مافيش عنوان في بالي دلوقتي بجد .حكاوي قهاوي

[ymymym]

امممممممممممممممممم بما ان موضوعي الاولاني هيتحذف عقبال ما يدخل مشرف كده ولا حاجه ويحذفه

في خلال هذا الوقت هتكلم عن مواقف عملتها

مش عارفه انا حاسه اني مكنتش سلبيه ساعتها وحسيت اني خدت بحقي وبحق ناس تانيه وده اللي المفروض يحصل.

انا حتي اصحابي ساعات بيقولوا عليا جريئه بس هي مش جرأه هي في رايي ايجابيه

مثال

فور اكزامبل مثلا : النهارده راقب علينا واحد بيستهبل بجد هو بدقن المفروض انه بدقن يعني: محترم

لأ مش محترم والله

والله مساب بنت الا وبصلها سوري يعني بصلها بصات اوفر انا بقيت قاعده في الامتحان ببصله باحتقار

ولعلمكم مش انا بس الي لاحظت كده جميع اصحابي (جميعهم بجد ) قالوا انه كده فعلا

بيبص بصات قليله الادب لانه كان بيراقب علينا الترم الاولاني والميد تيرم وما الي ذلك

فانا النهارده كنت مفقوعه منه قوي

وانا بقي اللي بيعصبني بكفر سيئاته

فضلت ابصله باحتقار لانه كان بيبصلي ( المحترم) وانا قاعده في الامتحان

فاكرني مش شايفاه

ده انا جايز اشيل الماده بسببه

الظريف بقي وانا جايه بسلمله الورقه قال ايه مش شايفني هو شايفني قايمه ورايحه نحيته بس عامل نفسه مش شايفني

المهم بعد ما سلمت الورقه رحت رايحه لرئيس اللجنه واشتكيت عدل

ربنا يستر عليكي يا ايكونوميك الماده اللي كنت بمتحنها

بس ده اللي حصل

الاقي بقي اصحابي يقولولي ايه ؟ انتي يا يميميم جريئه . ده انتي انتقمتي جامد .طب هو انا عملت حاجه ؟

بجد مش حاسه اني عملت حاجه كان نفسي اعلمه الادب فعلا لانه مهزأ اقل ما يوصف بانه كده وانا اخلاقي متسمحليش غير اني اقول كده فعلا

يلا

ده اكزامبل امممم فيه ايه تاني ؟

اه في الموقف مثلا: بعد ما بنخلص الكليه بتاعتنا انا واصحابي نيجي عشان نسافر نروح الموقف منلاقيش مواصلات

اروح انا جايبه مواصلات

والله بروح وسط السواقين اللي ما يعلم بيهم الا ربنا

قله ادب قمه في قله الادب فعلا بروح واجيب عربيه لينا انا والبنات وبجيبها كمان للاولاد اللي معايا في الدفعه

بس بعد كده حسيت اني معنديش دم لاني لاقيت بنات واقفين في الموقف زيي وياعيني مش لاقيين مواصلات وستات شايلين عيال وفي عز الحر واقفين مش عارفين يعملوا ايه ولو عربيه جت تلاقي جميع الشباب والرجاله راحوا للعربيه ويركبوا ويمشوا

ودول شباب ورجاله اللي بركبهم وبسيب البنات ليه اركب الشباب

اجي اقول لاصحابي انا لو هجيب عربيه هركب البنات اللي واقفه والرجاله دول يروحوا يدوروا علي عربيه

ليه هما ميجيبوش عربيه ؟ ليه انا البنت اروح وسط السواقين اجيب عربيه

وواحد يقولي منهم لو بنات بس اركبكم

الاقي

اصحابي لما اقولهم هركب البنات يقولولي انتي فظيعه

طب اعمل ايه ؟

فعلا بحس بذنب رهيب لما الاقي ست بعيل وواقفه في الشمس وتعبانه ومش لاقيه تركب والشباب اللي هما المفروض يحسوا علي دمهم ويجيبوا عربيات لينا احنا البنات مبيعملوش حاجه طب ليه ؟

بجد ليه السلبيه دي ؟

اهي سنه عدت من حياتي في الكليه بس اتعلمت منها كتيييييييييييييييييير قوي اني مكونش سلبيه اخد حقي بايدي لاقيت حاجه غلط ادافع واخد حق ناس لو هما مش عارفين ياخدوه

برضه اكزامبل كمان:

في واحد كنت باخد عنده درس بس انسان مادي بطريقه بشعه تمن الورقه الواحده بجنيه الحصه ساعتين وبتبقي نصها هزار بتلاتين جنيه انا بالنسبه ليا ميفرقش الفلوس بس ليه الاستغلال اجي اتكلم واقوله انت مش حاسس ان تمن الورق كتير يقولي اصلي جايب واحد من بني سويف يعملهولي

الله طب وجايب من بني سويف ليه مانت عندك من الفيوم وهيعملوه كويس واحسن واوفر لكن اروح اجيب نسخه 15 ورقه ب 15 جنيه او

اجيب اربعين ورقه ب40 جنيه امال الحصه كام والسنتر كام ومواصلاتي كام والله بابا بيطلع 100 جنيه في حصه واحده في الاسبوع حصتين يبقوا 200 جنيه

رحت سايباه ورايحه لواحد تاني

افاجأ بقي بايه ان الاولاني كان سارق ورق التاني وبيدفعنا فلوس علي قلبه

نااااااااااااااار كانت جوايا كنت لازم اقول لاصحابي واقول للمستر التاني علي الورق عشان يعرف

وفعلا كسفت الاولاني

يعني

انا حاسه اني عملت صح مش غلط الاقي اصحابي يقولولي لأ يايميميم انتي جريئه فواحده منهم بس قالتلي لأ انتي جدعه انتوا برايكم انا ايه ؟

