اقتباس:
المشاركة الأصلية كتبت بواسطة x_hunter2008
الله يخليكى ده بس من ذوقك انا هوضحلك كام نقطة كده ههههههه :
- انا دلوقتى مقدرش احكم ان الكوسة لسه موجودة فى الجامعات عشان الثورة لسه معداش عليها غير مجرد شهور بس يعنى حتى معاصرتش سنة دراسية كاملة فلازم نؤمن بيها عشان مجرد تفكيرنا فى فشلها يعتبر فشل فى حد ذاته وده اللى تتمناه ناس ودول كتير فلازم نفضل مؤمنين بيها.
- لو اى كوسة حصلت تانى اعتقد ان خلاص حاجز الخوف اتكسر من زمان دلوقتى كله بيتكلم وساعتها باذن الله مش هسكت على حقى
- اما بقى لو بعدنا عن الكليات دى خالص هتفضل الواسطة شغالة فيها عشان مفيش غير اللى فاهم هو اللى بيطاب بحقه بشكل سليم .
- جه دورى اسالك انا سؤال بقى انت ليه عاوزة دار علوم ؟ وخصوصا فى كليات شبهها كتير اعتقد زى اداب او السن لغة عربية ؟!
|
لانى نفسي ادرس الفلسفة الاسلامية واعمل رسالتى في الاديان باذن الله انا عارفة ان اداب فيها قسم الفلسفة الاسلامية بس لو درست فلسفة مش هادرس اللغة العربية وانا عايزة اجمع بين اللغة العربية والفلسفة الاسلامية وكمان الدراسات الاسلامية ودار علوم الوحيدة اللى فيها كده
يعنى زى علوم كده بس دار علوم ادبي
علوم فيها حيوان ونبات وكيمياء وفيزياء الخ
لكن دار علوم فيها نحو وصرف وادب ونصوص وفلسفة اديان وحديث وفقه وعقيده وتوحيد
يارب اكون وصلت كلامى
23-07-2011, 04:40 AM
العرض الشجري
