عمري 19 وعايزة عريس وسيم فهل أجد طلبي عندكم !!!

[**تسابيح**]

السلام عليكم ورحمة الله وبركاته
ازيكم ياجماعة؟
طبعا العنوان مش عندي لاني ببساطة
عندي 18
المهم
انا كنت بدور في النت
لقيت موضوع مكتوب ايه
اريد عريسا
قلت ادخل انتم عارفين ان معظم المواضيع بتبقي عنوانها
جذابة لجذب المشاهد
لقيت الموضوع حقيقي
مكتوب انا عندي 19 سنة وعايزة عريس
وسيم وحاجات من الحاجات دي يعني
ولقيت مواضيع مرتبطة بالموضوع دا
وفتحت موضوع تاني
لقيت مكتوب صديقتي منتقبة ومحفظة قرآن
وعمرها 22 سنة وشعرها بنفسجي هههههه
وترغب في الزواج
من وسيم
عجباني اوووي من وسيم دا
ع كدا كل اللي عايز تتجوز
عايز تتجوز وسيم
ياريت اللي اسمه وسيم يظهر بئا بقالهم كثير
بيدوروا عليك
وبردو وانا بتفرج علي التليفزيون
في قناة بيبقي فيه شريط تحت في القناة
شات يعني
بنت داخلة وتكتب اريد الزواج من شخص جاد
وانا مرة بدور ع صور في جوجل
لقيت مكتوب لمن تبحث عن شاب مسلم
فضولي خلاني ادخل اتفرج
فلقيت ان المسلمين كمان بيبقوا في المواقع بتاع الزواج
طبعا كنت عايزة اشوف المسلمات
هل هم محجبات ولا لا؟!
لقيت ان فيهم نسبة كبيرة محجبة
والمصيبة الكبري انهم حاطيين صورهم
ومسلمات أجانب كمان
أصل فيه اختر البلد
قعدت اتفرج
اخترت مصر وتركيا
لقيت فيها بنات من تركيا وحاطيين صورهم
ومحجبات
طبعا مش شرط
ان كل الفتيات التركيات كدا طبعا
انا بس بقول ع حاجة تخدم موضوعي
لدرجة اني مرة لقيت اعلان
بيعلن عن زواج مسيار(معرفش يعني ايه)
وزواج عرفي (هو دا المصيبة الكبري)
المهم يعني
الموضوع دا عن طريق ان العروسة
بقت هي اللي تعرض نفسها
والمشكلة ان سنهم صغير
يعني مفيش واحدة فيهم دخلت سن العنوسة يعني
اللي عمرها 19 اللي لسه بتدرس بدور
ع الجواز دلوقتي ليه بالله عليكم !!
نفسي افهم !!
انتم ايه رايكم في اللي تعرض نفسها
وبالذات ع الانترنت والشات في التليفزيون!!
وتحطي صورتها كدا عادي!
فكل من هب ودب يشفها
وممكن تتحط ع مواقع مش محترمة !!
وغير انها
ولد يمكن يظن انها رخيصة فيأخذ رقم تليفونها
ويقولها نتعرف والكلام الاهبل كدا
وبعد كدا ممكن يحصل ما لا يحمد عقباه ...
ونقول ياريت اللي جري ما كان
من راي ان اللي تعرض نفسها ع الشاب
للزواج بترخص نفسها
والعنوسة اكرم مليون مرة من الكلام دا
لان ببساطة البنت المسلمة مش رخيصة
فماذا عنكم؟!
سلالالالالالالالالالالالالام