الحب والصداقه

[احمد رضا]

ازيك يا هيام
في البدايه عايز اقولك ان ده فعلا سؤال محير
و بصفه عامه الاسئله في تحليل الدنيا قد تسبب الجنون

بس الواحد بيحاول يوصل لاجابات يوهم بيها نفسه

بالنسبه لسؤالك انك بتقولي انهو اغلي
الخب ولا الصداقه

والله علي حسب الطرفين

صديق مخلص .. و صديق مخلص ... يبقي هيكون الصداقه غاليه
حب حقيقي خالي من الشوائب و ختامه طيب .. يبقي غالي برده

فعلي حسب قوة العلاقه

سؤالك التاني

وممكن حد يكون بيحب حد ويبقي سهل يبعد عنه؟

هوا ممكن تحت ضغط او ظروف معينه و في الاخر بيكون خير ليكي ربنا مش هيجيب حاجة وحشه يعني

طيب ليه الناس بتعمل كده في بعض؟

يؤسفني اني اقولك ان ده بقه طبع غالب فينا
بس تفائلي خير
كل حاجة هتتظبط و الله بس انتي متخليش الاحساس ده يفقدك الثقه في كل الناس

هو طبع في الناس انهم يجرحو غيرهم ولا ايه؟

صدقيني لاء
زي ما فيه الوحش
هتلاقي الكويس
بس بنسبه اقل شوية
بس متفقديش الامل برده

طيب ازاي حد يعرف ان اللي قدامه بيحبه ولا لاء وهو مش بيعمل حاجه تدل علي كده؟

بصي انا مش هعيشلك دور الراجل الكبير اللي يدي النصايح
بس بجد اللي بيحبك بجد هيجي و يطلبك في اول فرصه تسمحله .. ده الصح بصراحه
و ده اغلي حب
و خليكي مع ربنا برده و هوا هيرشدك لطريقك الصحيح

عايزك تعرفي ان مهما حصل .. و مهما كانت الاحداث .. هتعرفي في الاخر ان ده هوا الخير

الرسول- صلي الله عليه و سلم - قال " عجبا ً لأمر المسلم فكل امره خير "
يعني مهما حصل هو ده الخير ليكي
والله بتحصل معايا كتير اوي
و بحمد ربنا في الاخر

و قربي من ربنا و هو مش هيرضي انك تقعي في ضيق ابدا

اتمني الإفاده