كواليس ما وراء الحلل

[الرهينه]

المشاركة الأصلية كتبت بواسطة مروه

السلام عليكم
رجعت اهوه ومش اتأخرت عشان خاطر الرهينه بس

بصى يا ستى
كان يا ما كان
كان فيه بنوته كده اسمها مروه بتتعلم لسه الطبيخ
ومامتها حبت تعتمد عليها كده فى مره
وقالت لها اسلقى المكرونه
هى زى الشطوره كده
راحت غسلت المكرونه الأول ولا كأنها راحه تطبخ رز
وفجأه لقت المكرونه عباره عن شوية عجين
معرفش جه العجين ده منين
المهم معرفتش اعمل فيها حاجه
رحت حطتها فى البلكونه فى الشمس
ولا حياة لمن تنادى
المهم فى الأخر المكرونه كانت من نصيب باسكت الزباله والحمد لله
..........
بس الحمد لله دلوقتى أنا أشطر واحد فى عمل المكرونه
يعنى اللى عاوز ياكل مكرونه يقولى بس
متخفوش مش هغسلها الأول
ياللا اى خدمه

منتشرة اوى حكاية غسيل المكرونة دى

بس بجد عجبتنى اوى انك حطتيها فى الشمس

:D :D

وانا احجزيلى طبق بس من غير ما تعمليه انا هاجى اعمله :P