الغاء الدروس الخصوصيه

[karimo2020]

أساساً مفيش تعليم عندنا لا بدورس ولا من غير دروس والدروس ديه بقة موضه كنا زمان بنشتكي من كثافة الفصول والعدد الكتير للطلاب عشان كده كانوا بيلجأو للدروس دلوقتي وصل عدد المجموعة فى الدروس الخصوية إلى 100 طالب وأكتر كمان يبقى العيب مش فى المدرسة ولا فى الكثافة ولا فى جودة التعليم العيب الأساسي دلوقتي فى الطلاب اللى معظمهم كاره التعليم أساساً ودماغهم فاضية كلها أفكار تليفزيونية والموضوع كبيررررر مش حانقدر نلمه

[ahmed_burhany]

طيب مش عايزين دروس اوكي زي ما مستر عصام قال ارفع دخل المدرس وخلليه يكون بكرامته وسط الطلاب مش نسمع كلام عن دخل المدرسين من الطلبة من عينة " مدرس سنكوح " والجملة دي طالبة اعدادي قالتها مش من باب تحقير المدرسين ولكن من باب انها شايفة انها مهنة ما تأكلش عيش .
قبل ما افكر احل المشكلة اشوف اسبابها ولو حد من المدرسين بيدي دروس علشان سبب غير انه مش مكتفي ماديا ممكن نمنع الدروس الخصوصية لكن لو اي مدرس خيروه بين الوظيفة والدروس هيختار ايه؟؟؟؟؟؟؟؟؟؟؟؟؟
ممكن تردوا انتم

[yomna1993]

المشاركة الأصلية كتبت بواسطة ahmed_burhany

طيب مش عايزين دروس اوكي زي ما مستر عصام قال ارفع دخل المدرس وخلليه يكون بكرامته وسط الطلاب مش نسمع كلام عن دخل المدرسين من الطلبة من عينة " مدرس سنكوح " والجملة دي طالبة اعدادي قالتها مش من باب تحقير المدرسين ولكن من باب انها شايفة انها مهنة ما تأكلش عيش .
قبل ما افكر احل المشكلة اشوف اسبابها ولو حد من المدرسين بيدي دروس علشان سبب غير انه مش مكتفي ماديا ممكن نمنع الدروس الخصوصية لكن لو اي مدرس خيروه بين الوظيفة والدروس هيختار ايه؟؟؟؟؟؟؟؟؟؟؟؟؟
ممكن تردوا انتم

فعلا هو نظام تعليمي من الاساس فاشل
و من زمان كده

بس هقول لحضرتك حاجة
الدروس لو تفضل يبقى تكون صح
يعني مش عشان حضرتك او اي مُعلم\ة بياخدوا مرتب قليل(زي اي موظف في مصر)
يهمل في حق الطلاب الي في الفصل
و مش يديهم حقهم عشان يضطروا ياخدوا درس عنده عشان اعمال السنة (في السنوات الي فيها اعمال سنة)
ده طبعا انا بتكلم على المدرسين الي معندهومش ضمير الام من رحم ربي
في ناس كتير ربنا يبارك فيهم بجد كويسين

انا على فكرة والدتي مُعلمة يعني انا حتى لو رافضة طباع في بعض المدرسين مش هكون ضدهم خالص
بس ماما بتقولي دايما انها لو ادت الطلاب في الفصل او شغلها عموما حقه كامل ربنا هيبارك في الرزق و الحمد لله بتطبق كده

[ahmed_burhany]

الي الآنسة الفاضلة يمني
أولا شكرا علي ردك
ثانيا : أنا عن نفسي اعرف مدرسين كتير مالهمش ضمير وأعرف برضه مدرسين في منتهي الأمانة دا موجود وده موجود زي كل المهن
ثالثا : مش معني اني اعطي دروس خصوصية اني اهمل في الفصل او اعمل ارهاب للطلبة أنا كمدرس الحمد لله بابذل اقصي مجهود في مكان عملي الرسمي ومش باقول زي بعض الناس " علي قد فلوسهم " معظم الطلبة اللي عندي في الدروس من التربية والتعليم وليسوا من الأزهر حيث أعمل ودا دليل اني لا امارس اي ارهاب للطلبة اللي عندي
رابعا : لو خيروني بين وظيفة دخلها يعادل خمس دخل الدروس الخصوصية او أي عمل آخر في شركة خاصة أو مكان خاص طبيعي جدا هأختار اني اسيب هذه الوظيفة الهزيلة
من الآخر
قبل ما الدولة تحاول تلوي اعناق المدرسين ياريت توفر لهم ميزانية محترمة اولا لأن مش معقول ان لازم المدرس علشان يعيش لازم يشتغل اربعة عشر ساعة في اليوم
والله كان ليا زمايل ما بيدوش دروس ومضطرين يشتغلوا بعد المدرسة وممكن يروح مثلا يصلح حاجة في بيت طالب عنده ودي بتخللي فيه تقليل لكرامة المدرس
هاه ايه رأيك بقي ؟؟؟؟؟؟؟؟

