لعموم الفائدة:اكتب تجربة مريت بيها؟

[usernamo]

انا بقى حصلى موقف غرائب و عجائب ..

مرة فى 2 ثانوى ماشى مع مستر الالمانى بتاعى بعد الدرس و معانا اصحابى و كده و الحياة حلوة فبقول للمستر حاجة رخمة .. رخمت عليه يعنى .. فقالى يا امجد انا هوريك .. فبهزر معاه (( بم انه صغير شوية فى السن و كمان كنا فى وقت مش جد )) قمت قايله متقدرش .. قالى مبلاش يا امجد قلتله بصوت عالى .. مش امجد اللى يخاف يا مستر و طبعاً اترفعت لفوق و حسيت انى سوبر مان بقى و كده .. قام المستر (( و انا رافع دماغى )) زقنى زقه صغيرة بس قام اصحابى كلهم ضحكين عليه و انت متعرش تعمل حاجة و مش عارف ايه قالهم بصو تحت .. انا وقعت فى بلاعه !!! المستر وقعنى فى بلاعه طبعاً كانت بلاعة محل نص رجلى وقعت فى البلاعه .. انا كنت هولع و اتارفت و كده .. كله ده عادى ...

اللى مش عادى بقى ... الشارع رئيسى و الناس كلها ميتة من الضحك بما فيهم صحابى و المستر !! و انا كمان !!

برده ممكن ده يكون عادى .. و بما ان رجلى نزلت فيها بسهولة هتطلع بسهولة !؟ انا بحاول اطلع رجلى منفعش و اتزنقت زى ما يكون البلاعة ضاقت عليا ...و البنات نازلين عليا ضحك و الشارع كله واقف و انا بقول يالهوىيييى انا اتزنقت ! فقلت اشد رجلى جامد ..عينك ما تشوف إلا النور .. لقتنى طرت بعيد كده من البلاعه طبعاً من قوة الدفع .. فقايم بقى بضحك و اقلهم انا طلعت و كده .. ابص تحت على رجلى الاقى البنطلون من عند الركبة لحد القدم مقطوع .. و مش لاقى الشوز زى ما يكون تحت تماسيح و اللى زاد و غطا اصحابى خدو منى الفردة التانية من الشوز بتاعى و جريوا (( دول اجدع اصحاب اعرفهم )) و زى ما يكون محدش كان بيضحك بقالهم سنتين فى المنطقة .. اللى نزل من بيتهم يضحك عليا و يجرى و اللى يشاور عليا و يقول العبيط اهو ... و طبعاً طلعت عند واحد صاحبى اخدت منه بنطلون تانى و اصحابى رجعولى الشوز بتاعى .. و رجعت البيت .. شبه ميت !

و اوع تهزر مع حد انت مش قده تانى ^^ بالذات القصيرين