|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
|
#1
25-12-2013, 02:25 PM
|
||||
|
||||
مش لاحق اذاكر
الموضوع دة قريته وحبيت انقله ليكم هو لطالب هندسه فطبعا هو ممكن يكو نمطبقه بطريقه مختلفه بس اتمنى تستفادو من مضمونه
أنا مش لاحق أذاكر شكلى هسقط السنة دى ده الكلام اللى هيتقال قريب أو اتقال بالفعل من ناس كتير مننا المهم التوبيك ده هيتكلم عن فن الأنجاز وازاى نجيب من الاخر ونحافظ على تقديرنا أو ننجح صافى حتى لو ما ذاكرناش حاجة حتى الان سامع واحد بيقوللى مش كنت تقول الكلام الحلو من أول السنة  أقولكم لأ عشان ما أعلمش الناس الفشل من اول السنة بس دلوقتى أحنا فى مرحلة اللى حصل حصل وعايزين ندرك ما يمكن أدراكه  أنا بس عاوز تبقى هادى بس حامى يعنى ايه أحنا هنطبخ لأ مش كده أنا باتلكم بجد عاوزك هاادى عشان تفكر بهدوء وحكمة وتعرف تدير الأزمة اللى أنت فيها دى بحكمة وعقل مش عاطفة ازاى برضه يعنى تركز كده وتقعد مع نفسك بمنتهى الهدوء ومعاك ورقة وقلم و تفكر ازاى تحل الأزمة دى من غير ما تولول زى اللى مات لها حد طب اعملها ازاى اسأل نفسك هو الهدوء والعصبية هتعمل لك حاجة  مثلا لو اتعصبت واترفزت هيلاقونى كده فينجحونى خلاص يبقى لازم تهدا وتفكر بالمنطق أصل العصبية والتوتر بيلغى العقل وبيقلبها عواطف وامينة رزق والكلام ده واعرف ان مجرد لغيت عقلك يبقى خلاص راحت عليك صدقنى طب وحامى حامى يعنى دمك حار وسخن كده ومستعد تعمل أى حاجة عشان ما تسقطش بس ما تغشش طبعاً يعنى مش ميت كده و..طيب و...حاضر وان شاء الله هابقى اعمل ولما ربنا يسهل لأ قوم اتحرك دلوقتى خد خطوة مستنى ايه ايوه حالاً ما حدش ضامن ايه اللى ممكن يجرا طب اعملها ازاى سخن نفسك ازاى قول لنفسك أنتى مستنية ايه انى اسقط ! لااا لو على موتى يا نهار ابيض اضيع سنة من عمرى عشان شهر مش راضى اذاكره يعنى مش عايز اذاكر شهر دلوقتى فعشان كده قررت اقعد السنة الجاية كلها اذاكرها لأ ناصح يا واد بجد والسنة الجاية قول نفس الكلام وخليك قاعد على طول اقولك قضى حياتك فى الكلية وما تتتخرجش منها ايه التفكير اليائس السلبى ده أنت عارف تسقط يعنى ايه  أدام ربنا لما تقصر فى طلب العلم اللى هو فرض عليك ويسألك أنت ليه ما نفعتش بعلمك المسلمين ساعتها هتقوله كنت باسقط أدام نفسك هتلوم نفسك طول عمرك وهتتكسر كسرة ممكن تدمر حياتك بعد كده أدام أبوك وأمك ياااه يا خسارة تعبنا فى تربيتك واملنا فيك يا ابنى والفلوس اللى اتصرفت عليك أنت دايما كاسر نفسنا كده ومخيب ظننا فيك والله يبقى اخس عليك اخس أدام أخواتك الصغيرين ده فلان ده بالنسبة لنا قدوتنا والأخ الكبير اللى كلنا نفسنا نبقى زيه المهندس فلان ....