جدعه فعلا ؟

ايجابيه ؟

بتاعه مشاكل جريئه ؟ولا ايييييييه ؟

فيه مواقف كتير قوي قوي قوي بس دول كفايه عليكم عشان دوشتكم

[الجويرية]

بصى يا يميمومة
ده شئ بقى عادى جداااااااا
زمن الرجالة بجد راح الا من رحم ربى
يعنى نادر جدا لما تلاقى شاب يطلق عليه لقب رجل بمعنى الكلمة
مع احترامى لان فيه شباب رجالة لسه
بس تلاقى الشاب قاعد فى الاتوبيس او المكروباص وست مسنة واقفة ياعينى
وده ولا هو هنا
ده غير ان الشاب تلاقيه بيعامل البنت كانها ولد زيه بالظبط مفيش فرق
ربنا يرحمنا بجد من الزمن اللى احنا فيه ده
وجزاك الله خيرا ياقمر على الموضوع

[ymymym]

المشاركة الأصلية كتبت بواسطة آية من الله

بصى يا يميمومة
ده شئ بقى عادى جداااااااا
زمن الرجالة بجد راح الا من رحم ربى
يعنى نادر جدا لما تلاقى شاب يطلق عليه لقب رجل بمعنى الكلمة
مع احترامى لان فيه شباب رجالة لسه
بس تلاقى الشاب قاعد فى الاتوبيس او المكروباص وست مسنة واقفة ياعينى
وده ولا هو هنا
ده غير ان الشاب تلاقيه بيعامل البنت كانها ولد زيه بالظبط مفيش فرق
ربنا يرحمنا بجد من الزمن اللى احنا فيه ده
وجزاك الله خيرا ياقمر على الموضوع

والله فعلا كلامك حقيقي والدليل المواقف الل يحصلت فعلا

ربنا يهديهم يا بنتي

ميرسي علي المرور الجميل يا عسل

[Not Allowed]

لا عادى يا يميم
بالنسبة للحاج الى مربى دقنة دة
فأتلاقية مربية علشان يحتمى بية

وخلى بالك هتطلعى الغلطانة فى الأخر
بس المهم أنك مسكتيش

أما على حكاية الدروس فــ أنا المرة الوحيدة الى أخدت درس خصوصى هو يوم واحد بس فى ثانية علشان التفاضل قال عايز 150 جنية ومقعدش ربع ساعة ومن غير مذكرات كمان
بابا أدالة 50 جنية وقالوا أطلع براااااااا

بالنسبة لحكاية الشاب الى قاعد مثلآ فى الاتوبيس وفية بنات او ستات واقفيين

أنا هحكيلك موقف حصل معايا
أنا مرة قبل كدة ركبت أتوبيس الصراحة كنت مرهق جامد جامد لأقصى الحدود علشان كنت فى خمسين مشوار
المهم فية واحدة ست المهم بلاش ست دى علشان متزعلوش خليها واحدة مدام يعنى عندها حاجة وثلاثين كدة باين
المهم لاقيتنى قاعد فالمهم مقالتليش لو سمحت عايزة أقعد لا عملت أية بقى
وقفت جمبيا وقعدت تقول

رجلى وجعانى دماغى وجعانى ايدى وجعانى ظوافرى وجعانى المهم أنا بقى قبل متكمل الباقى قولتلها تعالى أقعدى رغم أنى كنت تعباااااااان موووت المهم هيا قعدت وطبعآ من غير متقولى خليك ولا حاجة

الست المدام قعدت
المهم الأتوبيس مكنش لسة طلع أساسآ
شوية كدة راح أتوبيس عدى من جنب الأتوبيس الى أنا فية دة
راحت سألتنى يابنى لو سمحت دة اتوبيس 236 (على اساس أن والدتى عندها حاجة وثلاثين سنة يعنى)
المهم قولتلها أيوة يا حاجة

روحت لقيتها فجأة فجأة فجأة
لقيتها نطت من على الكرسى ونزلت من الأتوبيس وطلعت تجرى ورا الأتوبيس التانى علشان تركبة شوفتى بقى

أنا بقى من يومها مبقتش أركب أتوبيسات خالص وحتى لو ركبت ولا أعبر حد خلينى عامل نفسى نايم لحد مأوصل بالسلامة

بس لما بركب مشروع الصراحة وميبقاش فية الا كرسى فاضى وفية بنت عايزة تركب
بعمل بالمثل الى بيقول (السيدات أولآ)

أما بقى لو مستعجل أو ورايا حاجة بعمل
بــ (الرجال قوامون على النساء)
وأنط فى المشروع وأقولة أطلع بسرعة ياسطى (قبل مأسمع كلمة وحشة)

بصى أحسن حاجة فى الدنيا دى أن الواحد يكبر دماغة زى مقولنا

بالمناسبة هو أنتى من الفيوم ؟؟
أصل أختى هتتجوز بعد الأمتحانات بأذن الله فى الفيوم
شفتى أحنا فى الأسكندرية وهيا
هتروح الفيوم يلا على الأقل تستريح من زحمة الأسكندرية شوية
يبقى خلى بالك منها بقى

السلام عليكم

[شهدالجنة]

اولا احييكى على موضوعك ثانيا

مش عايزاكى تتصدمى يابنتى

عشان الواحدبيشوف من دى

كتير اوووووووووووووووووووى يعنى الشيخ دة

عادى تلاقيه الناس عايزة تقوله ياشيخ بس

بارك الله فيكى وجزاكى كل خير

[:: [ K A B B O W ] ::]

همممم كلام جميل

بس انا عاوز اقولك حاجه الراجل اللى مربى دقنه ده مربيها علشان النظره مش اكتر
يعنى انا اعرف ان فى ناس بتربى دقنها علشان يكسبوا من ورا الموضوع ده وغيره وغيره

