|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
19-04-2009, 03:20 PM
|
||||
|
||||
أمي بتسلم عليكم وبتقول عندكم طماطماية ؟ ...
 امى بتسلم عليكم.... وبتقولكم عندكم طماطم حين طرق باب بيتنا ... ليقول لى ولد الجيران امى تسلم عليكم وتقول عندكم .... طماطم....!! ابتسمت من قلبى .... وقلت له عندنا ... يا اهلا بالجار الصغير .... منذ متى لم يطرق بابكم احد الجيران لطلب طماطم او بصل او عيش... !!! ربما تقولون اننا بخير ونعمه ولم يعد الطلب من الجيران له ضروره ... ولكن لا اعتقد فقدنا الطلبات الصغيره بين الجيران فقدنا طعم الجيره ... كان الجار يطلب من جاره بصل وبعدها يرسل له قليل من الطبخه عيش وملح الان تعد الطلبات بين الجيران عيب وقله ذووق ... !! وقد تستغرب ان يطرق جارك بيتك بدون موعد واذن مسبق واتصال وقد يتهم الجار بالجنون حين يطلب طماطم زمان لم تكن الحاله الاقتصاديه مثل الان اليوم فواتير وديون واقساط واسعار مواد غذائيه عاليه وعيب نطلب وندق باب الجيران... زمان حياه بسيطه وقلوب ابسط ,,, وصغار الجيران وجمله .... امى تسلم عليكم وتقول عندكم بصل جميله العباره بجمال البساطه وجمال المحبه وجمال روح الجيران التي تجمعها الوحده كنا بيت واحد وطبخه وحده اخبرتنى جدتى ان الاسر قديما تشعر بمدى حاجه جارها وترسل له من غير طلب واذا رب البيت أحضر لبيته ما ينسى جيرانه ... واذا بقى شي من العشاء... يرسل للجيران( طبق) واليوم يزعل الجار من بقايا العشاء باعتبرها فضله.... ليست المساله بمجرد الطلب وليست عباره امى تسلم عليكم وتقول عندكم طماطم هى المحك لا .... ولكن العلاقه نفسها فقدت طعمها فقدت دفئها فقدت الجيره لم تعد الحياه لها طعم بعد الاستغناء عن بصل وطمام عيش الجيران وحين نعطى الصغير طلبه ... نتنتظر عودته بطبق من عشائهم ... ليتها تعود تلك الايام ... رغم انى لم اعشها حقيقه ولكن احيانا اتمنى عوده ايام ماضيه بزمن جميل وجيران ترسل وتسال وتطلب بدون قيود و حياه ممله ورسميات قاتله احضرت الطماطم لابن الجيران .... ووصلت لنهايه كلامى قول لماما امي تسلم عليكم وتقول .. اذا احتجتي اي شيء هذا بيتكم في أي وقت وخرج الصغير ولسانى حالى يقول: شكر لك عشت معك لحظات اصبحت مفقوده .... بزمن لم يعد الجار يعرف جاره وامى بتسلم عليكم وتقول ... عندكم ردعلى الموضوع  منقول
آخر تعديل بواسطة أحمـدنجـم ، 20-04-2009 الساعة 12:09 AM |
|
#2
19-04-2009, 03:38 PM
|
|||
|
|||
|
هههههههههههههههههه
أكيد طبعا عندنا رد  هو اللي مش عنده طماطم يعمل ايه؟؟؟  عندنا صلصة تنفع  مش عارفة يمكن كل واحد بقي مشغول في حالة وكيانة ومش فاضي ولا يكلم حد ولا يسلف حد هو مش مسألة بخل بس هو مين اللي هيروح عند حد عشان يطلب منه طماطم او بصل دلوقتي اللي يقول كدا مش يبقي مجنون بس الناس هتعتبره قليل الذوق بصراحة كل واحد بقا في حالة دلوقتي وارتفع الاسعار دا كفاية اووووي ع العموم شكرا ع الموضوع
__________________
والحب له قوانين آخري..!
|
|
#3
19-04-2009, 03:48 PM
|
||||
|
||||
|
اقتباس:
.. طبعاً عندي رد على الموضوع ثواني من المطبخ بس ..
