مسابقه لكل البنات والنساء مسابقه ريجيم اللي عاوزه تيجي

[ymymym]

احم احم السلام عليكم ورحمه الله وبركاته ازيكم يا اعضائي

بليييز يا جماعه انا كنت عاوزه اقترح اقتراح وكنت عاوزه اخليه هنا في الركن العام لغايه بس ما الكل يشوف الموضوع عشان الاقي ناس كتير تشترك كبير وصغير سواء قدي او قد مامتي كده يعني

بس برضه محدش يقعد يتريق عشان مشاعر حد متتجرحش

بصوا بقي انا اقترحت حاجه علي صحبتي وقلتلها انشرها في المنتدي قالتلي ماشي جربي فقلتلها خلاص انا كنت ناويه اعمل مسابقه ريجيم اسكتوا لما اخلص كلامي وبعد كده علقوا المسابقه ديه هتبقي فيه اعضاء كتار قوي منكم ان شاء الله يشتركوا معايا في حاجه واللي يعرف حد عاوز يعمل ريجيم قولوله ييجي او قوليلها تيجي وهيبقي برضه سر ان شاء الله ما بينا المسابقه بتقول ايه بتقول هنعمل مسابقه ما بين العضوات في عمل الريجيم ومين اللي يخس اكتر وطبعا ده هيساعد الواحده تخس وتبقي ارشق والوزن هيبقي برضه سر بيني وبينها عشان احدد بس مين اللي خست اكتر وتاخد الوسام المسابقه ديه هتبقي كالاتي:

اللي وزنه اكتر من 65 كيلو بس هي اللي هتشترك ومش هقبل باقل من كده لو سمحت اكتر طبعا عادي يعني

غير كده الريجيم لازم يبقي مصحوب بتمارينات لمده نصف ساعه علي الاقل في اليوم

غير كده كل اسبوع في اخره يعني يتبعتلي تفصيل كامل عن اللي عملته البنت في الاسبوع كله مثلا انا النهارده بوظت او كلت بلحايه معرفش ايه وتقولي الريجيم عملت معاه تمرينات ولا لأ وقد ايه وهكذا وطبعا متقيسش وزنها غير لما انا اللي اقول

انا بقي هقسم البنات لمجموعات علي حسب الوزن عشان طبعا لكل واحده او لكل وزن تقريبا بيبقي ريجم خاص وميبقاش متعب ومغذي في نفس الوقت وان شاء الله مش هجيبلكم حاجه وحشه الريجيم صحي وكويس وانتي بنفسك هتقرأيه قبل ما تعمليه وتقولي هتقدري ولا لأ ومش هيبقي مكلف برضه في نفس الوقت
امممممممممممممم معتقدش اني عندي حاجه تانيه غير لما انتوا تقولوا انا هشترك وتبعتلي وزنها كام ومهما كان العدد هنعمل مع بعض ريجيم لاني برضه عاوزه اخس

هو انامش عاوزه البنات تبعتلي هنا علي الموضوع ابعتيلي خاص منعا للاحراج مش اكتر يارب تكون الفكره تعجبكم وبقول انها هتبقي مفيده يارب غير كده مش عاوزه اي تعليق سخيف يدخل في الموضوع خالص من اي حد عشان بجد متخذش ضده اي موقف يزعله

ماشي
اللي عاوز ييجي يتفضل يبعتلي علي الخاص وتقولي انا عاوزه ابتدي ووزني كذه او مثلا عاوزه ريجيم من نوع خاص ماشي واللي هتعمل ريجم وتخالف اي حاجه قلتها عليها عقاب الا وهو تمرينات زياده نص ساعه في اليوم زياده عن اللي موجود

وبرضه لو الرجال عاوزين يشتركوا يتفضلوا بس هيبقي ليهم نظام تاني وغير كده هيبقوا بعيد عن البنات خاااااااااالص يعني الرجال ليهم مجموعات تانيه غير البنات وبرضه هيبقي سر اوكيه اتمني ان الفكره تعجبكم ولو معجبتش حد خلاص بقي

اممممممممم خلاص بقي باي سلام