الساقط أدام صحابك كلهم فرحانين بنتيجتهم وأنت مكسوف بتدارى منهم مش عارف تقول لهم ايه صحابك هيسبقوك بسنة وانت لسه فى مكانك يا كسوفك من نفسك يا اخى ادام قريبك وجيرانك ايه ده فلان سقط يا خسارة ليه كده وأحنا كنا بنتباهى بالمهندس فلان وبنحبه كلنا ليه كده هو حصل له ايه وأنت برر بقى يا حلو  فى شهادتك كل ما تقدم فى شركة كويسة عشان تشتغل ولا حاجة تلاقى وصمة عار كده اسمها دبلر سنة ولا دور تانى وصمة عار فى حقك هتفضل تندم عليها طول عمرك هو انا باعمل ايه أنا بفوقك وبحسسك بالخطر اللى أنت فيه عشان تنتفض وتنفض عن الكسل واللا مبالاة ديه على فكرة فى ناس ولا فارق معاها كل الكلام ده ولا يمثلها أى شئ ساعتها أقوله أنت خسارة تعيش بجد روح موت أحسن لك ايه ده مش ممكن ده يبقى انسان مات أصلاً والمفروض نصلى عليه صلاة الجنازة
__________________
ودعاً وارجو ان ذكرتونى فاذكرونى بخير ,دعواتكم ........... افضل مواضيع قسم اجتماعيات طالب لطلاب الثانوية العامه NTER]
http://www.thanwya.com/vb/showthread.php?t=471761 http://www.thanwya.com/vb/showthread.php?t=510594 [/ 
|
|
#2
25-12-2013, 02:26 PM
|
||||
|
||||
|
طيب نكمل الأول تعالوا نرسى حبة حاجات مهمة جداً جداً 1-لا لليأس اياك وحذارى واوعى تيأس يا عم دى ضلمت أوى برضه ما تيأسش أنا مش ملاحق أذاكر القديم ولا الجديد برضه مش هيأس وصاحبك يقولك يا عم فكك خربانة خربانة لأ على جثتى لو حسيبتها بالعقل هتلاقيها مستحيلة مش هحسبها بالعقل ولا اقولك هاتحدى المستحيل تعرف تبقى كده بالروح دى بالعزيمة دى والهمة دى لو مش بتعرف اتعلم بلاش تدى نفسك سكة للتراجع لأن نفسك هتستسهل وتكبر وعمرها ما هتاخد الطريق الصعب طريق الرجالة اللى ما بييأسوش فى أحلك الظروف نابليون قال أنا لا اعترف بكلمة مستحيل فى قاموس اللغة تعرف تقولها زيه كده وبفونت كبير كده ما فيش مستحيل ثم تيأس ليه وربنا موجود إِنَّهُ لاَ يَيْأَسُ مِن رَّوْحِ اللّهِ إِلاَّ الْقَوْمُ الْكَافِرُونَ }يوسف87 مش ربنا ده اللى بأيده كل حاجة بايده يخليك اول دفعتك كمان مش مجرد تنجح بقوله كُن فَيَكُونُ }البقرة117 يبقى تيأس ليه كان فى كلمة جميلة أوى حد من الأعضاء كان بيكتبها فى توقيعه بتقول اذا ضاقت بك الدنيا فلا تقل: يارب عندي هم كبير .... ولكن قل: ياهم لي رب كبير يبقى تدعى الملك وتاخد بالاسباب وتتوكل عليه وما لكش دعوة بالباقى مش هو اللى قال {فَسُبْحَانَ الَّذِي بِيَدِهِ مَلَكُوتُ كُلِّ شَيْءٍ وَإِلَيْهِ تُرْجَعُونَ }يس83 وقال ايضاً ومَن يَتَوَكَّلْ عَلَى اللَّهِ فَهُوَ حَسْبُهُ حسبه يعنى يكفيه يعنى اعمل اللى عليك وسيب الباقى عليه ثم فى نقطة كمان كان واحد صاحبى دايما يقولهالى الانسان منذ بدأ التوبة فهو ليه فرصته كاملة يعنى أنا يا رب كنت مقصر جداً بس دلوقتى أن تبت خلاص ليك فرصتك من الأول تانى مهما كنت مقصر وبعيد ايوه مهما كنت مقصر وبعيد ثم نقطة كمان ربنا بيحاسب على العمل مش النتائج مثال سيدنا نوح دعا قومه 950 سنة وأصح الروايات بتقول ان عدد من اسلم معه 13 اه تخيلوا كل 80 سنة بيسلم واحد هل ربنا هيسأل سيدنا نوح ليه الناس دى ما اسلمتش هاه لأ النتائج دى بتاعت ربنا بس ربنا هيحاسبه انت بلّغتهم ولا لأ مش هم استجابوا ولا لأ حد فاهم حاجة أنت كطالب ربنا هيسألك أنت ليه قصرت وما ذاكرتش مش هيسألك على النتائج عشان كده لما حد من صحابى كان يقوللى أنا نزلت مثلا او.. أو... أول حاجة كنت اسألهاله هل أنت قصرت ؟؟؟؟؟ فلو قالى لأ بقوله خلاص ما دام عملت اللى عليك ادام ربنا وثق إِنَّا لَا نُضِيعُ أَجْرَ مَنْ أَحْسَنَ عَمَلاً }الكهف30 ده للمصممين ييئسوا بعد كل ده  لأ ما فيش فايدة كده كده لازم أشيل المادة الفلانية لأنها ميتة ميتة منى طب خلاص ما دام لا مفر منها انجح فى الباقى عشان تخفف الحمل عليك مش تسقط سنة كاملة طب لو سقطت سنة كاملة ؟؟ حاول تقلل عدد المواد اللى هتشيلها عشان تبقى الدراسة خفيفة وتقوى نفسك فى كورسات الانجليزى والكومبيوتر ويبقى كده السنة اللى انت نزلتها استفدت منها وما ضاعتش منك فاهمنى
__________________
ودعاً وارجو ان ذكرتونى فاذكرونى بخير ,دعواتكم ...........افضل مواضيع قسم اجتماعيات طالب لطلاب الثانوية العامه NTER]
http://www.thanwya.com/vb/showthread.php?t=471761 http://www.thanwya.com/vb/showthread.php?t=510594 [/
|
|
#3
25-12-2013, 02:28 PM
|
||||
|
||||
|
تانى حاجة لازم تعرفها وتحطها فى بالك 2-أنت غير أى حدّ بمعنى أنك قصرت واتدلعت وعشان كده اتاخرت فى مذاكرتك صح معلش يبقى تستحمل وتبقى راجل استحمل ايه تستحمل قلة النوم والسهر والمجهود الرهيب اللى لازم تبذله فى مذاكرتك عشان تعوض اللى فاتك يووه وأنا ايه اللى يجبرنى على كده من غير خوتة ولا وجع دماغ أنت اللى غلطت ولازم تتحمل نتيجة غلطك مش حد تانى ثم معلش واستحملنى شوية يعنى انت قصرت وقلنا ماشى فى فرصة تانية كمان عاوز تقصر فيها ايه ده يعنى ازاى تحقق هدفك من غير ما تتعب ايه ما كانش حد غلب وكان كله نام فى بيته وحقق اهدافه يقول تعالى {أَمْ لِلْإِنسَانِ مَا تَمَنَّى }النجم24 معايا ولا ايه ما تزعلش أما اشد فى الكلام الانسان ساعات بيحتاج حد يفوقه بس أنا باقولك كده عشان ما تكسلش وتدلع لما تلاقى ناس من اللى بيذاكروا من أول السنة مريحين وانت بتذاكر أكتر منهم طبيعى أنت عندك خلل فلازم تعوضه كما قال الشاعر دع عنك عزمى يا من كان يعدلنى...لو كنت تعلم ما بى كنت تعذرنى موقف معبر قال رجل للتابعى الجليل الفضيل بن عياض عظنى فقال الفضيل كم عمرك قال 60 سنة قال الفضيل منذ ستين سنة وأنت تسير إلى الله يوشك أن تصل فتأثر الرجل وقال إنا لله وإنا اليه راجعون قال الفضيل أتدرى ما معناها قال نعم إننا سنرجع لربنا قال الفضيل ومن علم انه لله راجع علم انه بين يدى الله موقوف ومن علم انه موقوف علم أنه مسؤول ومن علم انه مسؤول فليعد لكل سؤال جواب فقال الرجل لا اله الا الله وما العمل ؟؟؟؟ قال الفضيل وده اللى أنا عاوز اخده من الموقف أصلح فيما بقى يغفر لك ما قد مضى وإن اسأت فيما بقى أُخذت بما مضى وما بقى هاه شايف اخر جملة دى بروزها فى مخك ورددها لحد ما تحفظها وهى دى اللى عاوز اقولهالك فى المذاكرة برضه طيب المفروض كده انت استعديت لأنك تبذل اقصى جهدك ومن غير يأس ومهما كانت الظروف والمعوقات البوست الجاى مهم جدا جدا فابقوا معنا