.. أه نسيت رد واحد و لا اتنين ..  .. دائما بسمع كلمة زماااان في الحاجات دي .. .. زمااان كان الجيران بيحبوا بعضهم .. .. زمان كان الجيران بيسألوا عن بعضيهم .. .. إن النبي صلى الله عليه و سلم قد وصانا على سابع جار .. قال الرسول صلى الله عليه وسلم قال: "مازال جبريل يوصني بالجار حتى ظننت أنه سيوَرِّثه" .. و في عصرنا هذا افتقدنا حب الجيران لبعضهمــ .. .. يللا .. .. بلاش أطول أحسن ..  .. يووووه .. .. كنت هنسى .. .. سلملي على ماما و قولها طماطماية حضرتكـ جميلة أوي .. .. قصدي موضوعــ حضرتكــ جميل أوي ..
__________________
 أَسْتَوْدِعُكُمُ اللهَ الْذِي لا تَضِيعُ وَدَائِعَهُ ،، و دُمْتُمْ بِحِفْظِ اللهِ ،، |
|
#4
19-04-2009, 04:09 PM
|
||||
|
||||
|
اقتباس:
سلملى عليها وقوللها بنستعمل الصلصة اليومين دوا ههه بهزر طبعا فكرتنا بالزمن الجميل فعلا كان بيحصل فيه الحاجات دى كانت جيرة على حق وكان الكل بيطبق ( النبى وصى على سابع جار ) كان فى حب بين الناس وبعضها حاجات بسيطة بس معناها كبير انما دلوقتى اى حد يخبط على الباب من غير ماتعرف هو مين تروح قابل دا مين ال ..... اللى بيخبط دلوقتى وقول عندكو قبل ما يكمل الجملة تلاقى الرد جاهز ( معندناش يا حبيبى ) عمك احمد بتاع الخضار عنده اشترو من عنده واللا انتو فقرة بلاش قلة زوق وكلام يشرح القلب قول للزمان ارجع يا زمان موضوعك جميل شوف كنت هنسى ماما بتسلم عليك وبتقوللك عندكو هامبورجر هههههههه دمتم فى رعاية الله
__________________
 ......استودعكم الله الذى لاتضيع ودائعه.... ....closed 4 ever
|
|
#5
19-04-2009, 04:15 PM
|
||||
|
||||
|
هههههههههههههههههههههههههههههه
موضوع جميل وطريقة كتابته اروع ومتعرفش انا ضحكت قد أيه؟ هى الفكره زى ما انت بتقول مش فكرة احتياج او غيره الفكرة فكرة ود وحب ودفىء فعلا احنا علاقتنا دلوقتى علاقتنا بقت مع جيرنا قليله جدا انت عارف ليه معدش موجود ما بينا موضوع السؤال ده .................... خمن فكر ببساطه علشان الناس كلها بقت بتجيب الحاجات دليفرى دلوقتى  اوعى تتضرب   ههههههههههههههه على فكره امى بتسلم عليك وبتقولك موضوعك حلو هههههههههههههههههههه تسلم على الموضوع الجمييييييييييييل اوى بجد وكفايه انك ضحكتنى مع الامتحانات لا ياتى معاها ضحك تحياتى لحضرتك
__________________
 || Be Creative Or Die || |
![الصورة الرمزية :: [ K A B B O W ] ::](image.php?u=193817&dateline=1255128557)
|
#6
19-04-2009, 07:21 PM
|
|||
|
|||
|
فعلا كل ده كان زمان
اطلب من جارتنا طماطم انا والله الشارع اللى ساكنه فيه معرفش حد فيه هههههه يعنى معرفش الا ان بيتنا فى الشارع ده هطلب منها طماطم ازاى بقا وانا معرفهاش يعنى كل حاجه كانت زمان مبقاش ليها وجود دلوقتى كل واحد مشغول فى بيته وعياله وهم الدنيا شكرا لحضرتك على الموضوع |
|
#7
19-04-2009, 07:58 PM
|
||||
|
||||
|
امي بتسلم عليك وبتقولك ميرسي على موضوعك الجامد اخر حاجة
بس على فكرة بالرغم من كل المشاكل والظروف وان الحياة بقت صعبة والحوارات ديه يعني اللي توجع الدماغ....... احنا لسه الحمد الله مع جيراننا يعني مش كلهم طبعا علاقة كويسة جداااا وبنستلف من بعض حاجات كتييير بس طبعا بنرجعها تاني لبعض ههههههههه مش للدرجة ديه يعني. ميرسي لموضوعك مرة تانيه تقبل مروري |
|
#8
20-04-2009, 12:19 AM
|
||||||
