|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
31-07-2009, 03:24 PM
|
||||
|
||||
خطبة الجمعة ... أصبحت تقليدية !
كنا زمان في المدرسة عندنا مادة اسمها دين
لكن دلوقتي المفروض كل واحد عنده معلومات كافية عن الدين كاسس وقواعد ولكن ما زال هناك الكثير من الاشياء الفرعية التي نجهلها عن ديننا لذلك كانت خطبة الجمعة هو المنهل الوحيد للدين المتبقي لدى الشخص بعد دراسته المدرسية يمكن دلوقتي بقى في قنوات دينية كتير بس مش كل الناس بتتابعها لذلك مفيش حاجة حيكون تأثيرها زي تأثير خطبة الجمعة الصدق ، الأمانة ، الاخلاص ، الاتقان ، فضل رمضان ، ليلة القدر ، تاريخ الحج منذ سيدنا آدم والحرمات العشر في الحرم ، يوم عاشوراء ، يوم المولد النبوي الشريف هذه هي مواضيع الخطب التي نسمعها في كل مرة حتى أننا اقتربنا من حفظها عن ظهر قلب ثم ماذا؟ ماذا استفدت أنا عندما تكلم عن الصدق ؟ هل كنت اكذب فسأمتنع ؟ ماذا استفدت عندما تكلم عن انشاء الكعبة وكيف فرضت الحج ؟ هل شرح مناسكها ؟ ماذا استفدا عندما حكى عن الوفاء وعن وعن وعن ذلك الكلام النظري الذي نسمعه كل يوم ونحن نعرفه وما يأتي به فهو فقط بعض من مواقف حياة النبي والاحاديث التي تؤكد تلك المواقف لم اقل أنني غير متوافق مع هذا ولكنني مللت من ذلك ففي كل مرة يكرر الامام كلامه وكأنني اشعر انني كل سنة اعيد نفس تلك اللحظات عندما كنت جالساً في نفس المكان طال بي الامر حتى أنني قلت سأتابع في مسجد آخر أعجبني اول موضوع له وهو "فضل الذهاب إلى المسجد" وأنه يفضل أن يكون طريقك وانت رايح غير وانت جاي وإنك تصلي السنة في غير المكان اللى صليت فيه الفرض وغيره وغيره كان صحيح في حاجات عارفها بس استفدت من حاجات جديدة قلت اكمل هنا ولكن الأمر زاد تعقيداً فقد تغير الموضوع شكلاً بينما بدأت تتغير بعض ملامح القصة فقد كنت هناك اسمع أنه الموقف حدث بطريقة ما واكتشف هنا أنها حدثت بطريقة اخرى (باختلاف الروايتين) بس ياريتها تبقى اختلاف روايتين بس بل اسمع نفس القصة مرة اخرى من مدرس في المدرسة ومن شخص ع التلفاز وكل واحد بيقولها بشكل !!! احياناً واحد بيقول قصة وبينسى جزء من النص فبيضطر إنه يكملها من عنده عشان ميسيبش القصة ناقصة برده ده مش هو المشكلة دلوقتي احنا لو متعلمناش من الخطبة حنتعلم منين ؟؟ هل الدين اقتصر على الصفات الامينة وسيرة النبي ؟؟ نعم سيرة النبي جمعت كل شيء ولكن هل يتكلم عنها كلها ؟؟؟ للأسف هناك الكثير والكثير مما نتسائل عنه لا نجد عنه اجوبة أين الكلام عن غزوات النبي ؟ اين الكلام عن تاريخ اليهود مع النبي ؟(ولوأنه يتكلم على عدد من المواقف المحصورة لذلك) أين ما يعرف بحقوق الوالدين على ابنائهم وحقوق الابناء على آبائهم؟ أين الكلام عن لبس الشباب وما يحل وما يحرم لهم ؟ كيف يعامل مدرسه في المدرسة ؟او كبارالسن عموماً ؟ أين الكلام عن صحة العلاقة الزوجية ؟ والاختلاط ؟ والعلاقة بين الشباب في الجامعة ؟ أين الكلام عن ما يغيب عنه الشباب وهو يحتاج إليه ؟ فهو لا يحتاج الآن إلى سماع قصص ولا الى سماع بعض النصائح عن الصدق او الامانة او الوفاء! ولكنه في حاجة إلى حلول عملية للواقع الذي يعيشه الخطبة اصبحت خالية من التشويق وجذب انتباه السامعين حتى بعض الائمة لا يرتلون القرآن أثناء الخطبة او في الصلاة هل هؤلاء الائمة غير مؤهلين فعلاً لذلك ؟ هل أن معلوماتهم الدينية محدودة ؟ كان في واحد بيحكيلي عن مدرس كان عامل امام لمسجد ويوم الخميس بيفضل يحضر خطبته زي طالب المدرسة اللى بيحضر خطبة او كلمة الصباح قبل القائها طبعاً ده بيأدي لظهور ملل كبير بين الشباب خاصة وبين الجميع عامة حتى أنك تذهب للمسجد الآن (بتكلم عن ظهرالجمعة ) تجده فارغاً من المستمعين حتى إذا انتهت الخطبة وشرع في الاقامة بدأت الناس تهل للصلاة ببقى داخل وبعض زمايلي واقفين بيحكو اقولهم خسارة الخطبة احضروها من اولها يقولي احنا بنستنى لما يخلص وبعدين نروح ع الاقامة واحد المصائب الاكبر إنك تشوف الامام بيقرا الخطبة من ورقة وفي مقولة كانت بتقول المدرس او الخطيب اللى بيقرا من ورقة بيفقد حسن استماع المستمعين ليه وللاسف شفت فعلاً بعض الائمة بيقرو الخطبة من ورقة هل ده حتفكر اصلا إنك تسأله في امر ديني وهو مش عارف يسمع خطبته حتى ؟ هل فعلاً اصبحت الخطبة بلا قيمة ؟؟؟ وهل هي بنفس هذا الشكل في معظم المساجد التي تصلون فيها ؟؟
__________________
It was over 3 years since my last visit  |
|
#2
31-07-2009, 05:42 PM
|
||||
|
||||
|
احييك على اثارة هذة الفكرة الجديدة
موضوع اكثر من رائع انا من رايى يااستاز بانزار ان الدين والقيم والاخلاقيات دى موجودة بس الفرق بقى فى ايه؟الفرق فى الاسلوب اللى بيوصل للناس ممكن يخلى الناس كارهه انها تسمع وفى اسلوب تانى خالص ممكن يحبب الناس فى الموضوع جدا ويشوقهم للاستماع فى حاجة كمان ممكن تلاقى الواحد وهو بيسمع الخطبة بينام خالص ومجرد ماالشيخ يعلى صوته تلاقيه انتبه دى تانى نقطة العيب مننا برضه زى مابنقعد بالساعات نسمع حاجات ممكن متكونش بتفوق اهمية فوق الخطبة ولكن انا بقول ان العيأ الاول والاخير على الامام انه لازم يصحى الناس وهو بيتكلم ويتلم بلغة العصر الان ويحسس الناس انه واحد منهم انا بعتز جدا بالاستاز عمرو خالد لانى بحس انه بيشد الناس واسلوبه معاصر الان رغم كل التوجيهات والعيوب اللى بيتعرض ليها ع ذلك انا بحتلرمه جدا وممكن اسمع ليه كتير وشكرا للموضوع الرائع
__________________
 جدول حملة انا ملتزمة فى رمضان
|
|
#3
31-07-2009, 07:03 PM
|
||||
|
||||
|
عندك حق بقت مملة
نفس الكلام نفس المواضيع اقتباس:
