قول بصراحة وايك متردش

[فارس المحبة]

انت ليه بتشرب سجاير


بالرغم من هذه الصور الموجودة على علب السجاير
نفسى اعرف ليه بيشربو السجاير
واللى مبيشربش السجاير يقول ليه

[فارس المحبة]

الحمد لله انا مبشربش سجاير
لانها امراض ومضيعة للوقت والفلوس

[فارس المحبة]

كل واحد لازم يرد

[Heartbeat]

بص حضرتك انا بنت علشان كده مش بشرب سجائر
بس انا متضايقة لان بابا بيشرب سجائر انا كتير فضلت ازن عليه انه مش يشربها علشان احنا بنخاف عليه وكمان السجائر حرام وهو متدين وعارف كده بس مش بيبطلها
يعنى انا كمان بقوله على الصور دى شكلها يخوف اوى
بصراحة مش عارفه اعمل ايه معاه

[علمتنى الحياه]

والله هيا بتبدأ مع الشخص هروب من مشكله او اثبات لنفسه انه كبر يعنى

لكن طبعا دى مدمره وبكره يندموا بس مش سهل يبطلوا عشان كدا بيستمروا

وربنا يهدى شباب وبنات المسلمين

[!~¤§¦الفارس المقنع¦§¤~!]

هى فعلا السجاير مرض خطير ولكن انا من وجهة نظرى إن اللى بيشرب السجاير
إرادته ضعيفة ولذلك لا يستطيع أن يتركها
وخير دليل على ذلك ما نراه من تائبين يتوبون من شرب السجاير

والحمد لله انا لا اقربها قط

وربنا يثبتنا ويهدى المسلمين والمسلمين
بارك الله فيك أخى الحبيب
وبجد مواضيعك رائعة جدا
أحبك فى الله

[Specialist hossam]

الحمد لله لا اشربها لأنها حرااااااااااااااااااااااااااام
وهى حرمت لباقى الاسباب طبعا (الامراض-........)

[**تسابيح**]

بصراحة حاجة غريبة أوووي
ان المدخن عارف كويس انها مضرة ومع ذلك بيدخنها
وممكن كمان يقول ايه هي الامراض اللي ممكن يتعرض لها
لكن هي بقت ادمان خلاص وبتجري ف الدم
المشكلة ان فيه ناس بيبقي غاليين علينا وبقولهم عشان يبطلوا السجاير
بس مهما يحصل هما مش هيبطلوه
مع اننا خايفيين عليهم وع صحتهم
ربنا يهدي وكل اللي بيدخن يبطل تدخين
لانه بيدمر الإنسان أكيد

[زكريا مختار]

التدخين محرم شرعا

واسال الله ان يهدي كل مدخن

[Dr. Hoda Ahmed]

انا اكيد مش بدخن لكن عارفه اللى بيشربوها وبيتمنوا يبطلوها لكن مش بالسهولة اللى انتم فاكرنها دى

دى صعبة فعلا ان الواحد يبطلها دايما بنحكم على الامور من بعيد لاننا مش مجربين لكن اللى بيقع فريسة لللسجاير بتتملك منه

كما الاخطبوط اللهم احفظنا واهديهم يا الله ومكنهم من التخلص منها بقدرتك يا ارحم الراحمين

[همتي رايتي]

لماذا يشربون السجائر؟
هو من ضعف وليس من قوة كما يظنون
واقول لهم ولمن يفكر حتى أن يتعاطاها
هل لو أعطاك شخصة هدية جميلة جدا تستخدمها بصورة رائعة في حياتك اليومية ولا تستطيع الاستغناء عنها، هل بعد كل هذه الميزات تقوم بالتفريط في هذه الهدية والتلاعب فيها حتى يتم تدميرها؟؟؟
أكيد لا

ولله المثل الاعلى
الله الرحمن الرحيم اللطيف بك سبحانه أعطاك صحة في بدنك نعمة ما أجلها من نعمة
وانت ( المدخن) تقوم بتدميرها يوما بعد يوم
فلا أنت أديت حق الله عليك في هذه النعمة بشكره سبحانه واستعماله فيما يرضي الله
ولا أنت حافظت عليها من أجل نفسك

إن لم تلاحظ شيئا على نفسك غير تغير لونك اسنانك الى الاصفر البني وعدم قدرتك على طلوع السلالم الكثيرة وضياع شهيتك وضعف بدنك ... إن لم تلاحظ كل هذا
فأذهب إلى طبيب أشعة وقل له: صور لي رئتي وأخبرك مسبقا سترى شيئا اسود متفحم ... نعم انها رئتك التى دمرتها !!!!!!!

نسأل الله العفو والعافية والهداية لشباب المسلمين

[فارس المحبة]

الحمد لله ان مفيش اى عضو بيدخن ظهر لحد دلوقتى وربنا مايجعلش فينا حد بيدخن

[هانى الشرقاوى]

المشاركة الأصلية كتبت بواسطة "حبيبة الله"

بص حضرتك انا بنت علشان كده مش بشرب سجائر

لعلمك يا حبيبة الله
دلوقتى فيه بنات كتييييييييييييير أوى بتشرب سجاير وشيشة كمان
وفى الشارع قدام كل الناس .... ومش عايز أقول فى الجامعة نفسها

هواية التقليد هى الكارثة بعينها


الحمد لله إننا بعاد عن المصيبة دى

[عائد إلى الله]

الحمد لله انا لا اقربها قط
فى وجهة نظرى ان سبب التدخين هو الفراغ اللى الناس بتبقى عايش فيه بالاضافة إلى الارادة الضعيفة

وطبعاً ممكن تلاقى واحد يقول (يعنى أعمل ايه؟)

أبسط حاجة اول ما تفكر فى كدا امسك يا سيدى المصحف واقرأ

قال تعالى ( إن هذا القرآن يهدي للتي هي أقوم ويبشر المؤمنين الذين يعملون الصالحات أن لهم أجرا كبيراً )

(وننزل من القرآن ما هو شفاء ورحمة للمؤمنين ولا يزيد الظالمين إلا خسارا)

نسأل الله أن يهدى شباب وبنات المسلمين

و جزاكم الله خيراً

[Heartbeat]

المشاركة الأصلية كتبت بواسطة هانى الشرقاوى

لعلمك يا حبيبة الله
دلوقتى فيه بنات كتييييييييييييير أوى بتشرب سجاير وشيشة كمان
وفى الشارع قدام كل الناس .... ومش عايز أقول فى الجامعة نفسها

هواية التقليد هى الكارثة بعينها


الحمد لله إننا بعاد عن المصيبة دى

ما انا عارفه حضرتك وبشوفهم وكمان بيكونوا محجبات ومنقبات كمان وبيشربوا شيشة وسجائر وبيكونوا رافعين النقاب
يعنى كمان مش محترمين نفسهم
ربنا يحفظنا