وثائق "ويكيليكس" أظهرت حكمة مبارك

[سيف الحق2]

بعد اذنك يا غالى هاعقب على حاجتين

عن رجل باع دينه بدنياه ان له هذه الثروة التى هو فيها اليس من دم الشعب هذا ؟

على فكرة الدين دى حاجة ولا انا ولا انت لينا نتدخل فيها لان دى حاجة بينه وبين ربنا

أين هو من الأزهر صاحب العقيدة الفاسدة وتعينه لأناس هداهم الله فى اعلى المناصب فى ذلك الصرح العظيم

اولا ملكش حق تسب عقيدة الاسلام هتقولى مشتمتش الاسلام انا باتكلم على الازهر هارد على حضرتك واقولك بما ان حضرتك قولت الازهر صاحب العقيدة الفاسدة وبما ان الازهر ماهو الا ممثل لعقيدة الاسلام اذن حضرتك بتقول على عقيدة الاسلام فاسدة ... لذلك عذرا يا شنودة انى شتمتك علشان بتسب عقيدة الاسلام لان المسلمين انفسهم بيسبوها ...


ثالثا انا شايف ان معظم المشاركين فى الموضوع بيبصوا لكوب المية الفارغ ... وبينسوا حاجات كتير

هتقولى حكم مبارك فاسد .. هاقولك ممكن بس متقارنش عبد الناصر والسادت والناس اللى جابتنا الارض دى بمبارك ومتقوليش حرب 73 لان سيرتها بتضايقنى

وفى الاخر هاقول لحضرتك يا استاذ حمدى .. حضرتك مدرس مادة فى احدى المدراس الحكومية هل عرفت تحكم فصل فيه مالا يقل عن 30 طالب ؟؟ لو قولت اه هاضطر استاذن واتابع بصمت ... فما بالك بواحد بيحكم 79 مليون ؟؟

وهاقولكم حاجة علشان محدش يقول ده مع مبارك ولا بتاع ... اذا كانت الحكومة فاسدة .. جاوبنى وقولى عملت ايه علشان ترفع الفساد ده ؟؟ والاخ اللى بيتكلم عن الاخوات المحتجزات فى السجون الكنائسية ... حضرتك عملت ايه علشان تنصر اختك ؟؟ للاسف يا جماعة العيب فينا حتى لو الحكومة فاسدة فاحنا اللى المفروض نصلحها بس هيهات هيهات لما توعدون .

مع اعتراضى الشديد على الاسلوب الهمجى المتبع من بعض الناس فى الموضوع وعدم تقدير المدرسين الافاضل الا ان ميدو قال كلمة جميلة جدا "زمان كانت اللحمة ب4 قرش ومكانش حد لاقيها
انما دلوقتي ب 70 جنية وسيادتك بتاكلها علي طول " وبالنسبة للناس المعترضة على الكلام ده ياريت يسالوا حد من اجدادهم قولهم كنتوا بتاكلوا لحمة كام مرة فى السنة ...

فى حاجة اعتقد انها سلاح ذو حدين عارفين عدد سكان مصر كام ؟؟ 79 مليوووووووووووون
عارفين عدد سكان البحرين كام ؟؟ 800 الف
عارفين عدد سكان قطر كام ؟ مليون ونص
ومعظم البلاد العربية الباقية تتراوح من مليون لخمسة

تفتكروا الحل ايه بقى ؟؟ الصين بالرغم من انها اكبر دولة متقدمة ومنتجاتها تكاد تغزو العالم حتى العرايس الصينى مش حرمونا منها .. بس عدد سكانها موديها وراااااااااااااااااا !!

فى الاخر هاقول لاى حد قبل ما تقول كلمة على مبارك سواء كانت حق او باطل حط نفسك مكانه وقول لو كنت رئيس هتعمل ايه ... قول هاعمل واحد اتنين تلاته بس مش يبقى كلام والسلام لان الكلام عبال ما يوصل لارض الواقع بيتغير .. اسف لو كنت زعلت حد بكلامى بس البلد دى بتاعتنا كلنا واصلاحها مسئوليتنا كلنا مش مسئولية حد بعينه حتى لو كان الحد ده الرئيس ... وشكرا