مواضيع لا نقلل من شأنها بس خلاص حفظناها عايزين تجديد الحاجة لما بتسمعها مرة واتنين بتمل منها فما بالك بقا بتسمعها كل سنة فى نفس الميعاد وكأن الخطب اصبحت روتينية ومجدولة حسب فصول السنة الخطباء مش بيجددو او ينوعو حتى فى المواقف اللى بيحكوها المفروض يسايرو مشاكل المجتمع ويتابعو ايه اللى جارى فيه المفروض يخطبو عن الشباب ودورهم فى بناء الامة يتكلمو عن العلم والعلماء وفضل العلم يتكلمو عن مشاكل المجتمع كالبطالة والحكومة والشغب والعنف يتكلمو عن التعليم فى المدارس والمناهج يتكلمو عن الضمير وغيابه فى زمن انعدم فيه الضمير تماما يتكلمو فى السياسة ودورها فى المجتمع حاجات كتير يقدرو يتكلمو فيها بس هما حاصرين نفسهم فى دائرة من الموضوعت عندما تنتهى سرعان ما تعاد مرة اخرى شكرا على الموضوع دمتم فى رعاية الله
__________________
 ......استودعكم الله الذى لاتضيع ودائعه.... ....closed 4 ever
|
|
#4
31-07-2009, 09:39 PM
|
||||
|
||||
|
الاخ العزيز موضوعك رائع ويمس مشكله حقيقية تواجه كثير وانا منهم هأصلي الجمعة فين الاسبوع ده؟؟؟؟؟؟ والمشكلة لها محورينالاول من الخطباء وعدم اداءهم بصورة تفيد الناس وتقرب هم من دينهم وتحيي سنن متروكة وكذلك لايعتنون بتنقية كلامهم او احاديثهم من ما هو موضوع او ضعيف وكذللك لا يركزون على التوحيد ولا يحذرون من الشركياتولا البدع او يغالون في التحريم او التفريط والمحور الثاني منا نحن او اغلبنا الشباب يريد الحديث في الامور السياسيةحتى في الخطبة وهم لايعرفون معني لا اله الا الله ولا التوحيد ونريد من يحلل كل شئ ويهيج الجماهير ويكلمهم عن الجهاد وهيا للجهاد والكفاح وغزة وبعد ذللك نروح نتغدى وننام ولا صبر عندنا وغالب المساجد مع الاسف الناس لا تحضر الا بعد ان يصعد الامام وتطوي الملائكة الصحف وتجلس لتستمع وهناك نقطة اخيرة وملاحظة هامة للاخت الغالية شهد وغيرها ممن هم من معجبي عمرو خالد والاسلام لايت اسأللك سؤال بسيط ما رأيك في رجل يقول عن كليم الله موسى عليه السلام : أنه ماكانشي ينفع موسى يدعو بني اسرئيل وهو تربية قصور وعشان كده كان لازم يتدعك ويتمرمط؟؟؟؟؟؟؟ الكلام بالنص من لقاءه في العاشرة بالتلفزيون وسمعته ورأيته بعيني |
|
#5
31-07-2009, 10:01 PM
|
||||
|
||||
|
اقتباس:
فكرتيني بموضوع النوم وموضوع مرتبط بيها وهو الوقت متكلمتش عن وقت الخطبة دلوقتي بقت الناس بتنفر من الخطبة الطويلة فإذا كانت الخطبة لا جديد لها فلما يطول الامام في الخطبة لتصل إلى ساعة وساعة ونصف وربما اكثر ؟؟ لأ اروح لواحد بيخلص في نص ساعة احسن ده برده احد العوامل اللى بتخلي الناس تنفر من بعض المساجد او كما يعمل البعض يستنى لآخر الخطبة ويروح النقطة اللى ذكرتيها بقى النوم ليه الامام بيطول من خطبته وهو عارف إنه خطبته تقليدية افتكر انا لما كنت في عمرة كنا في الحرم المكي في ظهر الجمعة طبعاً الدنيا زحمة واحنا واصلين امبارح وماشيين بكره وعايزين نروح نرتاح ولسه مخلصين الطواف من كام ساعة بس ده كله مكنش مشكلة بس المشكلة إنه الخطبة طويلة جداً والله كنت بنام في الخطبة الله اعلم الخطبة