خواطر 2013 "عالم الكمبيوتر" أ/ علي محمد علي
أساتذتي الأفاضل ... إن كنتم من الذين مازالوا مصرين على شرح المنهج نظري ... أقول لكم ببساطة "مستحيل" هاتظلم نفسك وتظلم العيال معاك ...............أما لمن بدأ في تحميل البرنامج والتعامل معه ... أقول .... وأنصح لاتكثر في شرح الأجزاء النظرية .... مر عليها مر الكرام فلن يفهمك أحد بنسبة 100 % مهما كنت قدير وبارع في الشرح .... هون على نفسك وعلى الطلبة وخش في الموضوع واستخدم طريقة "الصدمة" في الشرح بمعنى إبدأ بعمل برنامج .... وأقترح علي حضراتكم برنامج لحساب مساحة الدائرة ..... أشرك معك طلابك في مراحل البرنامج المختلفة ( تحديد - تصميم - تكويد - اختبار وتشغيل ) هاتفرق معاك كتير جداً وجرب بنفسك .... إشرح البرنامج ولو في 3 حصص مايهمكش المهم هاتلاقي مادة خصبة لشرح جميع المواضيع المتعلقة بالفصل الأول وإنته شغال بالبرنامج وحاول تستخرج الخطوات من طلابك وأشركهم معك في كل خطوة .... خد بنصيحتي أنا بقى عندي مبرمجين صغيرين بيتنافسوا في أفكار برامج . وانسى حكاية أحفظ العيال علشان الامتحان .... أتدرون ماالهدف أساساً من هذا المنهج ؟ والله ليس فيجوال بيزيك في حد ذاته ..... وإنما التدريب على أساليب تفكير علمية .... في حل المشكلات ... عارف بالبرنامج بتاع مساحة الدائرة اللي فوق ده أنت بيه تقدر تضرب كام موضوع بحجر واحد ... خد عندك ( أنواع البيانات - المتغيرات - الثوابت - الإعلان عن المتغيرات - الإعلان عن الثوابت - شروط تسمية كلاً من المتغيرات والثوابت - نطاق الإعلان عن المتغيرات - قواعد تسمية المتغيرات - طرق اقتناص المدخلات من المستخدم - طرق عرض النتائج والمعلومات .... وكتييييييييييير ) والله كل ده في تمرين واحد . .... التواصل ياشباب ..... التواصل نقدر مع بعض نخلق حالة .... وطريقة وأسلوب مميز ... والتواصل اللي أقصده يكون هنا من خلال المنتدى سواء هنا أو على موضوع مذكرتي " عالم الكمبيوتر"
(علي محمد أحمد - مدرس أول الحاسب الآلي - مدرسة إبشان ع المشتركة - إدارة بيلا التعليمية - كفر الشيخ )
|
03-02-2013, 10:12 PM
العرض الشجري
