التركى .. قنبلة موقوتة !!

[وردة امل]

السلام عليكم ورحمة الله وبركاته



ياااااااااااااااه من زمان
مكتبتش حاجة بجد وحشنى المنتدى وكل الناس اللى فيه
يارب تكونوا باحسن حال

وقبل ما ياخدنى الكلام ف السلامات الكتيرة دى ياللا ندخل ف الموضوع
احسن انساه


..

الله يخربيت مهند ونور وفاطمة وكريم ف ساعة واحدة
ماهو احنا فاضيين يخلص مهند اللى قعد شغال سنة كاملة هو ونور وبعديها سنة
كمان هو والست ميرنا يقعدوا يحبوا ف بعض ويشتغلونا

والبنات تقعد ادام التلفزيون تتفرج عليهم والمناديل ف ايدها ولااااااا مش بتكتفى بكده وبس
دى كمان بتتفرج ع الاعادة وبردو معاها مناديل عشان بس لزوم السهوكة
وبدل ما ناخد من امريكا معونة قمح هناخد معونة مناديل

و البنات مبقوش لاقيين حاجه يعملوها غير انهم يتفرجوا على تركى
بدل ما يروحوا يتلهوا فى مزاكرتهم ولا حاجه تنفعهم


وطبعا الاتراك مش مريحين نفسهم ابدا طلعوا لينا دلوقتى بمسلسل جديد

وطلعولنا كريم باشا هو والست فاطمة اللى اكيد مش هيقل عن 250 حلقة
والهبل بئا هيشتغل
اتنين بيحبوا بعض حلقة ويتخاصموا ف حلقة ويتصالحوا ف حلقة وكل حلقة
تظهر مشكلة يقوم المخرج يدى البطل الحل .. والبنات يعيطوا لما الابطال يسيبوا بعض
والمناديل هتشتغل .. وبعدين تلاقى ابتسامة عريضة لما يرجعوا لبعض
وف الاخر لما المخرج يتعب يخليهم يتجوزوا بالمرة ويرجعوا يحبوا ف بعض من تانى



وانتشر كريم واتعرف وف كل حتة اروحها الاقى سى كريم
اروح الجامعة الاقى كريم افتح الفيس الاقى كريم

انا بقيت خايفة خلاص سى كريم يطلعلى ف الحلم ماهو ده اللى ناقص كمان

ولما اروح اسال بنت وقولها هو مين كريم ده اللى انتوا هتموتوا عليه

ههههههه بتقولى فيه قصايد شعر وكأنها فجأة قلبت المتنبى ف زمانه وده كله عشان كريم

الناس تقول كريم كريم ....
وانا اقول مين الاخر كريم ده !!!
تقولى اللى مع فاطمة
وتقولى يا خرابى ع كريم هى دى الرجالة مش اللى عندنا
ده راجل امور وعسول وسكر وكل حاجة حلوة بتلزق



والله ده بئا وباء فنى واعلامى اسمه المسلسلات التركى
مش فاهمة بجد سر جنون الناس بيهم مع ان الواحد بيزهق من مسلسل 30 حلقة
ماشاء الله ع التركى اكتر من 250 حلقة
وف النهاية طلعت ظاهرة جذبت عقول ناس كتير اتمنى انها تنتهى
لحسن الواحد مرارته اتفقعت من الناس الملزقة دى



الله يحرق التركى على اللى اخترعه


وردة امل