعرف اقرا واكتب من سن صغيرة يعنى على4سنين كنت باتملى واخد عشرة من عشرة كمان وماكانتش بتدينى فرصة اغلط اواسيب المذاكرة وكل ده لانها عاوزانى ادخل اى كلية ماتخلنيش ابقى مدرسة ولو ماكنتش جبت كلية الطب كانوا ممكن يسمحوالى باى كلية بشرط مااطلعش مدرسة لان ماما مثلا مش بتدى دروس وبتدى مايقرب من30حصة فى الاسبوع فى المدرسة مع ان بقالها اكتر من 20 سنة مدرسة تخيلى ان مرتبها مايجيبش بعد الكادر وكل الكلام ده الف ونص اساسا دورى بقى على اى حد شغال اى حاجة حاليا وبعد 20سنة بياخد المرتب ده ياريت كمان الطلبة كده كويسين لا ده مطلوب من المدرس يستحمل تغتيت الطلبة والمشكلة ان الطلبة بدل مااهلهم بيعلموهم احترام المدرس بيحصل العكس تخيلى انك واقفة فى الفصل وكل الطلبة مطلوب منك تعلميهم الادب وتسكتيهم عشان يسمعوا وتشرحى وياريت فى تقدير بعد كل ده
|
|
#9
12-09-2012, 01:41 AM
|
||||
|
||||
|
اه نسيت اقول ان معظم المدرسين بيبقى قدامهم خيار من التلاتة عشان يقدروا يعيشوا يعنى اول خيار وده اسهل حاجة الدروس وتانى حاجة السفر بره اما تالت حاجة انه يتعلم مهنة فى ناس بتشتغل على تكتك وفى ناس اتعلمت شغل الكهربا او السباكة او النجارة اوالزراعةواللى مش بيعمل كده من المدرسين الرجالة يبقى مش بيقدر يفتح بيت وبالفعل فى مدرسين سنهم كبير جدا ولانهم ماعملوش اى حاجة من التلاتة دول لحد دلوقت مش قادرين يتجوزوا
|
|
#10
12-09-2012, 11:38 AM
|
||||
|
||||
|
اقتباس:
طبعا لازم اقول ان والده حضرتك دي مثال وقدوه لكل المدرسين .. بس للاسف دلوقتي العكس تماااما .... حضرتك انا اعرف مدرس اخد اجازه بدون مرتب من التربيه والتعليم حوالي كام سنه كده عشان يتفرغ للدروووس ... ودلوقتي ما شاء الله عليه بقي من الاعيان !!!! بس انا لسه عند رأيي اننا محتاجين نقدر المدرسين الاول .... يعني لو مش محتاجين هم ايه اللي هيخليهم يدوا دروس !! لكن الاهم من ده كله هو عمليه التقويم للمدرس نفسه ... الناس بقيت شويه عندها طمع .... تلاقي المدرس مثلا عامل المجموعه عنده بمبلغ كبيير الي حد ما ! يعني وبرده ف نفس المجموعه بتاع 60 طالب قدامه ... واكتر من مجموعه !! ليه يعني ... هتجيب فلوس لمين ... انا بقول نعمل عليهم ضرايب بقي وخلاص^^ شكرا ع المشاركه ^^
|
|
#11
12-09-2012, 12:26 PM
|
||||
|
||||
|
طب كا بدل ما ناخد دروس ندخل مدارس خاصه وخلاص ولو حسبناها هنلقاها هى هى
__________________
اتعلم ازاي ترضى ، تصبر ، ،تنبسط ، تصنع سعادتك بنفسك وتساعد غيرك بدون انتظار اي مقابل اتعلم ازاى تنتصر ع الالم وتقوم اقوي واشجع ومتيأسش م المحاولات عشان المحاوله تستحق ، اتعلم تعيش 😉
|
|
#12
12-09-2012, 12:39 PM
|
||||
|
||||
|
هههههه اقتراح مش او ى اللى فات دا
