زمن الهجان وزمن مرجان

[أ/رضا عطيه]

زمن الهجان
1- الكل بيقدم الغالى والرخيص من أجل الوطن
2-الكل بيساعد الجيش بكل مايملك ليقويه
3-الكل بيطوع فى الجيش بحماس ويعتبره شرف عظيم
4- الكل بيطبخ الطبيخ له ولأولاده وللجيران
5-الكل بيحافظ على مشاعر الغير وخاصة الفقراء
6- الكل بيقول أنا مصرى وكلنا فداها
7-الكل بيعمل ويخلص ويتباهى إنه موظف
8- الكل بيطلع فى مظاهره ويقول هنحارب وندمر الاعداء
9- الكل بيقول أنا عربى والعربى جوه العين
10-الكل بيصلى لربنا ويدعى ويقول يارب انصرنا على الأعداء
11- الكل بيقدس المساجد ويقدر كل كلمه يقولها الإمام
12-الكل بيحب البلد واللى يقول غير كدا يبقى عميل ومنبوذ

زمن مرجان
1- البعض بيقدم الغالى والرخيص من أجل الهجره للخارج
2-الكل منتظر الجيش يوفرله العيش ويرصف له الطرق
3-البعض بيتفنن كيفية الهروب من التجنيد ويعتبره قرف كبير
4- البعض بيطبخ الطبيخ له وينسى حتى أولاده
5-الكل بيتباهى بنعمة ربنا ولايهمه مشاعر الغير
6-البعض اتجنس بجنسية الأعداء وبيطالب مصر بفتح الأبواب
7-البعض يستأذن ساعتين بدرى من عمله كل يوم علشان يمشى فى مظاهره من أجل زيادة المرتبات
8- البعض بيخرج فى مظاهره ويدمر ممتلكات مصر والمصريين
9- البعض بيتبرأ من عروبته علنا
10-البعض بيصلى وبيقول يارب انصرنى على الحزب الوطنى وحزب الوفد والتجمع وكل الأحزاب والبرادعى كمان
11-البعض بيذهب إلى المسجد وعندما يخرج من المسجد لاينجو الإمام من انتقاداته وتعليقاته السامه
12- الأغلبيه بتذم فى البلد واللى يقول غير كدا يبقى عميل للنظام ومنبوذ

الفرق فى الأفعال صار كبير وفرق الزمن ماهـــو كتير
شقلباظ أمريكى أوربى سحبنا للهـاويه والأمـــر خطير
وعلشان نرجع إيد واحده من تانى ونخرج كلنا م البير
لازم نعلى الحق ونطلب النجده من الله الواحــد القــدير