|
||||||
|
اقتباس:
اقتباس:
اقتباس:
اقتباس:
اقتباس:
اقتباس:
والله كلكم زي العسل ومتأكد إن الجيل دا هيرجع حاجات كتير من الزمن الجميل واسمحولي بكلمتين كدا تكملة للموضوع آه بالفعل أصبحت لحظات مفقودة .. لحظات نقترها من ذاكرتنا لنعيش على أثرها الممتد الذي أصبح كرائحة المسك العتيق الذي لا يبرح ما يلمسه قال رسول الله صلى الله عليه وسلم "مازال جبريل يوصيني بالجار حتى ظننت أنه سيورثه" يا الله .. تخيلوا في العمارة التي أسكن فيها هناك من السكان من لا أعرفهم أصلاً مع أني أسكن في تلك العمارة منذ عشر سنوات ومع ذلك (كل واحد في حاله) وأنا صغير أتذكر الحاجة نعيمة (أم لبنى) ليتها الآن لا تزال على قيد الحياة أو لعل (لبنى أو سلوى) ابنتيها تقرآن هذا الموضوع كنا أسرة واحدة نحن وجيراننا بالفعل أفراحنا واحدة وأحزاننا واحدة ما يهمهم يهمنا وما يفرحهم يفرحنا كنا كالجسد الواحد إذا اشتكى منه عضو تداعت له الأعضاء بالحمى والسهر كنا لا نتتبع أخبار جيراننا بالتجسس ولكن القلوب كانت تشعر وباب الشكوى والفضفضة متسع لا يغلق أبداً آآآآآآآآآآآه أتنفس الآن الصعداء وأضع رأسي بين كفي قليلاً لأعود للأيام الخوالي لعهد عفى .. أيمكن لهذا الجيل الجديد أن يعيد تلك الصلات العظيمة كما كانت من قبل هنيئاً لنا إن فعلنا هنيئاً لك إن شعرت بجارك فهو عونك عند الخطر فهو أقرب إليك من الأهل في انتظار طرقات تلك اليد الرقيقة الصغيرة على بابنا بفارغ الصبر هيا تكلم يا صغير .. (أمي بتسلم عليكم وبتقولكم احنا جيرانكم ممكن نحب بعض ونخاف على بعض ونحس ببعض ونسأل على بعض ونونس بعض وندي لبعض طماطم؟) جزاكم الله خيراً على الردود الرائعة يا أحلى صحبة وأحلى جيران في أحلى منتدى |
|
#9
20-04-2009, 01:14 AM
|
|||
|
|||
|
يا سلام عليك وعلى مواضيعك يا نجم
فعلا نجم - دى حقيقة مش مشاعر!!!!!!!!!!!!!!!!!!!!!!!!!!! تعرف ليه انت قلت - الحياة كانت بسيطة وسهلة الناس ربما كانت فاهمة الدنيا صح قليل يكفى لما تكون جعان يا مستر وتاكل ان شالله لقمة عيش حاااااااااااااف من غير اى حاجة تانية بيبقى طعمها الذ واشيك من سرفيس 10 نجوم مش 5 انما الوقتى ربما احنا - ربما غيرنا اللى بياكل اصلا وهو مش جعان يبقى مش هتحس باى طعم للرسول الكريم صلى الله عليه وسلم حديث بيقول( نحن قوم لا ناكل حتى نجوع ، واذا اكلنا لا نشبع) طبعا الحديث فيه عبر كتيرة مجتش على حد الجوع والاكل يعنى تحس بالاخرين - مشاكل الناس - هموم الناس - تحب الخير للناس - ترجوا لهم ما ترجوه لنفسك كان زمان على ما نسمع من اهالينا لما كان حد يخبز عيش مثلا او يحصد زرعا ارز او ذرة او فول او خلافه - لازم يدى لجيرانه كان زمان الفلاح ييجى فى ارضه كدا ويزرع له زى ما بيقولوا خطين بامية او خطين ثوم او بصل او خلافه - لاى حد اى حد ياخد منهم وبدون اذن انما الوقتى تلاقى كتير حتى مش بيادى حتى زكاة الزرع واذا عملها تلاقيه للاسف متضرر او ينقصها او يجعلها من اسوا واردىء الانواع فى اعتقادى دا غباء مالوش حل لانه هتيجى البركة منين بالطريقة دى وهو كانه بيمن عالناس ونسى ان هذا حق الله وان المال مال الله وان الرازق انما هو الله وهو المانع والمنعم البركة تيجى سيدى لما كل واحد يؤدى حق الله وحقوق الناس ومنهم الجيران يا اخى دا حتى لو كان جارك يهودى مطلوب انك تبره وتهديه من ذبيحتك مثلا -- ولا ايه مش ييجى الجزار وهو بيقطعلك