وثائق "ويكيليكس" أظهرت حكمة مبارك

[مستر أحمد حمدى]

المشاركة الأصلية كتبت بواسطة أباالحسن

وهل من الحكمة أن أصدر الغاز بأقل من سعر تكلفته ، وفى عز أحتياج الشعب له، ولمن ؟

طبعا منتهى الحكمة انه يذل شعبة ويفقره ويغنى اعدائه هى دى منتهى الحكمة
اللحمة بقت ب 70 جنيه والسكر بقى ب 10 جنيه وكل شئ رخيص والحمد لله
بنفطر زبادى وعسل ونتعشى كرواسو وباتيه والغدا فيليه واسكالوبانيه

المشاركة الأصلية كتبت بواسطة medo khalid

دي سياسة دولية احنا مش نعرف تفاصيلها كويس
وياريت اي حد يفكر انو يسئ للريس يحط نفسة مكانة ولا هيعرف يفكر اصلا
من الافضل ان كل واحد يصلح نفسو وبعد كدا يفكر في غيرو
مع كل احترام وتقدير لراي العضو (ابا الحسن) ونا مش اقصدك انت انما اقصد كل من يهاجم سياسة مبارك الحكيمة دون وعي او تفكير منطقي سليم

لما انت مبتفهمش فى السياسة ليه بتحكم وبتقيم اداء الرئيس وتصفه بالحكمه أم انت ناقل للخبر فقط ؟؟؟؟

المشاركة الأصلية كتبت بواسطة ayid

الاولولبة للشعب سيدى الفاضل ثم يلى ذلك ماتدعيه سيادتك سياسة دولية وهل تصدير الغاز لاسرائيل سياسة دولية
وهل السياسة الدولية منعت دولة مثل تركيا ان تاخذ حق ابنائها الذين قتلتهم اسرائيل فى اسطزل الحرية
يااخى الى اختشوا ماتوا

والله اللى اختشوا ماتوا فعلا معاك حق الله يرحمك يا جمال عبد الناصر فى عملية تدمير بيت شيفع وبات يم اللى اتعملت فيلم الطريق الى ايلات الواقع كان ان المجموعات تم القبض عليهم من السلطات الاردنيه وتم حبسهم فى معتقل الجبل ولما علم بذلك جمال عبد الناصر وتصادف انعقاد مؤتمر فى القاهرة حضرة الملك حسين عاهل الاردنى فقام جمال عبد الناصر باخبارة بالامر وبأنه فى ضيافته حتى يتم الافراج عن افراد العمليات بمعنى انه محتجز مقابل احتجاز المصريين الابطال بس بشكل دبلوماسى

المشاركة الأصلية كتبت بواسطة medo khalid

شكرا للاخ اياد علي التعليق المحترم والمهذب جدا

والله الراجل مغلطش فى حقك ولا اللى على راسه بطحه

المشاركة الأصلية كتبت بواسطة soaad-532

أكيد لا يوجد بطالة فى عيلة حضرتك واذا مرضت تجد المستشفيات المجان والعلاج غالى الثمن بين يديك وأكيد حضرتك زهقان من أكل اللحمة واكيد مفيش عند حضرتك شاب حاول يكون نفسه ومش عارف يعمل ايه هاجر هجرة غير شرعية وغرق هو ومئات الشباب فى البحر وأكيد...............

والله يا استاذه معاكى حق انتى اكيد قلتى كده من غيظك ذى ما كلام الاستاذ حرق دمنا ذى ما يكون مش من البلد دى

المشاركة الأصلية كتبت بواسطة medo khalid

مبارك يعني الحكمة ** صبر وعزم وقوة
رغم انف الجاهلين المخدوعين

والله الجاهل هو من يعتقد ان الجميع جهال وانه هو الوحيد العالم العلامه الترعه الغرقانه القله العطشانه ونسى او تناسى الام الناس وفقرهم ومرضهم وراح يكيل الثناء والمدح على نظام تقيح وتعفن ونفرت منه حتى الخنازير حسبنا الله ونعم الوكيل ونسى او تناسى ان الله تعالى قد قال فى كتابه العزيز " ولا تركنوا الى الذ1ين ظلموا فتمسكم النار " فالله يحذر من مجرد الركون والرضا بظلم الظالمين ولكن الاخ فاق ذ1لك فلم يركن فقط بل وشجع ودعا اليهم واخذ يمدح بهم ونسى ان الرسول الكريم صلى الله عليه وسلم قال اذا رايتم المداحين فاحثوا فى وجوههم التراب "