__________________
ودعاً وارجو ان ذكرتونى فاذكرونى بخير ,دعواتكم ...........افضل مواضيع قسم اجتماعيات طالب لطلاب الثانوية العامه NTER]
http://www.thanwya.com/vb/showthread.php?t=471761 http://www.thanwya.com/vb/showthread.php?t=510594 [/
|
|
#4
25-12-2013, 02:29 PM
|
||||
|
||||
|
أنا عملت ده فى بوست لوحده عشان ده مهم جداً جداً 3-وقتك من ذهب أحنا اتفقنا أن أنت غير أى حد وبالتالى وقتك غير وقت أى حدّ بمعنى خليك بخيل بوقتك لأقصى درجة ممكنة يعنى ما فيش تضييع وقت ما فيش قعدات رجالة لأ خلاص أنت مش فاضى ولا تليفزيون ولا نت إلا بمواعيد معينة تحطها لنفسك يا أخى خليك مشغول فى حاجة مهمة ولو مرة فى حياتك هاتعيش برنس كده طول عمرك خلى شعارك زيى النبى صلى الله عليه وسلم لما أُمر بالدعوة وقالت له السيدة خديجة يا رسول الله أفلا تنام فقال لها مضى زمن النوم يا خديجة تعرف تبقى بالهمة دى كده طيب نتكلم عن حبة نصايح جميلة أوى تفيدك فى موضوع تنظيم الوقت أولاً إذا لم تكن لك خطة واضحة كنت جزء من خطط الاخرين حد فاهم حاجة يعنى ببساطة كده لو أنت مش مخطط ليومك ازاى يمشى وحاطط لكل حاجة وقتها هتلاقى وقتك بيتسرق منك واحد خدك فى مشوار ما أنتاش عارف ليه رغم انك مش فاضى أو واحد فاضى مش وراه حاجة خرجّك معاه وضيع وقتك وأنت مزنوق أصلا من الاخر هتبقى زبون جامد أوى أى حد عاوزك فى أى وقت وأى حاجة هيلاقيك فاضى لأنك مش مخطط ليومك أوعى حد يفهم من كده أنك ما تساعدش حد وخليك أنانى لأ مش ده قصدى اخدم وساعد الناس وكل حاجة بس تكون حاطط ده فى جدولك وعندك أولويات وعارف أنت بتعمل ايه مش سايب الأمور تمشى بظروفها كده يعنى واحد صاحبى فى تجارة مثلا عاوزنى اخرج معاه وانا هسقط السنة يبقى طبعا اعتذر له واروح ذاكر وابقوا اشبعوا من بعض فى الاجازة ثانياً استغل الأوقات البينية لو بصيت على يومك هتلاقى ضايع منه جزأ كبير أوى فى حاجات مالهاش لزمة زيى ساعتين مواصلات ومش عارف ساعة قاعد مستنى الغدا وساعة قاعد ما باعملش حاجة ونصف ساعة رغى فى التليفون وساعة مع صحابى بعد الصلاة واقفين بنحكى أو قاعد فاضى لأن محاضرة اتلغت كل الأوقات دى لو جمعتها واستغليتها صح هتلاقى عمر جديد اتضاف لعمرك تنجز فيه حاجات كتير طب استغل الأوقات دى ازاى خد معاك محاضرات من المتأخر عليك اقرأها فى المواصلات مثلاً عارف مش مذاكرة بس قراءة كده بتركيز عشان تدخلك فى الموضوع ولما تروح تعرف تذاكرها أسهل كتير أو ممكن تستغل محاضرة فاضية أو فى البريك حد يشرح لك اللى فايتك أو تسأل معيد وهكذا تذكر أنت مش زيى أى حدّ ووقتك ضيق جداً فلازم تتصرف وتخلق لنفسك وقت تذاكر فيه زيادة عن الناس