|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
|
#1
23-11-2011, 08:53 PM
|
||||
|
||||
^ كلام ع السريع كدا عن المذاكرة ^
 ازيكم يا معلمين ؟   يارب دايما بخيـــر ربنا يوفقنا و الحمد لله الحال ماشى تمام فى امتحانات الميد تيرم << ربنا يسهل بصو كدا بالصلاة ع النبى مافيش حد مابيحبش اللعب و مابيكسلش و خصوصا الأفندية اللى غاويين الكمبيوتر و الفيس بوك و الكلام دا بس طبعا الكلام دا ماينفعش خصوصا مافيش اسرع م الايام و نيجى قبل الامتحانات بيومين مش عارفين عناوين المناهج عندنا و اوباز يا معلم << بنتزنق زنقة وحشة اوووى وييجى بقا العقل الباطن يشتغل مش هنلحق نذاكر و كوابيس و سبحان الله اول مانلمح بس الكتاب نحس بإكتئاب ! ودا موضوع نفسى بحت و مفروغ منه و طبعا احنا سمعنا كتير عن المذاكرة بس اكيد يعنى التنظير غير التطبيق خاااالص << حتى مابنتعلمش م الزنقات اللى فاتت >< عشان كدا يا جماعة انا بقولكوا والله لسة الفرصة قدامنا نلحق نفسنا من النهاردة من اللحظة دى كل اللى انت محتاجه هو تستهدا بالله و تملا قلبك ثقة فيه _عز وجل_ ، جدد ايمانك .. وبعد ماتصفى ذهنك خاااالص خليك واثق من نفسك و حط نصب عينيك _(قدامك يعنى) بس من باب الفزلكة_ كل آمالك و اعرف كويس انه مافيش حاجة بتيجى بالساهل عشان كدا اهم حاااجة هى التنظيم .. تنظيم الوقت .. تنظيم المذاكرة .. بكدا هنعرف ايه بيشغلنا عن المذاكرة و نحاول على قد مانقدر نتجنبه << بس طبعا دا لو عقدنا النية سوا بصدق و من غير نصب او زوغان .. فاهمنى كويس طبعا و دلوقتى حبة كلام من د.شريف عرفة << اكيد كلنا عارفينو احيانا بيعجبنى و احيانا لأ بصراحة  بس مش دا موضوعنا يعنى .. موضوعنا  ا لـ ـمـ ـذ ا كـ ـر ة بالمناسبة دي هاكلمكم النهاردة عن الذاكرة. لو عايز تحسن ذاكرتك هاديلك شوية حاجات من وحي خبرتي في عالم المذاكرة:  الأكل: لازم تهتم بالأكل , و خصوصا الأكلات إلي ممكن تحسن أداء الذاكرة.. مثل : التمر- اللوز- الحليب- التفاح –العنب الغامق- و كل مشروبات الصويا.. و كمان العسل و شاي الجنزبيل و عصير الجزر محفزات رائعة للذاكرة... و تجنب الكحول و المخدرات طبعا, لأنها بتضيع الذاكرة !!! << لانها حرام ههههه ربنا يبارك فيكو و يحميكم  النوم: فيه بعض الأبحاث بتقول إن النوم هو مرحلة بيقوم فيها العقل بتثبيت المعلومات إللي خدناها طول اليوم .. يعني يفضل سيادتك تنام بعد المذاكرة شوية بدل ما تفضل سهران الليل بطوله و انت مش مركز و قاعد تذاكر برضه ! الراحة مهمة و لازم تذاكر و انت مركز , و تنال قسط مناسب من النوم.. بس إوعى يبقى النوم هي و سيلتك المفضلة للهرب من المذاكرة ... انا باقول نام لك شوية بعد ما تذاكر مذاكرة كتيرة..  التنظيم:مهم جدا قبل ما تذاكر , ترتب الورق و المذكّرات و الكتب بتاعتك.. كل مادة لوحدها و كل جزء لوحده.. عشان تعرف بالضبط (حجم) كل مادة..