بالمستندات... تجاوزات في تشغيل معلمي الحصة بأبو حمص

[mr mahmoud]

في تلاعب من نوع جديد باسم ثورة التحرير قام فلول الوطني باستخراج تراخيص للعمل بالحصة للأقارب وأقارب الأقارب بحجة أن العمل في حاجة لهم.

ففي التعليم الابتدائي بأبو حمص تم ذلك بصورة مفجعة وبتسهيل من التعليم الابتدائي الذي أصدر كمية تراخيص هائلة وبدون داعي لذلك ولا حاجة لذلك ولكن بحجة الخوف من الاعتصام .

المصيبة الكبرى أن جميع التراخيص للمؤهلات المتوسطة التي يعجز أحدهم عن كتابة اسمه حتي . فهل يتم تعينهم بالتربية والتعليم وهل هؤلاء من سيعدون جيل البناء بعد الثورة . ويعلمون الأولاد . هل هذا التطوير المنشود .

ففي"مدرسة دير امس الابتدائية " بمجلس قرية جواد حسني تبين من الكشوف أن هيئة التدريس بها لا تتعدي 20 معلم ومعلمة وتم التصريح بتراخيص للعمل بالحصة لعدد 59 فرد ممن ليس لهم أية صلة بالتعليم . بل لم يذهب أحد منهم إلي المدرسة بل تم الترخيص وهم جالسون في بيوتهم .

وقد تقدم العديد من المدرسين والمهتمين بالعديد من الشكاوى وحضور محققين لكن تم التفاهم معهم بصورة أو بآخري ولم يحدث شيء .

من ينقذ التعليم ومن يضع حدا لهذه المهزلة وهذه الأعداد التي ستحصل علي مكافآت ومرتبات لم تعمل بها من جيب من يتم دفعها.
http://damnhour.blogspot.com/2011/06...post_3939.html

[mhegazi]

حسبنا الله ونعم الوكيل

[mr mahmoud]

دا مثال بسيط للي بيحصل في كل ادارات البحيرة مش ابوحمص بس

[ماهر قطب]

المشاركة الأصلية كتبت بواسطة mr mahmoud

دا مثال بسيط للي بيحصل في كل ادارات البحيرة مش ابوحمص بس

مرحب يا مستر محمود
الكلام ده مظبوط مية المية بس عشان نعالج السرطن لمريض نعمل اية نقتل المريض ولا نستئصل المرض انا بقول كل الناس اللى اشتغلت بعد الثورة لازم تمشى

[mr mahmoud]

المشاركة الأصلية كتبت بواسطة ماهر قطب

مرحب يا مستر محمود
الكلام ده مظبوط مية المية بس عشان نعالج السرطن لمريض نعمل اية نقتل المريض ولا نستئصل المرض انا بقول كل الناس اللى اشتغلت بعد الثورة لازم تمشى

منور يا استاذ ماهر اول مرة نتفق مع بعض
بس عايز اضيف كمان الدبلومات اللي شغالة من قبل الثورة لانهم كمان شغالين بوسايط خاصة مواد الانشطة مع ان ليها اقسام في كليات التربية

[محمد حسين الشربينى]

اللـــــــــــــــــــــــــــــــــــــــــــه

[مجتهد1]

أليس هؤلاء بالدخلاء
لما قلت ان مدرسي الحصة منهم دخلاء على المهنة في ناس زعلت واللي مكتوب دا ايه مهما نعمل ثورات احنا زي ما احنا

[خالد خلف الله]

النعليم اصبح مهنة من لا مهنة له اصبح مهنة العواطليه مش المؤهلين علميا وتربويا

[قلبك حنين]

عن أم المؤمنين أم حبيبة رملة بنت أبي سفيان رضي الله عنهما قالت سمعت رسول الله صلى الله عليه وسلم يقول :" ما من عبد مسلم يصلي لله تعالى كل يوم ثنتي عشرة ركعة تطوعا غير الفريضة إلا بني الله له بيتا في الجنة أو إلا بني له بيت في الجنة " رواه مسلم

[basyoni]

للاسف البلد هتفضل متأخرة طول ما فية هذة الاشكال فى الادارات التعليمية

[عادل حافظ]