كلها واحد بيقوللى ده مستحيل أنا كده هحس أنى عامل زيى الماكينة أولا أنت اللى جيبته لنفسك فما تعترضش واشتغل من سكات ثانيا لو استغليت وقتك كويس هتلاقى وقت ترفه عن نفسك وتعمل اللى نفسك فيه رغم كونك مزنوق بس أنت جرب ثالثاً غيرك عرف وانت مش أقل منهم هاحكيلكم عن واحد صاحبى كان معقدنى فى موضوع الوقت ده ده واحد اتخرج من قسم اتصالات من سنتين كده اسمه أحمد الشوربجى الراجل ده كان مندوب دفعة 3 اتصالات ومن المواقف الطريفة أن الدفعة اختارته الطالب المثالى والعميد سمير شاهين كان بيكرمه عشان هو الطالب المثالى وفى نفس الوقت كان حارمه من دخول امتحان عشان تيار اسلامى وكده يعنى بيكرمه مرة وبيعاقبه مرة المهم أحمد ده كان مشكلة بكل المقاييس ليه 1 كان طالب فى اتصالات قسم المذاكرة واتخرج جيد جداً مع مرتبة الشرف رغم كونه 2 شايل شغل فى أسرة المنار للصبح وكل يوم كان يروح بالليل من الكلية 3 كان أصلا مش حابب يخش هندسة لانه بيحب التجارة فكان عامل مشاريع وهو طالب ومنهم مشروع مزرعة فراخ وخسر جامد لما حصل موضوع انفلونزا الطيور خسر فيه فى حدود 18000 جنيه 4 ده غير انه كان مندوب دفعته أنا كنت باتعقد منه واقوله يا أحمد مش لاقى وقت فيقوللى استغل الاوقات البينية ويقوللى مثلا أنه هو قرب يختم سلسلة كتب فى ظلال القران اللى هم قرب 4000 صفحة ما بين الاذان والاقامة يوميا بيقرأ حبة من الكتاب  وكان يتفق مع ناس على مواعيد الساعة مثلا 3:23 بالدقايق لأ والأدهى من كده اصبروا بس يقوللى استغل وقت المواصلات واقرأ الورد القرآنى بتاعك فى المواصلات اقوله لأ ده مستحيل لأنى ببقى تعبان ومش مركز ثم ببقى واقف وزحمة وحر وقرف تخيلوا قاللى ايه قاللى بتبقى واقف كده ورافع ايدك لفوق وماسك فى حاجة فى المواصلات صح قلتله اه قاللى خلاص شدّ جسمك وأنت واقف ومرن عضلاتك وبكده تبقى عملت الورد الرياضى بتاع يومك أنا ذهلت وبصيت له كده وقلتله أنت أكيد بتهزر صح لأ لأ باتكلم جدّ والله حسسنى أنى ولا حاجة فعلاً هو مش حسسنى ده هى دى الحقيقة اهدى بس أنا مش باقولك ابقى زيه بس حاول تبقى بعض منه على قد ما تقدر
__________________
ودعاً وارجو ان ذكرتونى فاذكرونى بخير ,دعواتكم ...........افضل مواضيع قسم اجتماعيات طالب لطلاب الثانوية العامه NTER]
http://www.thanwya.com/vb/showthread.php?t=471761 http://www.thanwya.com/vb/showthread.php?t=510594 [/
|
|
#5
25-12-2013, 02:30 PM
|
||||
|
||||
|
ونكمل حاجة تانية فى موضوع الوقت إن العمل يتمدد ليشمل الوقت المتاح له يعنى لو قعدت تنجز حاجة معينة من غير ما تحط سقف هاتخلص امتى ممكن تلاقى نفسك قعدت فيه اليوم كله فدايما اى نشاط هاتعمله سواء مذاكرة او مشوار او او اسأل نفسك دايما امتى هتخلص حاجة كمان رتب اولوياتك اهو الوقت الحرج ده تلجأ فيه لربنا وتذاكر بس ووقف كل حاجة تانية و لو هاتعمل حاجة غير دول خليك فاكر ان دول اولوياتك دايما تأكد قبل ما تعمل اى عمل من 3 حاجات 1-انه خاص بيك وما ينفعش يعمله غيرك 2-انه مهم بالنسبة لك 3-هل انت بتعمله بأقصى كفاءة ممكنة ولا لأ ليه ده أصل الواحد ساعات يفضل يعمل الحاجة وبعد كده يكتشف أن كان ممكن غيره يعملها أو انها مش مهمة وتضييع منك وقت كتير تعالوا ننقل لنقطة تانية البوست الجاى