عشان تعرف بالضبط فاضل لك إيه و ذاكرت ايه فتقدر تعرف هاتذاكرها في وقت أد إيه. التنظيم نص المذاكرة.. لأن الورق لو كله على بعضه , مش هاتعرف تذاكر و هاتيأس و تسيب المذاكرة و تقوم..لأنك مش عارف راسك من رجليك.. خليك فاكر : التنظيم نص المذاكرة. الألحان : لو فيه معلومة معصلجة مع سيادتك و مش عارف تحفظها, غنيها ! أيوه .. لو حاولت تفتكر كلمات أغنية .. مش هاتعرف تفتكرها إلا لو افتكرت اللحن, ساعتها هايبقى سهل تفتكر الكلام .. الألحان بتخلي الحفظ أسهل.. مش ملاحظ إن بتوع الإعلانات بيحطوا اسم المنتج في أغنية ؟ عرفت ليه ؟ عشان الناس تحفظها !! مثال : إعلانات أرقام الانترنت .. أكمل الأغنية : 0777(و بعدين ؟) بلاش لخبطة: أي عمل غير منته في حياتك , ممكن يخلي بالك مشغول.. فضي نفسك للمذاكرة و بلاش تخلي بالك مشغول في 5638 حاجة !  الضحك : الحاجات المضحكة عمرها ما بتتنسي.. لو فيه معلومة معصلجة معاك حطها في نكتة او بص لها كإن دمها خفيف .. اخترع النكت و اسخر من المنهج اللي بتحفظة هاتلاقي نفسك بتحبه و عارف تذاكره.. مثال : كنا بندرس عن عالم كبير اسمه (مالبيجي) و كان اسمه رخم و مش عارف احفظة.. أول ما تخيلت انه اسمه (مليجي) بس خواجة.. لقيت العملية سهلة الحفظ ! اهتم: من المهم أن تكون مهتما بما تقرأ.. يعني حاسس انك عايز تعرف المعلومة دي فعلا و عايز تستفيد منها..خليك حاسس بالفضول نحو الموضوع عشان تلاقيه مسلي.. و حط دماغك في الموضوع .. قرر: قرر إنك هاتحفظ المنهج بنسبة 100% مهما كلفك الأمر , و ذاكر بهذه العقلية و انت مصمم إن : يا انا يا الأمتحان بقى ! سبب رئيسي بيخلينا مش عارفين نحفظ , و هو اعتقادنا الداخلي ان ذاكرتنا ضعيفة ! لو آمنت ان ذاكرتك قوية و قلت كده لنفسك , و قررت إنك هاتحفظ و تستوعب المنهج كله بأقل تفاصيله, هاتترسخ جواك الفكرة دي . خليك إيجابي: حط خطوط تحت الكلام المهم , لخص النقاط المهمة , سمع لنفسك , ..... اعمل حاجات ملموسة تحس منها إنك ماشي في الطريق الصحيح و مش سلبي. ركز في التفاصيل: اعتبر كل معلومة صغيرة مهمة .. و اعتبر انك هاتحكي كل التفاصيل دي لواحد صاحبك بكرة و انتم خارجين مع بعض.. اعتبر إن فيه ناس صحابك عايزين يعرفوا التفاصيل دي و انك هاتحكيهالهم بكرة.. و خلي بالك .. ادي نفسك فرصة انك تنسى شوية .. كل ما تذاكر كتير, هاتنسى حاجات مش مؤثرة قوي.. لكن لو مذاكر قليل, لو نسيت معلومة واحدة هاتروح في أبو نكلة ! اتكلم بصوت عالي : بكده حواس كتير هاتشتغل على المعلومة دي .. اشرح المعلومة دي لحد , أو اكتبها و اقراها تاني .. ماتبقاش بس مستقبل سلبي للمعلومة, طلعها من جواك برضه -بأي طريقة- عشان ترسخ المعلومة أكتر.  المراجعة : بعد كل ده .. راجع يا باشا ! و ابقى قابلني لو سؤال وقف قدام سيادتك. مع تمنياتي لكم بالنجاح و التوفيق يا شباب... و ابقوا قولوا لي عملتوا إيه. 
__________________
|
|
#2
23-11-2011, 10:11 PM
|
||||
|
||||
لالالالالا.............
