الوزير عنده حق

[شحته عطيه]

يا عم الوزير عنده حق فى كل اللى بيعمله طالما وجد شويه جبناء مش مدرسين خايفين يطلعوا من الجحور ويقولوا لأ للظلم الذئب ما كان ليكون ذئبا لو لم تكن الخراف خرافا

[malakdarsh]

اعتقد ان زي ما فية البعض جبناء فيه الكثير شرفاء شجعان لا يتهاونون في حقوقهم
المشكلة انهم مش بيعرفوا اى حاجة ف اى حاجة
وده دورنا اننا نعرف الناس الدنيا وخداهم علي فين

[malakdarsh]

ولا كلامى ده غلط؟

[malakdarsh]

اكييييييييييييييييييد مش غلط

[malakdarsh]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[صفوت حمادة]

.................................................. ..........................................

[malakdarsh]

ليكن شعارنا القادم يسقط وزير التعتيم والتجهيل والتضليل..يسقط احمد جمال موسى وزبانيته من ناهبى اموال الشعب وحقوق المعلمين ..تسقط نقابة المهن التعليمية نقابة السلطة الفاسدة

يامعلمى مصر...يابناة الوطن ...اذا لم يستجب رئيس الوزراء عصام شرف بابعاد احمد جمال موسى وتطهير الوزارة من الفساد والمفسدين والجهلاء والمزورين وتقديمهم للمحاكمة بقانون الغدر فانا شعارنا منذ الان الا ان يتم تحقيق مطلبنا

عام دراسى جديد بلا معلمين...عام دراسى جديد بلا معلمين

[منار على]

انا رايى ان لو للاسف فيه كتير فينا سلبيين ومش بيطالبوا بحقوقهم وحتى لو وزير التعليم نفسه عارف كدا كويس هو واللى حواليه المفترض ان لو كان الوزير دا شخص كويس ويستحق منصبه فعلا كان يقف معانا ويجيبلنا حقوقنا الضايعه على الرغم من عيوبنا المؤسفه دى لكن استغلاله للعيوب دى دا معناه انه شخص لايستحق منصبه

[zatoon]

نفسي لما نلاقي موضوع مليان قلة أدب زي اللي بيوصف زملاءه أيا كانوا انهم جبناء نفسي اننا نرد عليه بما يستحق لأنه مهما كان نبل هدفه ميصحش إنه يوصمنا بالجبن
وأقسم بالله إني ممكن أرد عليك رد يخليك تنكمش قدام شاشتك لأن قلة الأدب مفيش أسهل منها
فياريت نلتزم ونبطل تطاول ونتكلم بشكل يوصل رسالتنا من غير إهانة ولا تجريح
مش كدة ولا إيه؟؟؟؟

[mos3d]

المشاركة الأصلية كتبت بواسطة zatoon

نفسي لما نلاقي موضوع مليان قلة أدب زي اللي بيوصف زملاءه أيا كانوا انهم جبناء نفسي اننا نرد عليه بما يستحق لأنه مهما كان نبل هدفه ميصحش إنه يوصمنا بالجبن
وأقسم بالله إني ممكن أرد عليك رد يخليك تنكمش قدام شاشتك لأن قلة الأدب مفيش أسهل منها
فياريت نلتزم ونبطل تطاول ونتكلم بشكل يوصل رسالتنا من غير إهانة ولا تجريح
مش كدة ولا إيه؟؟؟؟

كلامك كويس ما شاء الله عليك

بس ياريت تستخدم جرأتك و شجاعتك و لسانك ده
علشان تجيب حقك و حقنا من اللى ضيعوا حقوقنا
بدل ما تستخدمه فقط ضد زميل لك.

[zatoon]

المشاركة الأصلية كتبت بواسطة mos3d

كلامك كويس ما شاء الله عليك

بس ياريت تستخدم جرأتك و شجاعتك و لسانك ده
علشان تجيب حقك و حقنا من اللى ضيعوا حقوقنا
بدل ما تستخدمه فقط ضد زميل لك.