__________________
ودعاً وارجو ان ذكرتونى فاذكرونى بخير ,دعواتكم ...........افضل مواضيع قسم اجتماعيات طالب لطلاب الثانوية العامه NTER]
http://www.thanwya.com/vb/showthread.php?t=471761 http://www.thanwya.com/vb/showthread.php?t=510594 [/
|
|
#6
25-12-2013, 02:33 PM
|
||||
|
||||
|
طيب كده المفروض انك نفسياً مستعد وأدرت يومك كويس من ناحية الوقت محتاج تظبط النوم بقى ياه النوم ده حكايته معايا حكاية زمان كنت فاكر أن النوم ده سلطان لو جه ما يتقاومش لازم أنام لكن بفضل الله ثم صحبة صالحة قدروا يكسروا ويزعزوا الاعتقاد ده عندى أقولهم يا جماعة مش قادر لازم أنام يقولولى عارفين بس ما فيش نوم إن شاء الله اجى أنام على نفسى وأنا قاعد ألاقى اللى بيصحينى وبيقولى أقف عشان ما تنامش كنت انام و أنا واقف aأعمل ايه مش قادر فيصحونى برضه المهم فضلت فى العذاب ده بتاع تلات أيام كل يوم أنام ساعتين وفى أجازة لحد أما اتخنقت مش ممكن ده عذاب كده ده أنا فى الدراسة ما عملتهاش aبس سبحان الله ما قدّرتش اللى اتعمل معايا ده إلا بعدها لما لقيت نفسى باقدر أجاهد نفسى فى النوم واتحكم فيه كمان وانام وقت ما احب وأصحى وقت ما أحب وأنام ربع ساعة وأقوم أتاريهم كانوا بيربونى اتحكم فى نفسى فى موضوع النوم فعلا بادعيلهم صحابى دول ربنا يكرمهم واكتشفت حاجة حلوة أوى أن النوم ده عامل زيى الصيام فى رمضان ازاى وأنت صايم بتلاقى يجيى عليك وقت الذروة ال Peak وميت من الجوع تلاقى نفسك بعدها بنصف ساعة شبعت تانى ايه اللى حصل جسمك بيتعامل بيحرق دهون من عندك عشان تشبع وكذلك النوم بعد فترة الذروة بنصف ساعة بتفوق تانى وتقدر تتعامل تانى جدعنتك أنك تثبت وقت الذروة وما تقعش أو تروح تغسل وشك وهكذا طب انت بتحكى لنا ده ليه عشان اقولكم أن ما فيش مستحيل وأن كل حاجة فى حياتك تقدر تتحكم فيها ان شاء الله حتى النوم طب ازاى اغلب النوم لازم يكون عندك دافع يخليك تقاوم النوم عشانه مش تقاوم النوم لمجرد المقاومة aيعنى وراك حاجات كتير ومش لاحق ليلة ميدتيرم مثلاً aوهكذا.....بس لازم تحط دافع قوى عشان مجاهدة النوم صعبة وعاوزة رجالة طب أنام كام ساعة والله لو حاولت توازن بين الحاجات اللى بنقول عليها دى مش هتلاقى وقت تنام أصلاً بس هاتعمل ايه لازم تنام طبعاً بيقولوا الطبيعى من 6-8 ساعات يومياً وأصحاب الهمم 4 ساعات بس زيى مين تيودور هرتزل   اول يهودى سعى لتأسيس دولة اسرائيل كان بينام اربع ساعات بس وفيما غير ذلك عمل دؤوب لأقامة الدولة العبرية وتوماس اديسون المخترع الأمريكى الشهير برضه 3-4 ساعات سيدنا النبى صلى الله عليه وسلم لما أشفقت عليه السيدة خديجة وقالت له أفلا تنام يا رسول الله قال لها مضى زمن النوم يا خديجة سيدنا عُمر كان يقول متى أنام إن نمت بالليل أضعت حق ربى وإن نمت بالنهار أضعت حق الرعية هاه يا مسلم يا تقتدى بنبيك يا تغير من أهل الكفر وهمتهم العالية