وللاسف الناس دول يسياو للملتحين بنيه انها سنه يتقربوا بها لربنا
الهم خلينا فى موضوعنا

على موضوع المواصلات ده فالشباب ميبقول غلطانين كتير جدا وبرده البنات بتبقى غلطانه جدا
ليه ؟ اقولك
الاولاد ممكن يكونوا قاعدين وتطلع ست كبيره جدا وتلاقى تقريبا التوبيس كله شباب وولا واحد يقوم والست يا عينى تفضل واقفه والباشوات قاعدين ومرواقين خالص ولا كان فى حاجه

وبالنسبه برده للبنات فانا مثلا ممكن اكون طالع عينى طول النهار فى مشاوير ومكتبه ونادى وشغل ومروح ميت وتركب مثلا المترو وتلاقى كرسى فاضى كانك لاقيت كنز بالضبط اول ما تقعد تلاقى بنت تيجى وتقف جنبك على اساس انك تقوم وتلاقى بقه الكلام اللى يترمى من غير مراعاة اى ظروف

يعنى المفروض الطرفين يراعوا ظروف بعض ويقدروا ان فى ناس بتيقى تعبانه جدا وناس سنها كبير ومنبقاش واقفين لبعض على غلطه

و انتى ممكن تشوفى حاجه تانيه تستفزك جدا تلاقى بنت محترمه جدا ماشيه فى الشارع وتلاقى شوية شباب سورى فى اللفظ صيع يعاكسوها هنتغاضى عن ده ونقول اهلهم مربوهمش انما اللى يغيظ بقى بجد ان الموضوع ده يحصل فى شارع ماليان ناس ومفيش حد فيهم ميتكلم ولا يقول عيب ولا غيره ولما تروح وتقول لهم عيب يا جماعه اعتبروها اختكم يكلموك كانهم هما اللى صح وانتى اللى غلط وممكن توصل فى الاخر لخناقه هو مش ممكن ده غالبا بتقلب لخناقه وربك يسترها بقه

فى النهايه يعنى اللى انتى بتعمليه ده مش شىء غريب ده المفروض اللى يكون عليه اى انسان

ويارب اخلقنا ترجع زى ما كنا منسمع عنها زمان ونكون كلنا نراعى بعض

شكرا على الموضوع وسورى على اللوكلك الكتير ده

سلام عليكم

[ymymym]

ميرسي ليكم جميعا بس انا عاوزه اوضح حاجه مش عارفه انتوا فهمتوها ولا لأ ان المواصله ده ميكروباص صغير جدا اول ما بنخلص كليه بنلاقيه قدام الجامعه لو طلعنا متاخر هي دي المشكله اننا تقريبا كل يوم بنطلع متاخر نيجي نطلع بره الجامعه منلاقيش حاجه نروح الموقف منلاقيش مواصلات في الموقف اللي هي عربيه 14 راكب دي مينفعش تقف فيها اصلا هي تقعد وبس المشكله بقي تلاقي ايه احنا مثلا 7 بنات بنبقي عاوزين نكمل العربيه دي بحيث نبقي 14 فلو عاوزين نملاها بيبقي في معانا شباب انا بتكلم علي الشباب اللي معانا في الكليه مش هاين عليهم حتي انهم يروحوا يجيبوا العربيه دي لينا احنا لأ لازم جيب انا واصحابي العربيه ونندهلهم انا بتكلم ان مافيش اخلاق اتعدمت خلاص عند الشباب اينعم مش كلهم بس معظمهم انا ببقي بتكلم علي كده وبرضه مواقف تانيه كتير بتحصل زي اللي حضراتكم قلتوها فعلا بتحصل بس زوقيا ان الشاب يقف للمرأه في مواصله لو هو قادر لكن مش يقول وانا مالي ان ادافع فلوس خليها تقف زي غيرها بس لو قادر اما لو تعبان او منهك من الشغل والكلام ده ليه عذره
نورتوني

[Not Allowed]

أية الكلام الحلو دة
لا لو على كدة
يبقوا شباب من غير ش

عينى زغللت من الكتابة الصغنونة دى

[:: [ K A B B O W ] ::]

لا رجاله بجد
هم دول شباب مصر ؟
طيب خير خير خير
جامعه ايه اللى فيها الكلام ده؟
ربنا يعينكم والله

[Khaled Soliman]

إلي أختي الكريمة وكل من ساهم بالرد علي هذا الموضوع
هل أصبح الموضوع أن شيخ قام بهذا الفعل ؟؟؟؟؟؟؟؟؟
من قال أنه شيخ أكل من كانت له لحية شيخ ؟ هو القس شنوده شيخ ؟؟؟؟ دي لحيته أطول من لحية أي شيخ !!!!!!! .. اللحية ليست مشيخه.. وإلا كان مُهند وسمير الأسكندراني ومجدي عبد الغني مشايخ وكانت تبقي هذه المرأة ست المشايخ كلهم
اطول ذقن امراة في العالم



الاسم فيفيان ويلر من وود ريفر الينوي في الولايات المتحده الامريكيه
بدأت في تربيه لحيتها بعد وفات امها عام
1990