أنا هافهمك عشان أكسب فيك ثواب
كون إن المعلمين ماخرجوش للمطالبة بحقوقهم بالطريقة اللي انت شايفها ده مش معناه انهم جبناء...
البعض يقولك ماهو لسة ماجتش حاجة رسمي اننا جوة او برة الحد الادنى.....والبعض شايف ان الايام دي مينفعش فيها اعتصامات لان البلد مش مستحملة....والبعض منتظر ظهور قيادة واضحة لحركة المعلمين خصوصا ان الازمة دي حصلت في وقت مافيهوش نقابة حقيقية
فيه ألف تفسير لعدم تحرك الكثيرين....يمكن الكسل يا أخي...لكن معتقدش أبدا انهم خايفين أو جبناء...طب يخافوا من ايه ؟هي الاعتصامات و الاضرابات دلوقتي بتخوف؟دي بقت أسهل من شكة الدبوس
فيعني مش عايزين حد يتفزلك ويزايد علينا ولا يقل ادبه ويقول جبناء ولا استخدم شجاعتك ولسانك والكلام ده
ده لو سعادتك انت وكل اللي بيتمنظروا علينا دول نزلتو فعلا كان زمان الوزارة اتهدت
مش عاوز اقول كل اللي ف نفسي عشان خايف من حصائد الالسنة تودينا ف داهية

[mos3d]

المشاركة الأصلية كتبت بواسطة zatoon

أنا هافهمك عشان أكسب فيك ثواب
كون إن المعلمين ماخرجوش للمطالبة بحقوقهم بالطريقة اللي انت شايفها ده مش معناه انهم جبناء...
البعض يقولك ماهو لسة ماجتش حاجة رسمي اننا جوة او برة الحد الادنى.....والبعض شايف ان الايام دي مينفعش فيها اعتصامات لان البلد مش مستحملة....والبعض منتظر ظهور قيادة واضحة لحركة المعلمين خصوصا ان الازمة دي حصلت في وقت مافيهوش نقابة حقيقية
فيه ألف تفسير لعدم تحرك الكثيرين....يمكن الكسل يا أخي...لكن معتقدش أبدا انهم خايفين أو جبناء...طب يخافوا من ايه ؟هي الاعتصامات و الاضرابات دلوقتي بتخوف؟دي بقت أسهل من شكة الدبوس
فيعني مش عايزين حد يتفزلك ويزايد علينا ولا يقل ادبه ويقول جبناء ولا استخدم شجاعتك ولسانك والكلام ده
ده لو سعادتك انت وكل اللي بيتمنظروا علينا دول نزلتو فعلا كان زمان الوزارة اتهدت
مش عاوز اقول كل اللي ف نفسي عشان خايف من حصائد الالسنة تودينا ف داهية

شكرا على إنك فهمتنى و أخذت الثواب
لكن حضرتك محسسنى إن المدرسين كانوا طول عمرهم بياخدوا حقهم و إن اللى منعهم اليومين دول هو ظروف البلد .. يا أستاذ المدرسين حقهم ضايع من سنين طويلة مش من بعد الثورة بس

و كمان كل الحجج اللى بتقول عليها دى لا تقنع أحد .. لأن فى نفس الظروف دى بالضبط خرج الأطباء و الشرطة و غيرهم و حصلوا على حد أدنى و مرتباتهم زادت و تضاعفت .. أما نحن المدرسين فنضع لأنفسنا حجج نضحك بها على أنفسنا و نقول أننا لم نقصر لكننا راعينا ظروف البلد .. لكن صدقنى حتى لو صبرنا حتى تستقر البلد بعد سنة أو إثنين فلن نفعل شيئ أيضا.

و أخيرا
لو عندنا الرغبة و الجدية أن نحصل على حقنا لحصلنا عليه كما حصل عليه غيرنا ممن هم أقل منا تأثيرا و عددا.

