السندريلا فى عصر الإنترنت

مستر ايمن محمد راشد · #1 17-12-2010, 10:07 PM

مرات الاب : بت يا سندريلا اصحى يا بت جاك خابط فى نفوخك

سندريلا : اييييه يا مرات ابويا خمسه وحقوم

مرات الاب: قومى يا بت قامت قيامتـك

وصحيت سندريلا وهى بتأفأف .. كان لازم يعنى اسهر عشان اسمع اللى اسمه اسامة منير ده !!!

مرات الاب : يللا قومى اكنسـى وامسحى على ما نيجى

سندريلا : وانتو رايحين فين ومتزوقين كده وكل واحده عامله نيو لوك

مرات الاب : رايحين حفله الامييير اللى حيختار واحده عشان يتجوزهـا

سندريلا : خدونى معاكو انا عاوزه اروح .. بليييييز

مرات الاب : تروحى فين يا معفنه بلبسك المهرول ده انا عايزه ارجع الاقى البيت بيبرق

ومشيت مرات الاب وبناتها التلاته وقعدت سندريلا تعيـط وفجــأه طلعتلها الســاحره من الميكروويف ....

الساحره : مالك يا سندريلا ؟؟

سندريلا : كان نفسى اروح معـاهم الحفله بس لبسى مقطع و موبايلى كارت ولابسه شبشب بصباع

الساحره : ولا يهمك وطلعت من جيبها الموبايل وطلبت الاتيليه بتاع مدام لولو يبعتو فستان وجزمه اخر موديـل

فرحت سندريلا ولبست وحطط الآي شادو و الجليتور ورشت البرفان بس الساحره قالتلها : قدامك للساعه 12 لازم ترجعى
احنا صعايدة ودمنا حامى ومعندناش بنات تتأخر
و لو اتأخرتى حترجعى زى ما كنتى بلبسك القديم وسط الناس

سندريلا : حاضر حاضر اما ساحره رجعيه صحيح !!

خرجت سندريلا من البيت لقت الساحره مجهزة الـ bmw

ركبت سندريلا وراحت ع القصـرولفت جمــالها كل اللى موجودين
و اول ما عين الامير وقعت عليها راح وطلب يرقص معاها و وافقــت

نظرات ... همسات .... صمــت

ترررررررررن ترررررررررررن

سندريلا : دى الساحره بتدينى ميسد .. يا خبر الساعه 12
وقامت طالعه تجرى قوم ايه وهى بتجرى فرده الجزمه اتخلعت
خدها الامير المعجب و نادى للوزير

الامير : يا وزير تـامر

الوزير : امرك يا باشا !!

الامير : خد الجزمه دى اسحبلى صورتها اسكانر و نزل صورتها فى كل الجرايد و ع الويب سايت بتاع القرية ..

واكتب على صاحبه هذه الجزمه التوجه للقصـر الملكــى

بنات كتير جدا راحو و يا سبحان الله الجزمه مجتش على مقاس حد فيهم (قال يعنى سندريلا رجليها رجل معزه )

الى انا شاهدت سندريلا الاعلان عن فرده الجزمه على ميلودى هيتس وقامت بالتوجه الى القصر وتزوجت هى والامير
وعاشوا فى تبات ونبات و خلفو توأم ملتصق وشويه بنات

**aymaan noor** · #2 17-12-2010, 10:55 PM

ههههههههههه ، جميل اوى ، بس هى برده راحت الحفلة ولا عملت شات مع الأمير واعجب هو بلباقتها فى الحديث وبما طرحته من قضايا ، وعلشان كده قرر انه يتجوزها علشان تشاركه فى مهامه الكبيرة فى حكم القرية

Dr. Hoda Ahmed · #3 17-12-2010, 11:10 PM

جميلة يا مستر اتاخرت علينا شوية فى تنزيل الموضوعات الروعة ب س منتظرين افضل وافضل

كرستال اردنية · #4 18-12-2010, 10:11 AM

ههههههههههههههههههههههههههه
كتير روعة
تقبل مروري وتحياتي مستر

مستر ايمن محمد راشد · #5 18-12-2010, 10:32 AM

شكرا لكم جميعاً وعودة بعد غياب وشكر خاص جداً للاستاذ ايمن نور
وشكر وباقة زهور للغاليه اللهم أغفر لى وشكراً لسؤال حضرتك
اختنا الغالية كرستال اردنية تحياتى لكل الأردن الأشقاء