ومن قال أنه كان ينظر بشهوة لأحد؟؟؟ إن بعض الظن إثم !!!
ولماذا نفترض هذا الإفتراض ؟؟؟ ثم ما هو عمل المراقب في اللجنه ؟؟؟؟ ولماذا نفترض في نظراته سوء النيه ؟؟؟ هو علشان بلحيه المفروض يخش ينام في اللجنه ؟؟؟؟؟
هو لو كان حليق كان يبقي التصرف بتاعه عادي ويبقي كول وجامد طحن وتطلع البنات كل واحده تقول للتانيه دا كان بيبصلي أنا ؟ ويبقي عادي ؟؟؟
وبعدين من كلامك قولتي أنك كنتي بتصيله جامد قوي وكتير قوي هو دا بقي إللي حلال !! النظر من الراجل للست حرام والنظر من الست للراجل حلال ولا الشرع قال إذا كان النظر للقرف يبقي حلال ونطول فيه ونجيبه من فوق لتحت كمان !!! وبعدين ميمكن هو كان بيبص بقرف كمان ومستغرب الملابس وعرض الأزياء اللي قدامه وكمية الأللوان اللي قدامه !!!!
ألم يكن الأولي أن تغضي بصرك وأنتي لستي في حاجه للنظر إليه وليس لكي أي عذر يبيح لكي هذا النظر وهو له ألف عذر فعمله وراتبه الذي يطعم به أولاده يجعل من الواجب عليه مراقبة كل من في اللجنه ومنع أي محاولة للغش وفنونه .
لماذا نسيئ لكل شيء جميل في حياتنا ؟؟؟
أتعلم أختنا الكريمه أنه لو كان ما حدث قد حدث بنفس الصورة التي تصفها لكان من باب أولي الستر عليه و عدم فضح أمره وهذا ليس لشخصه فقط بل للحفاظ علي صورة الرجل المسلم الملتزم أمام الجميع ولو عوزه تبقي إيجابيه أكتر (ولا أحب أن أصفك بالجريئه لأنها صفة ليست مطلوبه كثيراً في الأنثي إلا للمطالبة بحق) كنتي تنتظريه وتوجهي إليه النصح بالحكمة والموعظة الحسنه مادام جريئه وقادرة علي المواجهة بدل الغيبه والنميمه والذم في حق رجل لا يستطيع الدفاع عن نفسه ولو مقدرتيش تعملي حاجه ومش قادره علي المواجهة تكتبي ورقه صغيره فيها كلمتان هما أتقي الله إن النظرة سهم من سهام إبليس وتعطيها له وتتركيه وتنصرفي و إنتهي الأمر وهذا ما أمر به الإسلام في أمور أشد وأفظع من ذلك فإذا رأي المسلم مسلم يزني وجب عليه ستره ولا يفضحه إلا إذا طُلب للشهادة أمام القضاء حتي لا يقال هؤلاء هم أصحاب محمد زناة يفعلون الفواحش ويفضح بعضهم بعضاً وعند الشهادة يقول ما شاهده ولا يكذب حتي لا يقال كاذب وأتباعه كاذبون وأنتي لا في موقف شهادة ولا نصيحة بل إسائة لكل مسلم ولكل من حاول الإلتزام لكل من أطلق لحيته ومن هو المُلتحي إنسان يصيب ويُخطيء له ميول وشهوات وله شيطان أشد عليه من شيطان الغير مُلتحي لأن الشيطان يعلم أنه أقرب للصواب ولا يهمه أمر العاصي فهو عاصي بطبيعة الحال والوسوسة إليه أسهل. ثم كيف لمراقب يغض بصره في لجنة إمتحانات مُطالب فيها بالمراقبه ومنع الغش .
وهذا ليس تكذيب للواقعة بل أسئل ما الذي يؤكد أن نظرته كانت شهوانية وليست لمراقبة الطالبات ومنع أي محاولة غش وأنتي تخيلتي ذلك فالكثير من البنات تتخيل أن أي نظرة من أي رجل ليس لها تفسير إلا الطمع والشهوة والإعجاب !!!!!!!!!!!

إن اللحيه أمر هام وهي بداية الإلتزام بسنة الرسول وليست منتهي الإلتزام بل وأقول أنها واجبه علي كل مسلم يعني المفروض كل شاب مسلم يبدأ تنبت له لحية أن يتركها ولا يقوم بحلقها أبداً لأن الرسول أمر بذلك فقد روى البخارى فى صحيحه عن ابن عمر عن النبى صلى الله عليه وسلم قال (خالفوا المشكرين، ووفروا اللحى، واحفو الشوراب) وفى صحيح مسلم عن ابن عمر عن النبى صلى الله عليه وسلم قال (احفوا الشوارب واعفوا اللحى) وفى صحيح مسلم أيضا عن عائشة عن النبى صلى الله عليه وسلم قال (عشر من الفطرة قص الشارب، وإعفاء اللحية، والسواك، واستنشاق الماء، وقص الأظفار، وغسل البراجم ( البراجم مفاصل الأصابع من ظهر الكف ونتف الإبط، وحلق العانة، وانتقاص الماء. قال بعض الرواة ونسيت العاشرة، إلا أن تكون المضمضة).
قال الإمام النووى فى شرحه حديث (احفوا الشوارب واعفوا اللحى) أنه وردت روايات خمس فى تلك اللحية، وكلها على اختلاف فى ألفاظها تدل على تركها على حالها، وقد ذهب كثير من العلماء إلى منع الحلق والاستئصال لأمر الرسول صلى الله عليه وسلم بإعفائها من الحلق ولا خلاف بين فقهاء
المسلمين فى أن إطلاق اللحى من سنن الإسلام فيما عبر عنه الرسول صلى الله عليه وسلم فى الحديث السابق الذى روته عائشة (عشر من الفطرة). الواجب شرعاً هو كل أمر لم يصرفه عن الوجوب صارف ومعني ذلك أن كل ما مضي أمر بإطلاق اللحيه ولم يرد أبداً خبر واحد من فعل الرسول أو الصحابة الكرام أنهم قد حلقو اللحية ولو لمرة واحدة أو حتي ما يثبت بأن الأمر يثاب فاعله ولا شيئ علي تاركه بل الأمر أمر وجوب يثاب فاعله ويعاقب تاركه.
دعونا نتقارب ولا نتباعد
أما بالنسبه لموضوع المواصلات وذهابك وسط السائقين الذين تصفيهم بأشنع الأللفاظ وأنتي تعلمين ذلك فهذه ليست جدعنه ولا جرئة مع الأسف هذه تصرفات من الممكن أن توقعك في مواقف تندمين عليها طوال حياتك ولولا أنك من أسرة كريمة ودعوات والديكي تحيط بكي لكنتي ..... أو ..... كما نطالع كل يوم في الصحف والمجلات.

