.. استفسارات عن الجامعه قبل ماتضيع الفرصه..

[mr.rouaa]

::السلامـــــــــــ عليكمـــــــــ::

انا لسه فى 2 ثانوى وشكلى كده هاختار ادبى تقريبا..

وحابب جامعه اداب لكن عايز بعض توضيحات..

انهى افضل جامعه للأداب فى مصر((جامعه القاهره،جامعه عين شمس ... الخ )) ..
مجموع الجامعه دى فى الثانويه غالبا كام؟؟..

لما اكون فى سنه اولى بختار القسم بتاعى ولا بختاره فى سنه تانيه ولا ايه نظام؟؟

انا عايز اخد علم نفس..بس عايز ادرس علم نفس اكلينيكى فقط..ولا لازم ادرس المواد اللى فى قسم كلها؟؟..وايه هى المواد دى لو فى؟؟..

مستقبلى لو بأذن الله هادخلها وهادخل القسم ده وهادرس اكلينيكى هاكون ايه؟؟..وهل وظيفتى هاتكون مربحه ولا مش اوى مع انها مش فارقه معايا انا بحب اى حاجه عن النفس ادرسها وخلاص..
................
سؤال بره الموضوع حبتين:: انا بحب اى حاجه عن الصحه النفسيه او النفس عامه ..فى جامعات ممكن ادخلها غير جامعه اداب او طب؟؟...

وبجد يبقى افدتونى من حيرتى دى...وجزاكم الله خيرا..والسلام عليكوووو..