استمرت كام ولا انا نمت قد ايه الراجل كإنه بيحكي السيرة كلها طب ليه انت تحت ايدك ملايين من الناس فيها المريض وفيها التعبان وفيها اللى قاعد بره في الشمس مش لاقي مكان وفيها المسافرين المستعجلين وفيها اللى لسه معتمرين وتعبانين بس هو مش حاطط في باله اي حاجة من دول ويفضل يحكي ويبكي في النص ويتأثر بالموقف (كنت بصحى اسمعه وهو بيبكي وانا تاني  )كمان في الصلاة نفسها تلاقي الامام احياناً بيقرا بتاع ربع كامل او نص جزء طيب يعني في ناس مقدرتها متتحملش طول الفترة ده وهي مجبره تصلي الجمعة عايزهم بعد كده ينفروا من صلاة الجمعة خالص ؟؟؟
__________________
It was over 3 years since my last visit |
|
#6
31-07-2009, 10:06 PM
|
||||
|
||||
|
اقتباس:
لما آجي أقولك سيدنا رسول الله عليه الصلاة والسلام "اتبهدل" في غزوة أحد هل كده أنا غلط في سيدنا النبي ؟ هو مش فعلاً عانى في الغزوة ده وكسرت رباعيته واخترقت الخوذة رأسه وكل ده ؟ لما عمرو خالد يتكلم بالالفاظ المصري المعاصرة يبقى غلطان ؟ عايزه يبقى تقليدي ويكلمك بنفس الكلام اللى اعتدنا سماعه من الآخرين ولا يصل إلى القلب ؟؟ وبعدين حد قالك إنه الانبياء كانوا ملايكة ومحدش عانى فيهم ؟ لأ منهم ناس اتبهدلت فعلاً علشان توصل الدعوة ده للناس هو امر الدعوة كان سهل ؟؟ هو الراجل لما يحب يقرب من الشباب ويتكلم بلغتهم يبقى مخالف ووحش وابن كذا وكذا ؟ هل سبته حسنات الراجل ده كلها ومسكتو كلمة الراجل بيحاول يوصلكو بيها معلومة ؟؟ هل كفر حد لابجوز تكفيره هل أخطأ في شخص موسى نفسه ؟ بلاش بقى الحوارات ده وخدو الامور ببساطة
__________________
It was over 3 years since my last visit |
|
#7
31-07-2009, 11:48 PM
|
||||
|
||||
|
ههههههههههههه
السلام عليكم ورحمة الله وبركاته صراحةً أنا بقيت أحس إن مليش نفس أسمع خطبة لنفس السبب اللي انت قولته تكرار الموضوعات ولوك لوك لوك بنفس الطريقة بنفس المنهج وانا حاسس اني قاعد براجع معاه ده والله كان قال قرآن أحسن ع الاقل كان الواحد حفظه :D ألا نفسي افرح بخطيب يطلع يقول الجهاد في سبيل الله ويقسم الجهاد داخلي وخارجى هو الساكت ع الظلم شيطان اخرس في أي حاجة غير السياسة ? والله عالم مُنافقة الحاكم - ولعياذ بالله - بقي بالنسبالهم أبقي من الإله ياخي بالله عليك ده دين ده ؟ هما آخرهم ( صلي وقصر .. نام وشخر ) ولا حول ولا قوة إلا بالله الدين اتشوه والله وفيه ناس مسيحية في البيوت اكيد بيوصلهم بعض الجمل ويضحكوا علينا بجد وبعدين الأخ علاء سيف انا عايز أسمع بس حته " يتدعك " دى انا سمعت يتمرمط بصراحة لكن بالنسبة ليتدعك دي الواحد مسمعهاش هو مش عشان هيا غلط بقولك عايز اسمعها لاء ده انا عايز استذكر بس الدرس ده  استاذي الكريم بالله عليك انصت لعقلك شوية وحاول تبحث وراء نوى وأغراض الناس اللي مش من مصلحتها عمرو خالد يبقي حاجة انا من رأيي عمرو خالد غلط ف