|
#166
13-08-2008, 02:17 AM
|
||||
|
||||
اقتباس:
مش تهونى والله يا ايموز بس شوفى حد يتحط مكانك  اقتباس:
طيب ودلوقتى؟:D
|
|
#167
13-08-2008, 02:52 AM
|
||||
|
||||
|
انا باقطع بطيخ حلو اوي .. وباكله احلى
|
|
#169
13-08-2008, 02:51 PM
|
||||
|
||||
|
الموضوع اكثر من رائع و انا كوارشى فى المطبخ لا تعد و لا تحصى
اولها شوربة التفاح كان يوم جميل و الشمس مشرقة و قلت لماما انى حطبخ النهاردة طبخة رائعة و حتبقى مفاجاة و هيه فعلا كانت مفاجاة حتى لنفسى المهم ابتديت الاول احضر كل شى محتاجاة لشوربة التفاح و بعت اشتريت الحاجة اللازمة و ابتديت استغربت اوى الاول ازاى شوربة تفاح و فيها بصل و ملح بس قلت لا انا حمشى مع الكتاب خطوة خطوة و يارتنى ما مشيت المهم ابتديت اعمل الشوربة للمساكين افراد عائلتى طبعا فى وسط ما انا بجهزها اكتشفت ان انا معملتش اى حاجة غيرها يعنى انا حغديهم شوربة بس قلت مش مشكلة دة حتى الشوربة صحية الشوربة كان فيها مشكلتين خلو شكلها و طعمها لا يطاقققققق اولا البصل ماكانش متقطع كويس و مش عارفة انا عليا بايه ما كنت فرمته المهم انه كان عايم على وش الشوربة يعععععععع ثانيا التفاح المفترض انه كان يبقى مسكر دة اللى انا عرفتة بعدين بس طبعاانا كنت وضعت تفاح مززززززز اوىىىىىىىىى المهم وصلوا المساكين افراد العائلة المسممة ماما قالتلى عملتى ايه بقى على الغدا قلتلها و انا مبسوطة اوىىىى شوربة ولكم ان تتصوروا ماما كان شكلها تعبان و جعان و برقت ازاى اول ما سمعت انها حتتغدى شوربة!!! شكلها بقى عرفت ان انا عملت عك فشكلها بردة دخلت قالت لبابا انه يقول على اكلى حلو و خلاص علشان ما يحطمنيش علشان دى كانت تجربتى الثالثة فى الطبخ لوحدى وطلعوا يكلوا اخواتى من سكات نزلوا يتمشوا و انا عارفة انهم نازلين يشتروا اكل بس انا كنت واهمة ان الشوربة دى تحفةةةةةة و هى على العكسسسسس شكلا و طعما ماما و بابا شربوها و انا معاهم -طباخ السم بيدوقوا-بس انا والله عاجبتنى اوى الشوربة دى هو شكلها بس ماكانش تمام ماما شربت حبة و قامت من غير ما تتكلم بابا المسكين شكلة كان جعان اوىى و شكله بردة ما كانش عايز يزعلنى فشرب الشوربة كلها و بعدها بطنه و جعتوا اوىىىى يا حبيبىيا با با و الله صعب عليا او انا عرفت الكلام دة بعد كتيررر اوىىىىىىى انشاء الله اقابلكم فى حلقة جديدة فى كواليس ما وراء الحلل
|
|
#170
15-08-2008, 06:12 PM
|
||||
|
||||
|
تصدقى انى عمالة ادور على الموضوع فى صفحات القسم لحد اما وصلت للصفحة 5 وبالصدفة اكتشفت انة فى اول الصفحة مثبت تقريبا العمش عندى اشتغل ولا اية !!:D:D:D المهم اقولك على اخر ابداعاتى عملت لقمة القاضى واللى قالى على طريقتها تيتو اخويا قال لى تجيبى الدقيق ومية وتحطيهم على بعض لحد اما يبقى عجينة "وانا اقولة مية يعع لا انا احط لبن راح قالى لا مية انتى هتألفى "وبعد كدة تحطى الخميرة بعد ما تكونى دوبتيها فى مية وتسيبى العجينة تخمر شوية وتكونى عملتى العسل انا لحد هنا ماشية كويس ومتبعة الخطوات وسيبت العجينة تخمر ...خرجت اقول حاجة لعمتو وبعدين دخلت المطبخ تانى يعنى سيبت الخميرة حوالى 5 دقايق كدة او يمكن اقل وماما وعمتو بيقولوا لى هتعملى اية برد عليهم بكل افتخار هعمل لقمة القاضى ماما هنا لاقيتها بتقول اييييييية  طمنتها وعمتو قالت لها خليها تتعلم المهم دخلت المطبخ حطيت الزيت وبعد كدة بدات احط العجينة على هيئة كور صغيرة كدة حطيت حوالى 4 وكان تيتو واقف جنبى وبعدها بثوانى لاقيت فرقعة كدة والزيت بقى فى كل مكان على البوتوجاز والمطبخ وتيتو يقولى اية انت عملتى اية فيها اخرجى يالا هنتلسع كدة وانا اقولة ابدا مش هخرج الا لما اكملها واخلصها