انا زهقت من الازهر وعايز احول الي التربيه و التعليم اعمل ايه؟

[محمود الحدق]

ارجو الرد من ذوي الخبره . انا زهقت من الازهر و الفساد الاداري المنتشر فيه و عايز احول الي التربيه و التعليم ما هي الاجراءات اللتي يجب ان اتبعها لذلك ؟ ولكم جزيل الشكر

[Mr...Ahmed]

واسطة ثم واسطة ثم واسطة من الاخر عشان متتعبش نفسك

[khaledelsaed]

يل ريت تشوفلي طريقه معاك

[emtaha2010]

ارجو الرد من ذوي الخبره . انا زهقت من الازهر و الفساد الاداري المنتشر فيه و عايز احول الي التربيه و التعليم ما هي الاجراءات اللتي يجب ان اتبعها لذلك ؟ ولكم جزيل الشكر

[خادم المسلمين1]

محمود الحدق

انا مش هازهق من الازهر لانى تنشأت من صنذ صغرى فى الازهر

من فات قديمه تاه

نعمل اللى علينا عشان ربنا يولى للازهر من يصلح السلبيات الموجودة

هسألك سؤال

هل أولا اديت واجبك تجاه الازهر على اكمل وجه؟

دة ابسط شىء عمااااااال تسىء للأزهر

وتطفش الناس منه

والله أعلم هل انت ازهرى ولا لا؟

حسبى الله ونعم الوكيل فى كل مفسد وفى كل مغرض

[missgana]

علي حد علمي لازم يكون في شخص اخر علي نفس الدرجة في التربية والتعليم وتعمل بدل معاه

[الاستاذ عوض على]

نعم ممكن حضرتك تعمل بدل مع أحد معلمى التربية والتعليم

[mamoohasn]

ومين الى يرضا يبدل مع واحد فى الازهر ربنا يصلح الحال لان كلنا زهقنا من الطرابيش ربنا يمكن لدينة ف الازهر

[Mr...Ahmed]

المشاركة الأصلية كتبت بواسطة missgana

علي حد علمي لازم يكون في شخص اخر علي نفس الدرجة في التربية والتعليم وتعمل بدل معاه

انا ممكن الاقى العنقاء ومالاقيش واحد ييجى يبدل معايا

طب حيبدل ليه وينزل مرتبه ليه ويشوف العجايب اللى احنا بنشوفها ليه

[mano2010220]

وانا كمان بالله عليكم اللى يقيلى حل انا معتش طايقه اروح المعهد ونفسى اتسدت عن التدريس

[aly almasry]

حضرتك على اى درجة ومن اى محافظة وان شاء الله نلاقى بدل لحضرتك

[مستر محمود عبد العاطى]

وانا
والله كمان زهقان
انا من المنصورة تخصص انجليزى
ومعاى تلابوى وicdel
بس ممتحنتش كادر

[مصطفى قاعود]

