اما آن لصوت العقل ان يتكلم !!

[نقاء الروح]

اسمح لي ان أعلق على كم نقطة دول بداية
لأن النقطتين الباقيتين لهم وضع خاص ومواقف مؤثرة جدا ..

بالنسبة للنقطة الاولى :
انا اتفق مع حضرتك تماما فيها
فأكتر حاجة ازمت الوضع هي تأخر رد الفعل على ماحدث ف 25 يناير ..

فالنقطة التانية والتالتة :
تحليل حضرتك بالنسبة للشرطة يشابه جدا تحليل والدي
لكن حقيقة لا ادري هو فعلا كدا ولا غير
لكن هو الاقرب للصواب للان ..
وخطاب الرئيس بردو نفس رأي والدي فإنه بدل مايقلل الاحتقان زوده ..

والوزارة انا باتفق مع حضرتك تماما
اول ما تم اعلنها اصبت بخيبة أمل كبيرة
لكن فيه بصيص أمل في شخص الفريق احمد شفيق ..

بس لي تساؤل :
ماهو اعتراضك على كل من / اللواء سليمان .. ورئيس الوزراء شفيق
فعلى حد علمي كلاهما شخصيتان متميزة محترمة والكثير يشكر فيهما ..
ولا حضرتك تقصد انه عسكري فهينتهج نهج مبارك ؟؟

والنقطة الرابعة :
انا مع حضرتك .. فالاحزاب اكثر المستفيدين من هذه الحركة
ويارب الشباب يسكت ومش يعمل حاجة تانية
عشان نخيب مصالحهم واهدافهم ..
والبرادعي ده شخصية اصبحت لا احترمها بالمرة
فأين هو الان ؟؟ ماحدش شاف وشو من يومين ؟؟
وعمال ينادي بس مبارك يرحل ويرحل !!

اشكر حضرتك جدا على هذا التحليل الرائع
وبانتظار التكملة ان شاء الله ..