المشاركة الأصلية كتبت بواسطة medo khalid

احب اقولك اني الحمد لله مفيش بطالة عندنا كلهم في ارقي وظايف
اما المستشفيات الحكومية فيها احسن رعاية واللي يقول غير كدا يبقا منافق ولو انتي دخلتيها كنتي عرفتي
انما من الواضح ان حضرتك عمرك مادخلتي مستشفي حكومة بس بتروحي المستشفيات الخاصة بالدولار
وكلو من فلوس الدروس الخصوصية اللي من اهل الطلبة يا استاذة يا فاضلة
هيا عقول الشباب باظت من شوية ؟؟؟؟؟؟ ربنا يهديكو

هى قالتلك انك ابن ناس وعمرك ما شفت المر اللى احنا شايفينه وطبعا دا واضح من كلامك ان عيلتك كلها لواءات ما شاء الله والدليل اقرارك بان المستشفيات الحكومية فيها احسن رعاية
فزعلان ليه ؟؟؟؟

وليه تتهجم عليها وتصفها بانها انسانه طماعه وبتسرق الناس
حتى لو هى بتدى دروس خصوصى هى ضربت حد على ايديه ؟؟؟
مهو لو نظام التعليم ناجح ماكنتش تعرف تدى دروس خصوصى
ولا انت بتنقى اللى على كيفك وتتناسى اللى على كيفك ؟؟؟

يا راجل حرام عليك انا امى دخلت المستشفى العام وكانت حتموت لولا اننا اخرجناها وودناها مستشفى اخرى بعد ما استلفنا من اللى يسوى واللى ميسواش

بس يا ترى سيادتك دخلت مستشفى حكومى ولا لا لأن اكيد حتلاقى فيها المجارى ضاربة ذى مستشفياتنا ولا مستشفياتكم العامة احسن من عندنا ؟؟؟؟؟

المشاركة الأصلية كتبت بواسطة el jeneral

مبارك من اعظم الشخصيات في العالم واكثرهم حكمة وحنكة ودا بشهادة كبراء السياسيين الدوليين
معقول بعض الناس اللي بتسئ الية هنا هتفهم احسن من السياسيين دول بالبركة كدا
مع احترامي لجميع الاراء

ربنا يحشرك معاه

المشاركة الأصلية كتبت بواسطة el jeneral

الي الاخت كاتبة الرد
كلامك دا في امور شخصية مش من حقك الكلام فيها نهائيا
ومش معني ان الموضوع مش علي هواكي انك تجرحي في الاعضاء
ياريت يكون في طريقة افضل للنقاش بدل الاستهزاء بالناس كدا

يعنى رديت على الاخت ونسيت ترد على الاخ انت غير منصف بل ظالم لأنها وصفته انه ابن ناس معندهوش مشاكل وهو اعترف بده ايه المشكله لكن هو اللى وصفها باعطاء دروس خصوصية وانها لا تصلح كمدرسه وغيره من الاوصاف التى لا تليق

المشاركة الأصلية كتبت بواسطة medo khalid

ناس مش عندها اي فكر في التعامل مع الاخرين
والاسم انها مدرسة وخلاص
هيا الطلبة باظت الا من بعض المدرسين اللي مش ينفعوا فراشين اصلا

والله انت اللى ما تنفع تكون شئ اصلا لان حتى فى تشبيهك ظالم الفراش اشرف من كدابين الزفه مثلك واللى حيسمع كلامك حيقول نفس الكلام

انا نفسى تجهر برأيك دا امام الناس فى الشارع بس وسط الفقراء وليس امام اصحابك شله النادى بتوع الروشنه الطحن والدلع والهجس

احنا رجعنا لورا من امثالك ولي امثال الاستاذه التى قالت الحق

فعمر بن الخطاب ذات مره قال له شخص اتق الله فقال احدهم ويحك اتقول الامير المؤمنين اتق الله فقال عمر بن الخطاب ليس فيهم خير ان لم يقولوها وليس فينا خير ان لم نقبلها

والرسول الكريم قال اخشوشنوا فان النعم لا تدوم

فلا تكن مزمار وبوق للظالمين فيمسك ما سيمسهم

أقسم بالله العلى العظيم لو حصلت انتخابات حرة نزيهه فلن ينجح الرئيس ب 10 % على اكبر تقدير والدليل مجلس الارجوزات الاخير المسمى بمجلس الشعب

نجح حوالى 13 معارض 1 اخوان" مجدى عاشور " " اللى كانوا 88 الدورة الماضيه "

الوفد

طارق سباق

مسعد حامد مصطفى المليجى

سفير السيد محمد نور

عاطف الاشمونى

التجمع

محمد عبدالعزيز شعبان

رأفت عبدالعال سيف

عبدالحميد كمال

عبدالرشيد محمد عبدالشافى

الاخوان المسلمين

مجدى عاشور

الغدرجب هلال بدوى حميدة


السلام الجمهورىطارق سلامة، عمال


حزب العدالة الاجتماعيةمحمد عبدالعال حسن أبو سنه