اسأل ونحن نجيب ( دعوة لكل رؤساء وأعضاء الكنترول ) اسأل استشير

[محمد منير علام]

السلام عليكم ورحمة الله وبركاته واضح من الأسئلة الكثيرة بخصوص أعمال الكنترولات بأن واضعى القرارات فى مصر فى وادى والمطلوب منهم التنفيذ الفعلى للقرارات فى وادى آخر وهذا ما لمسته من كثرة الاستفسارات والالتباسات والباب مفتوح دائما للإجتهادات الشخصية لأنه لا ظابط ولا رابط ولا محاسب كله ماشى حاله المهم إن النتيجة تعدى 50% علشان ما يبقاش فى حساب للمدرسة من الإدارة التعليمية ونخش فى تحقيقات وخلافه
كل ده كوم ولغز الدور الثانى كوم ثانى فأرجو أن تتخيلوا مع ما سيحدث :
1- تصحيح مواد الدور الثانى من كام ( هل من 50 ؟ هل من 100؟ هل من الدرجة الفعلية للمادة؟؟؟؟)
2- امتحان الدور الثانى المفروض أنه على كل المقرر بالترمين ، فأين سأضع النتيجة فى ورقة الشيت ؟؟؟؟؟
3- وبما أن امتحان الدور الثانى المفروض أنه على كل المقرر بالترمين فلماذا أضع أنا اسماء التلاميذ بالشيت وأمام كل منهم العشرتاشر خانة لكل مادة لأننى فعلا لن استفيد منهم أبداً بالدور الثانى ؟؟؟؟؟؟
4- القانون المبجل ومن وضعوه يقولون أن الطالب الذى تغيب فى الفصل الدراسى الثانى بعذر مقبول يتم امتحانه فى مواد الفصل الدراسى الثانى فقط ،،، !!! طبعا دى حدوته مصرية !!!! يبقى فى امتحانين ودرجتين وتصنيفين وبطيختين
وفى النهاية للآن والمفروض أننى أعد لامتحان الدور الثانى لا أعرف هل يوجد شيت آخر كما قالوا بالمديرية المبجلة أم أعمل فى الشيتات الموردة للمخازن وهى بتاعة كله
الوقت يمر وأنا أقوم بتصميم الشيت كنترول على الاكسيل والتعليمات محلك سر و(( انت مستعجل ليه ده لسه بدرى ))(( محدش عارف حاجة ))