يا اخوتى اللى زهقان يقدم استقاله ....الكل زهقان وكأن الازهر هو المصلحه الوحيده اللى فيها فساد ادارى....ادعو كل اصحاب هذه الحملات المغرضه التوقف عن هذه الحمله الى مؤسسه تحمل اسم الدين كان لها فضل علينا بعد الله تبارك وتعالى كنا بدون عمل( عاطلون) ودخلنا الى الازهر وفتح لنا زراعيه وأصبحنا الان من موظفى الدوله عن طريق الازهر...وعملنا مظاهرات واضرابات واعتصمات علشان التثبيت وبعد كده الازهر وحش ... يعنى حضراتكم مكنتوش عارفين السلبيات دى قبل كده... حضراتكم ضحيتم بتعاقدات وبعثات فى امريكا وفرنسا وفضلتم الازهر وفى الازهر ضحكم عليكم... الازهر يا ساده انت وانا وهذا وذاك ونحن الذين نعطى صوره سيئه للازهر... الفساد للركب فى كل مصلحه حكوميه والازهر واحد من هذه المصالح اشمعنى الحمله على الازهر فقط.... هل التربيه والتعليم هى المدينه الفاضله.... يا حضرات الساده الفصول فى التربيه والتعليم تباع من الموجه للمدرس..... العمل فى التربيه والتعليم من الساعه الثامنه او قبل ذلك الىالساعه الثالثه وحضراتكم بتروح على حصتك وجدولك معروف ومش عاجب حضرتك ..... نعم هناك فساد ادارى من بعض الاداريين وممكن يكون جهل باللوائح وممكن يكون مفسد ولكن هناك اشخاص على مستوى عالى جدا من الكفاءه والاحترام.... ولكن احنا كده تقضى لى مصلحه فى حق ليس من حقى تبقى حبيبى ما تقضيهاش تبقى عدوى... تغشش فى اللجان تبقى ميه ميه .تلتزم فى حصصك وفى اللجان تبقى رجعى . دى فى كل مصر مش فى الازهر... انظر للتربيه والتعليم تدفع تنجح ولا يحس بك احد بينما فى الازهر (قطهم جمل) لاسرقوا ولا حاجه بس يحبوا التشهير بأنفسهم وخلاص... والخاسر الوحيد يا ساده مين... ولى الامر اللى يقرأ كلام حضراتكم يحلف يمين ابنى ما يخطى عتبات الازهر ويروح مدارس خاصه مثل مدارس الراهبات او غيره ويتعلم هناك بسم الاب والابن الروح القدس.. وسلم لى على مثقفين الازهر النجباء... ولا عزاء للازهر المهم انا ومن بعدى الطوفان..... ربنا يرحمنا جميعا وتقبلو تحياتى.....
كاتب هذا الرد ازهرى يحب الازهر وسيظل يحب الازهر ويحفظ له جميله وسيظل يدافع عن الازهر طيله حياته وسيوصى تلاميذه بالدفاع عنه

[ابو امل2]

الازهر منارة العلم والعلماء
ياليتنى من خريجى الازهر

[أ/مصطفى محمود]

كلنا نعاني من سوء الادارات و سوء التنظيم و سوء الفكر الاداري
و هذا ما ادى بنا للاحباط من الازهر
فدائما يشعر معلم الازهر انه ليس مستقلا بذاته بل هو مجرد تابع للتربية والتعليم في قراراتها بل والقرارات التي تصب في مصلحة الازهر في حين بطء رهيب في قرارات تخصنا كمعلمين
تعليم الازهر ينقصه الكثير صراحة ليصبح تعليما بمعنى الكلمة ، فالفارق حقا بين التربية والتعليم والازهر هو الامكانات المتاحة و التجديد المستمر في الافكار التي من شأنها تفيد التلميذ أولا ثم المعلم ثانيا و التعليم بشكل عام
و على الرغم أن هنك سلبيات جمة في التربية والتعليم لكني حقا أجد نوعا من التنظيم و الادراك الجيد للمسؤولية وهذا بعيدا عن فكرة الفساد و المحسوبيات التي تنتنشر في ربوع مؤسسات الدولة
وهو ما يسبب الاحباط لدى البعض منا
و دائما أقول لزملائي ( فنحن بجوار معهدنا وهو يبعد امتار عن المنطقة و يبعد امتار عن مدرسة للتربية والتعليم )
لو توفر لدينا نصف امكانات هذه المدرسة من معامل و امكانات مادية لكان معهدنا مؤسسة تعليمية بحق لكن ما يحبط هو أنه لا جديد في معاهد الازهر
و يوم أن بدءوا في التطوير أعطوا لكل معهد جهازين كمبيوتر ، الى الان موجودين بالكراتين
هل جهازي الكمبيوتر هما الحل من وجهة نظر تعليم الازهر
أجد عقليات للتلاميذ تفوق عقليات تلاميذ في التربية والتعليم لكن يا خسارة عليهم لا يجدون تنمية لقدراتهم بالحد الذي يسمح لهم بالابداع.
و دائما هناك أمل في المستقبل وفي التغيير الذي ننشده لتعليم الازهر لكن اسألكم جميعا و نفسي
الاجتهاد قدر المستطاع في تعليمك للتلاميذ ، بأقل ما تملكه من امكانات
فهذا هو عملك ، وهي اسمى مهنه عرفها التاريخ ، حتى لو غفلت عنها اعين من يديرون المؤسسات و الدولة.