اما آن لصوت العقل ان يتكلم !!

[نقاء الروح]

المشاركة الأصلية كتبت بواسطة aliweeka1

أنا ضد أي حكم عسكري في مصر , فيكفينا ما حدث لنا من جراء هذا النظام منذ جمال عبد الناصر ومروراً بالسادات وما نراه ونعيشه منذ 30 عاماً وحتي الأن !!
مصر في حاجة لرجل سياسي من الدرجة الأولي وليس عسكري .
لماذا رجل عسكري ولدينا وزير للدفاع ؟!!
ما الذي يمكن أن يضيفه ؟!!
كما أن عمر سليمان والي كان معه الملف الفلسطيني الاسرائيلي , ماذا فعل فيه ؟!!
هل أوقف أو قلل من عمليات المجازر التي تنتهكها اسرائيل ضد الشعب الفلسطيني أو منعه من امتداد بناء المستوطنات ؟!! ما هو التقدم الذي أحرزه في هذا المجال ؟!!
هذا لا يعني أنني أقلل من كونه شخص يحظي بالاحترام , ولكن هذا لا يكفي !!
الفريق أحمد شفيق شخص مهذب ومحترم جداً , ولكنه عسكري خبراته كلها في المجال العسكري وليس في المجال المدني ( حتي عمله في وزارة الطيران المدني ونجاحه فيها منصب علي خبراته العسكرية ) وسبق وأن قلت بأنه في أول تأكيد في أكثر من قناة فضائية علي عدم التعرض لمن هم في ميدان التحرير بأي سوء وبدلاً من أن يكتسب بعض الثقة له ولحكومته , رأينا جميعاً عكس ما يقوله في صباح اليوم التالي , وان كان لا يعلم بما حدث , فهو غير جدير برئاسة الوزارة , أما ان كان يعلم فالمصيبة أعظم .

انا هرد على نقطة ميدان التحرير مع المشاركة ديه .. لأنهم مرتبطين فبعض ..

انا اتفق مع حضرتك فإن حادث التحرير فيه حاجات كتير جدا
اولا : موقف الجيش الغير مفهوم ..
ثانيا وده الاهم و محيرني و ناقشت كتير فيه ولم اصل لحاجة للان
سبب المواجهات ديه اصلا ..
فيه ناس قالت من الوطني ومبارك وبعتو البلطجية عشان يأيدوه ويضربوا المحتجين
وناس تقول لاء دا فيه حاجة خفية وغير معروفة
وفيه وجهات نظر تانية لكن دول ابرز حاجة
وانا اقف محتارة بين الاتنين فكلامها لهما ادلة يدل عليه

انا شوفت حضرتك اتبنيت الاولى .. عشان عارفين الوطني وعمايله الكتيرة
لكن فيه حاجة نطت فبالي ليه الوطني عمل كدا او الريس
وهو كسب تعاطف ومش تأييد وده هيخليه يقعد لحد انتهاء ولايته عالاقل
فليه يخرب الموضوع كدا .. وبكدا هيقلب الموضوع عليه تاني ..

يمكن الحاجات ال ذكرتها غلط او غير مرتبطة .. بس مخي ربطها كدا

اما بالنسبة للفريق شفيق انا حاسة انه هيعمل حاجة كويسة
بعدين موقفه بيدعمه الاحتمال التاني ال انا طرحته فوق
على الرغم انه لسة مدان عشان الجيش ماتحركش فالوضع المتأزم

اما الداخلية .. مش عارفة ايه ظروفها لكن انا لحد الان لم ارَ اي شرطي
غير المرور فقط !
فهما مش موجودين اصلا عشان نعيب عليها فالتحرير ..