وهو يقولى هتخلصى اية بس دة العجينة هى اللى هتخلص علينا اخرجى وفضلت اعاند معاه لحد لما اتلسعت فى ايدى  وماما جت فى المطبخ قالت لى اخرجى وخرجت وماما وتيتو طفوا النار وهدوا المتفرقعات اللى كنت عملاها فى المطبخ وعمتو كانت بتعمل لى ايدى وتقولى مش تخلى بالك معلش وماما خرجت تقولى ينفع كدة يعنى لو كنت اتلسعتى لاقدر الله فى وشك كنت هفرح بيكى انا يعنى مش تخلى بالك وزعقت لتيتو "وكنت فرحانة اوى انها زعقت له شرانية انا  "واتضح ان السبب فى المشكلة دى كلها هى ان الخميرة اتفاعلت مع النار بمعنى اصح انا مسبتش العجينة تخمر علشان كدة حصل المتفرقعات دى :D مش عاملة لا لقمة قاضى ولا لقمة محامى بس ماما بعدها بساعة عملت لنا لقمة قاضى وكانت جميلة ولما جة بابا بقى وشاف ايدى قعد يزعق :D ويقول لماما مش وقفتى معاها لية ينفع ايديها تكون بالمنظر دة يعنى :D لا ولا عمو لما شافها وعرف اللى حصل قالى اية دة وانتى تدخلى المطبخ لية اصلا اللى انتى عايزاه قولى لهم وهما يعملوه " بابا وعمو هيخلونى خيبة فى المطبخ :D" والمشكلة ان ايدى اصلا كل اللى حصل فيها انها اتلسعت حتة صغننة منها والحمد لله اثرها بدا بيروح اهو عملت ازمة فى البيت :D مش داخلة المطبخ تانى
"لا هدخل :D" يوم الاتنين لما اشوفك هبقى اوريكى ايدي لو كانت لسة موجودة
|
|
#171
16-08-2008, 11:25 AM
|
||||
|
||||
|
هههههههههههههههههههههههههههه ايه يا بنتى ده حسستينى انك كنتى واقفه فى ساحة حرب  لا وايه مصممه انك مش تخرجى الا لما تخلصيها زى ما تكونى بتحررىفلسطين طب ده كله حصلك وانتى بتعملى لقمة القاضى وشايفه اسمها .. لقمه امال لو عملتى صوابع زينب هتولعى فى البيت والا ايه بس نصيحه انتى تتجوزى واحد طييييييييب عشان هوه اللى يطبخلك احسن انتى كده شكلك فى مية اللفت وبعدين ماانا قلتلكم اعلمكمالطبخ  بس انتو بقى عملتو فيها اساتذه وشفتى النتيجه راجعو نفسكم وانا مستعده فى اى وقتبس بما ان الاسعار مرتفعه اليومين دول هغير الاجره اللى حددتها مع حنان يعنى هترتفع بس ممكن بكل توضع ستين سبعين جنيه على كل طبخه بعد السعر القديم اللى كان خمسه جنيه شفتى خمسه جنيه ده انا عبيطه اوى هااااااا ايه رايكم؟؟؟؟؟:D
|
|
#172
16-08-2008, 02:02 PM
|
||||
|
||||
|
اقتباس:
هههههههههههههههههه
ست بيت فاشلة وبعدين حد يمشى ورا اخوه برضو:D
__________________
الحمد لله على كل شئ
|
|
#173
17-08-2008, 03:27 AM
|
||||
|
||||
|
اقتباس:
يا شيخه حرام عليكى .. بقى ده جزاء تربيتهم ليكى تعملى فيهم كده
المره الجايه بقى عايزاكى تغديهم كرواسون وشاى بس تكونى انتى اللى عامله الكرواسون مش جاهز .. عشان يعرفوكى على حقيقتك :D ويلا اهى اكله تفوت ولا حد يموت وفى انتظار باقى وصفاتك وربنا معاهم عيلتك بقى 
|
|
#174
17-08-2008, 03:36 AM
|
||||
|
||||
|
اقتباس:
ما شاء الله يعنى وقعتى العيله كلها فى بعض
بس والله تيتو ده كفاءه .. قولتلك الواد ده هيجى منه .. شكله هيبقى ست بيت شاطره :D طالعلى هانت كلها بكره واشوفك وافرح فيكى
|
|
#175
17-08-2008, 03:43 AM
|
||||
|
||||
|
اقتباس:
لا انتى ما شوفتيهاش وهى ملبوخه فى حاجه قبل كده .. بتبقى زى القمر
وبعدين ايه يا هانم ده احنا هنقطع على بعض من اولها .. ستين سبعين جنيه ايه بس هما اخرهم سبعاشر تمناشر بوند :D
|
|
#176
17-08-2008, 01:02 PM
|
||||
|
||||
|
اقتباس:
انا متاكده طبعا انها بتكون زى العسل ما ببقى كده برضه وانا ملخومه
وبعدين تعالى هنا انا برضه اللى بقطع عليكى والا انتى اللى بكبريها فى دماغهم وعايزه تخربى بيتى واشحت انا والعيال واخرنا على باب السيده ان شاء الله :Dوكله من تحت راسك مش كده سيادتك يا ست جيجو مش ده اللى انتى بتخططى له ... على العموم مردوده ان شاء الله
