شوفوا الى حصل فى اسكندرية

[سبيل العالم]

والله هو بالنسبة ليا الناس اللى للاسف كانوا بيحلموا بحاجة ومقدروش يحصلوها فربنا معاهم يمكن انا بافكر بعاطفيه شوية خصوصا في حتة الاهداف والاحلام لان بالنسبة ليا ان لو الانسان خسر حلمه بيبقى الانسان خسر نفسه عشان كده باتمنى ان التنسيق ينزل يمكن فعلا تفكيري مش عقلانى شوية بس انا للاسف باتمنى ان الكل ياخد كل اللى بيتمناه يمكن انا لو مسكت البلد هاغرقها فعلا
بس انا عايزة اقول حاجة لاى حد مدخلش الكلية اللى بيحلم بيها
ممكن يكون بالنسبة ليك دى نهاية الكون بس لازم تعرف انها مش بالكليات ياما ناس دخلوا الطب والصيدلة والهندسة والكليات العالية في الادبى لكن مازالوا تحت الصفر مش من ناحية المال لا من ناحية الاهداف
لو اهدافك ماتحققتش هنا دور ودور يمكن تتحقق في حته تانية انا مثلا عرفت هدفى وباذن الله هاحققه بالرغم من انى قعدت فترة طويلة عارفة انا عايزة ايه بس مش عارفة الطريق
بس
حدد هدفك ولو الطريق ده منفعش دور على غيره وتوكل على الله سبحانه وتعالى لغاية لما تحقق ذاتك واوعى تسمع لكلام الناس
امشي في طريقك لوحدك واول ما هتحقق هدفك هتلاقى كل اللى كان واقف ضدك بقى معاك
متسمحش لحد مهما كان انه يهدملك حلمك ولو وقعت المرة دى قوم تانى وتالت ورابع
ودايما افتكر محاولة النهوض من السقوط افضل من ان تُداس بالاقدام وانت راقد على الارض
وافتكر هيلين كيلر لما قالت الحياة مغامرة جريئة او لا شىء
اوعى تخلى حياتك لا شىء وحاول بس هى اول خطوة وهتلاقى كل حاجة باذن الله ميسرة من الله سبحانه