أختي العزيزة يقف الرجل للمرأة في أي وسيلة مواصلات إذا كانت فعلا ظروفها أجبرتها علي الخروج من بيتها في زحام الطرق وقد إحترمت تقاليد إسلامها و كانت مرتدية ما يسترها ولا يفضحها و قصدت في مشيتها وهنا عندما يراها شاب ويقف لها يحيه الجميع وإن كان العكس كلنا عرفين هدفه أيه من هذا الوقوف و يذمه الجميع ولو خرجت من بيتها من أجبرتها ظروفها علي الخروج فقط ولم تخرج كل من ليست في حاجة للخروج لما أحتاج النساء لمن يقف لهن في وسائل المواصلات عشان حيكون في أماكن كتير قوي فضيه
مشي كدا عند أي كورنيش وشوفي كام بنت وكام ولد قاعدين ووقفين و.... و .... كل دول بيزحمونا في المواصلات الوحده اللي نزله مشوار ضروري واخده معها خمسة سته من صديقتها ليه مش عارف إلخ!!!!!!!
في النهاية أنا أسف لهذه الحده فهذا دين الله وأنتي أخت لي في هذا الدين ولا أحب أن يأخذ أحد من أعداء هذا الدين كلامك ليصبح حجة له علي هذا الدين وعلي أهل هذا الدين.
أرجوا أن تتقبلو مروري
وفي هذا الرابط المذيد
http://www.thanwya.com/vb/showthread.php?t=125181

[ابو البراء محمد بن محمود]

المشاركة الأصلية كتبت بواسطة khaledsoliaman

أختي الكريمة وكل من ساهم بالرد علي هذا الموضوع
هل أصبح الموضوع أن شيخ قام بفعل كذا ؟؟؟؟؟؟؟؟؟
من قال أنه شيخ أكل من له لحية شيخ ؟ هو القس شنوده شيخ ؟؟؟؟ دي لحيته أطول من لحية أي شيخ ؟؟؟؟؟؟؟؟ .. اللحية ليست مشيخه.. وإلا كان مهند وسمير الأسكندراني ومجدي عبد الغني وكانت هذه المرأة تبقي ست المشايخ كلهم
اطول ذقن امراة في العالم



لاسم فيفيان ويلر من وود ريفر الينوي في الولايات المتحده الامريكيه
بدات في تربيه لحيتها بعد وفات امها عام
1990

ومن قال أنه كان ينظر بشهوة لأحد؟؟؟ إن بعض الظن إثم
ولماذا نفترض هذا الإفتراض ؟؟؟ ثم ما هو عمل المراقب في اللجنه ؟؟؟؟ ولماذا نفترض في نظراته سوء النيه ؟؟؟ هو علشان ملتحي المفروض يخش ينام في اللجنه؟؟؟؟؟
هو لو كان حليق كان يبقي التصرف بتاعه عادي ويبقي كول وجامد طحن وتطلع البنات كل واحده تقول للتانيه دا كان بيبصلي أنا ؟ ويبقي عادي ؟؟؟
لماذا نسئ لكل شيء جميل في حياتنا ؟؟؟

قا الله تعالى : (يا أيها الذين آمنوا اجتنبوا كثيراً من الظن إن بعض الظن إثم).

أتعلم أختنا الكريمه أنه لو كان ما حدث قد حدث بنفس الصورة التي تصفها لكان من باب أولي الستر عليه و عدم فضح أمره وهذا ليس لشخصه بل للحفاظ علي صورة الرجل المسلم الملتزم أمام الجميع ولو عوزه تبقي إيجابيه أكتر تنتظره وتوجه إليه النصح بالحكمة والموعظة الحسنه مادام جريئه ولو مقدرتش تكتب ورقه صغيره فيها كلمتان هما أتقي الله إن النظرة سهم من سهام إبليس وتعطيها له وإنتهي الأمر وهذا ما أمر به الإسلام في أمور أشد وأفظع من ذالك فإذا رأي المسلم مسلم يزني وجب عليه ستره ولا يفضحه إلا إذا طلب للشهادة أمام القضاء حتي لا يقال هؤلاء هم أصحاب محمد زناة يفعلون الفواحش ويفضح بعضهم بعضاً وعند الشهادة يقول ما شاهده ولا يكذب حتي لا يقال كاذب وأتباعه كاذبون وأنتي لا في موقف شهادة ولا نصيحة بل إسائه لكل من أطلق لحيته ومن هو الملتحي إنسان يصيب ويخطيء له ميول وشهوات وله شيطان أشد عليه من شيطان الغير مُلتحي لأنه يعلم أنه أقرب للصواب وكيف لمراقب يغض بصره في لجنة إمتحانات مُطالب فيها بالمراقبه ومنع الغش .
وهذا ليس تكذيب للواقعة بل أسئل ما الذي يؤكد أن نظرته كانت شهوانية وليست لمراقبة الطالبات ومنع أي محاولة غش !!!!!!!!!!!

وتأكيدا على أصل سر النصيحه قال الإمام الشافعي رحمه الله تعالى:
تعمدني بنصحك في انفرادي ..... وجنبني النصيحة في الجماعة
فإن النصح بين الناس نوع ..... من التوبيخ لا أرضى استماعه
وإن خالفتني وعصيت قولي ..... فلا تجزع إذا لم تعط طاعه

وقال رحمه الله
حفظ لسانك أيها الإنسان ..... لا يلدغنك إنه ثعبان
كم في المقابر من قتيل لسانه ..... كانت تهاب لقاءه الأقران
وقال النبى صلى الله عليه وسلم: (الدين النصيحه).