حاجات كتير عن غير علم زي مثلا إنه بيقول إبليس مكفرش مع إن الآيه صريحة بتقول إلا إبليس أبي واستكبر وكان من الكافرين وحاجات تانيه كتيرة بس مينعش ان اكتر منها كان فيه خير بس تعمل ايه ياخي الحقد عشان الكراسي بدأت تتسحب والسبوبة هتقف ونفسي واحد سبوبجي يبقي نجح إنه يوصل معلومة واحدة لنوعية من النوعيات اللي بيدعوها عمرو خالد وللعلم انا بطلت اسمع عمرو خالد وبقيت انتقي مصادري اللي هيابعيده عن بياعين الدين بالكيلو جرام ربنا يرحمنا والله
__________________
استعيدي نفسي مني إنني قدْ تُُــهتُ فـــىّ .. إنْ جَرحَتُكْ .... إعْفِ عنى واهْرَبي مني ... إلىّ !  آخر تعديل بواسطة احمد رضا ، 01-08-2009 الساعة 12:03 AM |
|
#8
01-08-2009, 01:43 AM
|
||||
|
||||
|
العزيز banzer
اللغة هي وعاء الفكر وعندما ندعو الله او نتكلم عن احد رسله مايجب نكلمهم بلغة خليك فريش واعتقد انك توافقني على ذلك ولذلك ولأن المؤمن مرآة اخية اسمح لي اقوللك ايوة تبقى غلطان  حتى لو دون قصد فاطريق للجحيم مفروش بالنوايا الحسنةوالحديث للرسول حين قال لمعاذ رضي الله عنه وهل يكب الناس على انوفهم في النار الا حصائد السنتهم وحين قال امسك عليك لسانك هناك شئ اسمه انتقاء الافاظ وخاصة مع الانبياء وبعدين ليه ما رديتش على السؤال هل تقبل هي ان يقال هذا على الدكتور احمد بهجت كانت هتضحك كده ؟؟؟؟؟؟؟؟؟؟ وخد سؤال تاني بس بدون انفعال الشباب هل يجروؤ الاستاذ عمرو يقول كده علي الشيخ صالح صاحب art؟؟؟؟؟؟؟؟؟؟؟ يا اخي العزيز نعرف الرجال بما عندهم من الحق ولا نعرف الحق لانه يقوله فلان وموضوع مش كل اللي عنده غلط اكيد طبعا والشيطان نفسه اللي هو لا يكفره مش كل اللي عنده غلط الشيطان بيقول خلقتني ويقول وعزتك وهو الذي علم ابو هريرة الدعاء الحافظ بقرأة اية الكرسي والخمر والميسر ربنا حرمهم ومع ذللك قال فيهما منفع للناس فالامر يقاس بغلبة النفع على الضر وعموما ده كان موضوع جانبي نرجع لموضوعنا هو كان ايه ؟؟؟ هناك خطباء يعذبون الناس لكي تكون الخطبة تمام لا تقل عن ساعتين ويشرد بيك في عوام وقصص ولا تخرج بشئ وينسون او يتناسون حديث المعصوم ان من مئنة - يعني علامة - فقه الرجل قصر خطبته وطول صلاته وهم على العكس تماما وعلى فكرة الخطب في الحم المكي والنبوي نادرا ما تجاوز النصف ساعة واود ان اهديك هدية غالية ولكل الاخوة واسأل الله ان يجعلها في ميزاني يوم القيامة موقع الشيخ محمد سعيد رسلان http://www.rslan.com/ وبه خطبه و مؤلفاته والشيخ وبلا مديح غزير العلم قوي الحجة ويدافع عن السنة بحماسة شديدة واذا كان في صعوبة شوية في اللغة -ولا اظن ذللك -ولكن ربما لاننا السنتنا خلاص اتعوجت فالصبر واحتسب وكما يقول ابن سيرين وهو ليس مؤلف كتاب تفسير الاحلام بالمناسبة ان هذا العلم دين فانظروا عن من تأخذون دينكم وفي النهاية عندي اقتراح للجميع وهو ان كان عندك شيخ يخطب الجمعة وتستفيد منه وتراه جدير بان نتعلم منه دلنا عليه |