الغزيه لازم ترحل الغزيه لازم تنزل
ايه ياجدعان فى ناس تستحق انها تشتغل مش كلهم مينفعوش
حمله المؤهلات المطلوبه تفضل واللى مش فلى مكانه الصح يرحل
مش كدا ولا ايه

[مجتهد1]

لابد من استئصال جميع الدخلاء

[طارق سمير انور]

ياجماعه اهدوا شوية
انا عن نفسي من المدرسة اللي الاستاذ محمود بيتكلم عليها زي ماهو بيشتغل فيها بالظبط وبقول ان مش كل الي شغالين بالحصة وحشين فيهم ناس عندنا تربويين ومؤهلات مناسبة جدا اما بالنسبه للمؤهلات المتوسطة دول هيبقي اداريين او مدرسين انشطة خارج المدرسة وبقول كمان ان كل مدارس الادارة كده مش مدرستنا بس في مدارس تانية مافيهاش ربع اعداد مدرستنا من الطلبه و فيها اكتر من خمسين مدرس جديد بالاجر .............. مع كامل احترامي للاستاذ محمود ..... تقبل تحياتي.

[mr mahmoud]

المشاركة الأصلية كتبت بواسطة طارق سمير انور

ياجماعه اهدوا شوية
انا عن نفسي من المدرسة اللي الاستاذ محمود بيتكلم عليها زي ماهو بيشتغل فيها بالظبط وبقول ان مش كل الي شغالين بالحصة وحشين فيهم ناس عندنا تربويين ومؤهلات مناسبة جدا اما بالنسبه للمؤهلات المتوسطة دول هيبقي اداريين او مدرسين انشطة خارج المدرسة وبقول كمان ان كل مدارس الادارة كده مش مدرستنا بس في مدارس تانية مافيهاش ربع اعداد مدرستنا من الطلبه و فيها اكتر من خمسين مدرس جديد بالاجر .............. مع كامل احترامي للاستاذ محمود ..... تقبل تحياتي.

وهل اللي حضرتك بتتكلم عنه دا صح ؟
يعني ايه اللي معاه دبلوم يشتغل حتى لو مدرس نشاط او اداري وخريج التربية مش شغال
يا استاذ طارق المدرس مش مجرد ناقل للمعلومة في الفصل وخلاص الطالب بيشوف المدرس موسوعة وهو الناقل الاهم لثقافة المجتمع للطالب بالله عليكم اللي واخد دبلوم ثقافته ايه عشان ينقلها للطالب وهو مش متعود على التفوق او عدم الغش
احنا بنضحك على الناس ولا على نفسنا

[طارق سمير انور]

المشاركة الأصلية كتبت بواسطة mr mahmoud

بالله عليكم اللي واخد دبلوم ثقافته ايه عشان ينقلها للطالب وهو مش متعود على التفوق او عدم الغش
احنا بنضحك على الناس ولا على نفسنا

استاذي الفاضل............
مش كل اللي معاه دبلوم جاهل في ناس كتير معاها كليات تربية ووخداها شهادة فقط تعالي مليهم كلمة اقسم بالله بيغلطوا غلطات املائية تودي في داهية وبعدين الرسول علية الصلاة والسلام كان امي بس مكنش جاهل يبقي ثقافة ايه اللي بتتكلم عليها اذا كان هي اساسا مش مرتبطة بعلم وبدراسة حاول والله في ناس دبلومات وثقافتها اعلي بكتير من كليات تربوية ليه بتشوفوا الدبلوم كده من وجهة نظركم انا مش هتكلم كتير كل اللي هقولهولك تابع المنتدي هنا ومواضيعه اظن ان نسبة 95% من اعضاء المنتديمع احترامي ليهم طبعا كليات وتربوي كمان شوف مشاركاتهم وغلطاتهم الاملائية ورد علية موسوعة اية يامستر اللي الطالب شايفها دا كان زمان ايام دبلوم المعلمين والمعلمات الله يرحمه هو فعلا اللي كان بيطلع مدرسين ومدرسات عاوز تعرف كلامي اكتر بص للمدرس ايامك والمدرس دلوقتي وقارن ومتقليش الزمن بيتغير دبلوم المعلمين زمان كان اكتر من ماجستير في علوم التربية دلوقتي ياباشا ..............سلااااااااااااااام .