|
|
#177
22-08-2008, 05:09 PM
|
||||
|
||||
|
تسلم ايدك
الموضوع حلو اوى بس بلاش اقول لكم حاجه عن الأكل اللى بعمله مش عاوزه اولع فى المنتدى زى ما حرقت مطبخنا كذا مره هههههههههههههههههههههههههه انا بضحك ده انا طباخه ماهره ........................بس بتعلم لسه
__________________
قُلْ إِنَّ صَلاتِي وَنُسُكِي وَمَحْيَايَ وَمَمَاتِي لِلَّهِ رَبِّ الْعَالَمِينَ
|
|
#178
03-09-2008, 02:12 AM
|
||||
|
||||
|
اقتباس:
ايه يابنتى المأساه اللى بتحكيها دى .. البؤساء ف الارض اقولك انا متنزلالك عنهم وفوقيهم صينية بطاطس اقتباس:
تسلمى حبيبتى طعمه حلو مش كده
الاخوات هنا كلهم كده ع فكره احكى كده كده خربانه ميرسى ع مرورك حبيبتى
|
|
#179
03-09-2008, 02:25 AM
|
||||
|
||||
بيوحشنى الموضوع ده أنا بقا أبدعت أول يوم رمضان ماما طبخت بطة علشان هما هياكلوها وأنا عملت كفتة فراخ ليا بس كانت جميلة جداً مكسلة أكتب اللى عملته كان يوم طريف بعدين بقا .. اعذرينى يا جميل
__________________
إذا فقدت كل شىء و بقيت ثقتك بالله فإنك لم تفقد شيئاً
آخر تعديل بواسطة أسيل رزق ، 03-09-2008 الساعة 02:28 AM
|
|
#180
03-09-2008, 02:54 AM
|
||||
|
||||
|
انا لى قصة اعتقد ان ما فيش حد فى المنتدى عملها القصة هى يوميات مع الخروف اشتريت انا وصديق لى خروف اسمه المهندس سيد (ده اسم صاحبى مش اسم الخروف )وجاء صديق ثالث وذبحه واحنا كلنا سلخناه وقطعناه وفضلت رأس الخروف وكان لابد من تنضيفها وكان العناد قد اصابنى كعادتى فانا لا احب الفشل وحلفت انى انا و المهندس سيد نتغدى فته ولحمة رأس وريش الخروف المهم نضفت الرأس وقطعتها وسلقتها وجهزت التوابل لعمل الشوربه وكل شىء جميل وعملت الارز بتاع الفته وكله دة تمام ونيجى لحد النقطة الفاصلة الصلصة اللى حتتحط على الفته عملتها بالخل والتوم وهى على النار وزود التوم والخل علشان نعمل (دماغ فته )المهم وقمت بشوى الريش كل هذا قبل ان تأتى الخامسة عصرا المهم الاكل جهز وكل حاجة تمام والحمد لله اكلنا انا والمهندس سيد لوحدنا فى شقتى وقلنا نتفرج على مبارة كانت بين فرنسا وايطالياوجلسنا سويا على سرير امام التلفاز لنستريح بعد عناء اليوم وفجأة ايطاليا جابت جول.......... قلت لسيد شوفت الجول دة ........سيد لم يرد......... يا ابنى شوفتى الجول دة شوفت الواد عمل ايه........ سيد لم يرد....... فنظرت الى سيد فاذا به ...............الفته اللى بالخل والتوم مع اللحمة الضانى كبست عليه ونام لحد تانى يوم ........وابوه يتصل بى فين سيد........ اقوله نايم.......... يقولى طب صحيه يكلمنى ..........اصحى سيد ..مفيش سيد .......كانه واخد بنج ..........اول مرة ياكل لحمة تقريبا وماستحملش من الفرحة اغمى عليه تقريبا ولا ايه مش عارف ............وابوه كل شويه يتصل .............وانا محتاس.......... بس الحمد لله تانى يوم لما صحى اتصل باهله وطمنهم عليه .........ومن ساعتها حرم ياكل لحمة معايا ............والحمد لله هذه كانت اولى انطلاقاتى فى المطبخ ذبح وتنضيف وطبخ (فته ولحمة رأس الباشا الخروف ).بالمناسبة هو لسة راجع الان من السعوديه وحاولت اعزمه على كباب وطرب من شويه .........لكن سبحان الله مفيش محل كباب فاتح .........ورسيت فى الاخر على فول (سحور)
__________________
تمنيت أن أسجد لله سجدة لا أنهض بعدها أبدا" إلا لأرى ربى  اقتباس:
لو دخلتوا الجنة ومالقتونيش ... إسألوا على واشفعولى عند ربى
آخر تعديل بواسطة الاستاذ محمد سرور ، 03-09-2008 الساعة 02:59 AM
|
 |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 03:02 AM.
