|
#1
07-11-2012, 10:31 PM
|
|||
|
|||
الي كل معلمي الحصة المتعاقدين في 1/ 4 /2011 بالدقهلية
طبعا كلنا سمعنا خبر ان فيه ناس هتتثبت في شهر 7 الجاي وناس تانية في شهر 7 اللي بعده
وكده هيبقي ظلم مجموعة كبيرة مننا ومحدش عارف ايه تفاصيل الخبر ده لكن لمصيبة ان مفيش تفاصيل ومحدش فاهم حاجة في الادارة ولا المديرية .. هل هيتم تجديد العقد واللا هنتثبت وامتي وازاي ؟!... المهم .. جه في بالي موضوع قرار مجلس الشعب بتثبيت كل من مضي عليه 6 شهور بالعقد ... فقلت اتصل باحد اعضاء مجلس الشعب المنحل واسأله هل القرار سليم وتم التصديق عليه واللا كان مجرد كلام او اقتراح ف المجلس .. واتصلت فعلا بالمهندس الخلوق المحترم / محمد حمدي الجمل .. الجمالية مرشح الدائرة الثانية بالدقهلية عن حزب النور ( قوائم ) كان الرد من الباشمهندس ان القرار سليم مائة بالمائة وتم التصديق عليه مع قرار تعديل نظام الثانوية العامة ولكن للاسف تم تطبيق قرار الثانوية العامة ونسوا المعلمين المتعاقدين اللي هو احنا يعني .. ولو عايز صورة من القرار من المجلس اجيبهالك ووصلنا ان اللي معطل الموضوع هو محمود عميرة وكيل الوزارة لانه مالي دماغ المحافظ بكلام مش مظبوط وان هما السبب في التاخير ده لانهم مش عايزين ياخدوا خطوة لقداااااام ابدا المهم وصلنا في النقاش اننا ممكن نرفع قضية علي المحافظ ووكيل الوزارة والوزير لانهم ما نفذوش قرار مجلس الشعب اللي هو تثبيت من امضي 6 شهور بالعقد ... مع العلم انهم طبقوا قرار من مجلس الشعب نفسه اللي هو نظام الثانوية الجديد ... وقال بعد ما نرفع القضية نوصل الموضوع للاعلام صحف وقنوات فضائية ونعرض الموضوع بهجوم علي المحافظ ووكيل الوزارة .. وممكن اخلي الاستاذ شعبان عبد العليم ( لجنة التعليم بمجلس الشعب السابق ) يدخل في الموضوع برده بحكم خبرته المهم انا بعرض الموضوع لمن يهتمك ويبحث عن حقه الاستاذ الفاضل احمد فودة والاخوة المحترمين الي بذلوا مجهود غير عادي قبل العقد بقولكم بدأنا طريق وعايزين نكمله .. ياريت ادينا في ايد بعض انا صاحبي محامي وممكن اكلمه ونرفع القضية بس عايزين توكيلات ليه وكمان نعمل حسابنا في اتعاب المحامي بس بعد مايكسب القضية ... وعشان الامانة لو حد مفكر اني بشتغله وان المحامي صاحبي وانا عايز انفعه يجيب هو محامي بس شرط برده مش هياخد اتعاب غير لما يكسب القضية انا منتظر ردود حضراتكم وعايزين عدد كبير ولو وصلت نعتصم ونضرب عن العمل يومين واللا حاجة عشان نضغط علي المحافظ ووكيل الوزارة محمد عادل السلاوي ادارة منية النصر التعليمية 01003934511 ياريت نتواصل وكل واحد ناوي يشاركنا يكتب اسمه وادارته ولو امكن الموبيل خليك فاكر حاجة مهمة لو مجبتش حقك بنفسك محدش هيجيبهولك ومفيش حاجة هتجيلك لغاية عندك لازم تسعي وتاخد بالاسباب
__________________
الكثير من الفاشلين في الحياة هم أناس لم يدركوا كم كانوا قريبين من النجاح عندما قرروا الاستسلام عن موقع الأستاذ / عمرو خالد أفضل الطرق التي تجعلك تتنبأ بمستقبلك هو أن تصنعه بنفسك ستيفن كوفي قيمة الانسان هي مايضيفه الي الحياة بين ميلاده وموته د/مصطفي محمود
|
| العلامات المرجعية |
«
الموضوع السابق
|
الموضوع التالي
»
العرض الشجري
|
|
جميع الأوقات بتوقيت GMT +2. الساعة الآن 08:33 AM.
