رجاء انتبهوا

[مسرة سعيد]

مبدئيا:أنا عضوة جديدة,لكن عندي فكرة عن المنتدى وأعضائه.
بعد كده عايزة أقول:
*طبعا كلكم متواجدين اليومين دول سواء كنتم علمي علوم أو رياضة أو مأجلين فيزياء,يعني مش ناقص حد إلا إخوانا في الله بتوع الأدبي.
*بعد كده مهم جدا تعرفوا ان كتير مننا اتخدع في الوقت اللي كان قبل الانجليزي,عشان كده ضروري يكون في خطة واضحة لأيام الفيزياء.
*ملحوظة رفيعة:
رجاء البعد عن وضع المسائل الصعبة,والتركيز على تثبيت المعلومات والمسائل المشهورة المهمة الوارد مجيئها في الامتحان.
*أتمنى وجود متابعة من الأساتذة الكرام,ومن الأعضاء المحترمين.

[Dr_toka]

نورتى المنتدى واكيد كل كلامك صح ربنا يوفقك

[Bent 3bdo]

معاكى حق والله

الواحد اتغر ف ايام الانجليزى وقال عندنا ايام كتير

ومخلصش اللى عايزه ف الاخر

ربنا يسهل ف الفيزيا

[♥έĻ-мΰšŧâρèdâ♥]

أتمنى وجود متابعة من الأساتذة الكرام

فعــلاً يـآ ريت يكون علــي إلآقــل مُدرس وآحـــد يتـآبع معــــــآآنـآآ

[neso]

نورتي المنتدي وربنا يوفقك ويوفقنا كلنا

[TheDeco]

فعلا كلامك صحيح و مظبوط

بالتوفيق ليكي

[يالا بينا]

مرحبا بيكي
انت أكيد هتتبسطي هنا ,لأن كلنا اخوات في بعض.
أحلى حاجة ان اسمك كله سعادة
(مسرة)و(سعيد).....حاسبي لتتحسدي.
أنا بقى يالا بينا

[مسرة سعيد]

يا جماعة شكرا جدا على كل الترحيب الجامد ده, وشكرا يا (يالا بينا) على الهيصة اللي انت عملاها دي,وبعدين يا ستي اسمك أحلى.

المهم خلونا نبدأ مراجعة.

[عفوك ورضاك]

اهلا بيكي في اسرة
المنتدى
وشكرا
على نصائحك
الغالية
يـــــــــا
غالية

[مسرة سعيد]

أنا هعمل مبادرة وهبدأ ب باب الأمواج(ف 1)
محتاجين في الفصل ده نعرف شوية حاجات سريعة كده:
-التعريفات المهمة زي مثلا(الموجة_الحركة الاهتزازية_سعة الاهتزازة_الاهتزازة الكاملة_الزمن الدوري_التردد_الإزاحة_الموجة المرتحلة_الحركة التوافقية البسيطة) ودي سؤالها بيكون ما المقصود بقولنا....؟
-المقارنات زي مثلا(الامواج الميكانيكية والكهرومغناطيسية_والطولية والمستعرضة) ودي سؤالها قارن بين كل من... من حيث ....
-في شوية معلومات برده مهمة زي مثلا:
*إذا انتشرت الموجة في وسط واحد,تكون(v)ثابتة, والعلاقة بين اللمدا والنيو عكسية.
*إذا انتشرت بين عدة أوساط,تكون(نيو )ثابتة,و(v) متغيرة وتتناسب طردي مع لمدا.
*سرعة الموجة لا تتوقف على لمدا أو نيو , لكن تتوقف على نوع الوسط(كثافته).
-عندنا قانون وحيد وهو بتاع تعيين سرعة انتشار موجة.
مفيش في الفصل ده مسائل صعبة.

[مسرة سعيد]

مفيش حد معايا ولا ايه؟؟؟
يعني امشي أذاكر في بيتنا أحسن...

[Bent 3bdo]

المشاركة الأصلية كتبت بواسطة مسرة سعيد

أنا هعمل مبادرة وهبدأ ب باب الأمواج(ف 1)
محتاجين في الفصل ده نعرف شوية حاجات سريعة كده:
-التعريفات المهمة زي مثلا(الموجة_الحركة الاهتزازية_سعة الاهتزازة_الاهتزازة الكاملة_الزمن الدوري_التردد_الإزاحة_الموجة المرتحلة_الحركة التوافقية البسيطة) ودي سؤالها بيكون ما المقصود بقولنا....؟
-المقارنات زي مثلا(الامواج الميكانيكية والكهرومغناطيسية_والطولية والمستعرضة) ودي سؤالها قارن بين كل من... من حيث ....
-في شوية معلومات برده مهمة زي مثلا:
*إذا انتشرت الموجة في وسط واحد,تكون(v)ثابتة, والعلاقة بين اللمدا والنيو عكسية.
*إذا انتشرت بين عدة أوساط,تكون(نيو )ثابتة,و(v) متغيرة وتتناسب طردي مع لمدا.
*سرعة الموجة لا تتوقف على لمدا أو نيو , لكن تتوقف على نوع الوسط(كثافته).
-عندنا قانون وحيد وهو بتاع تعيين سرعة انتشار موجة.
مفيش في الفصل ده مسائل صعبة.

معلومات حلوة

بس ايه تعريف النبضه والموجه المرتحله

[يالا بينا]

النبضة:اضطراب فردي لا يتكرر,وقد تكون قمة أو قاع.
الموجة المرتحلة:هي الموجة التي تتكون في حبل أحد طرفيه مثبت والآخر يتحرك(يتم تحريكه).

[يالا بينا]

اوعي تقلقي يا مسرررررررة أنا معاكي

[شريف ابوالنصر]

كلنا معاكى باذا الله وكلنا امام الامتحان الصعب سواسية