إن اللحيه أمر هام وهي بداية الإلتزام بسنة الرسول وليست منتهي الإلتزام بل وأقول أنها واجبه علي كل مسلم يعني المفروض كل شاب مسلم يبدأ تنبت له لحية أن يتركها ولا يقوم بحلقها أبداً لأن الواجب شرعاً هو كل أمر لم يصرفه عن الوجوب صارف .
دعونا نتقارب ولا نتباعد

صدقت يااخى وبارك رب العالمين فيك ووفقك لكل خير
ومن هنا فتوى اللجنه الدائمة للإفتاء تأكيد على كلام أخى الفاضل
http://www.islam-qa.com/ar/ref/1189

أما بالنسبه لموضوع المواصلات وذهابك وسط السائقين الذين تصفيهم بأشنع الأللفاظ وأنتي تعلمين ذلك فهذه ليست جدعنه ولا جرئة مع الأسف هذه تصرفات من الممكن أن توقعك في مواقف تندمين عليها طوال حياتك ولولا أنك من أسرة كريمة ودعوات والديكي تحيط بكي لكنتي ..... أو ..... كما نطالع كل يوم في الصحف والمجلات.

أختي العزيزة يقف الرجل للمرأة في أي وسيلة مواصلات إذا كانت فعلا ظروفها أجبرتها علي الخروج من بيتها في زحام الطرق وقد إحترمت تقاليد إسلامها و كانت مرتدية ما يسترها ولا يفضحها و قصدت في مشيتها وهنا عندما يراها شاب ويقف لها يحيه الجميع وإن كان العكس كلنا عرفين هدفه أيه من هذا الوقوف و يذمه الجميع ولو خرجت من بيتها من أجبرتها ظروفها علي الخروج فقط ولم تخرج كل من ليست في حاجة للخروج لما أحتاج النساء لمن يقف لهن في وسائل المواصلات عشان حيكون في أماكن كتير قوي فضيه
مشي كدا عند أي كورنيش وشوفي كام بنت وكام ولد قاعدين ووقفين و.... و .... كل دول بيزحمونا في المواصلات الوحده اللي نزله مشوار ضروري واخده معها خمسة سته من صديقتها ليه مش عارف إلخ!!!!!!!
وفي هذا الرابط المذيد
http://www.thanwya.com/vb/showthread.php?t=125181

جزاك الله خيرا أخى الكريم خالد سليمان
فقد قلت مافى النفس وزياده وفقك الله

[Khaled Soliman]

بارك الله فيك أخي أبو البراء وأنا فخور أن تكون أولي مشاركاتك دعم بل أقصد أصل و رأس لمشاركتي

[Khaled Soliman]

لو أن كل من عصي ربه حلق لحيته ما مات من الأولين والأخرين رجل مُلتحي

[ابو البراء محمد بن محمود]

المشاركة الأصلية كتبت بواسطة khaledsoliaman

بارك الله فيك أخي أبو البراء وأنا فخور أن تكون أولي مشاركاتك دعم بل أقصد أصل و رأس لمشاركتي

وفيكم بارك الرحمن أخى خالد.
الفخر لى يااخى وجزاكم الله خيرا على تواضعكم.

[ymymym]

المشاركة الأصلية كتبت بواسطة khaledsoliaman

إلي أختي الكريمة وكل من ساهم بالرد علي هذا الموضوع

هل أصبح الموضوع أن شيخ قام بهذا الفعل ؟؟؟؟؟؟؟؟؟
ومين قال كده؟
ومين قال انه شيخ انا بقول ان المفروض واحد زي ده يكون متربي علي الخلق الحسن

من قال أنه شيخ أكل من كانت له لحية شيخ ؟ هو القس شنوده شيخ ؟؟؟؟ دي لحيته أطول من لحية أي شيخ !!!!!!! .. اللحية ليست مشيخه.. وإلا كان مُهند وسمير الأسكندراني ومجدي عبد الغني مشايخ وكانت تبقي هذه المرأة ست المشايخ كلهم
اطول ذقن امراة في العالم

الاسم فيفيان ويلر من وود ريفر الينوي في الولايات المتحده الامريكيه
بدأت في تربيه لحيتها بعد وفات امها عام
1990
ظريفه الصوره خالص

ومن قال أنه كان ينظر بشهوة لأحد؟؟؟
لا لاسمح الله انا مقلتش حاجه انا بس بقول انه انسان مش محترم لما سيادته البنت تيجي تسلمله الورقه يبص عليها من فوق لتحت من غير ما يسيب فيها حته اظن حضرتك فاهم يعني ايه يبصلها من فوق لتحت من غير ما يسيب فيها حته دي
إن بعض الظن إثم !!!
لأ انا متاكده انه قليل الادب
ولماذا نفترض هذا الإفتراض ؟؟؟ ثم ما هو عمل المراقب في اللجنه ؟؟؟؟
عمله ؟عمله انه يقعد يبصلنا نظرات قليله الادب مش كده ؟هههههههههههههه عمله انه يبص علينا النظره دي وكلنا نجمع علي انه بيبصلنا؟
مش انا بس اللي بقول كده جميع اصحابي ومش في اللجنه اللي انا فيها بس لأ اصحابي من لجان تانيه ومحترمين زيي كده
ولماذا نفترض في نظراته سوء النيه ؟؟؟
اه مش فاهمه انا من رايي حضرتك تروح تقرأ الموضوع تاني من الاول
هو علشان بلحيه المفروض يخش ينام في اللجنه ؟؟؟؟؟
لأ يبص علينا
هو لو كان حليق كان يبقي التصرف بتاعه عادي ويبقي كول وجامد طحن وتطلع البنات كل واحده تقول للتانيه دا كان بيبصلي أنا ؟ ويبقي عادي ؟؟؟