ايه الدماغ دى......... هتخلينى اغير راى فيكى كده........  100 100 يا تيوليب....... موضوع رائع.......... جزاكى الله كل خير 
__________________
قانون نيوتن السادس :الكتاب يظل علي حالته من السكون او مغطي بالتراب,مالم يؤثر عليه موعد امتحان خارجي يغير من وضعه او اتجاه رميته..
|
|
#4
23-11-2011, 11:25 PM
|
|||
|
|||
|
الكلام ده شكله متوجه ليا للاسف بس نقول ايه
شكر الله سعيكم
|
|
#5
23-11-2011, 11:51 PM
|
||||
|
||||
|
اقتباس:
جزانا و اياكم يا حبيبيتى .. ههههههه و الله انا دماغى لفة جامد م الصبح  مرورك الاروع يا دكتور .. تسلمى اقتباس:
ميرسى اوى على مرورك العطر .. نورتـ بردكـ اقتباس:
العفو يا احمد ..
الكلام دا موجه لينا كلنا و والله انا احق واحدة بالكلام دا هههههههه اوعى تكون زعلت ! على فكرة والله مش قصدى بكلامى حاجة كدا كدا هو دا الكلام اللى طبيعى يتقال فى اي وقت
__________________
|
|
#6
24-11-2011, 02:12 PM
|
|||
|
|||
|
اقتباس:
لالا مزعلتش يا ظلام خزامى مفيش حاجه
|
|
#7
24-11-2011, 06:00 PM
|
||||
|
||||
|
هههه .. موضوع أكثر من رائع !
جزاك الله خيرا تحياتى ..
|
|
#8
24-11-2011, 08:18 PM
|
||||
|
||||
|
الموضوع فعلا جامد جدا وبارك الله فيك
__________________
*لاتبكي علي من باعك ولكن اجعله يبكي عليضياعك* *الحب امانه مش غدر وخيانه*
|
|
#10
24-11-2011, 11:15 PM
|
|||
|
|||
|
ميه فل وعشرة
يا دارك يا حبيبتى انتى استاذه ياا اخواتى راااااااائع
__________________
سبحان الله والحمد لله ولا اله الا الله والله اكبر محمد نبينا ادعولى ان ربنا يوفقنى   http://www.htoof.com/2mintes.html
|
|
#11
26-11-2011, 12:12 AM
|
|||||
|
|||||
|
اقتباس:
احم .. ماشى يا احمد  اقتباس:
اقتباس:
اقتباس:
جزانا و اياكم و فيكم بارك .. شكرا على مروركم و ان شاء الله يا بسام هحاول يكون ليا موضوع تانى بردو موجز عن المذاكرة ^^ اقتباس:
لا بجد التوبيك كله نوّر برد حضرتك يا حبيبة حبيبتك.. :-)
... اخجلتى تواضعى المتواضع تلميذتكـ يا باشمهندسة ..
__________________
|
|
#12
26-11-2011, 12:25 AM
|
|||
|
|||
|
حضرتك ؟ ايه حضرتك ال انتى مسكاها دى
يا دارك انتى اختى الصغيرة فخليها منمن ع طول يا حبيبتى وده نورك يا قمر
__________________
سبحان الله والحمد لله ولا اله الا الله والله اكبر محمد نبينا ادعولى ان ربنا يوفقنى http://www.htoof.com/2mintes.html
|
|
#13
26-11-2011, 01:36 AM
|
|||
|
|||
|
Tha nguoi dung noi se yeu minh toi mai thoi thi gio day toi se vui hon. Gio nguoi lac loi buoc chan ve noi xa xoi, cay dang chi rieng minh toi... http://nhatquanglan.xlphp.net/
|
|
#14
26-11-2011, 09:07 AM
|
||||
|
||||
|
اقتباس:
__________________
قانون نيوتن السادس :الكتاب يظل علي حالته من السكون او مغطي بالتراب,مالم يؤثر عليه موعد امتحان خارجي يغير من وضعه او اتجاه رميته..
|
|
#15
26-11-2011, 01:42 PM
|
|||
|
|||
|
alsalam alakm mmkn ts3done ya shbab ana msh arfa anzm waqty ana ande 4 ayam dros wahma:
1-al sbt :arabic wa kimia lk alsaa 3 ala alsaa 9 ala mawsl al bet. 2- al atnan almany mn alsaa 4 ala 7 3- altalat math mn alsaa 6 ala 8 wa ns 4- al arba engjish mn alsaa 6 ala 10 momkn tsadone wa tqlole azakr amta wa azaa ......... almn bany bataa fi almozakra)
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 04:37 PM.
