جـــــــــــــدتى والانتخابات !!!

[عاشق البلانكو الابيض]

خلينا نتكلم بجد احنا شعب جاهل
كلنا شفنا المرحلة الاولى واللى حصل فيها
بغض النظر عن النتيجة لانى مش معترض عليها
بس فعلا اغلبية الشعب المصرى جاهل
وده مش ذنبه لانه ما لقاش حد يعلمه
لما تشوف واحد رايح هو مش عارف هيدى لصوته لمين
ولو كان مقرر لمين مش عارف هيقرا اسمه ازاى
ولا الرمز بتاعه ايه
ده غير انه رايح علشان خايف من الغرامة
طيب هقولكم شئ يخصنى انا ومش عيب انى احكيه
لان لازم نعترف بالحقيقة ونحاول نصلحها
جدتى امية بس بتحب الشيخ محمد حسان جدااااااا
وقررت تدى السلفيين علشان هو منهم
لكن بتقعد تتفرج على التليفزيون باليل
وبتسمع اشياء غريبة واقل كلمة تاثر فيها
يعنى على قناة نجيب ساويرس هى ما تعرفش
ان دى قناته اصلا بس سمعت واحد بيوقل دول مش هيخلوا
الستات تشتغل تانى ويقعدوهم فى البيت فزعلت علشان بنتها
وقالت دول وحشين بعد ما كانت بتحبهم
يعنى انا حكيت الموقف ده علشان اوضح الامية بتاثر فى صاحبها ازاى
واحنا اغلبيتنا كده للاسف
اتمنى تكون الامية من اهم الاشياء اللى لازم نقضى عليها
يا ريت اسمع رايكم فى الموضوع ده ؟