لحمة الضحية ويقولك كل من دى ووزع من دى!!!!!!!!!!! وللاسف تقوله حاضر !!!! مش انت اوعى تزعل منى يا سادة باختصار أمى بتسلم عليكوا وبتقولكوا الرزاق هو الله ، ولو ساعدت حد أو أهديت حد من جيرانك أو زملاءك - الحاجة هتزيد مش هتنقص ابدا وبتسلم عليكوا كمان وبتقوللكوا اللى بيبخل انما يبخل على نفسه لانه يبقى غباء اللى يخاف فقر والله هو الرازق وبلاش نتصارع على حاجة مضمونة مضمونة رزقك هيجيلك هيجيلك - دا لو رزقك طبعا بس توكل على الله واخلص النية لله وحب لغيرك اللى تحبه لنفسك وفى الاخر امى بتسلم عليكوا وبتقول لكوا يسلم اللى كتب ونقل وشارك وعلق فى الموضوع الجميل الشيك دا للجميع التحية وخالص تقديرى و أمى بتسلم عليكوا
__________________
معلم نفسه ومؤدبها أحق بالإجلال من معلم الناس ومؤدبهم من أقوال أمير المؤمنين عمر بن الخطاب
رضى الله تعالى عنه |
|
#10
20-04-2009, 01:23 AM
|
|||
|
|||
|
بالمناسبة بقا ولو حتى فيها رزالة ادعوا الله ان يرحم امى وابى وجميع موتى المسلمين
من يعلم مش جايز يكون موضوع زى ده ربما يكون فضلا من الله تعالى ونوعا من الصدقة والبر بأمهاتنا وآباءنا ولو حتى باتلدعاء لهم( بالتاكيد دا فضل ومنه من الله تعالى) نسال الله تعالى ان يبارك فى امهات وآباء الجميع أحياءا كانوا وان يرحمهم ويعفوا عنهم إذا كانوا فى ذمته تعالى ولا حول ولا قوة الا بالله العلى العظيم
__________________
معلم نفسه ومؤدبها أحق بالإجلال من معلم الناس ومؤدبهم من أقوال أمير المؤمنين عمر بن الخطاب
رضى الله تعالى عنه |
|
#12
20-04-2009, 02:54 AM
|
||||
|
||||
|
ايه موضوع كان زمان دة
انا مش واخد بالى زمان دة ما جاش عندنا لحد دلوقتى ليه  والله يا حج نجم لو عايز تعيش الجو دة ...تعالى اقعد معايا كام وبعدها ابقى اشوفك اذا كان فيك نفس لسه  علشان تلاحق على الطلبات بتاعت عيال الجيران عندى ما شاء الله الجيران كتير وكل واحدة عندها حوالى بتاع 4 عيال بنات على ولاد كلهم اتجوزا وخلفوا وكل واحد خلف له بتاع عيلين تلاته تبقى داخل البيت فى المدخل تلاقى عيال كتير من سن سنة  ونص كدة لحد ما شاء الله 13 سنة  ما تعرفش الواد دة ولا البنت دى بنت مين ... بس لما يقولك يا عمو اعرف انه ابوه يبقى ابن الجيران ولما يقولى يا خالوا اعرف ان امه تبقى بنت الجيران  وطبعا كلهم تلاقيهم قاريب فى بعض المهم تلاقى مثلا سلمى طالعة مع كريم عايزين المخرطة افضل ادور عليها لما اكون لوحدى ... ويسلام لو قلت لهم مش لاقيها ... يفرجوا على امة لا اله الا الله  بعد شوية الاقيهم جايين تانى ..ويقولولى تيتا او ماما بتقولك حتلاقيها فى الحتة الفلانية والغريبة انى ادخل ادور تانى والاقيها مكان ما قالولى ..عارفين شقتى اكتر منى  بعد شوية تيجى نور وتقولى عايزة بصل  وبعدها يجى عمر ويقولى عايز رغفيين  ويا سلام لو شهد بقى كمان تطلع وتقولى عايزين المقشة بتاعتكم  وممكن الطلب يطلب اكتر من مرة عادى مرة ماما عايزة بصل واللى بعدها خلتوا عايزة فلفل اسود وبعدها عمتو او تيتا واخيرا بقى يجيلى عيل صغير ويقولى عايزين الخلاط بتاعكم  وممكن الجد ينده على من الدور الارضى مثلا علشان عايز مفك صليبة كل دة لسة موجود وعادى والحياة جميلة ....بس اكتر حاجة بتضايقنى لما العيل من دول تلاقى ابوه جايب له جذمة جديدة ويبقى عايز يجرب هى متينة ولا لأ.... ويفضل يرزع برجله فى الباب بتاع الشقة علشان أفتح له  بس انا بخلص حقى منهم .... عندى رف جنب باب الشقة على ارتفاع 2 متر تقريبا العيل اللى بيخنقنى بامسكه احطه عليه واسيبه وادخل انام على السرير اتفرج عليه