هههههههههههههههههههه فيه ايه ؟لأ سيادتك احنا ناس محترمين انا واصحابي محترمين مالناش في الكلام ده الظاهر باين علي موضوعي انه بيتكلم عن واقعه حدثت وبنقول انه مش محترم
حضرتك مش عاوز تقتنع بدي فدي حاجه ترجع لحضرتك
وبعدين من كلامك قولتي أنك كنتي بتصيله جامد قوي وكتير قوي هو دا بقي إللي حلال !!
هو انا ببصله ميته فيه ولا معجبه بيه
سيادتك بقول ببصله باحتقااااااااااااااااار قريتها دي
النظر من الراجل للست حرام والنظر من الست للراجل حلال ولا الشرع قال إذا كان النظر للقرف يبقي حلال ونطول فيه ونجيبه من فوق لتحت كمان !!! وبعدين ميمكن هو كان بيبص بقرف كمان ومستغرب الملابس وعرض الأزياء اللي قدامه وكمية الأللوان اللي قدامه !!!!
وهو يبص ليه اصلا علي اجسامنا وهو ماله البس ملبسشي هو ماله ؟
ومين قالك اني ببصله لاني بموت فيه ولا عاجبني
ما علينا
ألم يكن الأولي أن تغضي بصرك وأنتي لستي في حاجه للنظر إليه وليس لكي أي عذر يبيح لكي هذا النظر
اغض بصري ؟
من رايي حضرتك تقرأ الموضوع من اوله تاني عشان لو لقيت رد فيه كلمه زي دي تانيه صدقني هتزعل مني قوي

وهو له ألف عذر فعمله وراتبه الذي يطعم به أولاده يجعل من الواجب عليه مراقبة كل من في اللجنه ومنع أي محاولة للغش وفنونه .
اها طبعا
لماذا نسيئ لكل شيء جميل في حياتنا ؟؟؟
بنت وحشه انا
أتعلم أختنا الكريمه أنه لو كان ما حدث قد حدث بنفس الصورة التي تصفها لكان من باب أولي الستر عليه و عدم فضح أمره وهذا ليس لشخصه فقط بل للحفاظ علي صورة الرجل المسلم الملتزم أمام الجميع
اها طبعا المره الجايه ان شاء الله
ولو عوزه تبقي إيجابيه أكتر (ولا أحب أن أصفك بالجريئه لأنها صفة ليست مطلوبه كثيراً في الأنثي إلا للمطالبة بحق)
لأ سيادتك جريئه معناها واحده تاخد حقها وانا خدت حقي
لان بنات كتير مبتعرفش تاخد حقها
مش جريئه معناها اللي في بال حضرتك
كنتي تنتظريه وتوجهي إليه النصح بالحكمة والموعظة الحسنه مادام جريئه وقادرة علي المواجهة بدل الغيبه والنميمه والذم
انا ؟
في حق رجل لا يستطيع الدفاع عن نفسه

هههههههههه لأ الناس دي بتقدر تدافع عن نفسها كويس قوي تحب اقولك ازاي ؟
ولو مقدرتيش تعملي حاجه ومش قادره علي المواجهة تكتبي ورقه صغيره فيها كلمتان هما أتقي الله إن النظرة سهم من سهام إبليس وتعطيها له وتتركيه وتنصرفي و إنتهي الأمر وهذا ما أمر به الإسلام في أمور أشد وأفظع من ذلك فإذا رأي المسلم مسلم يزني وجب عليه ستره ولا يفضحه إلا إذا طُلب للشهادة أمام القضاء حتي لا يقال هؤلاء هم أصحاب محمد زناة يفعلون الفواحش ويفضح بعضهم بعضاً وعند الشهادة يقول ما شاهده ولا يكذب حتي لا يقال كاذب وأتباعه كاذبون
اوكيه خلينا معا حضرتك للاخر اولا لما انا سياداتي اروح اسيبله ورقه الناس هتقولي ايه الورقه دي فهجيب لنفسي شبهه لانه باين عليه مشبوه يا مستر اذا كان ولد نفسه قالنا خلي بالكم هيراقب عليكم الراجل اياه يعني هو مشهور غير كده فلنفرض اني فضحته لان ده العقاب اللي يستاهله فعلا دلوقتي لاني مقدرش اعمله حاجه وعشان احافظ علي اصحابي والبنات اللي جايه بعد كده من بعدي لما يراقب عليهم واحد زي ده يخلوا بالهم انه انسان مش محترم اصلا ويعني انا مش هعرف نظره عاديه المراقب بيعملها عشان يشوف اللي بيغش من اللي مبيغشش ونظره الانسان اللي حضرتك مصمم تقول عليه محترم ليه مش عارفه ؟
وأنتي لا في موقف شهادة ولا نصيحة بل إسائة لكل مسلم ولكل من حاول الإلتزام لكل من أطلق لحيته ومن هو المُلتحي إنسان يصيب ويُخطيء له ميول وشهوات وله شيطان أشد عليه من شيطان الغير مُلتحي لأن الشيطان يعلم أنه أقرب للصواب ولا يهمه أمر العاصي فهو عاصي بطبيعة الحال والوسوسة إليه أسهل.
الله وانا مالي انا عليه شيطان مش عليه
عرضي انا يا استاذ فيه ايه ؟
ثم كيف لمراقب يغض بصره في لجنة إمتحانات مُطالب فيها بالمراقبه ومنع الغش .
ايون يراااااااقب مش يبص علي اللي مش ملكه
انا مثلا مش هعرف افرق في النظرات
ومش هعرف المحترم من اللي مش محترم
وهذا ليس تكذيب للواقعة بل أسئل ما الذي يؤكد أن نظرته كانت شهوانية وليست لمراقبة الطالبات ومنع أي محاولة غش وأنتي تخيلتي ذلك فالكثير من البنات تتخيل أن أي نظرة من أي رجل ليس لها تفسير إلا الطمع والشهوة والإعجاب !!!!!!!!!!!
الله مانا قلت انه بيبص بقله ادب لان النظره باينه قوي امال حضرتك بتردعلي اساس ايه مادام حضرتك مش فاهم الموضوع عاوز ايه ؟

