يوميات فى التربية والتعليم شارك ولو ب ميــــــــــــــــــرسي

eslamic · #11 16-07-2011, 02:25 AM

اما بقي عن موقف حصلي
بصي ياستي احنا مدرستنا بتبدأ الطابور الساعة تمانية إلا ربع والحصة الأولي الساعة 8
اليوم دا ماكنش عندي الحصة الأولي فرايح براحتي محضرتش الطابور وصلت المدرسة الساعة 8 وخمسة

لاقيت واحد واقف ع البوابة وبيقولي إيه اللي أخرك يا أستاذ قلتله انت مالك(في سري طبعا

)
ولاقيته قالي اسمك إيه وكتبه في ورقة (البيه طلع متابعة من الإدارة

) وكاتب قدامي الساعة 8 وربع
قلتله بس الساعة 8 وخمسه قالي دي علي ساعتك انت يا استاذ اللي مظبطها علشان تيجي براحتك
قلتله حضرتك بص في ساعتك انت بلاش ساعتي انا راح مطلع موبايله لقي الساعة 8 و4 دقايق (كان منظره وحش بصراحة)واتلخم وقالي ادخل يا استاذ يلا
المهم دخلت تتخيلو لقيت مين جوه لقيت مدير الإدارة بنفسه

طبعا كلكو فاكرين إن دا اللي حصل
انا بقي اول ما شفته فرحت ( سامعك ياللي بتقول اهبل دا ولا إيه

)

اقولك يا ابو لسان طويل مدير الإدارة يبقي زميل ابويا

اول ما شافني اخدني بالحضن وازيك وعامل إيه
طبعا مافتش عليا في ساعتها القي نظرة علي الأخ بتاع الساعة 8 و ربع لاقيته واقف في نص هدومه
كنت عاوز اطلعله لساني

(بس قلت يلا المسامح كريم) ويومها مدير الإدارة سيطني وقال في الحوش والمدرسين كلها واقفين إسلام يجي وقت ما هو عاوز (غلبان ميعرفش إني بعمل كدا من غير ما يقول

)
وكنت السبب بعد ربنا طبعا إن كل المتأخرين في اليوم دا ما يتشطبش عليهم