|
#9
01-08-2009, 02:03 AM
|
|||
|
|||
اقتباس:
بس لازم يكون في أدب في الكلام عن الأنبياء و الرسل و ميكونش بالطريقة دي!!! ولا إيه رأيك ؟؟ |
|
#10
01-08-2009, 02:07 AM
|
||||
|
||||
اولا: لو مكن نغير العنوان ونخليه الخطبة بقت ما فيهاش معلومات كتيرة مثلا
مابقتش تمس القلوب لكن ( مملة ) كلمة صعبة شوية ثانيا : عايزة ارد عن ( عمرو خالد) واقول: لا حول ولا قوة الا بالله خلاص سبتوا الدنيا كلها سبتو ا المفكر الاسلامي ( جمال البنا ) و كل الكلام اللي بيتلفظة والناس يعتبروا فتوه وجايين على الكلمة اليي قالها عمرو خالد لا حول ولا قوة الا بالله هههههههههههههه يعني كل الناس والبشرية لما ببتحمس شوية وتنفعل ما بتقلش حاجات غلط بقى عمرو خالد دلوقتي كخة ما يمكن ندم عليها واستغفر ربنا وتاب عليها باي حق دلوقتي تعرفوا الناس بيها وتخلو اللى ماعرفش يعرف ماتعرفش علاقة الانسان بربنا اية لا حول ولا قوة الا بالله آخر تعديل بواسطة طالبة حزينة ، 01-08-2009 الساعة 02:24 AM |
|
#11
01-08-2009, 02:33 AM
|
|||
|
|||
اقتباس:
اقتباس:
و أنا الحمد لله لا بسمع عمرو خالد و لا جمال البنا ولا عايز أسمعهم من الاساس وعموماً يا أختي دي مش حاجة دي حاجات كتيييرة و أنا أشكر المهندس / banzer على طرح الموضوع |
|
#12
01-08-2009, 02:52 AM
|
||||
|
||||
|
هههههههههههههه
أخي الكريم لماذا تصرُ دائماً أن تُقحمَ حماسَ الشبابِ وكأنه فعلاً أهوجاً لا يمتُ لعقلٍ أو لمنطقْ ؟ ومن قالَ أيضاً أن ( الطريق لجهنم مفروش بالنوايا الحسنة ) ترديده علي هذا النحو اعتقد ( إعتقاد شخصي ) أنه درب من الخطأ فنظراً لحدودِ معرفتي لم استطع أن أُدرك أنه من الوهلة الأولي قول مأثور وكثيرٌ قد لا يعرف أنه مُجرد قول ٍ مأثور يحتمل الخطأ أكثر منه للصواب نظراً لإدراك الإنسان العقلي الأكثر من ضئيل ( علي كدا بقي الطريق للجنة مفروش بالنوايا السيئة مُجرد سفسطة ) علماً بأن من أ ُنزل بالوحي القرآني أخبرنا أن " إنما الأعمال بالنيات ولكل امرء ٍ ما نوى " الله سبحانه وتعالي اعظم من أن يبت في الأمر بهذي السطحية المُطلقة نظرية المؤامرة قائمة بالفعل إن كنت لا ترتبط بمجال الإعلام والميديا وسبق وشاركتُ الوالد في ( التغليس - من قفل قنوات ومنها قناة الحكمة التي كذبت وقالت أن مدة غلقها لم يكن لأسباب أمنيه قناة دينية وبتكذب ) علي معظم مُدعي الدين وأفتخروصراحةً لا أجد عيباً من أن يقول الأخ عمرو خالد علي صاحب art إنه اتمرمط ( ده لو كان راجل عصامي ومولود وف بوقه ساغه دهب ولو كان اتعذب زي أشرف الخلق - صلي الله عليه وسلم - ) سأدع الموضوع جانباً بحماسة الشباب ونعود للموضوع الأصلى والسؤال الأهم لماذا لا يتعرض شيوخنا العظماء للجهاد في سبيل الله والموضوعات الإجتماعية ؟ لماذا دائماً نستمع ( لاستامبات ) الأجداد التي حفظناها عن ظهر قلب وهل الخوف من الحكومة يتضمنه الدين ؟ ام يتناساه ام يشرعه ام كيف يعالجه ؟ عزيزي الباشمهندس | banzer دعني أطلعك علي تخيلي ونظريتي ( وهما أقرب للواقعية ) حول ثبوت الموضوعات الموضوعات الدينية تنقسم قسمين قسم ديني بحت .. وقسم ديني إجتماعى الديني البحت : لا يضر الدولة في شئ فما الضرر من أن تُمارس شعائرك الدينية ؟ ( ستعتبرها الدولة تمارين رياضية ) وما الضرر من أن تدخل الحمام بأيسر قدمك او أيمنها ؟ ( ستعتبرها نوع من أنواع المرض النفسي او العقلي الذي يسمي وسواساً ) وما الضرر في أن تُعدل من وضع - شبشباً - مقلوباً ؟ ( ستعتبره الدولة أنك تُعدل من منظر غير جمالي ) وما الضرر في أن تلبس جلباباً ؟ ( ستعتبرها الدوله حرية شخصية او ستعتبرك قروى لا يحق لك الحياة علي الأرجح - في نظرهم - ) لا ضرر علي الدولة في ذلك الديني الإجتماعي : وهنا يشتمل سياسة قد تكون سياسة دولة او مجموعة دول تربطهم سياسة مشتركة و عندما يرتبط الدين بسياسة الدولة ( هحبسك انت واللي بيتكلم وإذا كان عاجبك وإلا امنعهولك خالص مش الدين لاء الكلام في الدين وهقطعلك لسانك وهتبقي اخرس والناس هتيجي تسألك هيا الحكومة كويسة هتسكت والسكوت علامة الرضا ) الديني البحتُ لا يضر وفائدته لا تنتمي للمجال الميداني ( بقدر = ) ما تُفيد في المجالِ الروحانى هذا هو تفسيري للخطأ الذي يحدث وعندما تقول مللاً أعرف انك حتماً لا تقصد التطاول علي الذات الإلهية او الدين في أي شئ ولكن اعذرني اسمح لي أن اغير العنوان من باب اتقوا الشبهات لا تحزن عزيزي | banzer سبب نكبتنا طيبتنا وثقتنا - فيمن لا يستحقون - أسأل الله أن يهدينا لما يُحب ويرضى
__________________
استعيدي نفسي مني إنني قدْ تُُــهتُ فـــىّ .. إنْ جَرحَتُكْ .... إعْفِ عنى واهْرَبي مني ... إلىّ ! آخر تعديل بواسطة احمد رضا ، 01-08-2009 الساعة 03:26 AM |
|
#13
01-08-2009, 05:58 AM
|
|||||
|
|||||
|
اقتباس:
ده مش ذنب عمرو خالد وبعدين أين صاحب القناة من رسول الله عشان نقول إنه اتمرمط في سبيل دينه او في اي حاجة مفيدة ؟؟ انا مزعلش لو واحد كان بيحكي عني بيقول ده فلان اتمرمط بصراحة عشان يوصلنا للمرحلة ده مادام بيشكر فيا مش بيقول اتمرمط ده شتيمة فهي اعتقد عادية عموماً مش حنخوض في تفاصيل كتير اقتباس:
وبالنسبة لاقتراحك هو ممكن يفيد بنسبة بسيطة خاصة وإنه حتى اللى مع بعض في المحافظة بعاد في السكن وبعدين لو رحنا كلنا مسجد واحد عشان ننتفع منه اما لباقي المساجد مين حيروحها دحنا على الرغم من وجود هذا العدد من المساجد الناس بتصلي بره احياناً اكتر من اللى جوه اقتباس:
دنا يمكن اللى نمتهم بس كانوا نص ساعة اقتباس:
زي لو واحد اثار غضبي في موضوع اقوله هو انا اتمرمط واتبهدلت عشان في الآخر تاخدها انت !!! مثلاً يعني مش معنى ذلك إنه قاصد الموضوع بمعناه اللى شايفينه وعايزك تقولي ايه مثلاً معنى في اللغة يقابل معنى "اتمرمط" كان المفروض يقوله واكثر تهذباً وأنا لحد دلوقتي مش عارف هل اللفظ ده صح ولا غلط ياريت يا احمد يا رضا تضيف رأيك عالنقطة ده ولو باه او لأ بس اقتباس:
انا متفق معاك في الجزء الاول اللى مضمنتهوش في الاقتباس اما موضوع اقسام الدين فأنا عارف إنه الائمة مش عارفين يتكلمو في السياسة عشان ضغط الدولة عليهم عشان كده انا ذكرت في مواضيعي "غزوات النبي" وليس الحرب الآن ممكن نعتبر الاتنين ضمن فرع "الجهاد" ماشي في مشاكل تانية كتير اجتماعية موجودة بين الشباب فين المواضيع ده وبالنسبة للعنوان ومع أنني ذكرت "أصبحت مملة" أي أنني أتكلم عن وضعها الحالي وليبس خطبة الجمعة في الدين كما أنني أعتقد ان اللفظ الأول كان أدق وأقرب في المعنى وان كان يحتمل الشبهات فأرجو أن تستبدلها مثلاً بالعنوان خطبة الجمعة .... أصبحت تقليدية أو أي معنى يؤدي نفس الغرض
__________________
It was over 3 years since my last visit |
|
#14
01-08-2009, 01:32 PM
|
|||
|
|||
|
اقتباس:
اقتباس:
كلمة " اتبهدل " كلمة سيئة جداً
و إذا كان لا يعرف أن ينتقي ألفاظه في الكلام عن الانبياء والرسل فلا يتكلم من الأساس ولا يقحم نفسه ويترك هذا الموضوع لمن هم أعلم منه وكان يمكنه أن يقول انه عانى أو واجه الصعوبات أو كان في موقف صعب أو ماشابه ذلك كلمة ( اتبهدل أو اتمرمط ) تقال على أي إنسان عادي ولكن الرسل و الانبياء مصطفون من عند الله صحيح أنهم عانوا من أشياء كثيرة كالفقر و السب و وو.. ولكن هل يصح أن يقال عليهم هكذا ؟؟ و أعتقد أن هذه المسألة بديهية ولا تحتاج إلى حوار ونقاش وشكراً آخر تعديل بواسطة الدكتور سنايبر ، 01-08-2009 الساعة 01:37 PM |
|
#15
01-08-2009, 06:45 PM
|
||||
|
||||
|
الاخوة الاعزاء لم اكن اقصد تفريع الموضوع ومسألة عمرو خالد كانت مجرد سؤال ويجب نركز في الموضوع الاصلي
والاخ العزيز برمثيوس قولك علماً بأن من أ ُنزل بالوحي القرآني أخبرنا أن " إنما الأعمال بالنيات ولكل امرء ٍ ما نوى " الله سبحانه وتعالي اعظم من أن يبت في الأمر بهذي السطحية المُطلقة خطأ في الفهم لان العلماء يقولون في ذلك النيه الصالحة لا تصلح العمل الفاسد ولكن النيه الفاسدة تفسد العمل الصالح ومرة اخرى اقول الناس في بلادنا في اشد الحاجة لخطبة جمع تعلمهم دينهم ومن معايشتي للكثير فغالب المسلمين الان لا يعرفون معنى الشهادتين وقد كنت منهم حتى انهيت الجامعة اجري وراء الخطب السياسية والحماسية واما العقيدة والتوحيد الذي بعث به كل الرسل وكان محور دعوة الانبياء ولنرجع لسورة الاعراف والبدع وخطورتها والشركيات واخطارهافما اقل من يجيد تعليمها للناس ومرة تانيه المنتدي اعضاءه كثير ماشاء الله والدال على الخير كفاعله فلندل بعضنا على الخير في يوم الجمعة آخر تعديل بواسطة علاء سيف ، 01-08-2009 الساعة 06:49 PM |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 11:18 AM.