المهم العيب عند الاتنين احنا عندنا فالمدرسه والله العظيم المدرسين بيشرحو شرح جميل جداً وممكن تفهم منهم احسن من الدرس كمان ومبيبخلوش عنك باى معلومه ومع ذلك بتقلاى العيال بيخدوو دروس الدروس بقت موضه يا جماعه والله وكل واحد بيبص لان دا باخد درس طب دا احسن منى فايه ماخد انا طيب وكده يعنى والدروس دى مشكله جامده جداً يا جماعه وليها اضرار كتيره اوى والله منها ارهاق للطالب وتعب عليه ودا بيأثر عليه فالمذاكره بتاعت البيت 2 : مصاريف كتيره ومص لدماء الاباء وممكن متعودش بنتيجه على الطالب لو مش بيذاكر طبعاً 3: بتهمش دور المدرسه والمدرس لان بتبين لنا ان التعليم بيشتروه بالدروس وان المدرس دا معندهوش ضمير وانو طماع زياده عن الزوم الا من رحم ربى 4: بتحط حاجات غلط فدماغتنا وبتأثر على تقديرنا واحترمنا للمدرس والمجتمع المحيط بنا ككل والسنادى لو لاحظتم ان أوائل الطلبه فى منهم كتير قالو ان الدروس الخصوصيه هى اللى خالتنا كده وانهم مكنوش بيعتمدو على المدرسه ودا خطا فادح ودعايه للدروس وتشجيع عليها وتهميش لدور المدرسه مع ان زمان ومن 3 سنين كانو بيقولو ان اعتمادنا بعد ربنا كان على المدرس والمدرسه وهما الاتنين سبب نجاحنا وانا فاكر اختى زمان من 4 سنين مكنتش بتاخد دروس غير اواخر السنه والمراجعات بس ومش فكل المواد وكانت جايبه 93 وكسر وفرقت معاها كسور على هندسه فدخلت حاسبات وطبعاً الناس اللى قبلها والمهندسين والدكاتره مكنوش يعرفو حاجه اسمها دروس ان شاء الله البلد حالها ينصلح ويرحمنا ربنا من عنده
__________________
اتعلم ازاي ترضى ، تصبر ، ،تنبسط ، تصنع سعادتك بنفسك وتساعد غيرك بدون انتظار اي مقابل اتعلم ازاى تنتصر ع الالم وتقوم اقوي واشجع ومتيأسش م المحاولات عشان المحاوله تستحق ، اتعلم تعيش 😉
|
|
#13
12-09-2012, 02:56 PM
|
||||
|
||||
|
اقتباس:
اها ..تمام كده .. ده غير ان المدارس الخاصه اصلا مش بتفرق عن الحكومي كتيير ف موضوع الدروس الخصوصيه ده ... اما بقي لشرح المدرسين .... فعلا فعلا مش كلهم بيشرحوا كويس ف المدرسه بل واني بسمع عن عمليات اضطهاد للطلبه تقريبا اللي ف اعدادي عشان يا خدو درس عند مدرس الفصل بالعافيه ! برده مش لاقين حل !
|
|
#15
12-09-2012, 03:14 PM
|
||||
|
||||
|
مفيش مشكله ملهاش حل بس الاول ندرس المشكله كويس عشان تجيبلها علاج يقضى عليها
ويريت بس لو حد من مدرسين المنتدى الافاضل يكون بيدى دروس ويبين لنا وجهه نظره عشان محدش ينظلم
__________________
اتعلم ازاي ترضى ، تصبر ، ،تنبسط ، تصنع سعادتك بنفسك وتساعد غيرك بدون انتظار اي مقابل اتعلم ازاى تنتصر ع الالم وتقوم اقوي واشجع ومتيأسش م المحاولات عشان المحاوله تستحق ، اتعلم تعيش 😉
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 11:56 PM.