__________________
تمنيت أن أسجد لله سجدة لا أنهض بعدها أبدا" إلا لأرى ربى  اقتباس:
لو دخلتوا الجنة ومالقتونيش ... إسألوا على واشفعولى عند ربى
|
|
#13
20-04-2009, 03:06 AM
|
||||
|
||||
|
اه نسيت
دول كانوا عيال الجيران اللى فى البيت مش عايز احكيلك على عيال الجيران فى الشارع والبيوت اللى حوالينا دة غير عيال العيلة اللى ساكنين فى المنطقة وانهى كلامى بموقف جميل يبين لك ان لسة الجمال موجود بين الجيران تخيل لما عيل يطلب منك بصلة فانت بكل طيبة تجيب له بصلة واحدة تلاقيه جايلك بعد شوية ويقولك ماما بتقولك ...ربنا ما يحكمك على يتامى هى دى البصلة اللى قدرك عليها ربنا هات بصلتين تلاتة كمان ونقيهم حلويين  طبعا انا الحمد لله بركز بسرعة  واعرف ان الكلام دة مش لى دة كان المقصود بيه الستات اللى فى البيت ولكن العيل بيوصل الكلام للى بيلاقيه سواء راجل ولا ست اتفضل عندنا يا حج احمد وعيش الحياة الجميلة بس ما ترجعش فى كلامك ... وعلى فكرة انا فى قلب القاهرة
__________________
تمنيت أن أسجد لله سجدة لا أنهض بعدها أبدا" إلا لأرى ربى اقتباس:
لو دخلتوا الجنة ومالقتونيش ... إسألوا على واشفعولى عند ربى
|
|
#14
20-04-2009, 04:47 AM
|
||||
|
||||
|
معلش بقى انا قرأت الردود ورد مستر جمال فكرنى بموقف حصلى اقتباس:
بمناسبة العيش والخبيز دة مع انى من القاهرة الا انى قابلت هذا الموقف منذ فترة قصيرة
كنت عندى مجموعة بنات فى ثانوى وبعد ما خلصت الحصة معاهم رفضوا يخلونى انزل ورفضوا يفسحوا لى الطريق وخاصة البنت صاحبة المنزل وكان السبب ان والدتها كانت بتخبز عيش ابيض وعيش ملدن بدقيق قمح وحلفت انى لازم اخد منه وهو سخن علشان البيت عندى ولانى اول مرة اوضع فى هذا الموقف رفضت فى البداية بحجت انى ساعود للمنزل ليلا ( مش قبل 8 ساعات ) ولكنهم اصروا انا اخذ فطير بالسمن البلدى بالاضافة للعيش المخبوز فى المنزل وبالفعل وحرصا منى على الا اتأخر عن الحصة التالية لهم وافقت على اخذ العيش والفطير ومش عايز اقولك بعد ما اكلت منه انا والاسرة اتصلت والدة الطالبة علشان تعرف رأينا فى العيش والفطير الحياة ما زالت جميلة مش عارف هى معايا انا بس كدة ولا اية النظام
__________________
تمنيت أن أسجد لله سجدة لا أنهض بعدها أبدا" إلا لأرى ربى اقتباس:
لو دخلتوا الجنة ومالقتونيش ... إسألوا على واشفعولى عند ربى
|
|
#15
20-04-2009, 12:57 PM
|
||||
|
||||
|
اقتباس:
سلملي عليها يا استاذ احمد
بهزر و الله من غير ضرب ده احنا لو معندناش رد نجبلك رد من عند الناس اللي جنبنا بص يا استاذ احمد الموضوع ده ما انتهاش خالص لسه موجود و يمكن اكتر كمان بس مش طماطم بقا بقت مجاعة بعيد عنك لا بجد انا بفرح بالكلام ده اوي انا عند بيت جدي مع اني توفي _ رحمة الله عليه _ بس بنروح هناك لسه خير زمان كله هناك و بارده الجيران و الصحبة الحلوة و كل ده لسه موجود و احلي حاجة انك تعمل العلاقة دي مع جيرانك و النبى وصى على سابع جار و امي بتسلم عليك و بتقولك عندك رد علي ردي اقتباس:
اه يا مستر معاك انت بس مشوفتش حد قبل كده عطاني عيش و انا مروح |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 04:34 AM.
