هل ستتركى المنتدى بعد زواجك.!!

[عاشق البلانكو الابيض]

المشاركة الأصلية كتبت بواسطة نقاء الروح

بالنسبة لأول سطر فده مش هسمح بيه
ممكن لو حابب يطمن انا بدخل على ايه يشوف
مش مشكلة بالنسبة ليا
لكن انه يمنعني من دخوله نهائي فده مستحيل
وال مش ممكن يحصل ..
النت اصبح جزء لا يتجزأ من حياتنا
بنستخدمه فكل حاجة دلوقتي
ومش معقولة هكون عايشة طول عمري استخدم نت
وفجأة اتحرم من دخوله بدون مبرر ..
الا اذا هو عندو مبرر وقوي اقتنع بيه .. ساعتها من واجبي
اني انفذ ال هو عاوزه ..

بالنسبة لموضوع المنتديات ممكن يبقى في كلام فيه
كل واحد يقول وجهة نظره ونشوف هنوصل لفين فالاخر
وانا شايفة انه مافيش مشكلة فدخول المنتديات
طالما محترمة ومافيهاش حاجة تشوبها
وطالما الوحدة مش مقصرة فحق بيتها وجوزها
ليها انها تقضي وقت فراغها على النحو ال تحبه ...

اما اخر سطر مش اعتقد انها توصل للمرحلة دي
وشايفة انه فيه مبالغة شوية..
يعني دلوقتي مين الشاب ال يقول انا مارضاش مراتي تدخل النت ؟
اما هما بئا بيتجوزوا من عليه
هتيجي على المشاركة والدخول ليه ..

فالاخر انا مش هقبل ان شريك حياتي يحجم من حريتي
بدون داعي او وجه حق ..
ومش معنى كدا اني متفرعنة عليه
لاء بس طالما بأدي واجباتي يبقى من حقي اخد حقوقي
ومش عندي ادني مشكلة خالص انه يعرف اسمي فالمنتديات
او يشوف مشاركاتي او حتى يعرف الباسوورد
لأني مش بعمل حاجة غلط ..

ومرسي عالموضوع ..

شكرا لراى حضرتك المحترم
بس فى ازواج بيرفضوا دخول زوجاتهم نهائيا على الانترنت
وده بيكون نوع من العناد
او ان يثبت انه هو الراجل وزوجته لازم تسمع كلامه
فلو هو رفض نهائيا
وبدون نقاش
هتسمعى كلامه
ولا
وشكررررا