[مصطفى جابر راشد]

متيجم نعمل فتحى فارس وزيرا للتربية والتعليم وهو أول واحد يستهلها

[شحته عطيه]

المشاركة الأصلية كتبت بواسطة zatoon

نفسي لما نلاقي موضوع مليان قلة أدب زي اللي بيوصف زملاءه أيا كانوا انهم جبناء نفسي اننا نرد عليه بما يستحق لأنه مهما كان نبل هدفه ميصحش إنه يوصمنا بالجبن
وأقسم بالله إني ممكن أرد عليك رد يخليك تنكمش قدام شاشتك لأن قلة الأدب مفيش أسهل منها
فياريت نلتزم ونبطل تطاول ونتكلم بشكل يوصل رسالتنا من غير إهانة ولا تجريح
مش كدة ولا إيه؟؟؟؟

الى الاخ زيتونه اللى قام انتفض وعمل شجيع السيما بمجرد وصف المعلمين بالجبناء فى المطالبه بحقوقهم وبدا كالعادة يعدد الاسباب التى جعلت المعلمين لا يطالبون بحقوقهم لانهم مؤدبين وما يصحش يطلبوا حاجة من حد اما الناس الوحشين مثل الشرطة والاطباء والبنوك وغيرهم اللى طالبوا بحقوقهم وتم تنفيذها لهم ما ينفعش نكون زيهم لاننا مؤدبين والله امثالك يا اخى هم اللى ضيعوا حقوقنا بالسنتهم الطويلة فقط فى الباطل ياليتك استخدمت هذه الشجاعة فى المطالبة بحقوقك والتى اشك انك واحد منا اصلا ابشروا ايها المعلمين طالما فينا امثال هؤلاء اننا لن نحصل على شىء من حقوقنا الاخ زيتونه وجعته الكلمه التى لم اقصد بها اهانه ولكن ضيق من موقفنا مع حقوقنا ولم يوجعة اهمال الحكومه لنا وعدم اهتمام الوزير بنا واهمالنا لانفسنا انا لم اقصد اهانه احد بس لم اجد كلمه اعبر بها عن موقفنا سواها

[zatoon]

المشاركة الأصلية كتبت بواسطة شحته عطيه

الى الاخ زيتونه اللى قام انتفض وعمل شجيع السيما بمجرد وصف المعلمين بالجبناء فى المطالبه بحقوقهم وبدا كالعادة يعدد الاسباب التى جعلت المعلمين لا يطالبون بحقوقهم لانهم مؤدبين وما يصحش يطلبوا حاجة من حد اما الناس الوحشين مثل الشرطة والاطباء والبنوك وغيرهم اللى طالبوا بحقوقهم وتم تنفيذها لهم ما ينفعش نكون زيهم لاننا مؤدبين والله امثالك يا اخى هم اللى ضيعوا حقوقنا بالسنتهم الطويلة فقط فى الباطل ياليتك استخدمت هذه الشجاعة فى المطالبة بحقوقك والتى اشك انك واحد منا اصلا ابشروا ايها المعلمين طالما فينا امثال هؤلاء اننا لن نحصل على شىء من حقوقنا الاخ زيتونه وجعته الكلمه التى لم اقصد بها اهانه ولكن ضيق من موقفنا مع حقوقنا ولم يوجعة اهمال الحكومه لنا وعدم اهتمام الوزير بنا واهمالنا لانفسنا انا لم اقصد اهانه احد بس لم اجد كلمه اعبر بها عن موقفنا سواها

هقول تاني لأنه احتمال التكرار يعلم الشطار
يا أخ (شحتة وعطية في نفس الوقت) انا معترض فقط على وصفنا بالجبناء
قول يا اخي رأيك زي ما تحب...وعبر عن اعتراضك زي ما تشوف...اعتصم...اعمل إضراب...انشالله تضرب الوزارة بقنبلة نووية
بس يا أخي مايصحش توصف اللي منزلش يتظاهر عند الوزارة(و دول يساوو كل مرسي مصر إلا ثلاثين نفر)بإنهم جبناء
التمس لهم أي سبب إلا الجبن لأن المظاهرات النهارده موش شجاعة(يمكن من 6شهور كانت كده)ولا القعاد ف البيت أصبح جبن
ياسيدي قول كسالى بس مش جبناء
ولا عشان أعجب حضرتك اسمع شتيمتنا بودني و أقول امين
ياللا ننزل نتظاهر كلنا بس اللي مش هينزل عمرنا مانقول عليه جبان ولا عميل ولا من الفلول والطعمية
واقعد بالعافية يا شحتة