إن اللحيه أمر هام وهي بداية الإلتزام بسنة الرسول وليست منتهي الإلتزام بل وأقول أنها واجبه علي كل مسلم يعني المفروض كل شاب مسلم يبدأ تنبت له لحية أن يتركها ولا يقوم بحلقها أبداً لأن الرسول أمر بذلك فقد روى البخارى فى صحيحه عن ابن عمر عن النبى صلى الله عليه وسلم قال (خالفوا المشكرين، ووفروا اللحى، واحفو الشوراب) وفى صحيح مسلم عن ابن عمر عن النبى صلى الله عليه وسلم قال (احفوا الشوارب واعفوا اللحى) وفى صحيح مسلم أيضا عن عائشة عن النبى صلى الله عليه وسلم قال (عشر من الفطرة قص الشارب، وإعفاء اللحية، والسواك، واستنشاق الماء، وقص الأظفار، وغسل البراجم ( البراجم مفاصل الأصابع من ظهر الكف ونتف الإبط، وحلق العانة، وانتقاص الماء. قال بعض الرواة ونسيت العاشرة، إلا أن تكون المضمضة).
قال الإمام النووى فى شرحه حديث (احفوا الشوارب واعفوا اللحى) أنه وردت روايات خمس فى تلك اللحية، وكلها على اختلاف فى ألفاظها تدل على تركها على حالها، وقد ذهب كثير من العلماء إلى منع الحلق والاستئصال لأمر الرسول صلى الله عليه وسلم بإعفائها من الحلق ولا خلاف بين فقهاء
المسلمين فى أن إطلاق اللحى من سنن الإسلام فيما عبر عنه الرسول صلى الله عليه وسلم فى الحديث السابق الذى روته عائشة (عشر من الفطرة). الواجب شرعاً هو كل أمر لم يصرفه عن الوجوب صارف ومعني ذلك أن كل ما مضي أمر بإطلاق اللحيه ولم يرد أبداً خبر واحد من فعل الرسول أو الصحابة الكرام أنهم قد حلقو اللحية ولو لمرة واحدة أو حتي ما يثبت بأن الأمر يثاب فاعله ولا شيئ علي تاركه بل الأمر أمر وجوب يثاب فاعله ويعاقب تاركه.

حضرتك تقدر تعمل موضوع عن اللحيه والكلام ده في قسم الشاب المسلم

دعونا نتقارب ولا نتباعد
أما بالنسبه لموضوع المواصلات وذهابك وسط السائقين الذين تصفيهم بأشنع الأللفاظ وأنتي تعلمين ذلك فهذه ليست جدعنه ولا جرئة مع الأسف هذه تصرفات من الممكن أن توقعك في مواقف تندمين عليها طوال حياتك ولولا أنك من أسرة كريمة ودعوات والديكي تحيط بكي لكنتي ..... أو ..... كما نطالع كل يوم في الصحف والمجلات.
بعد الشر عليا ان شاءالله اللي يكرهني

أختي العزيزة يقف الرجل للمرأة في أي وسيلة مواصلات إذا كانت فعلا ظروفها أجبرتها علي الخروج من بيتها في زحام الطرق وقد إحترمت تقاليد إسلامها و كانت مرتدية ما يسترها ولا يفضحها و قصدت في مشيتها وهنا عندما يراها شاب ويقف لها يحيه الجميع وإن كان العكس كلنا عرفين هدفه أيه من هذا الوقوف و يذمه الجميع ولو خرجت من بيتها من أجبرتها ظروفها علي الخروج فقط ولم تخرج كل من ليست في حاجة للخروج لما أحتاج النساء لمن يقف لهن في وسائل المواصلات عشان حيكون في أماكن كتير قوي فضيه
مشي كدا عند أي كورنيش وشوفي كام بنت وكام ولد قاعدين ووقفين و.... و .... كل دول بيزحمونا في المواصلات الوحده اللي نزله مشوار ضروري واخده معها خمسة سته من صديقتها ليه مش عارف إلخ!!!!!!!
دي حاجه ترجعلها يعني كمان منخرجش ونتفسح مع اصحابنا يعني
اما اللي بيبقوا قاعدين مع اولاد ماليش دعوه بيهم كل واحده كبيره وعارفه هي بتعمل ايه ؟ غلطانه او مش غلطانه دي حاجه ترجعلها
في النهاية أنا أسف لهذه الحده فهذا دين الله وأنتي أخت لي في هذا الدين ولا أحب أن يأخذ أحد من أعداء هذا الدين كلامك ليصبح حجة له علي هذا الدين وعلي أهل هذا الدين.
أرجوا أن تتقبلو مروري
وفي هذا الرابط المذيد

http://www.thanwya.com/vb/showthread.php?t=125181

هو لسه في مزيد؟

بقيت انا دلوقتي غلطانه عشان حته واحد ميستاهلش ابدا
قال ايه وانا اللي ببص للراجل وانا اللي عاوزه حبل المشنقه لو حضرتك قريت موضوعي من الاول صح كنت رديت اصح من كده علي العموم انا رديت علي جزئيه حضرتك قلتها

بليز الرد عليا يكون افضل من كده اوكيه ؟
ماشي احترم راي حضرتك لما يكون اهذب من كده
لاني مبسمحش لاي حد يقولي الكلام ده
سلام