[مجدى جمال كامل]

يا أخوانا والله المرتب بدون ما يكفى الواحد عيش حاف ، لو واحد مش هقلك مع 5 عيال ، دا لو معاه عيل واحد مش هيقدر يتحمل أعباء الحياه
وصدقونى .. والله أنا لو لاقى دخل محترم ثابت يأمن مستقبلى كنت هقول للدروس شكراً... وكل اللى بيدوا دروس هتلاحظوا والله ان الفلوس متعفرته كأنها فلوس حرام.. مع ان الواحد ساعات يأخر الاكل والشرب عشان مواعيد الدروس، وينام أخر النهار زى القتيل، وأقسم لك والله العظيم اللى بشرحه ف البيت هوا اللى ف المدرسة وعمرى ماقلت لطالب تعالى ولا لويت دراعه بالعافيه.......
ولكن الحل الحقيقى زى ما قاله مستر عصام
وشكراً

[علاءعمر]

ياجماعة ما هذا الهجوم على المدرس ؟ ياجماعة انظروا للموضوع من زاوية ثانية وهى إن التلميذ هو اللى محتاج للمدرس لأن مهما المدرس اشتغل بضمير فى الفصل لازم يكون فيه تلاميذ استيعابها ضعيف وبحاجة دائمة للدرس دائما يوجد فروق فرديةهذه الفروق تقل بين التلاميذ بالتدريب اللى بيحصل عليه التلميذفى الدرس انظرو إلى الكثافة فى الفصول وبعدين الأجيال دى أخر دلع عاوزين كل حاجة على الجاهز مفيش تلميذ عاوز يبذل مجهود كمان ولى الأمر مش عاوز ابنه يهان أو يتعب فى حاجةلا تجعلوا من المعلم شماعة تضعوا عليها المشاكل التى تعجزوا عن حلها فين عيادة الدكتور اللى المريض بيروح له العيادة وهو مضطر تحت ألم وأوجاع المرض . مين اللى عنده فرصة أكتر للإختيار التلميذ أم المريض التلميذ عنده حريه إختيار المعلم الأصلح اللى بيأمل فيه النفع والعلم أما المريض فيذهب إلى بعض الأطباء ليس طمعا فى الشفاء وإنما سعيا وراء تسهيل دخول المريض إلى المستشفى لإجراء جراحة وخصوصا إذا كان هذا الطبيب رئيس قسم .،فربما يصل سعر الكشف إلى 300 جنيه أو أكثر وربما يذهب المريض إلى الدكتور أكثر من مرةلكى يحصل على تصريح الدخول لأجراء جراحة فى المستشفى 000000000!

[نجوى إبراهيم]

أنا أؤيد كلامكم جميعا طلاب ومدرسين وليس عيبا أن يفكر الإنسان فى تحسين مستواه ليعيش معيشه كريمة. الواحد حاسس إنه أصبح متهم أو مجرم لازم يستخبى و يدارى إنه بيدى دروس. طيب أنا متخرجة من 9 سنين والله قدمت فى كل الوظائف والإعلانات والمدارس الخاصة والحكومية حتى فى الحضانات ولم أوفق لحد ما حسيت إن مخى صدى أعمل إيه يعنى طبعا إديت دروس لكن والله أنا باخد أجر رمزى جدا من الطلبه وأى حد متعسر أو لا يقدر يدفع لا آخذ منه فلوس والله العظيم ومع ذلك تصوروا الإقبال على المدرسين الأغلى (على أساس إن الغالى ثمنه فيه) هو ده فكر مجتمعنا. مع إن والحمد لله كل طلابى من المتفوقين.