نتيجه مظاهرات اليوم

[سبيل العالم]

المشاركة الأصلية كتبت بواسطة x_hunter2008

ولا يهمك احنا مجرد بنتناقش المناقشة جميلة على الاقل احسن من الفراغ بتاع الاجازة اللى احنا عايشين فيه ده بس انا عاوز اوضح كام نقطة كده :
- اولا انتى بتقولى انه مش حرام ان كل واحد يحقق حلم اهله عشان يفتخروا بيه طب ليه ميفتخروش بيه وهو فى تجارة وبيطلع الاول كل سنة ليه ميفخروش بيه وهو فى حقوق ويتفوق فيها وينافس اساتذته كمان
ليه ميفتخروش بيه وهو فى علوم واتخرج منها بامتياز واتعين معيد ومسك طرف الخيط انه يبقى عالم كبير
للاسف ده تفكير اباءنا اللى زرعه فيهم النظام القديم وجه دورنا نتبنى تفكير جديد ايجابى وموضوعى مش مسالة منظرة وعواطف وبس احنا لازم نفكر بعقولنا قبل قلوبنا (اقوللك انا جايب 99.6 وناوى ادخل علوم وبكافح معاهم فى البيت عشان اغير تفكيرهم القديم بفكر جديد وربنا يوفقنا كلنا باذن الله)

اولا ربنا يبارك فيك وفعلا كلامك رائع وانا مع حضرتك في كل كلامك خصوصا انى زى حضرتك نفسي ادخل كلية ادبية وهاموت عليها بس بصراحة اهلى صعبوا عليا لانى بالنسبة ليهم املهم الوحيد انى ادخللهم صيدلة
وانا مع حضرتك ان اللى فى كلية وحتى لو اقل كليه بس بيطلع بتقدير ويتعين معيد افضل من اللى بيدخل كلية قمة وماشي فيها بالعافية
بس انا هاسال حضرتك
هل حضرتك واثق انك هتاخد حقك وتتعين معيد في علوم لو اجتهدت فيها
للاسف الى الان مازالت كوسة وبس اولاد الدكاترة هم اللى بيتعينوا فيها
ممكن حضرتك تتعين اكيد بس في احدى الحالات الثلاثة
اولا ان يكون ليك واسطة
ثانيا ان ميكونش معاك حد في الدفعة من اولاد الدكاترة وانك تبقى مجتهد جدا
ثالثا وده محتاج وقت ان التغيير يحصل في الجامعات ويبطلوا الكوسة اللى هم فيها

بس بجد علوم كليه رائعة ويكفى ان الدكتور زويل اتخرج منها وفعلا هى كليه صعبة وربنا يعينك