__________________
ودعاً وارجو ان ذكرتونى فاذكرونى بخير ,دعواتكم ...........افضل مواضيع قسم اجتماعيات طالب لطلاب الثانوية العامه NTER]
http://www.thanwya.com/vb/showthread.php?t=471761 http://www.thanwya.com/vb/showthread.php?t=510594 [/
|
|
#7
25-12-2013, 02:36 PM
|
||||
|
||||
|
النووووووووووووووووووووووم فى قاعدة لذيذة فى موضوع النوم بتقول لو نمت زيادة عن المعدل الطبيعى بتاعك بتبدأ تعدّ من جديد أزاى يعنى يعنى لو أنت بتنام كل يوم 6 ساعات وجيت فى مرة ونمت 6 ساعات ونصف هتقوم مهمد وجسمك مكسر كأنك نمت نصف ساعة بس مش مصدقنى اللى بينى وبينك أنك تجرب وتشوف  موقف طريف واحد صاحبى بيقوللى فى مرة أنه نام 16 ساعة متواصلة فأنا صُعقت وقولتله نعم ازاى قالى أنا هافهمك النظرية أصلى لما بنام كتير باتعب من كتر النوم فبحتاج أريح فبنام تانى aحد فهم حاجة هو ده اللى اقصده رغم أنه كان بيهذر بس بيتكلم صح طب ازاى اعود نفسى أنام قليل شوف أنت بتنام كام وتصحى بعدها فايق أو بمعنى تانى بتحتاج كام ساعة نوم وبعدها جسمك بيقوم لوحده من غير مجاهدة منك بس نقول 8 ساعات خلاص تعالى تانى يوم ونام 7 ساعات ونصف واقعد عليها 3 أيام اه هتبقى مصدع فى الأول ومش قادر بس طبيعى التغيير مش سهل محتاج تضحية ورجولة بس مجرد تتعود على كده حاول تجيب سبعة وهكذا لحد ما توصل لرينج من 4-6 ساعات ممتازين جدا بس أنتا هاتهم صدقونى الواجبات أكتر بكتير من الأوقات عشان كده كتر النوم تضييع وقت والله وتهميد للجسم
__________________
ودعاً وارجو ان ذكرتونى فاذكرونى بخير ,دعواتكم ...........افضل مواضيع قسم اجتماعيات طالب لطلاب الثانوية العامه NTER]
http://www.thanwya.com/vb/showthread.php?t=471761 http://www.thanwya.com/vb/showthread.php?t=510594 [/
|
|
#8
25-12-2013, 02:38 PM
|
||||
|
||||
|
فن الانجاز الأول لازم تعرف راسك من رجليك يعنى تكتب كل المواد فى ورقة كده وتحت كل مادة فاضلك فيها ايه ما اتذاكرش من القديم وانسى الجديد اللى لسه هيتاخد خالص عشان لو فكرت فيه دلوقتى هتتعب وهتتعقد ومش هتلاحق واعمل ورقة تانية فيها الجديد اللى هتاخده وأنت مش هتذاكره دلوقتى خالص عشان تبقى ماشى بنظام وعارف أنت مذاكر ايه وسايب ايه ثانياً ابدأ وزع المواد على الوقت اللى فاضلك بالاسابيع يعنى مثلا قول الاسبوع ده هاكون انجزت فى مواد كذا وكذا وكذا هنا يجى سؤال امشى مادة مادة ولا أنوّع ؟؟؟ أنا من رأيى تنوع عشان حتة الملل ثم لأن ساعات دماغك بتقفل من مادة فيها حفظ مثلاً فساعتها الأحسن ليك تنقل على مادة فيها حل وتفكير ورياضة مثلاً أو العكس المهم لو ما نوعتش هتوصل للملل وبالتالى معدل انجازك هيبقى بطئ وبكده مش هتلحق تخلص وأنت محتاج كل ثانية طيب اثبّت اللى مذاكره قبل كده من المادة بالمراجعة ولا اخد الجديد اللى ما ذاكرتهوش أولى ؟؟؟؟ لأ طبعاً ابدأ بالجديد اللى خدته وما ذاكرتوش لكذا سبب 1- لو اتزنقت ودخل الامتحان القديم ممكن تراجعه بمجرد النظر لومذاكره كويس وناسيه ولو مذاكره بس مش كويس هتنجز فيه بعكس الجديد اللى محتاج مجهود كبير عشان تقدر تذاكره لأول مرة 2- لأن أنت بتبدأ سخن فابدأ بالتقيل عشان لو بدأت بالسهل اللى انت مذاكره قبل كده هتهمد ولما تيجى للجديد اللى هو اتقل هتكسل 3-لأنك ممكن تتزنق وما تلحقش تذاكر الجديد وثبتت مذاكرتك للقديم كويس ودخلت قفلت القديم فى الامتحان والجديد ما حطيتش فيه قلم طبعا الدكتور عمره ما هيديك على حلك للجزأ اللى ذاكرته أكتر من الدرجة المخصصة للجزأ اللى انت حليته وبكده ممكن تسقط رغم كونك متمكن جداً من الجزأ اللى أنت ذاكرته كويس ساعتها اقولك يا فرحتى 4-لو اتزنقت وما لحقتش تخلص الجديد ودخلت الامتحان من غير ما تذاكر حاجات هتتوتر جدا فى الامتحان وممكن تبوظ الدنيا كلها أنما لو اتزنقت مع القديم ممكن تقرأه بس وتلخص القوانين وتنجز 5-ممكن لو أنت فقرى شوية ييجى الجزأ اللى أنت ذاكرته صعب جداً وما تعرفش تحط فيه قلموالجزأ الجديد اللى انت اتزنقت وما لحقتش تخلصه سهل وساعتها يا حلو هتتظبط الخلاصة نظم اللى وراك ونوّع وانت بتذاكر وابدأ بالجديد اللى أول مرة تذاكره كدة يكون انتهى واتمنى يكون افدكم زى ما افدنى
__________________
ودعاً وارجو ان ذكرتونى فاذكرونى بخير ,دعواتكم ...........افضل مواضيع قسم اجتماعيات طالب لطلاب الثانوية العامه NTER]
http://www.thanwya.com/vb/showthread.php?t=471761 http://www.thanwya.com/vb/showthread.php?t=510594 [/
|
|
#9
25-12-2013, 03:30 PM
|
||||
|
||||
|
رائع رائع رائع
ما شاء الله والله استفدت جاامد اووى .. جزاكى الله خيراا
__________________
ادعيلي ادعيلي ادعيلي ادعيلي
شوف انت عايز ايه حلو يحصلك ،وادعيلي بيه هيرد عليك ملك و هيقولك ولك بالمثل و ان شاء الله دعاء الملائكه مستجاب لانهم معصومين من الخطا يعني معندهمش حاجه تحجب الدعاء
|
|
#11
25-12-2013, 08:48 PM
|
||||
|
||||
|
رائع رائع وفعلا جه فى الوقت المناسب
|
|
#12
25-12-2013, 08:58 PM
|
||||
|
||||
|
جميييييييييييييييييييييييل
|
|
#13
27-12-2013, 01:05 PM
|
|||
|
|||
|
اجمل موضوع بجد راااااااااااائع فدنى جدا
__________________
اللهم وفقنى وكل طالب علم لكل خير
|
|
#14
20-02-2014, 08:28 PM
|
||||
|
||||
|
مووووووووووووووووووضوع رووووووووووووووووووووووووووووووووووووووعة
__________________
قُل للذي اذاك إنّ الله لاينسى ولاتخفّى عليه خافيه♡♡
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 10:13 PM.
